ഭാഷാധ്യാപകരുടെ ഡി.ഡി.ഇ ഓഫിസ്​ മാർച്ചിൽ സംഘർഷം; 31 പേർ അറസ്റ്റിൽ

മ​ല​പ്പു​റം: സം​സ്ഥാ​ന സ്കൂ​ൾ ക​ലോ​ത്സ​വ മാ​ന്വ​ലി​ലെ മാ​റ്റ​ങ്ങ​ൾ​ക്കെ​തി​രെ ഭാ​ഷാ​ധ്യാ​പ​ക​ർ ന​ട​ത്തി​യ ഡി.​ഡി.​ഇ ഓ​ഫി​സ്​ മാ​ർ​ച്ചി​ൽ സം​ഘ​ർ​ഷം. അ​റ​ബി​ക്, സം​സ്കൃ​ത ക​ലോ​ത്സ​വം നി​ല​നി​ർ​ത്തു​ക, മാ​ന്വ​ൽ വി​രു​ദ്ധ​മാ​യി ക​ലോ​ത്സ​വ​ങ്ങ​ൾ ന​ട​ത്താ​നു​ള്ള തീ​രു​മാ​നം പി​ൻ​വ​ലി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ച്​ ഭാ​ഷാ​ധ്യാ​പ​ക സ​മ​ര​സ​മി​തി​യു​ടെ നേ​തൃ​ത്വ​ത്തി​ൽ ന​ട​ത്തി​യ മാ​ർ​ച്ചി​നി​ടെ​യാ​യി​രു​ന്നു സം​ഭ​വം. 31 അ​ധ്യാ​പ​ക​രെ അ​റ​സ്റ്റ്​ ചെ​യ്യു​ക​യും ക​ണ്ടാ​ല​റി​യാ​വു​ന്ന 50ഓ​ളം അ​ധ്യാ​പ​ക​ർ​ക്കെ​തി​രെ മ​ല​പ്പു​റം പൊ​ലീ​സ്​ കേ​സെ​ടു​ക്കു​ക​യും ചെ​യ്തു. അ​റ​സ്റ്റി​ലാ​യ അ​ധ്യാ​പ​ക​രെ പി​ന്നീ​ട്​ ജാ​മ്യ​ത്തി​ൽ വി​ട്ട​താ​യി പൊ​ലീ​സ്​ അ​റി​യി​ച്ചു.

