നെന്മാറ- വല്ലങ്ങി വേല വെടിക്കെട്ട്; അനുമതിക്കായി ദേശക്കമ്മിറ്റികൾ ഹൈകോടതിയിൽ

നെ​ന്മാ​റ: വേ​ല​യു​ടെ വെ​ടി​ക്കെ​ട്ടി​നു​ള്ള അ​പേ​ക്ഷ ജി​ല്ല അ​ഡി​ഷ​ണ​ൽ മ​ജി​സ്ട്രേ​റ്റ് ക​ഴി​ഞ്ഞ ദി​വ​സം നി​ര​സി​ച്ച​തോ​ടെ ഹൈ​ക്കോ​ട​തി​യെ സ​മീ​പി​ക്കാ​ൻ സം​യു​ക്ത​മാ​യി തീ​രു​മാ​നി​ച്ച​താ​യി ന​ട​ത്തി​പ്പു​കാ​രാ​യ നെ​ന്മാ​റ- വ​ല്ല​ങ്ങി ദേ​ശ ക​മ്മി​റ്റി ഭാ​ര​വാ​ഹി​ക​ൾ പ​റ​ഞ്ഞു. വെ​ടി​ക്കെ​ട്ടി​നാ​യു​ള്ള സ്ഫോ​ട​ക വ​സ്തു​ക്ക​ള്‍ സൂ​ക്ഷി​ക്കു​ന്ന​തി​ന് വെ​ടി​ക്കെ​ട്ട് ന​ട​ത്തു​ന്ന സ്ഥ​ല​ത്തു​നി​ന്നും 100 മീ​റ്റ​ര്‍ മാ​റി നി​ബ​ന്ധ​ന​ക്ക​നു​സൃ​ത​മാ​യ സം​ഭ​ര​ണ​മു​റി/ മ​ഗ​സി​ന്‍ (എ​ല്‍.​ഇ3 ലൈ​സ​ന്‍സ്) ഉ​ണ്ടാ​യി​രി​ക്ക​ണ​മെ​ന്നാ​ണ് വെ​ടി​ക്കെ​ട്ടി​ന് അ​നു​മ​തി നി​ഷേ​ധി​ച്ച ഉ​ത്ത​ര​വി​ൽ പ​റ​യു​ന്ന​ത്.

ഇ​ത് പ്ര​ദ​ര്‍ശ​ന സ്ഥ​ല​ത്തി​ന്റെ സ്‌​കെ​ച്ചി​ല്‍ പ്ര​ത്യേ​കം അ​ട​യാ​ള​പ്പെ​ടു​ത്തി അ​പേ​ക്ഷ​യോ​ടൊ​പ്പം സ​മ​ര്‍പ്പി​ക്കേ​ണ്ട​തു​മാ​ണ്. എ​ന്നാ​ല്‍ ഇ​ത്ത​ര​ത്തി​ലു​ള്ള സം​ഭ​ര​ണ മു​റി​ക​ള്‍ ഇ​വി​ട​ങ്ങ​ളി​ല്‍ ഇ​ല്ല. ത​ന്മൂ​ലം സ്ഫോ​ട​ക വ​സ്തു​ക്ക​ള്‍ സു​ര​ക്ഷി​ത​മാ​യി സൂ​ക്ഷി​ക്കാ​ന്‍ ക​ഴി​യാ​തെ വ​രി​ക​യും അ​ശ്ര​ദ്ധ​വും അ​ശാ​സ്ത്രീ​യ​വു​മാ​യ സ്ഫോ​ട​ക വ​സ്തു​ക്ക​ളു​ടെ ഉ​പ​യോ​ഗം വ​ന്‍ അ​പ​ക​ട​ത്തി​ന് കാ​ര​ണ​മാ​വു​ക​യും ചെ​യ്യും.

