വ്യത്യസ്തനായ ഒരു വൈസ് ചാൻസലർ

പാൻറ്സും കോട്ടും ടൈയും ധരിച്ച് ഒരു ഇംഗ്ലീഷ് പ്രഫസറുടെ തികഞ്ഞ വേഷത്തിൽ മാത്രം ഓഫിസിൽ വരാറുള്ള ഗനി വെള്ളിയാഴ്ചകളിൽ വെള്ള ജുബ്ബയും പൈജാമയും അണിഞ്ഞ് സർവകലാശാലയുടെ വാഹനത്തിൽ തേഞ്ഞിപ്പലം കോഹിനൂർ പ്രദേശത്തെ പള്ളിയിൽ ജുമുഅ നമസ്കാരത്തിന് പോകും. എന്നാൽ, ആ യാത്രക്ക് ഓഫിസ് കാർ ഉപയോഗിക്കുന്നതിനുപോലും ഒരു വ്യത്യസ്തമായ മാതൃകയുണ്ടായിരുന്നു

സ​ർ​വ​ക​ലാ​ശാ​ല​ക​ളു​ടെ ത​ല​പ്പ​ത്ത് വൈ​സ് ചാ​ൻ​സ​ല​ർ​മാ​രെ നി​യ​മി​ക്കു​മ്പോ​ൾ അ​വ​ർ​ക്ക് ഡോ​ക്ട​റേ​റ്റ് വേ​ണ​മെ​ന്നു നി​ർ​ബ​ന്ധ​മി​ല്ലാ​ത്ത കാ​ലം. 1969 മേ​യ് 13ന് ​ത​മി​ഴ്നാ​ട്ടി​ൽ തി​രു​നെ​ൽ​വേ​ലി​യി​ൽ​നി​ന്നു​ള്ള ഒ​രു ഇം​ഗ്ലീ​ഷ് അ​ധ്യാ​പ​ക​ൻ, കാ​ലി​ക്ക​റ്റി​ന്റെ ആ​ദ്യ വി.​സി​യാ​യി അ​ധി​കാ​ര​മേ​ൽ​ക്കു​ന്നു. പേ​ര് പ്ര​ഫ​സ​ർ എം. ​മു​ഹ​മ്മ​ദ് ഗ​നി.ആ​റു​വ​ർ​ഷ​ങ്ങ​ൾ​ക്കു​ശേ​ഷം റി​ട്ട​യ​ർ ചെ​യ്യു​ന്ന​തി​നി​ട​യി​ൽ സ​ർ​വ​ക​ലാ​ശാ​ല സി​ൻ​ഡി​ക്കേ​റ്റ്, അ​ദ്ദേ​ഹ​ത്തി​നും ഡോ​ക്ട​ർ ഓ​ഫ് ലി​റ്റ​റേ​ച്ച​ർ ബ​ഹു​മ​തി സ​മ്മാ​നി​ക്കു​ക​യു​ണ്ടാ​യി. ഒ​പ്പം, സ്വാ​ത​ന്ത്ര്യ​സ​മ​ര സേ​നാ​നി​യാ​യ മാ​തൃ​ഭൂ​മി പ​ത്രാ​ധി​പ​ർ കെ.​പി. കേ​ശ​വ​മേ​നോ​നും.

അ​ന്ന് ആ ​ബ​ഹു​മ​തി സ്വീ​ക​രി​ച്ച​ശേ​ഷം ന​ന്ദി​പ​റ​ഞ്ഞു സം​സാ​രി​ക്ക​വെ മൃ​ദു​സ്വ​ര​ത്തി​ൽ പ്ര​ഫ. ഗ​നി പ​റ​ഞ്ഞു: സ​ർ​വ​ക​ലാ​ശാ​ല​യി​ൽ വ​കു​പ്പ് മേ​ധാ​വി​ക​ൾ​പോ​ലും ഇ​ന്ന് ഡോ​ക്ട​റേ​റ്റു​ള്ള​വ​രാ​ണ്. എ​നി​ക്ക് വ​രു​ന്ന പ​ല ക​ത്തു​ക​ളി​ലും ഡോ. ​എം.​എം. ഗ​നി എ​ന്ന മേ​ൽ​വി​ലാ​സം കാ​ണു​മ്പോ​ൾ, അ​വ എ​നി​ക്കു​ള്ള​തു​ത​ന്നെ​യാ​ണോ എ​ന്ന് സം​ശ​യി​ക്കാ​റു​ണ്ട്. ഇ​നി​മു​ത​ൽ സം​ശ​യി​ക്കാ​തെ​ത​ന്നെ ക​ത്തു​ക​ൾ സ്വീ​ക​രി​ക്കാം.