കേ​ര​ള അ​റ​ബി​ക്​ ടീ​ച്ചേ​ഴ്​​സ്​ ഫെ​ഡ​റേ​ഷ​ൻ സം​സ്ഥാ​ന പ്ര​സി​ഡ​ന്‍റ്​ ടി.​പി. അ​ബ്ദു​ൽ ഹ​ഖ്, വൈ​സ്​ പ്ര​സി​ഡ​ന്‍റ്​ എ​സ്.​എ. റ​സാ​ഖ്, ​ജി​ല്ല ജ​ന​റ​ൽ സെ​ക്ര​ട്ട​റി ടി.​സി. അ​ബ്ദു​ൽ ല​ത്തീ​ഫ്, ട്ര​ഷ​റ​ർ എം.​പി. ഫ​സ​ൽ, സം​സ്കൃ​ത അ​ധ്യാ​പ​ക ഫെ​ഡ​റേ​ഷ​ന്‍ ഭാ​ര​വാ​ഹി​ക​ളാ​യ റി​യാ​സ്, ഹ​രീ​ഷ്, ശ്രീ​ശ​ന്‍, പ്ര​വീ​ണ്‍, സ്റ്റാ​ന്‍ലി ഗോ​മ​സ് തു​ട​ങ്ങി​യ​വ​രാ​ണ്​ അ​റ​സ്റ്റി​ലാ​യ​ത്. ഡി.​ഡി.​ഇ ഓ​ഫി​സി​ന്​ മു​ൻ​വ​ശ​ത്ത്​ റോ​ഡി​ൽ പ്ര​തി​ഷേ​ധി​ക്കു​ന്ന​തി​നി​ടെ ​പൊ​ലീ​സ്​ നീ​ക്കം​ചെ​യ്യാ​ൻ ശ്ര​മി​ച്ച​താ​ണ്​ സം​ഘ​ർ​ഷ​ത്തി​നി​ട​യാ​ക്കി​യ​തെ​ന്ന്​ അ​ധ്യാ​പ​ക​ർ പ​റ​ഞ്ഞു. മ​റ്റൊ​രു അ​ധ്യാ​പ​ക​നെ​യും പൊ​ലീ​സ്​ കൊ​ണ്ടു​പോ​കാ​ൻ ശ്ര​മി​ച്ചെ​ങ്കി​ലും അ​ധ്യാ​പ​ക​ർ പ്ര​തി​ഷേ​ധ​വു​മാ​യി എ​ത്തി​യ​തോ​ടെ സാ​ധി​ച്ചി​ല്ല. തു​ട​ർ​ന്ന്​ കൂ​ടു​ത​ൽ പൊ​ലീ​സെ​ത്തി​യാ​ണ്​ അ​ധ്യാ​പ​ക​രെ അ​റ​സ്റ്റ്​ ചെ​യ്ത്​ നീ​ക്കി​യ​ത്. അ​തേ​സ​മ​യം, ഗ​താ​ഗ​ത​ക്കു​രു​ക്കു​ണ്ടാ​യ സാ​ഹ​ച​ര്യ​ത്തി​ൽ സ​മ​ര​ക്കാ​രോ​ട്​ മാ​റാ​ൻ ആ​വ​ശ്യ​പ്പെ​ട്ടെ​ങ്കി​ലും ത​യാ​റാ​യി​ല്ലെ​ന്നും തു​ട​ർ​ന്ന്​ ഇ​വ​രെ നീ​ക്കം​ചെ​യ്യു​ന്ന​തി​നാ​വ​ശ്യ​മാ​യ സ്വാ​ഭാ​വി​ക ന​ട​പ​ടി​ക​ളാ​ണ്​ സ്വീ​ക​രി​ച്ച​തെ​ന്നും മ​ല​പ്പു​റം ഇ​ൻ​സ്​​പെ​ക്ട​ർ ജോ​ബി തോ​മ​സ്​ പ​റ​ഞ്ഞു.

കലോത്സവത്തിലെ പുതിയ നിർദേശങ്ങൾ: തീരുമാനത്തിൽ നിന്ന്​ പിൻമാറി വിദ്യാഭ്യാസ വകുപ്പ്

മ​ല​പ്പു​റം: സ്കൂ​ള്‍ ക​ലോ​ത്സ​വ യൂ​സ​ർ ഗൈ​ഡി​ലെ പു​തി​യ നി​ർ​ദേ​ശ​ങ്ങ​ളി​ൽ നി​ന്ന്​ പി​ൻ​വ​ലി​ഞ്ഞ്​ വി​ദ്യാ​ഭ്യാ​സ വ​കു​പ്പ്. അ​റ​ബി​ക്, സം​സ്കൃ​ത ക​ലോ​ത്സ​വ​ങ്ങ​ളെ ഇ​ല്ലാ​താ​ക്കാ​ൻ സ​ർ​ക്കാ​ർ ശ്ര​മം ന​ട​ത്തു​ന്ന​താ​യി ആ​രോ​പ​ണം ഉ​യ​ർ​ന്നി​രു​ന്നു. തീ​രു​മാ​ന​ത്തി​നെ​തി​രെ ബു​ധ​നാ​ഴ്ച ഡി.​ഡി.​ഇ ഓ​ഫി​സു​ക​ളി​ലേ​ക്ക്​ ഭാ​ഷാ​ധ്യാ​പ​ക​രു​ടെ നേ​തൃ​ത്വ​ത്തി​ൽ പ്ര​തി​ഷേ​ധ മാ​ർ​ച്ചും ന​ട​ന്നു. ഇ​തി​നി​ടെ​യാ​ണ്​ തീ​രു​മാ​ന​ത്തി​ൽ നി​ന്ന്​ അ​ധി​കൃ​ത​ർ പി​ന്നാ​ക്കം പോ​യി​രി​ക്കു​ന്ന​ത്.

