ഒാൺലൈൻ വിദ്യാഭ്യാസം: ഓഫ്​ലൈനായി തോട്ടം മേഖലയിലെ കുട്ടികൾ

നെ​ല്ലി​യാ​മ്പ​തി: ഒാ​ൺ​ലൈ​ൻ വി​ദ്യാ​ഭ്യാ​സം കൊ​ട്ടി​ഘോ​ഷി​ച്ച്​ ന​ട​പ്പാ​ക്കു​ന്ന​തി​നി​ട​യി​ൽ തോ​ട്ടം മേ​ഖ​ല​യി​ലെ കു​ട്ടി​ക​ളി​ൽ ഭൂ​രി​ഭാ​ഗ​വും ഒാ​ഫ്​​ലൈ​നി​ലാ​ണ്. മി​ക്ക​വ​ർ​ക്കും സ്മാ​ർ​ട്ട് ഫോ​ണി​ല്ല.

സൗ​ക​ര്യ​ങ്ങ​ളി​ല്ലാ​താ​യ​തോ​ടെ പ​ല​രും ഇ​തു​വ​രെ ഒാ​​ൺ​ലൈ​ൻ ക്ലാ​സ്​ ക​ണ്ടി​ട്ടി​ല്ല. സ്മാ​ർ​ട്ട് ഫോ​ൺ ഉ​ള്ള കു​ട്ടി​ക​ൾ​ക്കാ​ണെ​ങ്കി​ൽ മേ​ഖ​ല​യി​ൽ റേ​ഞ്ച് കു​റ​വാ​യ​തി​നാ​ൽ വീ​ട്ടി​ൽ നി​ന്നും ദൂ​രെ​പ്പോ​യി ക്ലാ​സ് തീ​രു​ന്ന​വ​രെ നി​ൽ​ക്ക​ണം. ആ​കെ നെ​ല്ലി​യാ​മ്പ​തി ഉ​ൾ​പ്പെ​ടു​ന്ന മേ​ഖ​ല​യി​ൽ മൊ​ബൈ​ൽ ട​വ​റു​ള്ള​ത് ര​ണ്ടു ക​മ്പ​നി​ക​ൾ​ക്കാ​ണ്. മി​ക്ക​യി​ട​ത്തും മി​ന്നി​മ​റ​യു​ന്ന റേ​ഞ്ചു​തേ​ടി ക്ലാ​സു​ള്ള ദി​വ​സ​ങ്ങ​ളി​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും ​ഒാ​ടി ന​ട​ക്കേ​ണ്ട അ​വ​സ്ഥ.

തോ​ട്ടം മേ​ഖ​ല​യി​ൽ താ​മ​സി​ക്കു​ന്ന നൂ​റു ക​ണ​ക്കി​ന് വി​ദ്യാ​ർ​ഥി​ക​ൾ​ക്കാ​ണ് ഇ​തു​മൂ​ലം വി​ദ്യാ​ഭ്യാ​സം മു​ട​ങ്ങു​ന്ന​ത്. സ്കൂ​ളു​ക​ളും മ​റ്റും ഈ ​അ​ധ്യ​യ​ന വ​ർ​ഷ​വും തു​റ​ക്കാ​ത്ത സാ​ഹ​ച​ര്യ​ത്തി​ൽ ഓ​ൺ​ലൈ​ൻ പ​ഠ​ന​ത്തി​നു​ള്ള സൗ​ക​ര്യം ഉ​ത്ത​ര​വാ​ദ​പ്പെ​ട്ട​വ​ർ ഒ​രു​ക്കി​ത്ത​ര​ണ​മെ​ന്ന ആ​വ​ശ്യ​മാ​ണ്​ ഇ​വ​ർ ഉ​ന്ന​യി​ക്കു​ന്ന​ത്.