തിരുവനന്തപുരം: മുൻ െഎ.എസ്.ആർ.ഒ ശാസ്ത്രജ്ഞൻ നമ്പി നാരായണന് പത്മഭൂഷൺ നൽകിയതിനെതിരെ മുൻ ഡി.ജി.പി ടി.പി സെൻകു മാർ. പുരസ്കാരത്തിനായി നമ്പി നാരായണൻ നൽകിയ സംഭാവന എന്താണെന്ന് സെൻകുമാർ ചോദിച്ചു. അവാർഡ് നൽകിയവർ ഇത് വിശദീകരിക്കണം. ശരാശരിയിൽ താഴെയുള്ള ശാസ്ത്രജ്ഞനാണ് നമ്പി നാരായണനെന്നും സെൻകുമാർ പറഞ്ഞു.
ഇങ്ങനെയാണെങ്കിൽ മറീയം റഷീദക്കും ഗോവിന്ദചാമിക്കും അമീറുൾ ഇസ്ലാമിനും പുരസ്കാരം നൽകേണ്ടി വരുമെന്നും സെൻകുമാർ പരിഹസിച്ചു.
സുപ്രീംകോടതി നിയോഗിച്ച കമ്മിറ്റി ചാരക്കേസ് പരിശോധിക്കുകയാണ്. ഇൗയൊരു സാഹചര്യത്തിൽ നമ്പി നാരായണന് പുരസ്കാരം നൽകിയത് എന്തിനാണ്. അന്വേഷണത്തിന് ശേഷം അദ്ദേഹത്തിന് ഭാരത് രത്ന തന്നെ നൽകിയാലും അതിനെ സ്വാഗതം ചെയ്യുമെന്നും സെൻകുമാർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.