പ്രകാശപ്രഭയിൽ കു​ന്നം​കു​ളം സിന്തറ്റിക് ട്രാക്ക്

കു​ന്നം​കു​ളം: സം​സ്ഥാ​ന സ്കൂ​ൾ കാ​യി​ക മാ​മാ​ങ്ക​ത്തി​ന് തി​രി​തെ​ളി​യാ​ൻ മ​ണി​ക്കൂ​റു​ക​ൾ മാ​ത്രം അ​വ​ശേ​ഷി​ക്കേ മൈ​താ​ന​ത്തി​ലെ സി​ന്ത​റ്റി​ക് ട്രാ​ക്ക് പ്ര​കാ​ശ​പൂ​രി​ത​മാ​യി. ഞാ​യ​റാ​ഴ്ച വൈ​കീ​ട്ടോ​ടെ​യാ​ണ് ലൈ​റ്റു​ക​ൾ പ്ര​കാ​ശി​പ്പി​ച്ച​ത്. ഫ്ല​ഡ് ലൈ​റ്റ് സം​വി​ധാ​ന​മാ​ണ് ട്രാ​ക്കി​ൽ ഒ​രു​ക്കി​യി​ട്ടു​ള്ള​ത്. 200 വാ​ട്ടി​ന്റെ 280 ലൈ​റ്റു​ക​ളാ​ണു​ള്ള​ത്. 10 ദി​ശ​ക​ളി​ൽ​നി​ന്നാ​ണ് ട്രാ​ക്കി​ന് അ​ഭി​മു​ഖ​മാ​യി ലൈ​റ്റു​ക​ൾ പ്ര​കാ​ശി​ക്കു​ന്ന​ത്.

കോ​ട്ട​ക്ക​ൽ ഒ​തു​ക്കു​ങ്ങ​ൽ ഡി​സ്കോ ഇ​ൻ​ഫ്രാ​സ്ട്ര​ക്ച്ച​ർ എ​ന്ന സ്ഥാ​പ​ന​മാ​ണ് ട്രാ​ക്കി​ൽ ഫ്ല​ഡ് ലൈ​റ്റ് സ്ഥാ​പി​ച്ച​ത്. മ​നാ​ഫ് മൂ​ച്ചി​ക്കാ​ടി​ന്റെ നേ​തൃ​ത്വ​ത്തി​ൽ മൂ​ന്നം​ഗ സം​ഘ​മാ​ണ് ഇ​തി​ന്റെ പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കു​ന്ന​ത്. മ​ഞ്ചേ​രി​യി​ൽ ന​ട​ന്ന സ​ന്തോ​ഷ് ട്രോ​ഫി, മ​ല​പ്പു​റം ജി​ല്ല​യി​ൽ ന​ട​ന്ന അ​ഖി​ലേ​ന്ത്യ സെ​വ​ൻ​സ് ഫു​ട്ബാ​ൾ ഉ​ൾ​പ്പെ​ടെ ഒ​ട്ടേ​റെ ഇ​ട​ങ്ങ​ളി​ൽ ഇ​വ​ർ വെ​ളി​ച്ചം ന​ൽ​കി​യി​ട്ടു​ണ്ട്.

ന​ഗ​ര​ത്തി​ൽ ഗതാഗത നി​യ​ന്ത്ര​ണം

കു​ന്നം​കു​ളം: സം​സ്ഥാ​ന സ്കൂ​ൾ കാ​യി​കോ​ത്സ​വ​ത്തോ​ട​നു​ബ​ന്ധി​ച്ച് കു​ന്നം​കു​ള​ത്ത് 150 പൊ​ലീ​സു​കാ​രെ നി​യോ​ഗി​ക്കും. ന​ഗ​ര​ത്തി​ൽ ട്രാ​ഫി​ക് നി​യ​ന്ത്ര​ണം ഏ​ർ​പ്പെ​ടു​ത്തു​ന്ന​തി​ന്റെ ഭാ​ഗ​മാ​യാ​ണ് പൊ​ലീ​സ് സേ​ന​യെ സ​ജ്ജ​മാ​ക്കി​യ​തെ​ന്നും കു​ന്നം​കു​ളം അ​സി. പൊ​ലീ​സ് ക​മീ​ഷ​ണ​ർ സി.​ആ​ർ. സ​ന്തോ​ഷ് വ്യ​ക്ത​മാ​ക്കി. സീ​നി​യ​ർ ഗ്രൗ​ണ്ട് റോ​ഡ് ഇ​നി​യു​ള്ള അ​ഞ്ച് ദി​ന​ങ്ങ​ളും വ​ൺ​വേ സം​വി​ധാ​ന​ത്തി​ലാ​കും.

