ഇരിങ്ങാലക്കുട: മലയാളിക്ക് ചിരിയോർമകൾ സമ്മാനിച്ച മടങ്ങിയ ഇന്നസെന്റിന്റെ ഒന്നാം ചരമ വാർഷിക ദിനമായ ചൊവ്വാഴ്ച ഇരിങ്ങാലക്കുടയിൽ സഹൃദയർ അദ്ദേഹത്തെ ഓർമിക്കും. ‘ഓർമകളിൽ ഇന്നസെന്റ്’ എന്ന പേരിൽ ഇരിങ്ങാലക്കുട എസ്.എൻ.ബി.എസ് സമാജം ഹാളിൽ വൈകീട്ട് 4.30ന് ചേരുന്ന കൂട്ടായ്മ പത്നി ആലീസ് ഉദ്ഘാടനം ചെയ്യുമെന്ന് സംഘാടക സമിതി ചെയർപേഴ്സൻ മന്ത്രി ഡോ.ആർ. ബിന്ദു വാർത്തസമ്മേളനത്തിൽ അറിയിച്ചു.
സത്യൻ അന്തിക്കാട്, കമൽ, വി.കെ. ശ്രീരാമൻ, അശോകൻ ചരുവിൽ, സിബി കെ. തോമസ്, പ്രേംലാൽ, ഗായത്രി വർഷ, സിജി പ്രദീപ് എന്നിവർ പങ്കെടുക്കും.
ഇന്നസെന്റിന്റെ പ്രഭാഷണങ്ങളുടെ ഓഡിയോ, വീഡിയോ പ്രദർശനവും നടക്കും. ഇന്നസെന്റിന് സ്മാരകമായി ബോയ്സ് സ്കൂളിൽ ഓഡിറ്റോറിയവും പട്ടണത്തിൽ സംസ്കാരിക സമുച്ചയവും ഒരുക്കുമെന്നും മന്ത്രി അറിയിച്ചു. സംഘാടകരായ ഡോ. കെ.പി. ജോർജ്, കെ. രാജേന്ദ്രൻ എന്നിവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.