ഇ​ന്ത്യ​യി​ലെ പ​ഴ​ക്കം​ചെ​ന്ന സ​ർ​വ​ക​ലാ​ശാ​ല​ക​ളി​ൽ ഒ​ന്നാ​യ കേ​ര​ള യൂ​നി​വേ​ഴ്സി​റ്റി​യെ വി​ഭ​ജി​ക്കു​ന്നു​വെ​ന്ന​റി​ഞ്ഞ​പ്പോ​ൾ വി​ദ്യാ​ഭ്യാ​സ വി​ച​ക്ഷ​ണ​ർ​പോ​ലും എ​തി​ർ​ത്തു. എ​ന്നാ​ൽ, കോ​ള​ജു​ക​ൾ പെ​രു​കു​മ്പോ​ൾ, അ​ക്കാ​ദ​മി​ക്ക് നി​ല​വാ​രം താ​ഴ്ന്നു​പോ​വാ​തി​രി​ക്കാ​ൻ സ​ർ​വ​ക​ലാ​ശാ​ല​ക​ൾ വി​ഭ​ജി​ക്ക​ണ​മെ​ന്ന കോ​ത്താ​രി ക​മീ​ഷ​ൻ റി​പ്പോ​ർ​ട്ട് പൊ​ടി​പി​ടി​ച്ചു കി​ട​ക്കു​ക​യാ​യി​രു​ന്നു. ഡി​ഗ്രി​പോ​ലും പൂ​ർ​ത്തി​യാ​ക്കാ​ൻ ക​ഴി​യാ​തെ പൊ​തു​രം​ഗ​ത്തി​റ​ങ്ങേ​ണ്ടി​വ​ന്ന സി.​എ​ച്ച്. മു​ഹ​മ്മ​ദ്കോ​യ എ​ന്ന മ​ല​ബാ​റു​കാ​ര​നാ​യി​രു​ന്നു വി​ദ്യാ​ഭ്യാ​സ മ​ന്ത്രി. ഉ​ത്ത​ര​കേ​ര​ള​ത്തി​ലെ വി​ദ്യാ​ഭ്യാ​സ നി​ല​വാ​രം ഉ​യ​ർ​ത്താ​ൻ ഒ​രു പു​തി​യ സ​ർ​വ​ക​ലാ​ശാ​ല​കൂ​ടി വ​ര​ണ​മെ​ന്ന ഉ​ൾ​ക്കാ​ഴ്ച യു​ണ്ടാ​യി അ​ദ്ദേ​ഹ​ത്തി​ന്.

