എല്ലുനുറുങ്ങുന്ന വേദനക്കിടയിലും നേദ പറയുന്നു, മമ്മയുടെ അരികിലെത്തണം...

ദോ​ഹ: ഇ​തൊ​രു സി​നി​മാ​ക്ക​ഥ​യെ വെ​ല്ലു​ന്ന ജീ​വി​ത​ക​ഥ​യാ​ണ്. ഇ​നി​യും സം​ഭ​വി​ക്കാ​ത്തൊ​രു ​ക്ലൈ​മാ​ക്​​സി​നാ​യി ഖ​ത്ത​റി​ൽ അ​ൽ വ​ക്​​റ​യി​ലെ വീ​ടി​ന്റെ നാ​ലു ചു​മ​രു​ക​ൾ​ക്കു​ള്ളി​ൽ കാ​ത്തി​രി​ക്കു​ന്ന ക​ഥാ​നാ​യി​ക, ഇ​ന്ത്യ​ക്കാ​രി നേ​ദ യ​സ്​​ദാ​നി​യു​ടെ ജീ​വി​ത​ക​ഥ. ബം​ഗ​ളൂ​രു സ്വ​ദേ​ശി​യാ​യ അ​ൻ​ജും അ​സ്മ അ​സീ​സി​ന്റെ​യും ഇ​റാ​നി​യാ​യ ഫ​രി​ദ് യ​സ്ദാ​നി​യു​ടെ​യും ഏ​ക മ​ക​ളാ​യി കു​ടും​ബ​ത്തി​ലെ ചി​ത്ര​ശ​ല​ഭം​പോ​ലെ പാ​റി​പ്പ​റ​ക്കു​ന്ന​തി​നി​ടെ പ​ത്തു​വ​ർ​ഷം മു​മ്പ്​ ദോ​ഹ​യി​ൽ ന​ട​ന്ന ഒ​രു വാ​ഹ​നാ​പ​ക​ട​ത്തി​ലാ​ണ്​ നേ​ദ​യു​ടെ​യും കു​ടും​ബ​ത്തി​ന്റെ​യും ജീ​വി​തം ത​കി​ടം മ​റി​യു​ന്ന​ത്.

അ​ന്ന്, 15 വ​യ​സ്സാ​യി​രു​ന്നു നേ​ദ​യു​ടെ പ്രാ​യം. ദോ​ഹ​യി​ൽ മാ​തൃ​സ​ഹോ​ദ​രി​യു​ടെ വീ​ട്ടി​ൽ സ​ന്ദ​ർ​ശ​ന​ത്തി​നെ​ത്തി​യ നേ​ദ, കൂ​ട്ടു​കാ​ർ​ക്കൊ​പ്പം സ​ഞ്ച​രി​ക്ക​വെ​യാ​യി​രു​ന്നു അ​പ​ക​ടം സം​ഭ​വി​ച്ച​ത്. വാ​ഹ​ന​മോ​ടി​ച്ച സ്വ​ദേ​ശി പൗ​ര​ൻ മ​രി​ക്കു​ക​യും നേ​ദ​ക്ക്​ ഗു​രു​ത​ര പ​രി​ക്കേ​ൽ​ക്കു​ക​യും ചെ​യ്​​തു. ത​ല​ക്കും ന​​ട്ടെ​ല്ലി​നും പ​രി​ക്കേ​റ്റ ഇ​വ​ർ ഏ​റെ നാ​ള​ത്തെ ചി​കി​ത്സ​ക്കു​ശേ​ഷം ഓ​ർ​മ​ക​ൾ വീ​ണ്ടെ​ടു​ക്കു​​മ്പോ​ഴേ​ക്കും ശ​രീ​രം ത​ള​ർ​ന്നി​രു​ന്നു. ന​ട​ക്കാ​നോ സ്വ​ന്തം കാ​ര്യ​ങ്ങ​ൾ നി​ർ​വ​ഹി​ക്കാ​നോ ക​ഴി​യാ​തെ പൂ​ർ​ണ​മാ​യും വീ​ൽ​ചെ​യ​റി​ലാ​യി. സം​സാ​രം മു​റി​ഞ്ഞ്​ വാ​ക്കു​ക​ൾ അ​പൂ​ർ​ണ​മാ​യി. അ​പ​ക​ടം ഏ​ൽ​പി​ച്ച ആ​ഘാ​ത​ത്തി​ൽ വേ​ദ​ന​ക​ൾ മാ​ത്രം കൂ​ട്ടാ​യി. ജീ​വ​ൻ നി​ല​നി​ർ​ത്താ​ൻ വി​ദ​ഗ്​​ധ ചി​കി​ത്സ​ക​ൾ അ​നി​വാ​ര്യ​മാ​യി.