ബ​ഥ​നി സ്കൂ​ളി​ൽ​നി​ന്ന് ട്രാ​ക്കി​ലി​റ​ങ്ങാ​ൻ വ​രു​ന്ന താ​ര​ങ്ങ​ളെ കൊ​ണ്ടു​വ​രു​ന്ന പ്ര​ത്യേ​ക വാ​ഹ​ന​ത്തി​ന് മാ​ത്ര​മേ തൃ​ശൂ​ർ റോ​ഡി​ൽ​നി​ന്ന് സീ​നി​യ​ർ ഗ്രൗ​ണ്ടി​ലേ​ക്ക് പ്ര​വേ​ശി​ക്കാ​ൻ ക​ഴി​യൂ. തൃ​ശൂ​ർ ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ​ക്ക് മു​ൻ​സി​പ്പ​ൽ ജ​ങ്ഷ​നി​ൽ​നി​ന്ന് ഇ​ട​ത്തോ​ട്ട് തി​രി​ഞ്ഞ് കു​ന്നം​കു​ളം ന​ഗ​ര​സ​ഭ ഓ​ഫി​സ് വ​ഴി വ​ല​ത്തോ​ട്ട് സ​ഞ്ച​രി​ച്ച് ഗു​രു​വാ​യൂ​ർ റോ​ഡി​ൽ പ്ര​വേ​ശി​ച്ച് കോ​ഴി​ക്കോ​ട്, പാ​ല​ക്കാ​ട്, ഗു​രു​വാ​യൂ​ർ, ചാ​വ​ക്കാ​ട് ഭാ​ഗ​ത്തേ​ക്ക് സ​ഞ്ച​രി​ക്കാം.

കോ​ഴി​ക്കോ​ട്, പാ​ല​ക്കാ​ട് ഭാ​ഗ​ങ്ങ​ളി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ പ​ട്ടാ​മ്പി റോ​ഡി​ലെ വ​ൺ​വേ ജ​ങ്ഷ​നി​ൽ​നി​ന്ന് ഇ​ട​ത്തോ​ട്ട് സ​ഞ്ച​രി​ച്ച് മാ​ർ​ക്ക​റ്റ് റോ​ഡി​ലൂ​ടെ വ​ട​ക്കാ​ഞ്ചേ​രി റോ​ഡി​ൽ പ്ര​വേ​ശി​ച്ച് ദ്വാ​ര​ക ഗ്രൗ​ണ്ടി​ൽ​നി​ന്ന് ക​യ​റ്റം ക​യ​റി സീ​നി​യ​ർ ഗ്രൗ​ണ്ടി​ന് മു​ന്നി​ലൂ​ടെ മു​ൻ​സി​പ്പ​ൽ ജ​ങ്ശ​ൻ വ​ഴി തൃ​ശൂ​ർ, ഗു​രു​വാ​യൂ​ർ, ചാ​വ​ക്കാ​ട് ഭാ​ഗ​ത്തേ​ക്ക് പോ​ക​ണം. വ​ട​ക്ക് ഭാ​ഗ​ത്തു​നി​ന്ന് തൃ​ശൂ​ർ ഭാ​ഗ​ത്തേ​ക്ക് വ​രു​ന്ന വ​ലി​യ വാ​ഹ​ന​ങ്ങ​ൾ (ച​ര​ക്ക്, ടോ​റ​സ് ഉ​ൾ​പ്പെ​ടെ) അ​ക്കി​ക്കാ​വ് സി​ഗ്ന​ലി​ൽ​നി​ന്ന് ഇ​ട​ത്തോ​ട്ട് തി​രി​ഞ്ഞ് കേ​ച്ചേ​രി​യി​ലെ​ത്തി സ​ഞ്ച​രി​ക്കാം.

കു​ന്നം​കു​ളം ടൗ​ണി​ൽ വാ​ഹ​ന​ങ്ങ​ൾ പൂ​ർ​ണ​മാ​യും വ​ൺ​വേ സം​വി​ധാ​ന​ത്തി​ലൂ​ടെ​യാ​ണ് സ​ഞ്ചാ​ര​യോ​ഗ്യ​മാ​ക്കു​ക. കാ​യി​കോ​ത്സ​വം ന​ട​ക്കു​ന്ന സി​ന്ത​റ്റി​ക്ക് ട്രാ​ക്കി​നു മു​ൻ​വ​ശം എ​ത്താ​ൻ വാ​ഹ​ന​ങ്ങ​ൾ​ക്ക് വ​ട​ക്കാ​ഞ്ചേ​രി റോ​ഡി​ലെ ദ്വാ​ര​ക ഗ്രൗ​ണ്ടി​ൽ​നി​ന്ന് ക​യ​റ്റം ക​യ​റി സീ​നി​യ​ർ ഗ്രൗ​ണ്ടി​നു മു​ൻ​വ​ശം എ​ത്താ​വു​ന്ന​താ​ണ്.

