പാലപ്പിള്ളിയിൽ യാത്രക്കാർക്ക് നേരെ പാഞ്ഞടുത്ത് കാട്ടാനക്കൂട്ടം

ആ​മ്പ​ല്ലൂ​ർ: പാ​ല​പ്പി​ള്ളി പി​ള്ള​ത്തോ​ട് പാ​ല​ത്തി​ന് സ​മീ​പം റോ​ഡി​ലി​റ​ങ്ങി​യ കാ​ട്ടാ​ന​ക്കൂ​ട്ടം യാ​ത്ര​ക്കാ​ർ​ക്ക് നേ​രെ പാ​ഞ്ഞ​ടു​ത്തു. ആ​ളു​ക​ൾ ഓ​ടി​മാ​റി​യ​തി​നാ​ൽ വ​ൻ ദു​ര​ന്തം ഒ​ഴി​വാ​യി.

ഞാ​യ​റാ​ഴ്ച രാ​വി​ലെ 11 ഓ​ടെ​യാ​ണ് സം​ഭ​വം. റ​ബ​ർ തോ​ട്ട​ത്തി​ൽ നി​ന്നി​രു​ന്ന ആ​ന​ക്കു​ട്ടി​ക​ൾ ഉ​ൾ​പ്പ​ടെ 20 ഓ​ളം ആ​ന​ക​ളാ​ണ് റോ​ഡി​ൽ ഇ​റ​ങ്ങി​യ​ത്. തോ​ട്ട​ത്തി​ൽ ആ​ന​ക​ളെ ക​ണ്ട​തോ​ടെ ചി​മ്മി​നി ഡാ​മി​ലേ​ക്കെ​ത്തി​യ വി​നോ​ദ​സ​ഞ്ചാ​രി​ക​ൾ ചി​ത്രം പ​ക​ർ​ത്താ​ൻ റോ​ഡി​ൽ നി​ൽ​ക്കു​ക​യാ​യി​രു​ന്നു. തോ​ട്ട​ത്തി​ൽ നി​ന്ന് റോ​ഡി​ലി​റ​ങ്ങി നി​ല​യു​റ​പ്പി​ച്ച ആ​ന​ക്കൂ​ട്ട​ത്തെ ക​ണ്ടി​ട്ടും ആ​ളു​ക​ൾ മാ​റാ​തെ നി​ന്നു.

ഇ​തി​നി​ടെ ചി​ല വാ​ഹ​ന​ങ്ങ​ൾ ഹോ​ൺ മു​ഴ​ക്കി​യ​തോ​ടെ​യാ​ണ് റോ​ഡി​ന്റെ വ​ശ​ത്തു​നി​ന്നി​രു​ന്ന ആ​ന​ക​ൾ യാ​ത്ര​ക്കാ​ർ​ക്ക് നേ​രെ പാ​ഞ്ഞ​ടു​ത്ത​ത്. ഈ ​സ​മ​യ​ത്ത് നി​ര​വ​ധി യാ​ത്ര​ക്കാ​രാ​ണ് റോ​ഡി​ലു​ണ്ടാ​യി​രു​ന്ന​ത്. ഞാ​യ​റാ​ഴ്ച ആ​യ​തി​നാ​ൽ വി​നോ​ദ​സ​ഞ്ചാ​രി​ക​ളാ​യി​രു​ന്നു ഏ​റെ​യും.

സ്ഥി​ര​മാ​യി ആ​ന​ക​ൾ ഇ​റ​ങ്ങു​ന്ന പ്ര​ദേ​ശ​മാ​ണ് പി​ള്ള​ത്തോ​ട് പ​രി​സ​രം. ആ​ന​ക​ളു​ടെ ചി​ത്ര​ങ്ങ​ൾ പ​ക​ർ​ത്തു​ക​യോ ആ​ന​ക​ളെ പ്ര​കോ​പി​പ്പി​ക്കു​ന്ന ത​ര​ത്തി​ൽ വാ​ഹ​ന​ങ്ങ​ളു​ടെ ഹോ​ൺ മു​ഴ​ക്കു​ക​യോ ചെ​യ്യ​രു​തെ​ന്ന് വ​ന​പാ​ല​ക​ർ നി​ർ​ദേ​ശി​ക്കു​ന്നു​ണ്ടെ​ങ്കി​ലും അ​വ​യൊ​ന്നും പ​ല യാ​ത്ര​ക്കാ​രും പാ​ലി​ക്കാ​റി​ല്ല. തോ​ട്ട​ങ്ങ​ളി​ൽ നി​ല​യു​റ​പ്പി​ക്കു​ന്ന ആ​ന​ക​ൾ ഏ​തു​സ​മ​യ​ത്തും റോ​ഡി​ലേ​ക്കി​റ​ങ്ങാ​ൻ സാ​ധ്യ​ത​യു​ള്ള​തി​നാ​ൽ ജാ​ഗ്ര​ത മു​ന്ന​റി​യി​പ്പും അ​ധി​കൃ​ത​ർ ന​ൽ​കു​ന്നു​ണ്ട്.

അ​തേ​സ​മ​യം, പ​ക​ൽ സ​മ​യ​ങ്ങ​ളി​ൽ ആ​ന​ക്കൂ​ട്ടം റോ​ഡി​ലി​റ​ങ്ങി ഭീ​തി പ​ര​ത്തു​ന്ന​ത് ത​ട​യാ​ൻ വ​ന​പാ​ല​ക​രു​ടെ ഭാ​ഗ​ത്തു​നി​ന്ന് പ​ട്രോ​ളി​ങ് ഉ​ൾ​പ്പ​ടെ​യു​ള്ള മു​ൻ​ക​രു​ത​ലു​ക​ൾ എ​ടു​ക്ക​ണ​മെ​ന്നും യാ​ത്ര​ക്കാ​ർ​ക്ക് സു​ഗ​മ​സ​ഞ്ചാ​രം ഒ​രു​ക്ക​ണ​മെ​ന്നു​മു​ള്ള ആ​വ​ശ്യ​മു​യ​രു​ന്നു​ണ്ട്.