2012ൽ ​അ​പ​ക​ടം സം​ഭ​വി​ക്കു​​മ്പോ​ൾ സ​ന്ദ​ർ​ശ​ക വി​സ​യി​ലാ​യി​രു​ന്ന നേ​ദ​ക്ക്​ മെ​ഡി​ക്ക​ൽ എ​മ​ർ​ജ​ൻ​സി പ​രി​ഗ​ണി​ച്ച്​ താ​ൽ​ക്കാ​ലി​ക വി​സ അ​നു​വ​ദി​ക്കു​ക​യാ​യി​രു​ന്നു. ഇ​തി​നി​ടെ, ഹ​മ​ദ്​ മെ​ഡി​ക്ക​ൽ ക​മ്മി​റ്റി 340 ശതമാനം വൈ​ക​ല്യം സം​ഭ​വി​ച്ച​താ​യി സ്​​ഥി​രീ​ക​രി​ച്ച​തോ​ടെ അ​പ​ക​ട ഇ​ൻ​ഷു​റ​ൻ​സി​നാ​യി കേ​സ്​ ന​ട​പ​ടി​ക​ളി​ലേ​ക്ക്​ നീ​ങ്ങി. അ​ങ്ങ​നെ, 2014ൽ 6.04 ​ല​ക്ഷം റി​യാ​ൽ (അ​ന്ന​ത്തെ വി​നി​മ​യ നി​ര​ക്ക്​ പ്ര​കാ​രം ഒ​രു കോ​ടി രൂ​പ) ഇ​ൻ​ഷു​റ​ൻ​സ്​ തു​ക​യാ​യി കോ​ട​തി വി​ധി​ച്ചു. അ​ഭി​ഭാ​ഷ​ക​ന്റെ ഫീ​സും ക​ഴി​ച്ച്​ 4.74 ല​ക്ഷം റി​യാ​ലാ​ണ് (80 ല​ക്ഷം രൂ​പ) നേ​ദ​ക്ക്​ ല​ഭി​ച്ച​ത്.

ചി​കി​ത്സ​ക്കാ​യി ഇ​തി​ന​കം ത​ന്നെ ല​ക്ഷ​ങ്ങ​ൾ ചെ​ല​വ​ഴി​ച്ച കു​ടും​ബ​ത്തി​ന്​ ഒ​ന്നു​മ​ല്ലാ​യി​രു​ന്നു ഈ ​തു​ക. ഖ​ത്ത​റി​ലും ഇ​ന്ത്യ​യി​ലും ജ​ർ​മ​നി​യി​ലു​മാ​യി ഓ​രോ ഘ​ട്ട​ത്തി​ലും വി​ദ​ഗ്​​ധ ചി​കി​ത്സ​ക്കാ​യി പ്ര​വേ​ശി​പ്പി​ക്കു​​മ്പോ​ൾ ല​ക്ഷ​ങ്ങ​ൾ ബി​ല്ലു​ക​ളാ​യി. ഇ​റാ​നി​യാ​യ പി​താ​വ് നേ​ര​ത്തേ ത​ന്നെ കു​ടും​ബ​വു​മാ​യു​ള്ള ബ​ന്ധം ഒ​ഴി​വാ​ക്കി​യ​തി​നാ​ൽ ചി​കി​ത്സ​യും സം​ര​ക്ഷ​ണ​വു​മെ​ല്ലാം നേ​ദ​യു​ടെ മാതാവിന്റെ ബന്ധുക്കളുടെ മാ​ത്രം ബാ​ധ്യ​ത​യാ​യി. ദോ​ഹ​യി​ലു​ള്ള മാ​തൃ​സ​ഹോ​ദ​രി​യും പാ​ല​ക്കാ​ട്​ സ്വ​ദേ​ശി​യാ​യ ഇ​വ​രു​ടെ ഭ​ർ​ത്താ​വ്​ വി​നോ​ദും ജീ​വി​തം ദു​സ്സ​ഹ​മാ​യ കൊ​ച്ചു​മി​ടു​ക്കി​ക്ക്​ താ​ങ്ങാ​യി. ഇ​ൻ​ഷു​റ​ൻ​സ്​ തു​ക​യും ഇ​വ​രു​ടെ സ​മ്പാ​ദ്യ​വു​മെ​ല്ലാം നേ​ദ​യു​ടെ ചി​കി​ത്സ​ക്കാ​യാ​ണ് ചെ​ല​വ​ഴി​ച്ച​ത്.

