മ​ങ്ക​ട​ ക​രി​മ​ല​യി​ൽ പു​ലി സാ​ന്നി​ധ്യം; ഭ​യം വേണ്ട, ജാഗ്രത മതി

മ​ങ്ക​ട: ക​രി​മ​ല​യി​ൽ പു​ലി​യെ ക​ണ്ട സാ​ഹ​ച​ര്യ​ത്തി​ൽ വ​നം​വ​കു​പ്പ് സ്ഥ​ല​ത്ത് പ​രി​ശോ​ധ​ന ന​ട​ത്തി. തി​ങ്ക​ളാ​ഴ്ച പു​ല​ർ​ച്ചെ​യാ​ണ് ടാ​പ്പി​ങ് തൊ​ഴി​ലാ​ളി റ​ബ​ർ തോ​ട്ട​ത്തി​ൽ പു​ലി​യെ ക​ണ്ട​ത്.

പു​ലി​യു​ടേ​തെ​ന്ന് ക​രു​തു​ന്ന കാ​ല​ടി​ക​ൾ പ്ര​ദേ​ശ​ത്ത് ക​ണ്ടെ​ത്തി​യി​രു​ന്നു. ഇ​തേ തു​ട​ർ​ന്ന് വ​നം​വ​കു​പ്പി​ൽ അ​റി​യി​ച്ച​തി​നെ തു​ട​ർ​ന്നാ​ണ് തി​ങ്ക​ളാ​ഴ്ച രാ​വി​ലെ ക​രു​വാ​ര​ക്കു​ണ്ട് റേ​ഞ്ച് ഫോ​റ​സ്റ്റ് ഓ​ഫി​സ​ർ അ​രു​ൺ കു​മാ​റി​ന്റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യ​ത്. നാ​ട്ടു​കാ​ർ ഭ​യ​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്ന് വ​നം വ​കു​പ്പ് അ​റി​യി​ച്ചു. ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ലാ​യി ക​രി​മ​ല, കൂ​ട്ടി​ൽ, മു​ള്ള്യാ​കു​ർ​ശ്ശി, കൊ​ടി​കു​ത്തി​മ​ല എ​ന്നി​വി​ട​ങ്ങ​ളി​ലൂ​ടെ പു​ലി ക​ട​ന്നു​പോ​കു​ന്ന​ത് വ​നം​വ​കു​പ്പ് കൃ​ത്യ​മാ​യി നി​രീ​ക്ഷി​ച്ചു വ​രു​ന്നു​ണ്ട്. എ​ന്നാ​ൽ കാ​മ​റ​യി​ലോ മ​റ്റോ ഇ​തു​വ​രെ പു​ലി​യെ ക​ണ്ടെ​ത്താ​ൻ സാ​ധി​ച്ചി​ട്ടി​ല്ല.

ആ​രോ​ഗ്യ​വാ​നാ​യ പു​ലി ആ​ണെ​ന്നാ​ണ് വ​നം വ​കു​പ്പി​ന്റെ നി​ഗ​മ​നം. ആ​യ​തി​നാ​ൽ ആ​ളു​ക​ളെ ആ​ക്ര​മി​ക്കാ​ൻ സാ​ധ്യ​ത കു​റ​വാ​ണ്. അ​വ​ശ​യാ​കു​മ്പോ​ഴും പ​ല്ല് കൊ​ഴി​യു​മ്പോ​ഴും ആ​ണ് മൃ​ഗ​ങ്ങ​ളെ​യും മ​നു​ഷ്യ​രെ​യും ആ​ക്ര​മി​ക്കാ​ൻ സാ​ധ്യ​ത​യു​ള്ള​ത്. ഈ ​ഭാ​ഗ​ങ്ങ​ളി​ൽ പു​ലി ആ​ടി​നെ​യാ​ണ് സാ​ധാ​ര​ണ​യാ​യി പി​ടി​ക്കു​ന്ന​ത്. എ​ന്നാ​ൽ ടാ​പ്പി​ങ്ങി​ന് പോ​കു​ന്ന ആ​ളു​ക​ൾ പ​ട​ക്കം പൊ​ട്ടി​ച്ചോ മ​തി​യാ​യ ലൈ​റ്റു​ക​ൾ ഉ​പ​യോ​ഗി​ച്ചോ മു​ൻ​ക​രു​ത​ൽ സ്വീ​ക​രി​ക്ക​ണ​മെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു. ഇ​നി പു​ലി​യെ കാ​ണു​ന്ന മു​റ​ക്ക് വ​നം വ​കു​പ്പി​ന്റെ ഭാ​ഗ​ത്തു​നി​ന്ന് കൃ​ത്യ​മാ​യി ഇ​ട​പെ​ട​ൽ ഉ​ണ്ടാ​കു​മെ​ന്നും ഉ​ദ്യോ​ഗ​സ്ഥ​ർ അ​റി​യി​ച്ചു.