അ​ന്ന​ത്തെ ഇ.​എം.​എ​സ് മ​ന്ത്രി​സ​ഭ അ​ത് അം​ഗീ​ക​രി​ച്ചു. കോ​ഴി​ക്കോ​ട് വെ​സ്റ്റ്ഹി​ല്ലി​ൽ ഗ​വ. പോ​ളി​ടെ​ക്നി​ക്കി​ലെ ഒ​രു മു​റി അ​ഡ്മി​നി​സ്ട്രേ​റ്റി​വ് ഓ​ഫി​സാ​യി. എ​ൻ​ജി​നീ​യ​റി​ങ് കോ​ള​ജ് പ്രി​ൻ​സി​പ്പ​ലാ​യി​രു​ന്ന പ്ര​ഫ. കെ.​സി. ചാ​ക്കോ ഭ​ര​ണാ​ധി​പ​നു​മാ​യി.മ​ല​ബാ​റി​നെ ന​ന്നാ​യ​റി​യു​ന്ന ഒ​ര​ധ്യാ​പ​ക ശ്രേ​ഷ്ഠ​നെ വൈ​സ് ചാ​ൻ​സ​ല​റാ​യി നി​യ​മി​ക്കാ​നു​ള്ള ഓ​ട്ട​ത്തി​ലാ​യി​രു​ന്നു സി.​എ​ച്ച്. ത​ല​ശ്ശേ​രി ബ്ര​ണ്ണ​നി​ലും പാ​ല​ക്കാ​ട് വി​ക്ടോ​റി​യ​യി​ലും ഇം​ഗ്ലീ​ഷ് പ്ര​ഫ​സ​റും പ്രി​ൻ​സി​പ്പ​ലു​മാ​യി തി​ള​ങ്ങി​യി​രു​ന്ന പ്ര​ഫ. ഗ​നി​യി​ലേ​ക്ക് അ​ന്വേ​ഷ​ണം ചെ​ന്നു​ക​യ​റി. അ​ന്നേ​രം പ്ര​ഫ. ഗ​നി കർണാടകയിലെ റീ​ജ​ന​ൽ ഇം​ഗ്ലീ​ഷ് ഇ​ൻ​സ്റ്റി​റ്റ്യൂ​ട്ട് മേ​ധാ​വി​യാ​യി സേ​വ​ന​മ​നു​ഷ്ഠി​ക്കു​ക​യാ​യി​രു​ന്നു.

ഇ​തേ​പ്പ​റ്റി പി​ന്നീ​ട് ഒ​രു പ്ര​സി​ദ്ധീ​ക​ര​ണ​ത്തി​ൽ 'വ്യ​ത്യ​സ്ത​നാ​യ കോ​യ' എ​ന്ന ത​ല​ക്കെ​ട്ടി​ൽ പ്ര​ഫ. ഗ​നി എ​ഴു​തി: 'വ്യ​ക്തി​പ​രം എ​ന്നു​കാ​ണി​ച്ച് തി​രു​വ​ന​ന്ത​പു​ര​ത്തു​നി​ന്ന് എ​നി​ക്കൊ​രു ക​ത്തു കി​ട്ടി. ഒ​രു ഔ​ദ്യോ​ഗി​ക​മു​ദ്ര​യും ഇ​ല്ലാ​തെ​യു​ള്ള സ്വ​കാ​ര്യ ക​ത്ത്. ക​വ​ർ പൊ​ളി​ച്ച​പ്പോ​ൾ തി​രു​വ​ന​ന്ത​പു​ര​ത്ത് മ​ന്ത്രി​വ​സ​തി​യി​ൽ ഉ​ച്ച​ഭ​ക്ഷ​ണ​ത്തി​നു​ള്ള ക്ഷ​ണം മാ​ത്രം.അ​ത​നു​സ​രി​ച്ച് 1969 ഫെ​ബ്രു​വ​രി​യി​ലെ ഒ​രു നാ​ളി​ൽ ഞാ​ൻ തി​രു​വ​ന​ന്ത​പു​ര​ത്തെ മ​ന്ത്രി​വ​സ​തി​യി​ൽ ചെ​ന്നു. നി​റ​ഞ്ഞ ചി​രി​യോ​ടെ മ​ന്ത്രി​ത​ന്നെ വ​ന്ന് എ​ന്നെ എ​തി​രേ​റ്റ് സ്വീ​ക​ര​ണ​മു​റി​യി​ലേ​ക്ക് കൂ​ട്ടി​ക്കൊ​ണ്ടു​പോ​യി. ഞാ​ന​ദ്ദേ​ഹ​ത്തെ ആ​ദ്യ​മാ​യി കാ​ണു​ക​യാ​യി​രു​ന്നു. എ​ന്നെ​ക്കാ​ൾ 20 വ​ർ​ഷ​മെ​ങ്കി​ലും ചെ​റു​പ്പ​മു​ള്ള മ​ന്ത്രി.

