Representational Image
കോട്ടയം: സെക്കന്തരാബാദ്-തിരുവനന്തപുരം ശബരി എക്സ്പ്രസിൽ വനിത ടി.ടി.ഇക്കുനേരെ ലൈംഗികാതിക്രമം നടത്തിയ മധ്യവയസ്കനെ റെയിൽവേ പൊലീസ് അറസ്റ്റ് ചെയ്തു. തിരുവനന്തപുരം പൂവാർ ചന്തവിളകം ജേസഡിമ മാനുവലാണ് (64) അറസ്റ്റിലായത്.
ശനിയാഴ്ച ഉച്ചക്ക് ശബരി എക്സ്പ്രസ് ചിങ്ങവനം അടുക്കാറായപ്പോൾ ട്രെയിനിലെ റിസർവേഷൻ കമ്പാർട്ട്മെന്‍റിൽ ഡ്യൂട്ടിയിലുണ്ടായിരുന്ന ടി.ടി.ഇക്കു നേരെയാണ് മദ്യലഹരിയിലായിരുന്ന ഇയാൾ ലൈംഗിക അതിക്രമം നടത്തിയത്.
ഈ ട്രെയിനിൽ ഡ്യൂട്ടിയിലുണ്ടായിരുന്ന കോട്ടയം റെയിൽവേ പൊലീസ് സ്റ്റേഷനിലെ സിവിൽ പൊലീസ് ഓഫിസർ ഗോകുൽ തിലക് വിവരം അറിയിച്ചതിനെത്തുടർന്ന് എസ്.എച്ച്.ഒ റെജി പി. ജോസഫിന്‍റെ നേതൃത്വത്തിൽ തിരുവല്ല റെയിൽവേ സ്റ്റേഷനിലെത്തി പ്രതിയെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.