കുന്നംകുളത്ത് ഓടിക്കൊണ്ടിരുന്ന കാറിന് തീപിടിച്ചപ്പോൾ
കുന്നംകുളം: ഓടിക്കൊണ്ടിരിക്കെ കാറിന് തീപിടിച്ചു. കുന്നംകുളത്ത് ശനിയാഴ്ച വൈകീട്ട് അഞ്ചോടെയാണ് സംഭവം. തൃശൂർ റോഡിൽ വാട്ടർ അതോറിറ്റിക്ക് സമീപം തൃശൂർ ഭാഗത്തേക്ക് പോകുകയായിരുന്ന കാറിനാണ് തീപിടിച്ചത്. പട്ടാമ്പി സ്വദേശി മുസ്തഫയാണ് കാർ ഓടിച്ചിരുന്നത്. കുന്നംകുളത്ത് കച്ചവടത്തിനായി കൊണ്ടുവന്ന കാർ ഓടിച്ചുനോക്കുന്നതിനിടയിലാണ് അപകടം.
മുൻവശത്തുനിന്ന് പുക ഉയരുന്നത് കണ്ടയുടൻ കാർ നിർത്തി ചാടിയിറങ്ങി. നിമിഷങ്ങൾക്കകം തീ പടർന്നു. മുൻഭാഗം പൂർണമായും കത്തിനശിച്ചു. അഗ്നിശമന സേനാംഗങ്ങൾ സ്ഥലത്തെത്തി തീയണച്ചു. തൃശൂർ റോഡിൽ ഗതാഗതം അൽപസമയം തടസ്സപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.