ഇസ്മായിൽ
കുന്നംകുളം: സ്വകാര്യ ബസില്‍ യുവതിക്ക് നേരെ ലൈംഗികാതിക്രമം നടത്തിയ സംഭവത്തിൽ പ്രതി പിടിയിൽ. മാറഞ്ചേരി കരിങ്കല്ലത്താണി സ്വദേശി പുന്നക്കാട്ടയില്‍ വീട്ടില്‍ ഇസ്മായിലിനെ (47) ആണ് കുന്നംകുളം സ്റ്റേഷന്‍ ഹൗസ് ഓഫിസര്‍ യു.കെ. ഷാജഹാൻ അറസ്റ്റ് ചെയ്തത്. വെള്ളിയാഴ്ച രാവിലെ 8.45ന് സംസ്ഥാന പാതയിലെ കടവല്ലൂരിലാണ് സംഭവം.
തൃശൂരിലെ സ്വകാര്യ ആശുപത്രിയില്‍ ചികിത്സയിലിരിക്കുന്ന ഭര്‍ത്താവിനെ കാണാന്‍ എടപ്പാളിൽനിന്ന് പിതാവും മകനുമൊത്ത് പോകുന്നതിനിടെ യുവതിക്ക് നേരെ പിൻസീറ്റിലിരുന്ന പ്രതി ലൈംഗികാതിക്രമം നടത്തുകയായിരുന്നു.
യുവതി ബഹളം വെച്ചതോടെ നാട്ടുകാരും ബസ് ജീവനക്കാരും ചേര്‍ന്ന് ബസ് കുന്നംകുളം സ്റ്റേഷനിലെത്തിച്ച് പ്രതിയെ പൊലീസിലേൽപ്പിച്ചു. ഇയാളെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.