മലമല്‍കാവിലെ കല്ലുവെട്ട് തടഞ്ഞപ്പോള്
ആനക്കര: നാട്ടുകാരുടെ എതിര്‍പ്പ് മറികടന്ന് ചെങ്കല്‍ ഖനനം നടത്താനുള്ള നീക്കം വീണ്ടും തടഞ്ഞു. ആനക്കര ഗ്രാമപഞ്ചായത്തിലെ മലമല്‍കാവ് താലപ്പൊലിക്കുന്നില്‍ വ്യാഴാഴ്ച രാവിലെയാണ് യന്ത്രങ്ങളുമായി തൊഴിലാളികള്‍ കല്ലുവെട്ടാനെത്തിയത്. സംഘടിതരായെത്തിയ സ്ത്രീകള്‍ ഉൾപ്പെടെയുള്ള പ്രദേശവാസികള്‍ തടഞ്ഞതോടെ പ്രശ്നമായി.
തുടര്‍ന്ന് തൃത്താല പൊലീസും ആനക്കര വില്ലേജ് ഓഫിസറും എത്തി പ്രശ്നത്തില്‍ ഇടപെട്ടു. മൈനിങ് ആന്‍ഡ് ജിയോളജി വകുപ്പിന്‍റെ ഖനനത്തിനുള്ള അനുമതിപത്രം കാണിച്ചെങ്കിലും നാട്ടുകാരുടെ എതിര്‍പ്പിനെ മറികടക്കാനായില്ല. ചര്‍ച്ച ചെയ്ത് പ്രശ്നം പരിഹരിക്കുന്നതുവരെ ഖനനം നിര്‍ത്തിവെക്കാന്‍ ആനക്കര വില്ലേജ് അധികൃതർ സ്റ്റോപ് മെമ്മോ നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.