കു​ന്നം​കു​ളം ബോ​യ്സ് സ്കൂ​ളി​ലെ പാ​ർ​ക്കി​ങ് ഗ്രൗ​ണ്ടി​ലേ​ക്ക് പോ​കു​ന്ന​വ​ർ​ക്കും വ​ട​ക്കാ​ഞ്ചേ​രി റോ​ഡി​ലെ ദ്വാ​ര​ക ഗ്രൗ​ണ്ടി​ൽ​നി​ന്ന് ക​യ​റ്റം ക​യ​റി സീ​നി​യ​ർ ഗ്രൗ​ണ്ടി​ന് സ​മീ​പ​ത്തെ ബോ​യ്സ് സ്കൂ​ളി​ന് പി​ൻ​വ​ശ​ത്തെ ഗേ​റ്റ് വ​ഴി പ്ര​വേ​ശി​ച്ച് പാ​ർ​ക്ക് ചെ​യ്യാ​വു​ന്ന​തും തി​രി​ച്ചു​പോ​കാ​ൻ പോ​ലീ​സ് സ്റ്റേ​ഷ​നു മു​ൻ​വ​ശ​ത്തെ ഗേ​റ്റി​ലൂ​ടെ പോ​കാ​വു​ന്ന​തു​മാ​ണ്. വ​ട​ക്കാ​ഞ്ചേ​രി റോ​ഡ്, തൃ​ശൂ​ർ റോ​ഡ്, ഗു​രു​വാ​യൂ​ർ റോ​ഡ് എ​ന്നി​വി​ട​ങ്ങ​ളി​ൽ പാ​ർ​ക്കി​ങ് അ​നു​വ​ദി​ക്കു​ന്ന​ത​ല്ല.

കൂ​ടാ​തെ ക്രോ​സ് ക​ൺ​ട്രി​യു​ടെ ഭാ​ഗ​മാ​യി ബു​ധ​നാ​ഴ്ച രാ​വി​ലെ 6.30 മു​ത​ൽ 7.15 വ​രെ വെ​ള്ള​റ​ക്കാ​ട് സൗ​ത്ത് ഇ​ന്ത്യ​ൻ ബാ​ങ്കി​ന് മു​ൻ​വ​ശം മു​ത​ൽ ദ്വാ​ര​ക ഗ്രൗ​ണ്ട് വ​രെ ന​ട​ക്കു​ന്ന കു​ട്ടി​ക​ളു​ടെ കൂ​ട്ട ഓ​ട്ട​ത്തി​ന്റെ ഭാ​ഗ​മാ​യി പ്ര​സ്തു​ത സ​മ​യ​ങ്ങ​ളി​ൽ ഈ ​സ്ഥ​ല​ങ്ങ​ളി​ൽ ട്രാ​ഫി​ക് നി​യ​ന്ത്ര​ണം ഉ​ണ്ടാ​യി​രി​ക്കു​മെ​ന്ന് എ.​സി.​പി അ​റി​യി​ച്ചു.

താ​ര​ങ്ങ​ൾ വ​ര​വാ​യി

കു​ന്നം​കു​ളം: സം​സ്ഥാ​ന സ്കൂ​ൾ മേ​ള​യി​ൽ മാ​റ്റു​ര​ക്കാ​ൻ കാ​യി​ക താ​ര​ങ്ങ​ൾ വ​ന്നെ​ത്തു​ന്നു. ഇ​തി​ന​കം പാ​ല​ക്കാ​ട്, മ​ല​പ്പു​റം, എ​റ​ണാ​കു​ളം ജി​ല്ല ടീ​മു​ക​ൾ എ​ത്തി​ക്ക​ഴി​ഞ്ഞു. എ​റ​ണാ​കു​ളം ജി​ല്ല ടീ​മി​ൽ ഉ​ൾ​പ്പെ​ടു​ന്ന എം.​എ സ്പോ​ർ​ട്സ് അ​ക്കാ​ദ​മി​യി​ലെ താ​ര​ങ്ങ​ൾ ഞാ​യ​റാ​ഴ്ച എ​ത്തി​യ ശേ​ഷം വൈ​കീ​ട്ടോ​ടെ ട്രാ​ക്കി​ലെ​ത്തി പ​രി​ശീ​ലി​ച്ചു.

കീ​രം​പാ​റ സെ​ന്റ് സ്റ്റീ​ഫ​ൻ​സ് സ്കൂ​ൾ, മാ​ത​ര​പ്പി​ള്ളി ഗ​വ. വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നി​വി​ട​ങ്ങ​ളി​ലെ താ​ര​ങ്ങ​ളാ​ണ് ഇ​വ​ർ. മ​ല​പ്പു​റം ജി​ല്ല ടീ​മി​ലെ ഐ​ഡി​യ​ൽ ക​ട​ക​ശ്ശേ​രി​യു​ടെ 35 താ​ര​ങ്ങ​ളും ക​ഴി​ഞ്ഞ ദി​വ​സം എ​ത്തി​യി​രു​ന്നു. താ​ര​ങ്ങ​ൾ​ക്ക് ന​ഗ​ര​ത്തി​ൽ വ്യ​ത്യ​സ്ത സ്ഥ​ല​ങ്ങ​ളി​ൽ താ​മ​സ സൗ​ക​ര്യം ഒ​രു​ക്കി​യി​ട്ടു​ണ്ട്.