പ്രത്യേക ട്രെയിനുകളുടെ സേവന കാലാവധി നീട്ടി

പാലക്കാട്: അവധിക്കാല തിരക്ക് ഒഴിവാക്കുന്നതിനായി താഴെപ്പറയുന്ന ട്രെയിൻ സർവിസുകളുടെ സേവന കാലാവധി നീട്ടി. ട്രെയിൻ നമ്പർ 06071 കൊച്ചുവേളി - ഹസ്രത്ത് നിസാമുദ്ദീൻ പ്രതിവാര സ്‌പെഷൽ ജൂൺ ഏഴ്, 14, 21, 28 തീയതികളിൽ ഉച്ചക്ക് 2.15ന് കൊച്ചുവേളിയിൽനിന്നും ട്രെയിൻ നമ്പർ 06072 ഹസ്രത്ത് നിസാമുദ്ദീൻ - കൊച്ചുവേളി പ്രതിവാര സ്പെഷൽ ജൂൺ 10, 17, 24 ജൂലൈ ഒന്ന് തീയതികളിൽ പുലർച്ചെ 4.10ന് ഹസ്രത്ത് നിസാമുദ്ദീനിൽ നിന്നും സർവിസ് നടത്തും.

ട്രെയിൻ നമ്പർ 06081 കൊച്ചുവേളി - ഷാലിമാർ പ്രതിവാര സ്പെഷൽ ജൂൺ ഏഴ്, 14, 21, 28 തീയതികളിൽ വൈകീട്ട് 4.20ന് കൊച്ചുവേളിയിൽനിന്നും ട്രെയിൻ നമ്പർ 06082 ഷാലിമാർ - കൊച്ചുവേളി പ്രതിവാര സ്പെഷൽ ജൂൺ 10, 17, 24, ജൂലൈ ഒന്ന് തീയതികളിൽ ഉച്ചക്ക് 2.20ന് ഷാലിമാറിൽനിന്നും സർവിസ് നടത്തും.

ട്രെയിൻ നമ്പർ 06083 കൊച്ചുവേളി - ബംഗളൂരു പ്രതിവാര സ്പെഷൽ ജൂൺ നാല്, 11, 18, 25, ജൂലൈ രണ്ട് തീയതികളിൽ വൈകീട്ട് 6.05ന് കൊച്ചുവേളിയിൽനിന്നും ട്രെയിൻ നമ്പർ 06084 ബംഗളൂരു - കൊച്ചുവേളി പ്രതിവാര സ്പെഷൽ ജൂൺ അഞ്ച്, 12, 19, 26, ജൂലൈ മൂന്ന് തീയതികളിൽ ഉച്ചക്ക് 12.45ന് ബംഗളൂരുവിൽ നിന്നും സർവിസ് നടത്തും.

ട്രെയിൻ നമ്പർ 06103 നാഗർകോവിൽ - ദിബ്രുഗഡ് ദ്വൈവാര സ്പെഷൽ ജൂൺ ഏഴ്, 21 തീയതികളിൽ വൈകീട്ട് 5.45ന് നാഗർകോവിലിൽനിന്നും ട്രെയിൻ നമ്പർ 06104 ദിബ്രുഗഢ് - നാഗർകോവിൽ ദ്വൈവാര സ്പെഷൽ ജൂൺ 12, 26 തീയതികളിൽ രാത്രി 9.30ന് ദിബ്രുഗഢിൽനിന്നും സർവിസ് നടത്തും.

ട്രെയിൻ നമ്പർ 06105 നാഗർകോവിൽ - ദിബ്രുഗഢ് ദ്വൈവാര സ്പെഷൽ ജൂൺ 14, 28 തീയതികളിൽ വൈകീട്ട് 5.45ന് നാഗർകോവിലിൽനിന്നും ട്രെയിൻ നമ്പർ 06106 ദിബ്രുഗഢ് - നാഗർകോവിൽ ദ്വൈവാര സ്പെഷൽ ജൂൺ 19, ജൂലൈ രണ്ട് തീയതികളിൽ വൈകീട്ട് 5.45ന് ദിബ്രുഗഢിൽനിന്നും സർവിസ് നടത്തും.

അവധിക്കാല പ്രത്യേക ട്രെയിൻ

പാലക്കാട്: അവധിക്കാലത്തെ തിരക്ക് ഒഴിവാക്കാൻ മംഗളൂരു സെൻട്രലിൽനിന്ന് കോയമ്പത്തൂർ ജങ്ഷനിലേക്ക് പ്രതിവാര പ്രത്യേക ട്രെയിൻ സർവിസ് നടത്തും. 06041 നമ്പർ മംഗളൂരു സെൻട്രൽ -കോയമ്പത്തൂർ ജങ്ഷൻ ട്രെയിൻ മംഗളൂരു സെൻട്രലിൽനിന്ന് മേയ് 18, 25, ജൂൺ ഒന്ന്, എട്ട്, 15, 22, 29 തീയതികളിൽ രാവിലെ 9.30ന് പുറപ്പെട്ട് വൈകീട്ട് 6.15ന് കോയമ്പത്തൂർ ജങ്ഷനിൽ എത്തും.

ട്രെയിൻ നമ്പർ 06042 കോയമ്പത്തൂർ ജങ്ഷൻ -മംഗളൂരു സെൻട്രൽ ട്രെയിൻ ഇതേ തീയതികളിൽ രാത്രി 10.15ന് കോയമ്പത്തൂർ ജങ്ഷനിൽനിന്ന് പുറപ്പെട്ട് പിറ്റേന്ന് 6.55ന് മംഗളൂരു സെൻട്രലിൽ എത്തും.

Tags:    
News Summary - Service period of special trains extended

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.