പാലക്കാട്: കാട്ടുപന്നി ഓട്ടോറിക്ഷയിൽ ഇടിച്ചുണ്ടായ അപകടത്തിൽ ഡ്രൈവർ മരിച്ചു. വക്കാല ആലമ്പലം സ്വദേശിനി വിജീഷ സോണിയ (37) ആണ് മരിച്ചത്. അപകടത്തിൽ മൂന്ന് വിദ്യാർഥികൾക്ക് പരിക്കേറ്റു.
പാലക്കാട് മംഗലം ഡാമിന് സമീപം കരിങ്കയത്ത് രാവിലെ 7.45നാണ് അപകടമുണ്ടായത്. ഉടൻ തന്നെ ഗുരുതര പരിക്കേറ്റ വിജീഷയെ നെന്മാറയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. വിദ്യാർഥികളുടെ പരിക്ക് ഗുരുതരമല്ല.
സ്കൂൾ വിദ്യാർഥികളെ കയറ്റാനായി പോവുകയായിരുന്നു വിജീഷ. ഈ സമയത്ത് രണ്ട് കാട്ടുപന്നികൾ ഓട്ടോയിൽ വന്ന് ഇടിക്കുകയായിരുന്നു. അപകട സമയത്ത് നാലു വിദ്യാർഥികൾ മാത്രമാണ് ഓട്ടോറിക്ഷയിൽ ഉണ്ടായിരുന്നത്.
നാലു വർഷമായി വിദ്യാർഥികളെ സ്കൂളിലെത്തിച്ചാണ് വിജീഷ ഉപജീവനം നടത്തിയിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.