കൊ​ണ്ടോ​ട്ടി​യി​ലെ പൊ​തു ശു​ചി​മു​റി ന​വീ​ക​രി​ക്കാ​ന്‍ ന​ട​പ​ടി വൈ​കു​ന്നു

കൊ​ണ്ടോ​ട്ടി: ന​ഗ​ര സൗ​ന്ദ​ര്യ​വ​ത്ക​ര​ണ പ​ദ്ധ​തി​യു​ടെ ഭാ​ഗ​മാ​യി ബ​സ് സ്റ്റാ​ൻ​ഡ് ന​വീ​ക​ര​ണ​ത്തി​നൊ​പ്പം ന​ഗ​ര​സ​ഭ പ്ര​ഖ്യാ​പി​ച്ച പൊ​തു ശു​ചി​മു​റി ന​വീ​ക​ര​ണം എ​ങ്ങു​മെ​ത്തി​യി​ല്ല. വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലു​ള്ള ശു​ചി​മു​റി യാ​ത്ര​ക്കാ​ര്‍ക്ക് ഉ​പ​യോ​ഗി​ക്കാ​ന്‍ ക​ഴി​യാ​ത്ത വി​ധ​ത്തി​ലാ​ണ് പ്ര​വ​ര്‍ത്തി​ക്കു​ന്ന​ത്. ഭി​ന്ന​ശേ​ഷി​ക്കാ​ര്‍ക്കും സ്ത്രീ​ക​ള്‍ക്കും കു​ട്ടി​ക​ള്‍ക്കു​മാ​ണ് ഏ​റെ പ്ര​യാ​സം സൃ​ഷ്ടി​ക്കു​ന്ന​ത്.

സം​സ്ഥാ​ന സ​ര്‍ക്കാ​റി​ന്റെ ടേ​ക്ക് എ ​ബ്രേ​ക്ക് പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 65 ല​ക്ഷം രൂ​പ ചെ​ല​വ​ഴി​ച്ച് ന​വീ​ക​രി​ക്കു​ന്ന ബ​സ് സ്റ്റാ​ൻ​ഡ് സ​മു​ച്ച​യ​ത്തി​ല്‍ സ്ത്രീ​ക​ള്‍ക്കും പു​രു​ഷ​ന്മാ​ര്‍ക്കും ഭി​ന്ന​ശേ​ഷി​ക്കാ​ര്‍ക്കും പ്ര​ത്യേ​ക ശൗ​ചാ​ല​യ​ങ്ങ​ള്‍ ന​ഗ​ര​സ​ഭ പ്ര​ഖ്യാ​പി​ച്ചി​രു​ന്നു. എ​ന്നാ​ല്‍ നി​ല​വി​ലു​ള്ള പ​ഴ​യ ശു​ചി​മു​റി ത​ന്നെ​യാ​ണ് പൊ​തു​ജ​ന​ങ്ങ​ള്‍ക്ക് ആ​ശ്ര​യം. യാ​ത്ര​ക്കാ​ര്‍ക്ക് ക​ണ്ടെ​ത്താ​നാ​കാ​ത്ത​വി​ധം നി​ര​വ​ധി വ്യാ​പാ​ര സ്ഥാ​പ​ന​ങ്ങ​ള്‍ക്കി​ട​യി​ല്‍ ന​ഗ​ര​ത്തി​ലെ പ്ര​ധാ​ന പൊ​തു ജ​ല​സ്രോ​ത​സ്സാ​യ വ​ലി​യ​തോ​ടി​നോ​ട് ചേ​ര്‍ന്നാ​ണ് ശു​ചി​മു​റി​യു​ള്ള​ത്. ഇ​തി​ന് സ​മീ​പം മാ​ലി​ന്യം ത​ള്ള​ലും വ്യാ​പ​ക​മാ​ണ്. ഇ​ത് ആ​രോ​ഗ്യ ഭീ​ഷ​ണി​യും സൃ​ഷ്ടി​ക്കു​ന്നു. ഇ​വി​ടെ നി​ന്നു​ള്ള മ​ലി​ന​ജ​ലം വ​ലി​യ തോ​ട്ടി​ലേ​ക്കാ​ണ് ഒ​ഴു​ക്കു​ന്ന​ത്. ഇ​ക്കാ​ര്യ​ത്തി​ല്‍ തോ​ടി​ന് എ​തി​ര്‍വ​ശ​ത്ത് താമസിക്കുന്നവർ നി​ര​ന്ത​രം പ​രാ​തി​ക​ളു​ന്ന​യി​ക്കു​ന്നു​ണ്ടെ​ങ്കി​ലും പ​രി​ഹാ​രം ഉ​ണ്ടാ​യി​ട്ടി​ല്ല. സ​മീ​പ​ത്തെ കി​ണ​റു​ക​ള്‍ മ​ലി​ന​മാ​കാ​നും ന​ഗ​ര​സ​ഭ​യു​ടെ അ​നാ​സ്ഥ കാ​ര​ണ​മാ​കു​ന്നു​ണ്ട്.

പൊ​തു ശു​ചി​മു​റി ആ​ധു​നി​ക രീ​തി​യി​ല്‍ ന​വീ​ക​രി​ക്കു​മെ​ന്ന ന​ഗ​ര​സ​ഭാ​ധി​കൃ​ത​രു​ടെ പ്ര​ഖ്യാ​പ​ന​ത്തി​ന് ഏ​റെ കാ​ല​ത്തെ പ​ഴ​ക്ക​മു​ണ്ട്. അ​തി​ന് ഒ​രു ശ്ര​മ​ങ്ങ​ളു​മി​ല്ലാ​തി​രി​ക്കെ​യാ​ണ് ബ​സ് സ്റ്റാ​ൻ​ഡ് കെ​ട്ടി​ട സ​മു​ച്ച​യ​ത്തോ​ട് ചേ​ര്‍ന്ന് പ്ര​ത്യേ​ക ശു​ചി​മു​റി​ക​ള്‍ ശാ​സ്ത്രീ​യ​മാ​യി നി​ർ​മി​ക്കു​മെ​ന്ന പ്ര​ഖ്യാ​പ​ന​മു​ണ്ടാ​യ​ത്. ഇ​തി​ലും ന​ട​പ​ടി വൈ​കു​മ്പോ​ള്‍ സ​മീ​പ​ത്തെ ഭ​ക്ഷ​ണ​ശാ​ല​ക​ളി​ലെ ശൗ​ചാ​ല​യ​ങ്ങ​ളാ​ണ് വി​വി​ധ ഇ​ട​ങ്ങ​ളി​ല്‍ നി​ന്നെ​ത്തു​ന്ന യാ​ത്ര​ക്കാ​ര്‍ ഉ​പ​യോ​ഗ​പ്പെ​ടു​ത്തു​ന്ന​ത്.