ല​ഞ്ചി​ന് മ​റ്റു ചി​ല മാ​ന്യ​ന്മാ​രും ഉ​ണ്ടാ​യി​രു​ന്നു. അ​വ​രെ​യൊ​ക്കെ യാ​ത്ര​യാ​ക്കി​യ​ശേ​ഷം ആ​തി​ഥേ​യ​ൻ എ​ന്റെ അ​ടു​ത്തേ​ക്ക് നീ​ങ്ങി. എ​ന്നി​ട്ട​ദ്ദേ​ഹം ഈ ​കോ​ള​ജ​ധ്യാ​പ​ക​നോ​ട് ചോ​ദി​ച്ചു: കേ​ര​ള​ത്തി​ൽ വി.​സി സ്ഥാ​നം സ്വീ​ക​രി​ക്കാ​മോ?ഞാ​ൻ പെ​ട്ടെ​ന്ന് ഉ​ത്ത​രം പ​റ​ഞ്ഞു: കേ​ര​ള സ​ർ​വ​ക​ലാ​ശാ​ല​യോ? ഞാ​നി​ല്ല. പു​തു​താ​യി തു​ട​ങ്ങു​ന്ന കാ​ലി​ക്ക​റ്റ് സ​ർ​വ​ക​ലാ​ശാ​ല​യാ​ണെ​ങ്കി​ൽ ചി​ന്തി​ക്കാം.വൈ​കി​യി​ല്ല. നി​യ​മ​ന ഉ​ത്ത​ര​വ് വ​ന്നു, ചാ​ൻ​സ​ല​റാ​യ ഗ​വ​ർ​ണ​റു​ടെ ഉ​ത്ത​ര​വ്. സ​സ​ന്തോ​ഷം ചു​മ​ത​ല ഏ​റ്റെ​ടു​ത്തു. മ​ന്ത്രി​യും വി.​സി​യും ത​മ്മി​ൽ ന​ല്ല സൗ​ഹൃ​ദ​മാ​യി​രു​ന്നു.

എ​ന്നാ​ൽ, ചി​ല കാ​ര്യ​ങ്ങ​ളി​ലെ​ങ്കി​ലും അ​ഭി​പ്രാ​യ​വ്യ​ത്യാ​സ​ങ്ങ​ളു​മു​ണ്ടാ​യി. പ​ല​തി​ലും താ​ൻ അ​ദ്ദേ​ഹ​ത്തോ​ടൊ​പ്പം നി​ന്ന​പ്പോ​ൾ ചി​ല​തി​ൽ അ​ദ്ദേ​ഹം എ​ന്നോ​ട് വി​യോ​ജി​ച്ചു. സ​ർ​ക്കാ​ർ അം​ഗീ​ക​രി​ച്ച ബി​രു​ദാ​ന​ന്ത​ര കോ​ഴ്സു​ക​ൾ തു​ട​ങ്ങാ​ൻ സ്വ​കാ​ര്യ കോ​ള​ജു​ക​ളെ അ​നു​വ​ദി​ക്ക​ണ​മെ​ന്ന് അ​ദ്ദേ​ഹം പ​റ​ഞ്ഞ​പ്പോ​ൾ ആ​യി​രു​ന്നു ഒ​ന്ന്. നി​ല​വാ​രം ഉ​യ​ര​ണ​മെ​ങ്കി​ൽ സ​ർ​വ​ക​ലാ​ശാ​ല​യി​ൽ ത​ന്നെ ആ​വ​ണം പി.​ജി ക്ലാ​സു​ക​ൾ എ​ന്ന ത​ന്റെ വാ​ദം മ​ന്ത്രി പ​ക്ഷേ അം​ഗീ​ക​രി​ച്ചു. താ​നൊ​രു മാ​തൃ​കാ ഭ​ര​ണാ​ധി​കാ​രി​യെ ക​ണ്ടെ​ത്തു​ക​യാ​യി​രു​ന്നു' -പ്ര​ഫ. ഗ​നി പ​റ​ഞ്ഞു​വെ​ച്ചു.