ഉ​ത്സ​വാ​ഘോ​ഷ​ങ്ങ​ളു​ടെ ഭാ​ഗ​മാ​യി വ​ന്‍ ജ​ന​സ​ഞ്ച​യം ത​ടി​ച്ചു​കൂ​ടു​ന്ന ക്ഷേ​ത്ര പ​രി​സ​ര​ത്ത് ശാ​സ്ത്രീ​യ​മാ​യി ത​യ്യാ​റാ​ക്കി​യ റി​സ്‌​ക് അ​സ​സ്മെ​ന്റ് പ്ലാ​ന്‍, ഓ​ണ്‍സൈ​റ്റ് എ​മ​ര്‍ജ​ന്‍സി പ്ലാ​ന്‍ എ​ന്നി​വ പ്ര​കാ​ര​മു​ള്ള ആ​സൂ​ത്രി​ത​മാ​യ മു​ന്നൊ​രു​ക്ക​ങ്ങ​ള്‍ ആ​വ​ശ്യ​മാ​ണ്. അ​പേ​ക്ഷ​യോ​ടൊ​പ്പം വി​ദ​ഗ്ധ ഏ​ജ​ന്‍സി മു​ന്‍കൂ​ട്ടി ത​യ്യാ​റാ​ക്കി​യ റി​സ്‌​ക് അ​സ​സ്മെ​ന്റ് പ്ലാ​നും അ​പേ​ക്ഷ​ക​ര്‍ ഹാ​ജ​രാ​ക്കി​യി​ട്ടി​ല്ലെ​ന്നും ചൂ​ണ്ടി​ക്കാ​ട്ടു​ന്നു. സ്ഫോ​ട​ക​വ​സ്തു​ക്ക​ളു​ടെ സാ​മ്പി​ളു​ക​ള്‍ രാ​സ​പ​രി​ശോ​ധ​ന​ക്ക് വി​ധേ​യ​മാ​കാ​ത്ത സാ​ഹ​ച​ര്യ​ത്തി​ല്‍ ദു​ര​ന്ത സാ​ധ്യ​ത​യും സു​പ്രീം കോ​ട​തി ഉ​ത്ത​ര​വ് പ്ര​കാ​രം ശ​ബ്ദ​മ​ലി​നീ​ക​ര​ണ​വും വി​ല​യി​രു​ത്തു​ക സാ​ധ്യ​മ​ല്ല. പ്ര​ദ​ര്‍ശ​ന​ത്തി​നു​പ​യോ​ഗി​ക്കു​ന്ന സ്ഫോ​ട​ക​വ​സ്തു​ക്ക​ള്‍ എ​റ​ണാ​കു​ളം കെ​മി​ക്ക​ല്‍ ല​ബോ​റ​ട്ട​റി​യി​ല്‍ പ​രി​ശോ​ധി​ച്ച് നി​രോ​ധി​ത രാ​സ​വ​സ്തു​ക്ക​ളു​ടെ സാ​ന്നി​ധ്യ​മി​ല്ലെ​ന്ന് ഉ​റ​പ്പു​വ​രു​ത്തേ​ണ്ട​താ​ണ്.

ഇ​പ്ര​കാ​രം ന​ട​പ​ടി​ക​ള്‍ സ്വീ​ക​രി​ച്ചി​ട്ടി​ല്ല. മേ​ല്‍പ്പ​റ​ഞ്ഞ കാ​ര​ണ​ങ്ങ​ള്‍ക്ക് പു​റ​മേ വെ​ടി​ക്കെ​ട്ട് ന​ട​ക്കു​ന്ന തീ​യ​തി​ക്ക് ര​ണ്ട് മാ​സം മു​മ്പാ​ണ് അ​പേ​ക്ഷി​ക്കേ​ണ്ട​ത്. ഇ​ത്ത​ര​ത്തി​ല്‍ അ​പേ​ക്ഷ​സ​മ​ര്‍പ്പി​ച്ചി​ല്ലെ​ങ്കി​ൽ റി​സ്‌​ക് അ​സ​സ്‌​മെ​ന്റ് സ്റ്റ​ഡി ന​ട​ത്താ​നോ ഡി​സാ​സ്റ്റ​ര്‍ മാ​നേ​ജ്‌​മെ​ന്റ് പ്ലാ​ന്‍ ത​യ്യാ​റാ​ക്കാ​നോ സാ​ധി​ക്കാ​തെ വ​രി​ല്ല. ഈ ​സാ​ഹ​ച​ര്യ​ത്തി​ലാ​ണ് ഏ​പ്രി​ൽ ര​ണ്ടി​ന് ആ​ഘോ​ഷി​ക്ക​പ്പെ​ടു​ന്നെ നെ​ന്മാ​റ- വ​ല്ല​ങ്ങി വേ​ല വെ​ടി​ക്കെ​ട്ടി​ന് അ​നു​മ​തി നി​ഷേ​ധി​ച്ച​തെ​ന്ന് ഉ​ത്ത​ര​വി​ൽ പ​റ​യു​ന്നു.