ഏ​റ്റ​വും ഒ​ടു​വി​ൽ ​ജ​ർ​മ​നി​യി​ൽ​നി​ന്ന് ന​ട​ക്കാ​ൻ സ​ഹാ​യി​ക്കു​ന്ന സ് ​പ്ലി​ന്റ് ഘ​ടി​പ്പി​ച്ച് നാ​ട്ടി​ലേ​ക്കു​ള്ള യാ​ത്ര​ക്കി​ട​യി​ൽ 2019 ഡി​സം​ബ​റി​ൽ ഖ​ത്ത​റി​ലെ​ത്തി​യ​താ​യി​രു​ന്നു നേ​ദ. ഏ​താ​നും ദി​വ​സം ഇ​വി​ടെ ക​ഴി​ഞ്ഞ്​ വീ​ട്ടി​ലേ​ക്ക് മ​ട​ങ്ങാ​നു​ള്ള പ​ദ്ധ​തി കോ​വി​ഡ്​ വ്യാ​പ​ന​ത്തി​ൽ മു​ട​ങ്ങി. ആ​ഴ്​​ച​ക​ൾ മാ​ത്രം ത​ങ്ങാ​നെ​ത്തി​യ​വ​ൾ ഖ​ത്ത​റി​ൽ കു​ടു​ങ്ങി. കോ​വി​ഡ്​ ഇ​ള​വി​ൽ സ​ന്ദ​ർ​ശ​ന വി​സ​യു​ടെ കാ​ലാ​വ​ധി 2021 ഒ​ക്​​ടോ​ബ​ർ വ​രെ ദീ​ർ​ഘി​പ്പി​ച്ച​തി​നാ​ൽ ഇ​വി​ടെ​ത്ത​ന്നെ ത​ങ്ങി. പി​ന്നീ​ട്, രോ​ഗ​വ്യാ​പ​നം ശ​മി​ച്ച​തോ​ടെ 2021 ന​വം​ബ​റി​ൽ ജ​ർ​മ​നി​യി​ൽ നി​ന്നു​ള്ള ചി​കി​ത്സ​യു​ടെ തു​ട​ർ​ച്ച​യാ​യി ഓ​​ട്ടോ​ബോ​കി​ന്റെ ദു​ബൈ കേ​ന്ദ്ര​ത്തി​ലെ​ത്തി തു​ട​ർ​ചി​കി​ത്സ ന​ട​ത്താ​നു​ള്ള പ​ദ്ധ​തി​ക​ളു​മാ​യി അ​ൽ വ​ക്​​റ​യി​ലെ വീ​ട്ടി​ൽ​നി​ന്ന് പു​റ​പ്പെ​ട്ട​പ്പോ​ഴാ​ണ്​ ദു​രി​ത​ജീ​വി​ത​ത്തി​ന്റെ ര​ണ്ടാം ഭാ​ഗം ആ​രം​ഭി​ക്കു​ന്ന​ത്.

