മമ്മുട്ടിക്ക്​ നന്ദി പറഞ്ഞ്​​ പ്രധാനമന്ത്രി

കോഴിക്കോട്​: ഞായറാഴ്​ച രാത്രി നടക്കുന്ന ദീപം തെളിയിക്കലിന്​ പിന്തുണ അറിയിച്ച നടൻ മമ്മുട്ടിക്ക്​ നന്ദി പറഞ ്ഞ്​ ​പ്രധാനമന്ത്രി നരേന്ദ്ര മോദി. കഴിഞ്ഞദിവസമാണ്​ മമ്മുട്ടി ട്വിറ്ററിൽ വീഡ​ിയോ പോസ്​റ്റ്​ ചെയ്​തത്​. കോ വിഡെന്ന മഹാവിപത്തിനെതിരെ നമ്മുടെ നാട്​ ഒറ്റക്കെട്ടായി പോരാടുന്ന സമയത്ത്​ പ്രധാനമന്ത്രിയുടെ അഭ്യർഥന പ്രകാരം ഏപ്രിൽ അഞ്ചിന്​ രാത്രി ഒമ്പത്​ മുതൽ​ ഒമ്പത്​ മിനുറ്റ്​ വരെ അവരവരുടെ വീടുകളിൽ തെളിയിക്കുന്ന ഐക്യദീപത്തിന്​ എല്ലാവിധ പിന്തുണയും ആശംസയുമെന്നായിരുന്നു മമ്മൂട്ടിയുടെ വാക്കുകൾ. ഐക്യത്തി​​​െൻറ സാഹോദരത്തി​​​െൻറയും ഈ മഹാസംരംഭത്തിൽ എല്ലാവരു​ം പങ്കാളികളാകണമെന്നും അദ്ദേഹം അഭ്യർഥിച്ചിരുന്നു.

മമ്മുട്ടിയുടെ വീഡിയോക്ക്​ ട്വിറ്ററിലൂടെ തന്നെയാണ്​ മോദി മറുപടി നൽകിയത്​. ‘നന്ദി മമ്മൂക്ക, കോവിഡ്​ 19നെതിരായ പോരാട്ടത്തിൽ നമ്മുടെ രാജ്യത്തിന് വേണ്ടത് നിങ്ങളുടേതുപോലുള്ള ഐക്യത്തിനും സാഹോദര്യത്തിനും വേണ്ടിയുള്ള ഹൃദയംഗമമായ ആഹ്വാനമാണ്​ ’​-മോദി പറഞ്ഞു.

സംവിധായകൻ കരൺ ജോഹർ, നടൻ അനിൽ കപൂർ, രാംചരൺ, മാതാ അമൃതാനന്ദമയി, ക്രിക്കറ്റ്​ താരം കെ.എൽ. രാഹുൽ തുടങ്ങി നിരവധി പേർക്ക്​ പിന്തുണ അറിയിച്ചതിന്​ പ്രധാനമന്ത്രി നന്ദി പ്രകാശിപ്പിച്ചു.