എലിപ്പനി കൂടുന്നു; തൃ​ശൂ​ർ ജില്ലയിൽ ജാഗ്രത നിർദേശം

തൃ​ശൂ​ർ: ജി​ല്ല​യി​ൽ എ​ലി​പ്പ​നി കൂ​ടു​ന്ന സാ​ഹ​ച​ര്യ​ത്തി​ൽ ജി​ല്ല​ മെ​ഡി​ക്ക​ൽ ഓ​ഫി​സ്​ ജാ​ഗ്ര​ത നി​ർ​ദേ​ശം പു​റ​പ്പെ​ടു​വി​ച്ചു. എ​ലി​പ്പ​നി സ്ഥി​രീ​ക​രി​ച്ച മ​ര​ണ​ങ്ങ​ളും സം​ശ​യി​ക്കു​ന്ന മ​ര​ണ​ങ്ങ​ളും റി​പ്പോ​ർ​ട്ട് ചെ​യ്തി​ട്ടു​ണ്ട്.

ഉ​ട​ൻ ചി​കി​ത്സ തേ​ടാ​ത്ത​താ​ണ്​ എ​ലി​പ്പ​നി മ​ര​ണ​ത്തി​ന്​ കാ​ര​ണം. ഒ​ന്നോ ര​ണ്ടോ ദി​വ​സം​കൊ​ണ്ട് ഭേ​ദ​മാ​കാ​ത്ത പ​നി​യും ആ​വ​ർ​ത്തി​ച്ചു​വ​രു​ന്ന പ​നി​യും ഉ​ള്ള​വ​ർ സ്വ​യം ചി​കി​ത്സി​ക്കാ​തെ ഡോ​ക്​​ട​റെ കാ​ണ​ണം. മ​ലി​ന​ജ​ല​വു​മാ​യോ മ​റ്റു മാ​ലി​ന്യം നി​റ​ഞ്ഞ സാ​ഹ​ച​ര്യ​ങ്ങ​ളു​മാ​യോ ഇ​ട​പ​ഴ​കി​യി​ട്ടു​ണ്ടെ​ങ്കി​ൽ അ​തും ഡോ​ക്ട​റോ​ട് പ​റ​യ​ണം.

തു​ട​ക്ക​ത്തി​ൽ രോ​ഗം തി​രി​ച്ച​റി​യാ​ത്ത​തു​മൂ​ലം ചി​കി​ത്സ തു​ട​ങ്ങാ​ൻ വൈ​കു​ക​യും ല​ക്ഷ​ണ​ങ്ങ​ൾ ഗു​രു​ത​ര​മാ​കു​ക​യും മ​ര​ണം സം​ഭ​വി​ക്കു​ക​യു​മാ​ണ്​ ചെ​യ്യു​ന്ന​ത്. എ​ലി, പ​ട്ടി, പൂ​ച്ച, ക​ന്നു​കാ​ലി​ക​ൾ തു​ട​ങ്ങി​യ​വ​യു​ടെ മൂ​ത്രം വ​ഴി പ​ക​രു​ന്ന രോ​ഗ​മാ​ണ് എ​ലി​പ്പ​നി. എ​ലി​മൂ​ത്രം വ​ഴി മ​ണ്ണി​ലും വെ​ള്ള​ത്തി​ലും എ​ത്തു​ന്ന രോ​ഗാ​ണു​ക്ക​ൾ ശ​രീ​ര​ത്തി​ലു​ണ്ടാ​കു​ന്ന മു​റി​വു​ക​ൾ വ​ഴി​യോ ക​ണ്ണി​ലേ​യും വാ​യി​ലേ​യും ശ്ലേ​ഷ്മ​സ്​​ത​ര​ങ്ങ​ൾ വ​ഴി​യോ ശ​രീ​ര​ത്തി​ൽ എ​ത്തി​യാ​ണ് രോ​ഗ​മു​ണ്ടാ​ക്കു​ന്ന​ത്. ക്ഷീ​ണ​ത്തോ​ടെ​യു​ള്ള പ​നി​യും ത​ല​വേ​ദ​ന​യും പേ​ശി​വേ​ദ​ന​യു​മാ​ണ് എ​ലി​പ്പ​നി​യു​ടെ പ്ര​ധാ​ന ല​ക്ഷ​ണ​ങ്ങ​ൾ. കൂ​ടാ​തെ ക​ണ്ണി​ൽ ചു​വ​പ്പ്, മൂ​ത്ര​ക്കു​റ​വ്, മ​ഞ്ഞ​പ്പി​ത്ത ല​ക്ഷ​ണ​ങ്ങ​ൾ തു​ട​ങ്ങി​യ​വ​യും ക​ണ്ടേ​ക്കാം.

