ആളില്ലാതെ ഭക്ഷ്യസുരക്ഷ വിഭാഗം; പരിശോധനകൾ വഴിമുട്ടുന്നു

കോ​ഴി​ക്കോ​ട്: ഭ​ക്ഷ്യ​സു​ര​ക്ഷ ഭീ​ഷ​ണി നേ​രി​ടു​മ്പോ​ൾ മ​തി​യാ​യ പ​രി​ശോ​ധ​ന​ക​ൾ​ക്കും ന​ട​പ​ടി സ്വീ​ക​രി​ക്കാ​നും സം​വി​ധാ​നം നാ​മ​മാ​ത്രം. ഒ​രു നി​യോ​ജ​ക മ​ണ്ഡ​ല​ത്തി​ൽ ഒ​രു ഭ​ക്ഷ്യ​സു​ര​ക്ഷ ഓ​ഫി​സ​ർ എ​ന്ന അ​നു​പാ​ത​ത്തി​ലാ​ണ് നി​ല​വി​ൽ ഉ​ദ്യോ​ഗ​സ്ഥ​രു​ള്ള​ത്.

ന​ഗ​ര​ത്തി​ലും നാ​ട്ടി​ൻ​പു​റ​ങ്ങ​ളി​ലും ഭ​ക്ഷ​ണ​ശാ​ല​ക​ൾ നി​റ​യു​​മ്പോ​ൾ പ​രി​ശോ​ധ​ന അ​തി​ന​നു​സ​രി​ച്ച് ന​ട​ത്താ​ൻ ആ​ളി​ല്ലാ​ത്ത സ്ഥി​തി​യാ​ണ്. പ്ര​ത്യേ​കി​ച്ച് കോ​ഴി​ക്കോ​ട് പോ​ലു​ള്ള ന​ഗ​ര​ങ്ങ​ളി​ലും സ​മീ​പ​ഗ്രാ​മ​ങ്ങ​ളി​ലും നൂ​റു​ക​ണ​ക്കി​ന് ഭ​ക്ഷ​ണ​ശാ​ല​ക​ളാ​ണ് പു​തു​താ​യി ആ​രം​ഭി​ക്കു​ന്ന​ത്.

ക​ർ​ശ​ന പ​രി​ശോ​ധ​ന​ക​ൾ വേ​ണ്ട മേ​ഖ​ല​യാ​ണ് ഹോ​ട്ട​ലു​ക​ൾ. പ​ക്ഷേ, ഒ​രു നി​യോ​ജ​ക മ​ണ്ഡ​ല​ത്തി​ൽ ഒ​രു ഓ​ഫി​സ​ർ​ക്ക് എ​ത്ര ക​ട​ക​ൾ പ​രി​ശോ​ധി​ക്കാ​നാ​വു​മെ​ന്ന​താ​ണ് പ്ര​ശ്നം. സ​ർ​ക്കാ​ർ ക​ണ​ക്ക് പ്ര​കാ​രം സം​സ്ഥാ​ന​ത്താ​കെ 13 ഭ​ക്ഷ്യ​സു​ര​ക്ഷ ഓ​ഫി​സ​ർ​മാ​രു​ടെ ഒ​ഴി​വേ​യു​ള്ളൂ. സം​സ്ഥാ​ന​ത്ത് ആ​കെ 160 ഫു​ഡ് സേ​ഫ്റ്റി ഓ​ഫി​സ​ർ​മാ​രാ​ണു​ള്ള​ത്.

ഫു​ഡ് സേ​ഫ്റ്റി ഓ​ഫി​സ​ർ, ജൂ​നി​യ​ർ ലാ​ബ് അ​സി​സ്റ്റ​ന്റു​ൾ​പ്പെ​ടെ ഒ​ഴി​വു​ക​ൾ നി​ക​ത്താ​തെ കി​ട​ക്കു​ക​യാ​ണ്. ഭ​ക്ഷ്യ​സു​ര​ക്ഷ ലാ​ബു​ക​ളു​ടെ അ​പ​ര്യാ​പ്ത​ത​യും പ്ര​തി​സ​ന്ധി​യാ​ണ്. ഭ​ക്ഷ്യ​വ​സ്തു​ക്ക​ളി​ലേ​റെ​യും അ​ന്ത​ർ​സം​സ്ഥാ​ന​ങ്ങ​ളി​ൽ​നി​ന്നാ​ണ് വ​രു​ന്ന​ത്. ഇ​വ​യു​ടെ ഗു​ണ​മേ​ന്മ പ​രി​ശോ​ധ​ന​ക്ക് അ​തി​ർ​ത്തി ചെ​ക്പോ​സ്റ്റു​ക​ളി​ൽ​ത​ന്നെ സം​വി​ധാ​നം വേ​ണ​മെ​ന്ന ആ​വ​ശ്യം ശ​ക്ത​മാ​ണ്.