സു​ര​ക്ഷ​ക്ക് 1800 പൊ​ലീ​സു​കാ​ർ

നെ​ന്മാ​റ: ഏ​പ്രി​ൽ ര​ണ്ടി​ന് ന​ട​ക്കു​ന്ന നെ​ന്മാ​റ-​വ​ല്ല​ങ്ങി വേ​ല അ​വ​ലോ​ക​ന യോ​ഗം ചേ​ർ​ന്നു. തെ​ര​ഞ്ഞെ​ടു​പ്പ് പെ​രു​മാ​റ്റ ച​ട്ടം നി​ല​നി​ൽ​ക്കു​ന്ന​തി​നാ​ൽ ജ​ന​പ്ര​തി​നി​ധി​ക​ൾ യോ​ഗ​ത്തി​ൽ പ​ങ്കെ​ടു​ത്തി​ല്ല. വേ​ല ക​മ്മി​റ്റി ഭാ​ര​വാ​ഹി​ക​ൾ, പൊ​ലീ​സ്, അ​ഗ്നി​ര​ക്ഷ​സേ​ന, ആ​രോ​ഗ്യം, വൈ​ദ്യു​തി ബോ​ർ​ഡ്, വാ​ട്ട​ർ അ​തോ​റി​റ്റി, എ​ക്സൈ​സ്, സാ​മൂ​ഹി​ക വ​ന​വ​ത്​​ക​ര​ണ വി​ഭാ​ഗം, റ​വ​ന്യൂ, ശു​ചി​ത്വ​മി​ഷ​ൻ, മോ​ട്ടോ​ർ വാ​ഹ​ന വ​കു​പ്പ്, പ​ഞ്ചാ​യ​ത്ത്, ദേ​വ​സ്വം തു​ട​ങ്ങി 60 വി​വി​ധ വ​കു​പ്പ് പ്ര​തി​നി​ധി​ക​ളും യോ​ഗ​ത്തി​ൽ പ​ങ്കെ​ടു​ത്തു. നെ​ന്മാ​റ പി.​ഡ​ബ്ല്യൂ.​ഡി റെ​സ്റ്റ് ഹൗ​സി​ൽ ചേ​ർ​ന്ന യോ​ഗ​ത്തി​ൽ ചി​റ്റൂ​ർ ത​ഹ​സി​ൽ​ദാ​ർ പി.​എം. മാ​യ അ​ധ്യ​ക്ഷ​ത വ​ഹി​ച്ചു. ആ​ല​ത്തൂ​ർ ഡി​വൈ.​എ​സ്.​പി എ.​കെ. വി​ശ്വ​നാ​ഥ​ൻ, ചി​റ്റൂ​ർ താ​ലൂ​ക്ക് എ​ച്ച്.​ക്യൂ.​ഡി.​ടി കെ. ​രാ​ധാ​കൃ​ഷ്ണ​ൻ, വേ​ല ക​മ്മി​റ്റി ഭാ​ര​വാ​ഹി​ക​ൾ, വി​വി​ധ വ​കു​പ്പ് ഉ​ദ്യോ​ഗ​സ്ഥ​ർ എ​ന്നി​വ​ർ സം​സാ​രി​ച്ചു.