വി​ധി മാ​റി​മ​റി​ഞ്ഞു; യാ​ത്രാ​ വി​ല​ക്കി​ലാ​ണ്​ നേ​ദ

ദോ​ഹ വി​മാ​ന​ത്താ​വ​ള​ത്തി​ൽ​നി​ന്ന് പു​റ​പ്പെ​ടാ​നു​ള്ള ഒ​രു​ക്ക​ത്തി​നി​ട​യി​ലാ​ണ്​ നേ​ദ​ക്ക്​ ഖ​ത്ത​റി​ൽ​നി​ന്ന് പു​റ​ത്തേ​ക്ക്​ പോ​കാ​ൻ യാ​ത്രാ​വി​ല​ക്കു​ള്ള കാ​ര്യ​മ​റി​യു​ന്ന​ത്. ദു​രി​ത​ങ്ങ​ളു​ടെ തീ​രാ​ക്ക​യ​ത്തി​ലാ​യ കു​ടും​ബ​ത്തി​ന്​ ഇ​ര​ട്ടി ആ​ഘാ​ത​മാ​യി ഈ ​വാ​ർ​ത്ത. യാ​ത്രാ​വി​ല​ക്കി​ന്റെ കാ​ര​ണ​ങ്ങ​ൾ തേ​ടി​പ്പോ​യ​പ്പോ​ഴാ​ണ്​ ​ഏ​ഴു​ വ​ർ​ഷം മു​മ്പ്​ വി​ധി​ച്ച കോ​ട​തി​വി​ധി ഇ​ൻ​ഷു​റ​ൻ​സ്​ ക​മ്പ​നി​യു​ടെ അ​പ്പീ​ലി​നെ തു​ട​ർ​ന്ന്​ റ​ദ്ദാ​ക്കി​യ കാ​ര്യം അ​റി​യു​ന്ന​ത്.

ഇ​ൻ​ഷു​റ​ൻ​സ്​ തു​ക​യാ​യ 6.08 ല​ക്ഷം റി​യാ​ൽ പൂ​ർ​ണ​മാ​യും ക​മ്പ​നി​ക്ക്​ തി​രി​ച്ചു​ന​ൽ​ക​ണം എ​ന്ന ഉ​ത്ത​ര​വോ​ടെ പ​ഴ​യ വി​ധി​യെ 2018ൽ ​കോ​ട​തി റ​ദ്ദാ​ക്കി​യ വാ​ർ​ത്ത കേ​ട്ട്​ നേ​ദ​യും കു​ടും​ബ​വും വീ​ണ്ടും ത​ക​ർ​ന്നു. ഇ​ൻ​ഷു​റ​ൻ​സ്​ ക​മ്പ​നി​യു​ടെ അ​പ്പീ​ലും ത​ങ്ങ​ൾ​ക്കെ​തി​രാ​യ വി​ധി​യും വി​മാ​ന​ത്താ​വ​ള​ത്തി​ൽ ത​ട​ഞ്ഞ​പ്പോ​ൾ മാ​ത്ര​മാ​യി​രു​ന്നു കു​ടും​ബം അ​റി

​ഞ്ഞ​ത്. ​അ​ഭി​ഭാ​ഷ​ക​ന്റെ സ​ർ​വി​സ്​ ചാ​ർ​ജ്​ ക​ഴി​ച്ച്​ ല​ഭി​ച്ച ഇ​ൻ​ഷു​റ​ൻ​സ്​ തു​ക​യും ത​ങ്ങ​ളു​ടെ സ​മ്പാ​ദ്യ​വും പൂ​ർ​ണ​മാ​യും ചി​കി​ത്സ​ക്കാ​യി ചെ​ല​വ​ഴി​ച്ച്​ നി​ൽ​ക്കു​​മ്പോ​ഴാ​യി​രു​ന്നു ഭീ​മ​മാ​യ തു​ക തി​രി​ച്ച​ട​ക്കാ​ൻ ആ​വ​ശ്യ​പ്പെ​ടു​ന്ന​ത്. വി​ല​ക്ക്​ നീ​ക്കാ​ൻ ഇ​ൻ​ഷു​റ​ൻ​സ്​ ക​മ്പ​നി​​യെ സ​മീ​പി​ച്ചെ​ങ്കി​ലും തു​ക തി​രി​ച്ച​ട​ക്കാ​ൻ ത​ന്നെ​യാ​യി​രു​ന്നു ആ​വ​ശ്യം. ഇ​തോ​ടെ സ​ഹാ​യം തേ​ടി പ​ല വാ​തി​ലു​ക​ളി​ൽ മു​ട്ടി. ഒ​ടു​വി​ൽ, ഇ​ന്ത്യ​ൻ എം​ബ​സി​യു​ടെ​യും ഐ.​സി.​ബി.​എ​ഫി​ന്റെ​യും നി​യ​മ സ​ഹാ​യ ക്ലി​നി​ക്കി​ലും നേ​ദ​യു​ടെ കു​ടും​ബ​മെ​ത്തി. അ​ങ്ങ​നെ​യാ​ണ് ഖ​ത്ത​റി​ലെ മ​ല​യാ​ളി അ​ഭി​ഭാ​ഷ​ക​ൻ നി​സാ​ർ കോ​ച്ചേ​രി​യി​ലേ​ക്ക് വി​ഷ​​യ​മെ​ത്തു​ന്ന​ത്.

