ചി​റ​ങ്ങ​ര മേ​ൽ​പാ​ലം; ലെ​വ​ൽ ക്രോ​സ് അ​ട​ക്കാൻ അ​നു​മ​തി

കൊ​ര​ട്ടി: ചി​റ​ങ്ങ​ര റെ​യി​ൽ​വേ മേ​ൽ​പാ​ലം നി​ർ​മാ​ണം പൂ​ർ​ത്തീ​ക​ര​ണ​വു​മാ​യി ബ​ന്ധ​പ്പെ​ട്ട് ചി​റ​ങ്ങ​ര ലെ​വ​ൽ ക്രോ​സ് പൂ​ർ​ണ​മാ​യി അ​ട​ച്ചി​ടു​ന്ന​തി​ന് ക​ല​ക്ട​ർ നി​രാ​ക്ഷേ​പ പ​ത്രം പു​റ​പ്പെ​ടു​വി​ച്ചു. പാ​ല​ത്തി​ന്റെ തു​ട​ർ നി​ർ​മാ​ണം സു​ഗ​മ​മാ​ക്കാ​നാ​യി ദ​ക്ഷി​ണ റെ​യി​ൽ​വേ ക​ൺ​സ്ട്ര​ക്ഷ​ൻ വി​ഭാ​ഗം ചീ​ഫ് എ​ൻ​ജി​നീ​യ​റു​ടെ ആ​വ​ശ്യ​പ്ര​കാ​ര​മാ​ണ് ക​ല​ക്ട​ർ മു​ൻ​കൂ​റാ​യി എ​ൻ.​ഒ.​സി അ​നു​വ​ദി​ച്ചി​രി​ക്കു​ന്ന​തെ​ന്ന് സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ അ​റി​യി​ച്ചു. പാ​ലം നി​ർ​മാ​ണം റെ​യി​ൽ​വേ ലെ​വ​ൽ ക്രോ​സി​ന്റെ ഇ​രു​വ​ശ​ത്തും പൂ​ർ​ത്തി​യാ​യി​ട്ടു​ണ്ട്. ദേ​ശീ​യ പാ​ത​യോ​ര​ത്തു​നി​ന്നും കൊ​ര​ട്ടി ഭാ​ഗ​ത്തു​നി​ന്നു​മു​ള്ള ര​ണ്ട് ഭാ​ഗ​ങ്ങ​ളു​ടെ നി​ർ​മാ​ണം മാ​സ​ങ്ങ​ൾ​ക്കു മു​മ്പ് പൂ​ർ​ത്തി​യാ​യി​രു​ന്നു.

എ​ന്നാ​ൽ, പാ​ള​ത്തി​ന് മു​ക​ളി​ൽ പാ​ലം കൂ​ട്ടി​ച്ചേ​ർ​ക്കു​ന്ന പ്ര​വൃ​ത്തി താ​മ​സി​ച്ചി​രു​ന്നു. ഈ ​ഭാ​ഗ​ത്ത് അ​വ​ശേ​ഷി​ക്കു​ന്ന ര​ണ്ട് തൂ​ണു​ക​ളും ഏ​ക​ദേ​ശം പൂ​ർ​ത്തി​യാ​യി​ട്ടു​ണ്ട്. പൈ​ലി​ങ്ങി​ന്റെ ഭാ​ഗ​മാ​യി ലെ​വ​ൽ ക്രോ​സ് ഭാ​ഗി​ക​മാ​യി അ​ട​ഞ്ഞ നി​ല​യി​ലാ​ണ്. കാ​ൽ​ന​ട മാ​ത്ര​മാ​ണ് സാ​ധ്യ​മാ​യി​രു​ന്ന​ത്.

നി​ർ​മാ​ണം നീ​ളു​ന്ന​തി​നാ​ൽ വാ​ഹ​ന​ങ്ങ​ൾ ചു​റ്റി​വ​ള​ഞ്ഞ് വേ​ണം യാ​ത്ര​ചെ​യ്യാ​ൻ. വെ​സ്​​റ്റ്​ കൊ​ര​ട്ടി, അ​ന്ന​മ​ന​ട, കാ​ടു​കു​റ്റി മേ​ഖ​ല​യി​ലേ​ക്കും തി​രി​ച്ചും ചി​റ​ങ്ങ​ര റെ​യി​ൽ​വേ ഗേ​റ്റ് വ​ഴി പോ​കേ​ണ്ട നൂ​റു​ക​ണ​ക്കി​ന് വാ​ഹ​ന​യാ​ത്ര​ക്കാ​രാ​ണ് ദു​രി​ത​ത്തി​ലാ​യി​രി​ക്കു​ന്ന​ത്. 2022 ജ​നു​വ​രി​യി​ലാ​ണ് ക​രാ​ർ പ്ര​കാ​രം പ​ണി പൂ​ർ​ത്തി​യാ​വേ​ണ്ട​ത്. തു​ട​ക്ക​ത്തി​ൽ ആ​വേ​ശ​ത്തോ​ടെ പ്ര​വൃ​ത്തി ന​ട​ന്നു. പി​ന്നീ​ട് ഇ​ഴ​ഞ്ഞ് ഒ​രു വ​ർ​ഷം വൈ​കി. 2023 ജ​നു​വ​രി​യി​ൽ നി​ർ​മാ​ണം പൂ​ർ​ത്തി​യാ​കു​മെ​ന്ന് ക​രു​തി​യി​രു​ന്നെ​ങ്കി​ലും അ​തു​മു​ണ്ടാ​യി​ല്ല.