പ്ലാസ്റ്റിക് നിരോധനം: പാളിയത് പലതവണ

തൃ​ശൂ​ർ: നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ളു​ടെ നി​രോ​ധ​നം ഉ​റ​പ്പാ​ക്കു​മെ​ന്ന് സ​ർ​ക്കാ​ർ ആ​വ​ർ​ത്തി​ക്കു​മ്പോ​ൾ മു​ന്നി​ലു​ള്ള​ത് ന​ട​പ​ടി​ക​ൾ പ​ല ത​വ​ണ പാ​ളി​പ്പോ​യ ച​രി​ത്രം. പു​ന​രു​പ​യോ​ഗ സാ​ധ്യ​ത​യി​ല്ലാ​ത്ത പ്ലാ​സ്റ്റി​ക്കി​നെ​തി​രെ സ​ർ​ക്കാ​റു​ക​ൾ യു​ദ്ധ​പ്ര​ഖ്യാ​പ​നം ന​ട​ത്താ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. എ​ന്നാ​ൽ, നി​രോ​ധ​നം ന​ട​പ്പാ​ക്ക​ൽ പ​ല കാ​ര​ണ​ങ്ങ​ളാ​ൽ കാ​ര്യ​മാ​യി മു​ന്നോ​ട്ടു​പോ​കാ​തി​രു​ന്ന​തി​നാ​ൽ ഇ​തു​യ​ർ​ത്തു​ന്ന ഭീ​ഷ​ണി​ക്ക് ഒ​രു കു​റ​വു​മു​ണ്ടാ​യി​ട്ടി​ല്ല. സ​ർ​ക്കാ​റി​നെ വി​ശ്വ​സി​ച്ച് പേ​പ്പ​ർ ബാ​ഗ്, പാ​ള പ്ലേ​റ്റ് നി​ർ​മാ​ണം എ​ന്നി​വ​ക്ക​ട​ക്കം ഇ​റ​ങ്ങി​യ​വ​ർ പ്ര​തി​സ​ന്ധി​യി​ലു​മാ​യി. പ​രി​സ്ഥി​തി​ക്ക് ഗു​രു​ത​ര ഭീ​ഷ​ണി​യാ​യ, പു​ന​രു​പ​യോ​ഗ​സാ​ധ്യ​ത​യി​ല്ലാ​ത്ത പ്ലാ​സ്റ്റി​ക് ഉ​ൽ​പ​ന്ന നി​രോ​ധ​നം പ​ല ത​വ​ണ ഉ​ത്ത​ര​വു​ക​ളാ​യി ഇ​റ​ങ്ങി​യ​താ​ണ്. ഹൈ​കോ​ട​തി​യും സ​ർ​ക്കാ​റി​നോ​ട് പ​ല ത​വ​ണ ആ​വ​ശ്യ​പ്പെ​ടു​ക​യും ചെ​യ്തി​രു​ന്നു. എ​ന്നാ​ൽ, ഉ​ത്ത​ര​വു​ക​ളി​റ​ങ്ങി തു​ട​ക്ക​ത്തി​ലു​ണ്ടാ​ക്കു​ന്ന ബ​ഹ​ള​മ​ല്ലാ​തെ പി​ന്നീ​ട് ഒ​ന്നും സം​ഭ​വി​ക്കാ​റി​ല്ല. ഒ​ടു​വി​ൽ 2022 ജൂ​ലൈ​യി​ൽ 50 മൈ​ക്രോ​ണി​ൽ താ​ഴെ​യു​ള്ള കാ​രി​ബാ​ഗു​ക​ളു​ടെ​യ​ട​ക്കം നി​രോ​ധ​നം ക​ർ​ശ​ന​മാ​ക്കാ​ൻ സ​ർ​ക്കാ​ൻ ഉ​റ​ച്ച തീ​രു​മാ​ന​മെ​ടു​ത്ത​താ​ണ്.

