സുരേഷ്
കുന്നംകുളം: പുല്ലുകൾക്കിടയിൽ ഒളിപ്പിച്ച് ആവശ്യക്കാർക്ക് സ്കൂട്ടറിൽ മദ്യം എത്തിച്ചിരുന്നയാളെ എക്സൈസ് സംഘം സാഹസികമായി പിടികൂടി. പെങ്ങാമുക്ക് മേനോത്ത് വീട്ടിൽ സുരേഷിനെയാണ് (പച്ചക്കാജ-47) അറസ്റ്റ് ചെയ്തത്. അനധികൃത മദ്യവിൽപനക്കായി പുല്ലുകൾക്കിടയിലൊളിപ്പിച്ച ഏഴ് കുപ്പി മദ്യം കണ്ടെടുത്തു. സ്ഥിരം ഇടപാടുകാർക്ക് മാത്രം അറിയാവുന്ന രഹസ്യ കോഡ് പറഞ്ഞ് പണം ഗൂഗ്ൾ പേ വഴി ചെയ്യുന്നവർക്ക് മാത്രമാണ് ഇയാൾ സ്കൂട്ടറിൽ പറഞ്ഞ സ്ഥലത്ത് മദ്യം എത്തിച്ചു കൊടുത്തിരുന്നത്.
ഒരോ ദിവസം മദ്യം സൂക്ഷിക്കുന്നതിനായി വേറെ വേറെ ആളൊഴിഞ്ഞ പുല്ലു നിറഞ്ഞു നിൽക്കുന്ന പറമ്പുകൾ തെരഞ്ഞെടുത്തിരുന്നു. ഇടപാടുകാരെ തെരഞ്ഞെടുക്കുന്നതും അതീവ ശ്രദ്ധയോടെയായിരുന്നു. 80 ലിറ്റർ മദ്യം വരെ ഒരു ദിവസം ഈ രീതിയിൽ വിൽപന നടത്തിയിരുന്നതായി പ്രതി മൊഴി നൽകി. കോടതിയിൽ ഹാജരാക്കിയ പ്രതിയെ 15 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.