തൃശൂർ: വിവിധയിനം സിന്തറ്റിക് മയക്കുമരുന്നുകളുമായി യുവാവ് പിടിയിലായി. വെങ്കിടങ്ങ് ഏനാമാക്കൽ പുതിയവീട്ടിൽ അഫ്സലിനെയാണ് (28) എക്സൈസ് സ്പെഷൽ സ്ക്വാഡ് അറസ്റ്റ് ചെയ്തത്. ഇയാളിൽനിന്ന് 40 എം.ഡി.എം.എ എക്സ്റ്റസി ടാബ്ലെറ്റും 17 എൽ.എസ്.ഡി സ്റ്റാമ്പും ഒരു ഗ്രാം ക്രിസ്റ്റലും കഞ്ചാവും പിടിച്ചെടുത്തു. ഡെപ്യൂട്ടി എക്സൈസ് കമീഷണർ കെ. പ്രദീപ് കുമാറിന് ലഭിച്ച വിവരത്തെ തുടർന്നാണ് പരിശോധന നടത്തിയത്. ചാവക്കാട് മേഖലയിൽ യുവാക്കൾക്കിടയിൽ ന്യൂജെൻ ലഹരി ഉപയോഗം ലക്ഷ്യമിട്ട് കാറിൽ കടത്തിയ മയക്കുമരുന്നാണ് പിടിച്ചെടുത്തത്. സംഘത്തിലെ പ്രധാനിയാണ് അഫ്സൽ. മാരക മയക്കുമരുന്നാണ് എക്സ്റ്റസി. ഗോവയിൽനിന്ന് ലക്ഷങ്ങൾ ചെലവഴിച്ച് വാങ്ങിയ മരുന്നുകൾ പ്രത്യേക പാർട്ടികളിൽ വിതരണം ചെയ്യാനാണ് കടത്തിയത്.
ലഹരികടത്തിന് ഉപയോഗിച്ച കാറും പിടിച്ചെടുത്തു. റെയ്ഡിന് എക്സൈസ് ഇൻസ്പെക്ടർ ജി. കൃഷ്ണകുമാർ, അസി. എക്സൈസ് ഇൻസ്പെക്ടർ ജീൻ സൈമൺ, പ്രിവൻറിവ് ഓഫിസർ ടി.എസ്. സുരേഷ് കുമാർ, ഉദ്യോഗസ്ഥരായ ഡിക്സൻ, ശശികുമാർ, സന്തോഷ്, അനിഷ്, അബ്ദുൽ റഫീഖ്, രഞ്ജിത്ത്, സന്തോഷ്, ഷിബു എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.