ഏ​റ്റ​വു​മ​ധി​കം സു​ര​ക്ഷ വേ​ണ്ട മേ​ഖ​ല​യാ​ണ് ഭ​ക്ഷ്യ​മേ​ഖ​ല. ഭ​ക്ഷ​ണ​വ​സ്തു​ക്ക​ൾ വി​ൽ​ക്കു​ന്ന എ​ല്ലാ സ്ഥാ​പ​ന​ങ്ങ​ളും ഭ​ക്ഷ്യ​സു​ര​ക്ഷ വ​കു​പ്പി​ന്റെ അ​നു​മ​തി വാ​ങ്ങ​ണം. ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്ക് കീ​ഴി​ലു​ള്ള ആ​​രോ​ഗ്യ​വ​കു​പ്പി​ന് ഭ​ക്ഷ​ണ​ശാ​ല​ക​ളു​ടെ വൃ​ത്തി​യും വെ​ടി​പ്പും മ​റ്റു കാ​ര്യ​ങ്ങ​ളും പ​രി​ശോ​ധി​ക്കാ​നേ അ​ധി​കാ​ര​മു​ള്ളൂ. ഭ​ക്ഷ്യ​സാ​മ്പി​ളു​ക​ൾ ശേ​ഖ​രി​ച്ച് ലാ​ബു​ക​ളി​ൽ ശാ​സ്ത്രീ​യ പ​രി​ശോ​ധ​ന​ക്ക​യ​​ക്കേ​ണ്ട ചു​മ​ത​ല ഫു​ഡ് സേ​ഫ്റ്റി ഓ​ഫി​സ​ർ​ക്കാ​ണ്.

ആ​വ​ശ്യ​ത്തി​ന് ആ​ളി​ല്ലാ​ത്ത​തി​നാ​ൽ ഭ​ക്ഷ്യ​സു​ര​ക്ഷ ന​ട​പ​ടി​ക​ൾ കാ​ര്യ​ക്ഷ​മ​മാ​യി ന​ട​പ്പാ​ക്കാ​നാ​വു​ന്നി​ല്ല. ഭ​ക്ഷ്യ​വി​ഷ​ബാ​ധ പോ​ലു​ള്ള സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്യു​മ്പോ​ൾ സ്​​പെ​ഷ​ൽ പ​രി​ശോ​ധ​ന​ക​ൾ ന​ട​ത്തു​ക​യാ​ണ്. പ​തി​വ് പ​രി​ശോ​ധ​ന​ക​ൾ ക​ർ​ശ​ന​മാ​യി ന​ട​ക്കാ​ത്ത​തി​നാ​ൽ പ​രാ​തി​ക​ൾ കൂ​ടി​വ​രു​ക​യാ​ണ്. 

ജി​ല്ല​യി​ൽ ഒ​രാ​ഴ്ച​ക്കി​ടെ 19 ഭ​ക്ഷ​ണ​ശാ​ല​ക​ൾ അ​ട​പ്പി​ച്ചു

ജി​ല്ല​യി​ൽ ഒ​രാ​ഴ്ച​ക്കി​ടെ പ​രി​ശോ​ധ​ന ന​ട​ന്ന​ത് 547 ഭ​ക്ഷ​ണ​ശാ​ല​ക​ളി​ൽ. ഇ​തി​ൽ ഹോ​ട്ട​ലു​ക​ൾ, ബേ​ക്ക​റി​ക​ൾ, ഫാ​സ്റ്റ് ഫു​ഡ് കേ​ന്ദ്ര​ങ്ങ​ൾ എ​ന്നി​വ ഉ​ൾ​പ്പെ​ടും. ജ​നു​വ​രി മൂ​ന്നു​മു​ത​ൽ സ്​​പെ​ഷ​ൽ സ്ക്വാ​ഡ് ന​ട​ത്തി​യ പ​രി​ശോ​ധ​ന​യി​ൽ 19 ക​ട​ക​ൾ അ​ട​പ്പി​ച്ച​താ​യി കോ​ഴി​ക്കോ​ട് ഭ​ക്ഷ്യ​സു​ര​ക്ഷ വി​ഭാ​ഗം അ​റി​യി​ച്ചു.

ഗു​രു​ത​ര വീ​ഴ്ച​ക​ൾ ക​ണ്ടെ​ത്തി​യ​തും ലൈ​സ​ൻ​സി​ല്ലാ​തെ പ്ര​വ​ർ​ത്തി​ച്ച​തു​മാ​യ​വ​യാ​ണ് അ​ട​പ്പി​ച്ച​ത്. 40 ക​ട​ക​ൾ​ക്ക് പി​ഴ​യി​ട്ടു. 36ഓ​ളം ക​ട​ക​ൾ​ക്ക് നോ​ട്ടീ​സ് ന​ൽ​കി​യ​താ​യും അ​ധി​കൃ​ത​ർ പ​റ​ഞ്ഞു. ഈ ​മാ​സം 13 വ​രെ​യാ​ണ് സ്പെ​ഷ​ൽ സ്ക്വാ​ഡി​ന്റെ പ​രി​ശോ​ധ​ന.