പെ​​ട്ടെ​ന്നു​ള്ള മ​ഴ​യി​ൽ ന​ഗ​ര​പ്ര​ദേ​ശ​ങ്ങ​ളി​ൽ ഓ​ട​ക​ൾ നി​റ​ഞ്ഞു​ക​വി​യു​ന്ന വെ​ള്ള​ത്തി​ലൂ​ടെ എ​ലി​പ്പ​നി പ​ക​രാ​ൻ സാ​ധ്യ​ത​യു​ണ്ട്. കെ​ട്ടി​നി​ൽ​ക്കു​ന്ന വെ​ള്ള​ത്തി​ൽ ക​ളി​ക്കു​ന്ന​തും കു​ളി​ക്കു​ന്ന​തും ഒ​ഴി​വാ​ക്ക​ണം.

ഓ​ട​ക​ളി​ലും തോ​ടു​ക​ളി​ലും വ​യ​ലു​ക​ളി​ലും കു​ള​ങ്ങ​ളി​ലും വെ​ള്ള​ക്കെ​ട്ടു​ക​ളി​ലും ഇ​റ​ങ്ങി ജോ​ലി ചെ​യ്യു​ന്ന​വ​രി​ലും മീ​ൻ​പി​ടി​ത്ത​ത്തി​ൽ ഏ​ർ​പ്പെ​ടു​ന്ന​വ​രി​ലും തൊ​ഴി​ലു​റ​പ്പ് പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് ജോ​ലി ചെ​യ്യു​ന്ന​വ​രി​ലും രോ​ഗം കൂ​ടു​ത​ലാ​യി കാ​ണ​പ്പെ​ടു​ന്നു​ണ്ട്. കൈ​കാ​ലു​ക​ളി​ൽ (മ​റ്റു ശ​രീ​ര​ഭാ​ഗ​ങ്ങ​ളി​ലും) മു​റി​വു​ള്ള​വ​ർ മു​റി​വ്​ ഉ​ണ​ങ്ങു​ന്ന​തു​വ​രെ പ​ണി​ക​ൾ​ക്ക്​ ഇ​റ​ങ്ങ​രു​ത്.

ജോ​ലി​ക്ക് പോ​കു​ന്ന​ത് ഒ​ഴി​വാ​ക്കാ​നാ​വി​ല്ലെ​ങ്കി​ൽ ആ​ൻ​റി​സെ​പ്​​റ്റി​ക്​ ഓ​യി​ൻ​മെൻറ്​ ഉ​പ​യോ​ഗി​ച്ച്​ മു​റി​വ് കെ​ട്ടി​ വേ​ണം ജോ​ലി​ക്ക് പോ​കാ​ൻ. ജോ​ലി ക​ഴി​ഞ്ഞു​വ​ന്ന് വീ​ണ്ടും അ​തു​പോ​ലെ ഡ്ര​സ് ചെ​യ്യ​ണം.

ഇ​ത്ത​രം ജോ​ലി ചെ​യ്യു​ന്ന​വ​ർ കൈ​യു​റ, റ​ബ​ർ ബൂ​ട്ട്​ എ​ന്നി​വ ധ​രി​ക്ക​ണം. കൂ​ടാ​തെ, ആ ​കാ​ല​യ​ള​വി​ൽ ഡോ​ക്ട​റു​ടെ നി​ർ​ദേ​ശാ​നു​സ​ര​ണം എ​ലി​പ്പ​നി​ക്കെ​തി​രാ​യ രോ​ഗ​പ്ര​തി​രോ​ധ​മ​രു​ന്ന് (ഡോ​ക്​​സി​സൈ​ക്ലി​ൻ) ക​ഴി​ക്ക​ണം.

ആ​ഴ്ച​യി​ലൊ​രി​ക്ക​ൽ ര​ണ്ട് ഡോ​ക്​​സി​സൈ​ക്ലി​ൻ ഗു​ളി​ക (200 മി.​ഗ്രാം) ആ​റ് ​-എ​ട്ട്​ ആ​ഴ്ച​വ​രെ ക​ഴി​ക്ക​ണം. ആ​വ​ശ്യ​മെ​ങ്കി​ൽ ര​ണ്ടാ​ഴ്​​ച​ത്തെ ഇ​ട​വേ​ള​ക്ക്​ ശേ​ഷം വീ​ണ്ടും ക​ഴി​ക്ക​ണം. ഈ ​മ​രു​ന്ന് പാ​ർ​ശ്വ​ഫ​ല​ങ്ങ​ൾ വ​ള​രെ കു​റ​വു​ള്ള​തും സ​ർ​ക്കാ​ർ ആ​രോ​ഗ്യ കേ​ന്ദ്ര​ങ്ങ​ളി​ൽ​നി​ന്ന് സൗ​ജ​ന്യ​മാ​യി ല​ഭി​ക്കു​ന്ന​തു​മാ​ണെ​ന്നും ഡി.​എം.​ഒ അ​റി​യി​ച്ചു.