ചു​ണ്ടി​ലെ​ന്നും ചെ​റു​പു​ഞ്ചി​രി​യു​മാ​യി ന​ട​ന്നു​നീ​ങ്ങി​യ ആ​ വി.​സി സ​ർ​വ​ക​ലാ​ശാ​ല​യു​ടെ അ​ക​ത്തും പു​റ​ത്തു​മു​ള്ള​വ​രു​മാ​യി തി​ക​ഞ്ഞ സൗ​ഹൃ​ദം പു​ല​ർ​ത്തി; എ​ന്നാ​ൽ, ആ​രു​മാ​യും കൂ​ടു​ത​ൽ അ​ടു​ക്കു​ക​യോ കൂ​ടു​ത​ൽ അ​ക​ലു​ക​യോ ചെ​യ്ത​തു​മി​ല്ല. ത​ന്നി​ൽ അ​ർ​പ്പി​ക്ക​പ്പെ​ട്ട ദൗ​ത്യം കു​റ്റ​മ​റ്റ​രീ​തി​യി​ൽ നി​ർ​വ​ഹി​ക്കു​ക എ​ന്ന​തി​ൽ മാ​ത്ര​മാ​യി​രു​ന്നു അ​ദ്ദേ​ഹ​ത്തി​ന്റെ ശ്ര​ദ്ധ.സ​ർ​വ​ക​ലാ​ശാ​ല​യെ ഒ​രു സ്പോ​ർ​ട്സ് യൂ​നി​വേ​ഴ്സി​റ്റി​യാ​ക്കി മാ​റ്റു​ന്ന​തി​നും ഈ ​പ​ഴ​യ​കാ​ല സ്പോ​ർ​ട്സ്മാ​ൻ ഏ​റെ താ​ൽ​പ​ര്യ​മെ​ടു​ത്തു. ത​ല​ശ്ശേ​രി​യി​ലും പാ​ല​ക്കാ​ട്ടും അ​ധ്യാ​പ​ക​നാ​യി​രി​ക്കെ സ്റ്റാ​ഫം​ഗ​ങ്ങ​ളോ​ടൊ​പ്പം ക്രി​ക്ക​റ്റ് ക​ളി​ച്ചി​രു​ന്ന അ​ദ്ദേ​ഹം കാ​ലി​ക്ക​റ്റ് ആ​ദ്യ​മാ​യി ഫു​ട്ബാ​ളി​ൽ അ​ഖി​ലേ​ന്ത്യ ഷീ​ൽ​ഡ് നേ​ടി​യ​പ്പോ​ൾ സ്വീ​ക​രി​ക്കാ​ൻ മു​ൻ​നി​ര​യി​ലു​ണ്ടാ​യി.

സ​ർ​വ​ക​ലാ​ശാ​ല​യു​ടെ പ്ര​വി​ശാ​ല​മാ​യ കാ​മ്പ​സി​ൽ ഓ​രോ ക​ല്ലും മു​ള്ളും വ​രെ വി.സി ന​ട​ന്നു മ​ന​സ്സി​ലാ​ക്കി​യി​രു​ന്നു. എ​വി​ടെ​യൊ​ക്കെ​യാ​ണ് ക​ളി​ക്ക​ള​ങ്ങ​ൾ രൂ​പ​പ്പെ​ടു​ത്തി​യെ​ടു​ക്കേ​ണ്ട​തെ​ന്നും അ​ദ്ദേ​ഹ​ത്തി​ന് അ​റി​യാ​മാ​യി​രു​ന്നു. അ​ങ്ങ​നെ അ​വി​ടെ ഓ​പ​ൺ സ്റ്റേ​ഡി​യ​വും ഇ​ൻ​ഡോ​ർ സ്റ്റേ​ഡി​യ​വും ജ​ന്മ​മെ​ടു​ത്തു.വി​വി​ധ വ​കു​പ്പു​ക​ൾ​ക്ക് മേ​ധാ​വി​ക​ളെ തെ​ര​ഞ്ഞെ​ടു​ക്കാ​നു​ള്ള സ​മി​തി​ക​ളി​ൽ​പോ​ലും പ്ര​ത്യേ​ക താ​ൽ​പ​ര്യം പ്ര​ക​ടി​പ്പി​ച്ച അ​ദ്ദേ​ഹം ഒ​രു ശി​പാ​ർ​ശ​ക്കും വ​ഴ​ങ്ങി​യി​ല്ല.

