തൃശൂര്‍: ബി.ടെക് ബിരുദധാരിയായ യുവതിയെ ലൈംഗികമായി പീഡിപ്പിച്ചെന്ന കേസിൽ എറണാകുളം മുളവുകാട് പൊലീസ് സ്റ്റേഷൻ ഇന്‍സ്പെക്ടർ മരട് സ്വദേശി പനച്ചിക്കല്‍ പി.ആര്‍. സുനുവിനെ (44) റിമാൻഡ് ചെയ്തു. ജില്ല പ്രിന്‍സിപ്പല്‍ സെഷന്‍സ് ജഡ്ജി ഡി. അജിത്കുമാറാണ് റിമാൻഡ് ചെയ്തത്.
മുളവുകാട് പൊലീസ് സ്റ്റേഷനില്‍ പരാതി നൽകാനെത്തിയ പട്ടികജാതിക്കാരിയായ യുവതിയുമായി അടുപ്പം ഉണ്ടാക്കിയ ഇൻസ്പെക്ടർ പലതവണ കാറില്‍ വെച്ചും പ്രതിയുടെ വീട്ടിൽവെച്ചും പീഡിപ്പിച്ചുവെന്നാണ് പരാതി. വിവാഹിതനും രണ്ട് കുട്ടികളുടെ പിതാവുമായ പ്രതി ഭാര്യയെ വിവാഹമോചനം ചെയ്ത് പരാതിക്കാരിയെ വിവാഹം കഴിക്കാമെന്ന് വാഗ്ദാനം നല്‍കിയാണ് പീഡിപ്പിച്ചതെന്ന് പരാതിയില്‍ പറയുന്നു.
നിരപരാധിയാണെന്നും മുന്‍കൂര്‍ ജാമ്യം നല്‍കണമെന്നുമുള്ള പ്രതിയുടെ അപേക്ഷ കോടതി കഴിഞ്ഞ നവംബറില്‍ കോടതി തള്ളിയിരുന്നു. തുടര്‍ന്ന് പ്രതി ഹൈകോടതിയില് ജാമ്യാപേക്ഷ നല്‍കിയെങ്കിലും തൃശൂര്‍ പൊലീസ് അസി. കമീഷണറുടെ മുന്നില്‍ കീഴടങ്ങാന്‍ നിർദേശിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.