തു​ട​ക്ക​ത്തി​ൽ ത​ദ്ദേ​ശ​സ്ഥാ​പ​ന​ങ്ങ​ളി​ലെ ആ​രോ​ഗ്യ വി​ഭാ​ഗ​മ​ട​ക്കം ക​ർ​ശ​ന പ​രി​ശോ​ധ​ന​യാ​ണ് സം​സ്ഥാ​ന​ത്തു​ട​നീ​ളം ന​ട​ത്തി​യ​ത്. പി​ന്നീ​ട് പ​രി​ശോ​ധ​ന ച​ട​ങ്ങു​ക​ളാ​യ​തോ​ടെ വ​ർ​ധി​ത​വീ​ര്യ​ത്തി​ൽ നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ തി​രി​ച്ചെ​ത്തി. ആ​ദ്യ​ഘ​ട്ട​ത്തി​ൽ പ്ലാ​സ്റ്റി​ക് ക​വ​റു​ക​ൾ ഒ​ഴി​വാ​ക്കി​യ സ്ഥാ​പ​ന​ങ്ങ​ൾ​പോ​ലും പ​ഴ​യ നി​ല​യി​ലേ​ക്ക് തി​രി​ച്ചെ​ത്തി. വ​ഴി​യോ​ര​ക്ക​ച്ച​വ​ട​ക്കാ​രും മ​ത്സ്യ, മാം​സ ക​ച്ച​വ​ട​ക്കാ​രു​മെ​ല്ലാം കു​റ​ഞ്ഞ മൈ​ക്രോ​ണി​ലു​ള്ള കാ​രി​ബാ​ഗു​ക​ൾ ഉ​പ​യോ​ഗി​ക്കു​ന്ന​ത് വ്യാ​പ​ക​മാ​യി​ട്ടും അ​ധി​കൃ​ത​ർ ക​ണ്ണ​ട​ച്ചു. ഇ​ത്ത​രം കാ​രി​ബാ​ഗു​ക​ളി​ൽ മാ​ലി​ന്യം നി​റ​ച്ചാ​ണ് മി​ക്ക​വാ​റും പൊ​തു​യി​ട​ങ്ങ​ളി​ൽ ത​ള്ളു​ന്ന​ത്.

ശു​ചീ​ക​ര​ണ തൊ​ഴി​ലാ​ളി മ​രി​ച്ച ആ​മ​യി​ഴ​ഞ്ചാ​ൻ തോ​ട് ഇ​ത്ത​രം പ്ലാ​സ്റ്റി​ക് മാ​ലി​ന്യം നി​റ​ഞ്ഞ നി​ല​യി​ലാ​യി​രു​ന്നു. കൊ​ച്ചി​യ​ട​ക്കം പ്ര​ധാ​ന ന​ഗ​ര​ങ്ങ​ളി​ലെ​ല്ലാം പ്ലാ​സ്റ്റി​ക് മാ​ലി​ന്യം വ​ലി​യ വെ​ല്ലു​വി​ളി​യാ​ണ്. വ​ന​മേ​ഖ​ല​യി​ലും അ​നി​യ​ന്ത്രി​ത​മാ​യി പ്ലാ​സ്റ്റി​ക് നി​ക്ഷേ​പി​ക്ക​പ്പെ​ടു​ന്നു. പ്ലാ​സ്റ്റി​ക്ക​ട​ക്കം മാ​ലി​ന്യം കൈ​കാ​ര്യം​ചെ​യ്യു​ന്ന​തി​ലെ ജ​ന​ങ്ങ​ളു​ടെ മാ​റാ​ത്ത മ​നോ​ഭാ​വ​വും വ​ലി​യ തി​രി​ച്ച​ടി​യാ​ണ്. നാ​ടും ന​ഗ​ര​വും നി​റ​യു​ന്ന ഫ്ല​ക്സ് ബോ​ർ​ഡു​ക​ൾ​ക്കെ​തി​രെ ഹൈ​കോ​ട​തി വ​ടി​യെ​ടു​ത്ത​പ്പോ​ഴാ​ണ് മു​മ്പ് സ​ർ​ക്കാ​ർ ന​ട​പ​ടി​യെ​ടു​ത്ത​ത്. എ​ങ്കി​ലും ഫ്ല​ക്സി​നെ ഇ​നി​യും പൂ​ർ​ണ​മാ​യി പ​ടി​ക​ട​ത്താ​നാ​യി​ട്ടി​ല്ല.