വോ​ട്ടോ​ർ​മ​ക​ളു​ടെ നി​റ​വി​ൽ ബൂ​ത്തി​ന​രി​കെ മാ​ത​ന്റെ ശി​ൽ​പം

നെ​ടു​ങ്ക​യം (ക​രു​ളാ​യി): നെ​ടു​ങ്ക​യം പു​ഴ​യി​ലേ​ക്ക് നോ​ക്കി​നി​ൽ​ക്കു​ന്ന മാ​ത​ന്റെ ശി​ൽ​പം വോ​ട്ടെ​ടു​പ്പ് ദി​ന​ത്തി​ൽ നോ​വോ​ർ​മ​യാ​കു​ന്നു. ഓ​രോ തെ​ര​ഞ്ഞെ​ടു​പ്പി​ലും നെ​ടു​ങ്ക​യ​ത്തെ പോ​ളി​ങ് ബൂ​ത്ത് മാ​ത​നും ഭാ​ര്യ ക​രി​ക്ക​യും വ​രു​​മ്പോ​ൾ ശ്ര​ദ്ധാ​കേ​ന്ദ്ര​മാ​കാ​റു​ണ്ടാ​യി​രു​ന്നു. രാ​ജ്യം ഒ​രു റി​പ്പ​ബ്ലി​ക് ദി​ന​ത്തി​ൽ ഡ​ൽ​ഹി​യി​ൽ ആ​ദ​രി​ച്ച ക​രി​മ്പു​ഴ മാ​ത​നും ഭാ​ര്യ ക​രി​ക്ക​യും മാ​ഞ്ചീ​രി​യി​ലെ ഗു​ഹ​യി​ൽ​നി​ന്ന് കാ​ട്ടി​ലൂ​ടെ കി​ലോ​മീ​റ്റ​റു​ക​ൾ താ​ണ്ടി ഇ​വി​ടെ വോ​ട്ട് ചെ​യ്യാ​നെ​ത്തു​ക പ​തി​വാ​യി​രു​ന്നു.

ഒ​രു തെ​ര​ഞ്ഞെ​ടു​പ്പി​ൽ പോ​ലും മാ​ത​നും ക​രി​ക്ക​യും വോ​ട്ട് മു​ട​ക്കി​യി​ല്ല. ഇ​ത്ത​വ​ണ ലോ​ക്സ​ഭ തെ​ര​ഞ്ഞെ​ടു​പ്പ് ദി​ന​ത്തി​ൽ മാ​ത​ന്റെ​യും ക​രി​ക്ക​യു​ടെ​യും കൂ​ടെ​യു​ണ്ടാ​കാ​റു​ള്ള നാ​യു​ടെ​യും പ്ര​തി​മ​ക​ളാ​ണ് ഈ ​ബൂ​ത്തി​ന് സ​മീ​പം. മാ​ത​ൻ ര​ണ്ട് വ​ർ​ഷം മു​മ്പ് കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​താ​ണ്. ഇ​തോ​ടെ ക​രി​ക്ക ത​ള​ർ​ന്നു​പോ​യി. മാ​ത​നി​ല്ലാ​ത്ത തെ​ര​ഞ്ഞെ​ടു​പ്പി​ൽ ഇ​ത്ത​വ​ണ ക​രി​ക്ക​യും വോ​ട്ട് ചെ​യ്യാ​നെ​ത്തി​യി​ല്ല. ഒ​രി​ക്ക​ൽ പോ​ലും മാ​ത​ന്റെ കൂ​ടെ​യ​ല്ലാ​തെ ക​രി​ക്ക​യെ നാ​ട്ടു​കാ​ർ ക​ണ്ടി​രു​ന്നി​ല്ല.

കൂ​ടെ നാ​യു​മു​ണ്ടാ​വും. അ​തു​കൊ​ണ്ടാ​ണ് ജീ​വി​ച്ചി​രി​ക്കു​ന്ന ക​രി​ക്ക​യു​ടെ ശി​ൽ​പ​വും മാ​ത​നൊ​പ്പം സ്ഥാ​പി​ച്ച​ത്. ചോ​ല​നാ​യ്ക്ക​രു​ടെ മൂ​പ്പ​നാ​യി​രു​ന്നു മാ​ത​ൻ. വ​ലി​യ ജ​നാ​ധി​പ​ത്യ​വി​ശ്വാ​സി. ക​രു​ളാ​യി വ​ന​മേ​ഖ​ല​യി​ൽ മേ​ൽ​വ​ന​ങ്ങ​ളി​ലെ അ​ള​ക​ളി​ലാ​ണ് ഇ​വ​ർ താ​മ​സി​ച്ച​ത്. 2002ലാ​ണ് ആ​ദി​മ ഗോ​ത്ര​വി​ഭാ​ഗ​ത്തി​ൽ​നി​ന്നു​ള്ള മാ​ത​നും ക​രി​ക്ക​യും ദ​ൽ​ഹി​യി​ൽ ന​ട​ന്ന റി​പ്പ​ബ്ലി​ക് ദി​നാ​ഘോ​ഷ ച​ട​ങ്ങി​ൽ പ​​ങ്കെ​ടു​ത്ത​ത്. ഓ​രോ തെ​ര​ഞ്ഞെ​ടു​പ്പു​കാ​ല​ത്തും മാ​ത​ൻ മാ​ധ്യ​മ​ങ്ങ​ളി​ൽ നി​റ​ഞ്ഞി​രു​ന്നു.