ക​ലോ​ത്സ​വ​ത്തോ​ട​നു​ബ​ന്ധി​ച്ച് ന​ട​ത്തു​ന്ന അ​റ​ബി​ക്, സം​സ്കൃ​ത ക​ലോ​ത്സ​വം എ​ന്നി​വ​ക്ക്​ സ്കൂ​ള്‍ത​ല​ത്തി​ല്‍ ആ ​വി​ഷ​യ​ങ്ങ​ള്‍ പ​ഠി​ക്കു​ന്ന വി​ദ്യാ​ര്‍ഥി​ക​ള്‍ക്ക് വ്യ​ക്തി​ഗ​ത മൂ​ന്നി​ന​ങ്ങ​ളി​ലും ഗ്രൂ​പ്പ് ത​ല​ത്തി​ലെ ര​ണ്ട് ഇ​ന​ങ്ങ​ളി​ലും നി​ല​വി​ൽ പ​ങ്കെ​ടു​ക്കാ​മാ​യി​രു​ന്നു. അ​റ​ബി​ക് ക​ലോ​ത്സ​വം, സം​സ്കൃ​തോ​ത്സ​വം എ​ന്നി​വ​ക്ക് പ്ര​ത്യേ​ക പോ​യ​ന്‍റ്​ ന​ൽ​കി ഓ​വ​റോ​ള്‍ കൊ​ടു​ക്കു​ന്ന രീ​തി​യാ​ണ് നി​ല​വി​ലു​ള്ള​ത്. ഇ​വ പ്ര​ത്യേ​ക​മാ​യി ന​ട​ത്തു​ന്ന മ​ത്സ​ര​ങ്ങ​ളാ​യ​തി​നാ​ൽ പ​ങ്കെ​ടു​ക്കു​ന്ന​വ​ർ​ക്ക്​ ജ​ന​റ​ല്‍ വി​ഭാ​ഗ​ത്തി​ലെ മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​ൻ ത​ട​സ്സ​മു​ണ്ടാ​യി​രു​ന്നി​ല്ല.

ഈ ​വ​ർ​ഷം അ​റ​ബി​ക്, സം​സ്കൃ​തം ക​ലോ​ത്സ​വം പ്ര​ത്യേ​ക​മാ​യി പ​രി​ഗ​ണി​ക്കേ​ണ്ട​തി​ല്ലെ​ന്നാ​യി​രു​ന്നു വി​ദ്യാ​ഭ്യാ​സ വ​കു​പ്പ്​ നി​ർ​ദേ​ശം.

ഇ​തോ​ടെ അ​റ​ബി​ക്, സം​സ്കൃ​തം ക​ലോ​ത്സ​വ​ങ്ങ​ളി​ല്‍ മൂ​ന്നി​ന​ങ്ങ​ളി​ല്‍ പ​ങ്കെ​ടു​ത്ത വി​ദ്യാ​ര്‍ഥി​ക​ള്‍ക്കെ​ല്ലാം ജ​ന​റ​ല്‍ വി​ഭാ​ഗ​ങ്ങ​ളി​ല്‍ മ​ത്സ​രി​ക്കാ​ന്‍ ക​ഴി​യാ​തെ വ​രു​ന്ന അ​വ​സ്ഥ​യാ​യി. ഇ​തി​നെ​തി​രെ പ്ര​തി​ഷേ​ധം ഉ​യ​ർ​ന്ന​തോ​ടെ​യാ​ണ്​ വി​ദ്യാ​ഭ്യാ​സ വ​കു​പ്പ്​ തീ​രു​മാ​ന​ത്തി​ൽ നി​ന്ന്​ യു ​ടേ​ൺ അ​ടി​ച്ച​ത്. ബു​ധ​നാ​ഴ്ച ഉ​ച്ച മു​ത​ൽ നി​ല​വി​ലു​ള്ള രീ​തി​യി​ൽ ത​ന്നെ അ​പേ​ക്ഷ സ​മ​ർ​പ്പി​ക്കാ​ൻ സാ​ധി​ക്കു​ന്നു​ണ്ടെ​ന്ന്​ കെ.​എ.​ടി.​എ​ഫ്​ സം​സ്ഥാ​ന പ്ര​സി​ഡ​ന്‍റ്​ ടി.​പി. അ​ബ്ദു​ൽ ഹ​ഖ്​ പ​റ​ഞ്ഞു.