കൽപ്പറ്റ: മുതിർന്ന നേതാവായ കെ.സി. റോസക്കുട്ടി പാർട്ടിയിൽ നിന്ന് രാജിവെച്ചതിൽ ഖേദമുണ്ടെന്ന് കൽപ്പറ്റ യു.ഡി.എഫ് സ്ഥാനാർഥി ടി. സിദ്ദീഖ്. കോൺഗ്രസിൽ ഏറെ പരിഗണന ലഭിച്ച നേതാവാണെന്നും സിദ്ദീഖ് മാധ്യമങ്ങളോട് പറഞ്ഞു.
കൽപ്പറ്റ മണ്ഡലത്തിൽ സ്ഥാനാർഥിയായി പരിഗണിച്ചില്ലെന്ന് ആരോപിച്ചാണ് മുതിർന്ന നേതാവായ കെ.സി. റോസക്കുട്ടി കോൺഗ്രസ് വിട്ടത്. കെ.പി.സി.സി വൈസ് പ്രസിഡന്‍റും എ.ഐ.സി.സി അംഗത്വവും പാർട്ടി പ്രാഥമിക അംഗത്വവും റോസക്കുട്ടി രാജി‍വെച്ചു.
കോൺഗ്രസ് ബന്ധം അവസാനിപ്പിച്ചതിന് പിന്നാലെ റോസക്കുട്ടി സി.പി.എമ്മിൽ ചേർന്നു. 1991ൽ സുൽത്താൻ ബത്തേരി എം.എൽ.എയും വനിത കമീഷൻ മുൻ അധ്യക്ഷയുമായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.