ഇരിക്കൂർ: ഇരിക്കൂർ കുളങ്ങരപള്ളിക്കു സമീപം ദമ്പതികൾ സഞ്ചരിച്ച ബൈക്കും ടോറസ് ലോറിയും കൂട്ടിയിടിച്ച് വീട്ടമ്മക്ക് ദാരുണാന്ത്യം. ശ്രീകണ്ഠപുരം മാർക്കറ്റിലെ ബീഫ് സെന്ററിൽ ജോലിചെയ്യുന്ന ആദമിന്റെ ഭാര്യ പെരുവളത്തുപറമ്പ് അയ്യകത്ത് പുരയിൽ ത്വാഹിറയാണ് (51) മരിച്ചത്.
ഇരിക്കൂറിലെ ബാങ്കിലേക്ക് പോകുകയായിരുന്ന ഇവർ സഞ്ചരിച്ച ബൈക്കിനെ മറ്റൊരു വാഹനത്തെ മറികടന്നെത്തിയ ലോറി ഇടിക്കുകയായിരുന്നു. തലയിലൂടെ ചക്രങ്ങൾ കയറിയിറങ്ങിയ ത്വാഹിറ തൽക്ഷണം മരിച്ചു. അപകടത്തിൽ പരിക്കേറ്റ ആദം ആശുപത്രിയിൽ ചികിത്സ തേടി. മക്കൾ: അൻഷാദ്, അൻഷീർ (ഇരുവരും സൗദി), അൻഷിദ.
മരുമക്കൾ: മുഹ്സിന (പെടയങ്കോട്), ജംഷീന, ശഫീഖ് (നെടിയെങ്ങ). സഹോദരങ്ങൾ: ഫാത്തിമ, ഖദീജ, യൂനുസ്, മറിയം. കണ്ണൂർ ഗവ. മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിനുശേഷം ശനിയാഴ്ച ശ്രീകണ്ഠപുരം പഴയങ്ങാടി ജുമാമസ്ജിദിൽ ഖബറടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.