കാ​യി​ക വ​കു​പ്പ് മേ​ധാ​വി​യെ ക​ണ്ടെ​ത്തി​യ​തി​ലും ക​ഥ​യു​ണ്ട്. പ്രാ​മാ​ണി​ക​രാ​യ പ​ല​രു​ടെ​യും ശി​പാ​ർ​ശ​ക്ക​ത്തു​ക​ളു​മാ​യി പ​ല​രും ഇ​ന്റ​ർ​വ്യൂ​വി​നു വ​ന്നെ​ങ്കി​ലും, ബ്രി​ട്ട​നി​ലും അ​മേ​രി​ക്ക​യി​ലും പ​ഠി​ക്കു​ക​യും കേ​ര​ള​ത്തി​ൽ ത​ന്നെ പ​ല കോ​ള​ജു​ക​ളി​ലും ക​ളി​ക്ക​ള​ങ്ങ​ൾ രൂ​പ​പ്പെ​ടു​ത്തി​യെ​ടു​ക്കു​ക​യും ചെ​യ്ത ഒ​രു അ​ധ്യാ​പ​ക​ന്റെ സ​ർ​ട്ടി​ഫി​ക്ക​റ്റി​ലാ​ണ് അ​ദ്ദേ​ഹ​ത്തി​ന്റെ ക​ണ്ണ് പ​തി​ഞ്ഞ​ത്. ആ ​അ​ധ്യാ​പ​ക​ൻ ഇ​ന്റ​ർ​വ്യൂ സ​മ​യ​ത്ത് സാ​ക്ഷ്യ​പ​ത്ര​ത്തി​ന്റെ കോ​പ്പി ഹാ​ജ​രാ​ക്കി​യ​പ്പോ​ൾ പി​റ്റേ​ന്നു​ത​ന്നെ ഒ​റി​ജി​ന​ൽ എ​ത്തി​ക്കാ​നാ​യി സാ​വ​കാ​ശം ന​ൽ​കു​ക​യും ചെ​യ്തു.

മ​ല​യാ​ളം ചെ​റു​താ​യി അ​റി​യാ​മാ​യി​രു​ന്നെ​ങ്കി​ലും ഇം​ഗ്ലീ​ഷി​നോ​ടാ​യി​രു​ന്നു പ്ര​ഫ.​ഗ​നി​ക്ക് ഏ​റെ ഇ​ഷ്ടം. ഇം​ഗ്ലീ​ഷു​കാ​ർ പ​റ​യു​ന്ന​തി​നേ​ക്കാ​ൾ ഭം​ഗി​യാ​യി ഇം​ഗ്ലീ​ഷ് സം​സാ​രി​ച്ച അ​ദ്ദേ​ഹം സം​സാ​ര​ത്തി​ലാ​യാ​ലും, എ​ഴു​ത്തി​ലാ​യാ​ലും ഒ​രു വാ​ച​കം എ​ന്ന​ല്ല ഒ​രു വാ​ക്കു​പോ​ലും ആ​വ​ർ​ത്തി​ക്കാ​ത്ത പ്ര​തി​ഭ​യാ​യി​രു​ന്നു. പ്ര​ശ​സ്ത ഇം​ഗ്ലീ​ഷ് അ​ധ്യാ​പ​ക​ൻ പ്ര​ഫ​സ​ർ സി.​എ. ഷെ​പ്പാ​ർ​ഡ് കാ​ലി​ക്ക​റ്റി​ലെ വി​സി​റ്റി​ങ് പ്ര​ഫ​സ​റാ​യി നി​യ​മി​ത​നാ​യ​പ്പോ​ൾ അ​ദ്ദേ​ഹ​ത്തി​ന്റെ ലെ​ക്ച​ർ കേ​ൾ​ക്കാ​ൻ ഒ​ടു​വി​ല​ത്തെ ബെ​ഞ്ചി​ൽ വ​ന്നി​രി​ക്കാ​നും ആ ​വൈ​സ് ചാ​ൻ​സ​ല​ർ മ​ടി​ച്ചി​രു​ന്നി​ല്ല.

