പെ​രി​ങ്ങ​ൽ​ക്കു​ത്ത് ഡാം തു​റ​ന്നു; ചാ​ല​ക്കു​ടി​പ്പു​ഴ​യി​ൽ ജ​ല​നി​ര​പ്പ് ഉ​യ​ർ​ന്നു

അ​തി​ര​പ്പി​ള്ളി: വ​ന​മേ​ഖ​ല​യി​ൽ തു​ട​ർ​ച്ച​യാ​യി പെ​യ്യു​ന്ന ക​ന​ത്ത മ​ഴ​യെ തു​ട​ർ​ന്ന് പെ​രി​ങ്ങ​ൽ​കു​ത്ത് ഡാ​മി​ന്റെ ര​ണ്ട് ഷ​ട്ട​റു​ക​ൾ തു​റ​ന്നു. ജ​ല​നി​ര​പ്പ് ക്ര​മീ​ക​രി​ക്കു​ന്ന​തി​ന്റെ ഭാ​ഗ​മാ​യി ബു​ധ​നാ​ഴ്ച ഉ​ച്ച​യോ​ടെ ഡാ​മി​ന്റെ ര​ണ്ട് ഷ​ട്ട​റു​ക​ൾ ഓ​രോ അ​ടി വീ​ത​മാ​ണ് തു​റ​ന്ന​ത്.

ഈ ​സീ​സ​ണി​ൽ ആ​ദ്യ​മാ​യാ​ണ് പെ​രി​ങ്ങ​ൽ​ക്കു​ത്ത് തു​റ​ന്ന​ത്. ഡാ​മി​ന്റെ പ​ര​മാ​വ​ധി സം​ഭ​ര​ണ ശേ​ഷി 424 മീ​റ്റ​ർ ആ​ണ്. രാ​വി​ലെ ജ​ല​നി​ര​പ്പ് 423 മീ​റ്റ​റി​ൽ എ​ത്തി​യ​തോ​ടെ വെ​ള്ളം തു​റ​ന്നു​വി​ടാ​ൻ തീ​രു​മാ​ന​മെ​ടു​ത്തി​രു​ന്നു. ചാ​ല​ക്കു​ടി​പ്പു​ഴ​യി​ൽ ആ​ശ​ങ്കാ​ജ​ന​ക​മാ​യ സാ​ഹ​ച​ര്യം ഇ​ല്ല.

ജി​ല്ല​യി​ൽ യെ​ല്ലോ അ​ല​ർ​ട്ട് ര​ണ്ടു​ദി​വ​സ​ത്തേ​ക്ക് നി​ല​നി​ൽ​ക്കു​ന്നു​ണ്ട്. കു​റ​ച്ചു ദി​വ​സ​മാ​യി, വ​ന​മേ​ഖ​ല​യി​ൽ ക​ന​ത്ത മ​ഴ പെ​യ്തി​രു​ന്നു. അ​തി​ര​പ്പി​ള്ളി​യി​ൽ ക​ഴി​ഞ്ഞ ദി​വ​സം 115 എം.​എം മ​ഴ പെ​യ്തി​രു​ന്നു.

ചാ​ല​ക്കു​ടി​യി​ലും ക​ന​ത്ത മ​ഴ​യു​ണ്ട്. ഇ​വി​ടെ 106.08 എം.​എം മ​ഴ പെ​യ്തു. സ​മീ​പ പ​ഞ്ചാ​യ​ത്തു​ക​ളി​ലും ഭേ​ദ​പ്പെ​ട്ട രീ​തി​യി​ൽ മ​ഴ​യു​ണ്ട്. പ​രി​യാ​രം -92 എം.​എം, മേ​ലൂ​ർ -75 എം.​എം, കാ​ടു​കു​റ്റി -74.4 എം.​എം. എ​ന്നി​ങ്ങ​നെ​യാ​ണ് ക​ഴി​ഞ്ഞ ദി​വ​സം പെ​യ്ത മ​ഴ​യു​ടെ അ​ള​വ്.

ഇ​തി​നെ തു​ട​ർ​ന്ന് ചാ​ല​ക്കു​ടി​പ്പു​ഴ​യി​ലെ ജ​ല​നി​ര​പ്പി​ലും ഒ​ഴു​ക്കി​ലും ചെ​റി​യ ഉ​യ​ർ​ച്ച​യു​ണ്ടാ​യി. നി​ല​വി​ൽ ആ​റ​ങ്ങാ​ലി​യി​ൽ പു​ഴ​യി​ലെ ജ​ല​നി​ര​പ്പ് ഏ​ക​ദേ​ശം 3.2 മീ​റ്റ​ർ ആ​ണ്. ഇ​ത് അ​പ​ക​ട​നി​ര​പ്പ​ല്ലാ​ത്ത​തി​നാ​ൽ ആ​ശ​ങ്ക​യി​ല്ല. ത​ൽ​ക്കാ​ലം പെ​രി​ങ്ങ​ൽ​ക്കു​ത്തി​ലെ അ​ധി​ക​ജ​ലം ഒ​ഴി​വാ​ക്കി​യെ​ന്ന് മാ​ത്രം. പ​ക്ഷേ പെ​രി​ങ്ങ​ൽ​ക്കു​ത്തി​ന് മു​ക​ളി​ൽ ഉ​ള്ള അ​ണ​ക്കെ​ട്ടു​ക​ളി​ൽ ജ​ല​നി​ര​പ്പ് വ​ള​രെ കു​റ​വാ​ണ്. അ​തി​നാ​ൽ വെ​ള്ളം കൂ​ടു​ത​ലാ​യി തു​റ​ന്നു​വി​ടാ​നു​ള്ള സാ​ഹ​ച​ര്യം ത​ൽ​ക്കാ​ലം ഇ​ല്ല.

മു​ക​ളി​ലെ 2663 മീ​റ്റ​ർ സം​ഭ​ര​ണ ശേ​ഷി​യു​ള്ള കേ​ര​ള ഷോ​ള​യാ​റി​ൽ വെ​ള്ളം വ​ള​രെ കു​റ​വാ​ണ്. അ​വി​ടെ ഇ​പ്പോ​ൾ 2586.4 മീ​റ്റ​റാ​യി​ട്ടേ​യു​ള്ളൂ. ഷോ​ള​യാ​റി​ലും പെ​രി​ങ്ങ​ൽ​ക്കു​ത്തി​ലും ക​ഴി​ഞ്ഞ ദി​വ​സം ക​ന​ത്ത മ​ഴ​യു​ണ്ടാ​യി​രു​ന്നു. യ​ഥാ​ക്ര​മം 152 എം.​എം, 19.4 എം.​എം എ​ന്നി​ങ്ങ​നെ​യാ​യി​രു​ന്നു അ​ള​വ്.