സു​ര​ക്ഷാ-​ഗ​താ​ഗ​ത ക്ര​മീ​ക​ര​ണ​ത്തി​നാ​യി അ​ഞ്ച് ഡി.​വൈ.​എ​സ്.​പി​മാ​രു​ൾ​പ്പെ​ടെ 1800 പൊ​ലീ​സു​കാ​രും ക​ൺ​ട്രോ​ൾ റൂ​മു​ക​ളും പ്ര​വ​ർ​ത്തി​ക്കും. അ​ഗ്നി​ര​ക്ഷാ സേ​ന​യു​ടെ നാ​ല് യൂ​നി​റ്റു​ക​ളും, നെ​ന്മാ​റ സാ​മൂ​ഹി​കാ​രോ​ഗ്യ​കേ​ന്ദ്ര​ത്തി​ല്‍ അ​ത്യാ​ഹി​ത വി​ഭാ​ഗ​ത്തി​ൽ പ​ക​ൽ അ​ഞ്ചും രാ​ത്രി നാ​ലും ഡോ​ക്ട​ര്‍മാ​രു​ടെ പ്ര​ത്യേ​ക സം​ഘ​വും ഏ​ഴ് ആം​ബു​ല​ന്‍സി​ന്റെ സേ​വ​ന​വും ഉ​ണ്ടാ​കു​മെ​ന്ന് ആ​രോ​ഗ്യ വി​ഭാ​ഗം യോ​ഗ​ത്തി​ൽ അ​റി​യി​ച്ചു.

വേ​ല​യു​ടെ ഭാ​ഗ​മാ​യി തു​ട​ര്‍ച്ച​യാ​യി ശു​ദ്ധ​ജ​ല വി​ത​ര​ണ​വും കൂ​ടു​ത​ൽ പൊ​തു കു​ടി​വെ​ള്ള ടാ​പ്പു​ക​ളും സ്ഥാ​പി​ക്കും. പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ല്‍ കൂ​ടു​ത​ൽ ശു​ചീ​ക​ര​ണ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തും. വൈ​ദ്യു​തി വി​ത​ര​ണം കാ​ര്യ​ക്ഷ​മാ​ക്കാ​ൻ കെ.​എ​സ്.​ഇ.​ബി​യു​ടെ നേ​തൃ​ത്വ​ത്തി​ല്‍ പ്ര​ത്യേ​ക യൂ​നി​റ്റു​ക​ള്‍ വാ​ഹ​ന​ങ്ങ​ളും ജീ​വ​ന​ക്കാ​രു​മാ​യി പ്ര​വ​ര്‍ത്തി​ക്കും.

എ​ക്‌​സൈ​സ് വി​ഭാ​ഗ​ത്തി​ന്റെ നേ​തൃ​ത്വ​ത്തി​ല്‍ ഏ​പ്രി​ൽ 1, 2, 3, ഡ്രൈ ​ഡേ പ്ര​ഖ്യാ​പി​ച്ചി​ട്ടു​ണ്ട്, മേ​ഖ​ല​യി​ൽ എ​ക്സൈ​സ് പ​ട്രോ​ളി​ങ് സം​വി​ധാ​ന​വും ഏ​ർ​പ്പെ​ടു​ത്തു​മെ​ന്ന് അ​റി​യി​ച്ചു. സാ​മൂ​ഹ്യ വ​ന​വ​ത്ക​ര​ണ വി​ഭാ​ഗം ആ​ന​ക​ളു​ടെ ആ​രോ​ഗ്യ പ​രി​പാ​ല​ന ചു​മ​ത​ല​ക​ൾ നി​രീ​ക്ഷി​ക്കും. ഗ​താ​ഗ​ത സം​വി​ധാ​ന​ങ്ങ​ളും മ​റ്റും മോ​ട്ടോ​ർ വാ​ഹ​ന വ​കു​പ്പ് നി​രീ​ക്ഷി​ക്കും. ആ​വ​ശ്യ​മാ​യ കൂ​ടു​ത​ൽ ക്ര​മീ​ക​ര​ണ​ങ്ങ​ൾ അ​ത​ത് വ​കു​പ്പു​ക​ളു​ടെ നേ​തൃ​ത്വ​ത്തി​ൽ ന​ട​ത്താ​നും യോ​ഗ​ത്തി​ൽ തീ​രു​മാ​ന​മാ​യി.