പോത്തൻകോട്: പ്രണയം നിരസിച്ചതിൽ മനംനൊന്ത തൃശൂർ സ്വദേശിയായ യുവാവ് യുവതിയുടെ വീടിന് മുന്നിലെത്തി പെട്രോൾ ഒഴിച്ച് തീ കൊളുത്തി ആത്മഹത്യക്ക് ശ്രമിച്ചു. ഗുരുതര പൊള്ളലേറ്റ തൃശൂർ സ്വദേശി ശ്യാം പ്രകാശി (32)നെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. 90 ശതമാനം പൊള്ളലേറ്റ ഇയാളുടെ നില ഗുരുതരമാണ്.
തിരുവനന്തപുരം പോത്തൻകോട് വേങ്ങോട് മലമുകളിൽ രാജന്റെ വീടിന് മുന്നിലാണ് ആത്മഹത്യാശ്രമ നടന്നത്. രാജന്റെ മകൾ രണ്ട് വർഷത്തിലേറെയായി യുവാവുമായി അടുപ്പത്തിലായിരുന്നു. തുടർന്ന് വിവാഹാലോചനയുമായി ശ്യാമിന്റെ മാതാപിതാക്കൾ രാജന്റെ വീട്ടിലെത്തി. എന്നാൽ, യുവതിയുടെ വീട്ടുകാർ വിവാഹത്തിന് വിസമ്മതിക്കുകയായിരുന്നു.
ഇതിന്റെ മനോവിഷമത്തിൽ ഇന്നലെ യുവതിയുടെ വീടിന് മുന്നിൽ ബൈക്കിലെത്തിയ ശ്യം കന്നാസിൽ കരുതിയ പെട്രോൾ ദേഹത്ത് ഒഴിച്ചു തീ കൊളുത്തുകയായിരുന്നു. അര മണിക്കൂറോളം രാജന്റെ വീടിന്‍റെ മുന്നിൽ യുവാവ് പൊള്ളലേറ്റ് കിടന്നു. വിവാഹിതനും രണ്ടു കുട്ടികളുടെ പിതാവുമായ ശ്യാം ടെക്നോപാർക്കിലെ സെക്യൂരിറ്റി ജീവനക്കാരനാണ്. പോത്തൻകോട് പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.