കുന്നംകുളം: ക്രിസ്മസ് ദിനത്തിൽ സ്രായിക്കടവിൽ അപകട രീതിയിൽ ജനങ്ങൾക്കിടയിലൂടെ ബൈക്കുമായി അഭ്യാസം നടത്തിയത് ചോദ്യം ചെയ്ത യുവാവിനെ തോക്കുചൂണ്ടി ഭീഷണിപ്പെടുത്തിയ യുവാക്കളെ കുന്നംകുളം പൊലീസ് പിടികൂടി.
ചങ്ങരംകുളം അയിനിച്ചോട് സ്വദേശികളായ കൊട്ടാരത്തു വളപ്പിൽ മുബഷീർ (20), അമയിൽ തെക്കുവളപ്പിൽ വീട്ടിൽ മുഹമ്മദ് ബാസിൽ (22), കിഴിഞ്ഞാലിൽ വീട്ടിൽ ഷാബിൽ (18), പള്ളിക്കര മണ്ണാൻ പടി വീട്ടിൽ ഫവാസ് (20) എന്നിവരെയാണ് കുന്നംകുളം സി.ഐ സൂരജും സംഘവും അറസ്റ്റ് ചെയ്തത്.
ക്രിസ്മസ് ദിനത്തിൽ സ്രായിക്കടവിൽ വിനോദ സഞ്ചാരത്തിനായി എത്തിയ നിരവധി ആളുകളുടെ ഇടയിലാണ് ജനങ്ങളെ പരിഭ്രാന്തിയുടെ നിഴലിലാക്കിയ ഈ സംഭവം നടന്നത്.
പിന്നീട് ഇവർ ഒളിവിൽ പോകുകയായിരുന്നു. പൊലീസ് സംഘത്തിൽ സബ് ഇൻസ്പെക്ടർമാരായ ശ്രീജിത്, മണികണ്ഠൻ, ബസന്ത്, എ.എസ്.ഐ വർഗീസ്, സി.പി.ഒമാരായ ഹംദ്, അബ്ദുൽ റഷീദ്, സുജിത്കുമാർ, ഗംഗേഷ് എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.