തൊടുപുഴ: കെ.കെ. രമക്കെതിരെ നടത്തിയ പ്രസ്താവന പിൻവലിക്കില്ലെന്ന് എം.എം. മണി എം.എൽ.എ. മഹതിയെന്നാണ് അവരെ വിളിച്ചത്. അത് നല്ല ഭാഷയാണ്. വിധവയല്ലേ എന്ന പ്രതിപക്ഷത്തിന്‍റെ ചോദ്യത്തിന് മറുപടി പറയുക മാത്രമാണ് ചെയ്തത്. രമയെ മുൻനിർത്തിയുള്ള യു.ഡി.എഫിന്‍റെ നീക്കമാണ് നടക്കുന്നതെന്നും അദ്ദേഹം പറഞ്ഞു.
തൊടുപുഴക്കടുത്ത് ഇടവെട്ടിയിൽ സി.പി.എം സംഘടിപ്പിച്ച വാഹന പ്രചാരണജാഥയിൽ സംസാരിക്കുകയായിരുന്നു അദ്ദേഹം. രമ എപ്പോഴും മുഖ്യമന്ത്രിയെ തേജോവധം ചെയ്തുകൊണ്ടിരിക്കുന്നു. നിയമസഭയിൽ വന്നാൽ വിമർശനം കേൾക്കേണ്ടിവരും. താൻ ഇനിയും വിമർശിക്കും.
കെ.പി.സി.സി അധ്യക്ഷൻ കെ. സുധാകരൻ തറ ഗുണ്ടയാണ്. കൊലപാതകം നടത്തിയിട്ട് ന്യായീകരിക്കുന്നയാളാണ് സുധാകരനെന്നും മണി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.