അ​ദ്ദേ​ഹ​ത്തി​ന്റെ കൂ​ടി സ​ഹാ​യ​ത്തോ​ടെ വീ​ണ്ടും സ​മീ​പി​ച്ച​പ്പോ​ൾ ന്യാ​യ​മാ​യ തു​ക ന​ൽ​കു​ക​യാ​ണെ​ങ്കി​ൽ ഇ​ള​വു​ക​ൾ അ​നു​വ​ദി​ച്ച് യാ​ത്രാ​വി​ല​ക്ക് നീ​ക്കാ​ൻ സ​ഹാ​യി​ക്കാ​മെ​ന്ന് ഇ​ൻ​ഷു​റ​ൻ​സ് ക​മ്പ​നി അ​റി​യി​ച്ചി​ട്ടു​ണ്ട്. ഇ​പ്പോ​ൾ, ഈ ​വാ​ക്കി​ൽ ആ​ശ്വാ​സം കാ​ണു​ക​യാ​ണ് വി​നോ​ദും ഭാ​ര്യ​യും.

എ​ന്നാ​ൽ, ആ​വ​ശ്യ​മാ​യ തു​ക ക​ണ്ടെ​ത്താ​ൻ ആ​രെ സ​മീ​പി​ക്ക​ണം എ​ന്ന​റി​യാ​തെ ദു​രി​ത​ക്ക​യ​ത്തി​ൽ ത​ന്നെ​യാ​ണ് കു​ടും​ബം. ​ശ​രീ​രം നു​റു​ങ്ങു​ന്ന വേ​ദ​ന​യോ​ടെ വ​ക്​​റ​യി​ലെ വീ​ട്ടി​ൽ ക​ട്ടി​ലി​ലും വീ​ൽ​ചെ​യ​റി​ലു​മാ​യി ക​ണ്ണീ​ർ വീ​ഴ്​​ത്തു​മ്പോ​ഴും ഈ ​പ്ര​തി​സ​ന്ധി മ​റി​ക​ട​ക്കാ​ൻ പ്ര​വാ​സി​ക​ളു​ടെ​യും മ​റ്റു സു​മ​ന​സ്സു​ക​ളു​ടെ​യും സ​ഹാ​യ​മെ​ത്തു​മെ​ന്ന പ്ര​തീ​ക്ഷ​യി​ലാ​ണ് നേ​ദ യ​സ്​​ദാ​നി. വേ​ദ​ന മ​റ​ക്കാ​ൻ അ​വ​ൾ​ക്ക്​ തു​ട​ർ ചി​കി​ത്സ വേ​ണം, ബം​ഗ​ളൂ​രു​വി​ലെ വാ​ട​ക​വീ​ട്ടി​ൽ ക​ണ്ണീ​രോ​ടെ​ കാ​ത്തി​രി​ക്കു​ന്ന അ​മ്മ​യു​ടെ അ​രി​കി​ലെ​ത്തി ആ ​സ്​​നേ​ഹ​ത്തി​ൽ അ​ലി​യ​ണം.

ഈ ​ദു​രി​ത​ക്കാ​ഴ്​​ച​ക​ൾ​ക്കി​ട​യി​ൽ ത​ങ്ങ​ളെ ആ​രെ​ങ്കി​ലും സ​ഹാ​യി​ക്കു​മെ​ന്ന പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ്​ വി​നോ​ദും ഭാ​ര്യ​യും അ​വ​ർ​ക്ക് നി​യ​മ​സ​ഹാ​യ​വു​മാ​യി രം​ഗ​ത്തു​ള്ള അ​ഡ്വ. നി​സാ​ർ കോ​ച്ചേ​രി​യും (+974 5581 3105).