തിരുവനന്തപുരം: തിരുവിതാംകൂർ ദേവസ്വം ബോർഡിന് കീഴിലെ ക്ഷേത്രങ്ങളിൽ ഭക്തർ കാണിക്കയായി സമർപ്പിച്ച സ്വർണം ബോണ്ടാക്കി മാറ്റാൻ ആലോചന. സ്വർണം ഉരുക്കി റിസർവ് ബാങ്കിൽ ബോണ്ടാക്കി സൂക്ഷിക്കാനാണ് തീരുമാനം.
ഇതിൻെറ ഭാഗമായി ബോർഡിന് കീഴിലെ എല്ലാ ക്ഷേത്രങ്ങൾക്ക് കീഴിലെയും സ്വർണത്തിൻെറ കണക്കെടുപ്പ് തുടങ്ങി. ഗുരുവായൂർ, തിരുപ്പതി ക്ഷേത്രങ്ങളിൽ സ്വർണം ഇത്തരത്തിൽ ഉരുക്കി ബോണ്ടായി സൂക്ഷിക്കുകയാണ് ചെയ്യുന്നത്.
ക്ഷേത്രങ്ങളിൽ ആചാരങ്ങൾക്കും പൂജക്കും നിത്യാരാധനക്കും ഉപയോഗിക്കുന്നവ, പൗരാണിക മൂല്യമുള്ളവ ഒഴികെയാണ് ബോണ്ടായി മാറ്റുക. ബോണ്ടിന് റിസർവ് ബാങ്ക് നൽകുന്ന പലിശ ദേവസ്വം ബോർഡിന് ലഭിക്കും. ബോർഡ് യോഗത്തിൽ ചർച്ച ചെയ്ത ശേഷമാകും ഔദ്യോഗിക തീരുമാനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.