കു​തി​രാ​ൻ തു​ര​ങ്ക​ത്തി​ലൂ​ടെ ഇ​നി ഇ​രു​വ​ശ​ത്തേ​ക്കും യാ​ത്ര; നി​ല​വി​ലു​ള്ള പ​ഴ​യ റോ​ഡ് അ​ട​ച്ചു

തൃ​ശൂ​ർ: തൃ​ശൂ​ർ-​പാ​ല​ക്കാ​ട് ദേ​ശീ​യ​പാ​ത​യി​​ൽ കു​തി​രാ​നി​ലെ ഒ​ന്നാം തു​ര​ങ്ക​ത്തി​ലൂ​ടെ ഇ​രു​വ​ശ​ത്തേ​ക്കും ഗ​താ​ഗ​തം അ​നു​വ​ദി​ക്കാ​നു​ള്ള പ​രീ​ക്ഷ​ണം വി​ജ​യം. ര​ണ്ടാം തു​ര​ങ്ക​ത്തി​ലേ​ക്കു​ള്ള റോ​ഡ്​ നി​ർ​മാ​ണ​ത്തി​നാ​യി നി​ല​വി​ൽ പാ​ല​ക്കാ​ട് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ പോ​കു​ന്ന പാ​ത പൊ​ളി​ച്ചു​നീ​ക്കാ​നാ​ണ് ഗ​താ​ഗ​ത​ക്ര​മീ​ക​ര​ണം ഏ​ർ​പ്പെ​ടു​ത്തി​യ​ത്.

വ്യാ​ഴാ​ഴ്ച രാ​വി​ലെ എ​ട്ടോ​ടെ​യാ​ണ് ട്ര​യ​ൽ റ​ൺ തീ​രു​മാ​നി​ച്ചി​രു​ന്ന​തെ​ങ്കി​ലും പ​ത്തോ​ടെ​യാ​ണ് തു​ട​ങ്ങി​യ​ത്. വാ​ഹ​ന​ങ്ങ​ൾ കു​രു​ക്കി​ല്ലാ​തെ ക​ട​ന്നു​പോ​യി. നേ​ര​ത്തേ പാ​ല​ക്കാ​ട്ടു​നി​ന്ന് തൃ​ശൂ​രി​ലേ​ക്കു​ള്ള വാ​ഹ​ന​ങ്ങ​ൾ മാ​ത്ര​മാ​ണ് തു​ര​ങ്ക​ത്തി​ലൂ​ടെ ക​ട​ത്തി​വി​ട്ടി​രു​ന്ന​ത്. ഇ​നി, തൃ​ശൂ​രി​ൽ​നി​ന്ന് പാ​ല​ക്കാ​ട് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ളും തു​ര​ങ്ക​ത്തി​ലൂ​ടെ ക​ട​ന്നു​പോ​ക​ണം. ഇ​തോ​ടെ നി​ല​വി​ലു​ള്ള പ​ഴ​യ റോ​ഡ് അ​ട​ച്ചു.

വ​ഴു​ക്കും​പാ​റ മു​ത​ൽ റോ​ഡി​ന് ന​ടു​വി​ൽ തു​ര​ങ്ക​ത്തി​ന​ക​ത്തും പു​റ​ത്തു​മാ​യി 3.2 കി​ലോ​മീ​റ്റ​ർ ബാ​രി​ക്കേ​ഡു​ക​ൾ സ്ഥാ​പി​ച്ചി​ട്ടു​ണ്ട്. മു​ഴു​വ​ൻ സ​മ​യ​വും തു​ര​ങ്ക​ത്തി​ന​ക​ത്തും റോ​ഡു​ക​ളി​ലും പൊ​ലീ​സു​കാ​ർ ഡ്യൂ​ട്ടി​യി​ലു​ണ്ടാ​കും. എ.​സി.​പി കെ.​സി. സേ​തു, പീ​ച്ചി സി.​ഐ എ​സ്. ഷു​ക്കൂ​ർ, ക​രാ​ർ ക​മ്പ​നി പി.​ആ​ർ.​ഒ അ​ജി​ത് പ്ര​സാ​ദ് തു​ട​ങ്ങി​യ​വ​ർ ട്ര​യ​ൽ റ​ൺ ന​ട​പ​ടി​ക​ൾ​ക്ക് നേ​തൃ​ത്വം ന​ൽ​കി.

ര​ണ്ടാം തു​ര​ങ്കം ഏ​പ്രി​ലി​നു​ള്ളി​ൽ തു​റ​ക്കാ​ൻ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ വേ​ഗ​ത്തി​ലാ​ക്കി​യി​ട്ടു​ണ്ട്. 95 ശ​ത​മാ​നം ജോ​ലി​ക​ളും പൂ​ർ​ത്തി​യാ​യി.