സ​ർ​വ​ക​ലാ​ശാ​ല​യി​ലെ സീ​നി​യ​ർ അ​ധ്യാ​പ​ക​രു​മാ​യി അ​ടു​ത്ത ബ​ന്ധം പു​ല​ർ​ത്തി​യി​രു​ന്നു. ആ​ദ്യ പി.​വി.​സി​യാ​യ കെ.​സി. ചാ​ക്കോ​യൊ​ടെ​ന്ന​പോ​ലെ സു​കു​മാ​ർ അ​ഴീ​ക്കോ​ട്, സി.​എ. ഷെ​പ്പാ​ർ​ഡ്, എം.​ജി.​എ​സ്.​നാ​രാ​യ​ണ​ൻ എ​ന്നി​വ​രു​ടെ ക​ഴി​വു​ക​ളി​ൽ അ​ഭി​മാ​നം​കൊ​ണ്ടി​രു​ന്നു.നാ​ട്യ​ങ്ങ​ളൊ​ന്നും ഇ​ല്ലാ​ത്ത മ​താ​ഭി​മാ​നി​യു​മാ​യി​രു​ന്നു പ്ര​ഫ​സ​ർ ഗ​നി. ത​ന്റെ സ​ഹ​ധ​ർ​മി​ണി മ​ര​ണ​പ്പെ​ട്ട​ത് ഒ​രു വ്യാ​ഴാ​ഴ്ച ആ​യി​രു​ന്ന​തി​നാ​ൽ എ​ല്ലാ വ്യാ​ഴാ​ഴ്ച​ക​ളി​ലും നോ​മ്പ് അ​നു​ഷ്ഠി​ക്കാ​റു​ണ്ടാ​യി​രു​ന്നു. വ്യാ​ഴാ​ഴ്ച ന​ട​ക്കു​ന്ന ച​ട​ങ്ങു​ക​ളി​ലും യോഗങ്ങളിലും വെ​ള്ളം​പോ​ലും കു​ടി​ക്കാ​തെ അ​ദ്ദേ​ഹം ഇ​രി​ക്കു​ന്ന​തു കാ​ണു​മ്പോ​ഴാ​ണ് പ​ല​രും ഇ​ക്കാ​ര്യം അ​റി​യാ​റ്.

പാ​ന്റ്സും കോ​ട്ടും ടൈ​യും ധ​രി​ച്ച് ഒ​രു ഇം​ഗ്ലീ​ഷ് പ്ര​ഫ​സ​റു​ടെ തി​ക​ഞ്ഞ വേ​ഷ​ത്തി​ൽ മാ​ത്രം ഓ​ഫി​സി​ൽ വ​രാ​റു​ള്ള ഗ​നി വെ​ള്ളി​യാ​ഴ്ച​ക​ളി​ൽ വെ​ള്ള ജു​ബ്ബ​യും പൈ​ജാ​മ​യും അ​ണി​ഞ്ഞ് സ​ർ​വ​ക​ലാ​ശാ​ല​യു​ടെ വാ​ഹ​ന​ത്തി​ൽ തേ​ഞ്ഞി​പ്പ​ലം കോ​ഹി​നൂ​ർ പ്ര​ദേ​ശ​ത്തെ പ​ള്ളി​യി​ൽ ജു​മു​അ ന​മ​സ്കാ​ര​ത്തി​ന് പോ​കും. എ​ന്നാ​ൽ, ആ ​യാ​ത്ര​യ്ക്ക് ഓ​ഫി​സ് കാ​ർ ഉ​പ​യോ​ഗി​ക്കു​ന്ന​തി​നു​പോ​ലും ഒ​രു വ്യ​ത്യ​സ്ത​മാ​യ മാ​തൃ​ക​യു​ണ്ടാ​യി​രു​ന്നു. പെ​ട്രോ​ളി​ന് ചെ​ല​വു​വ​രു​ന്ന തു​ക യൂ​ണി​വേ​ഴി​സി​റ്റി ട്ര​ഷ​റി​യി​ൽ അ​ട​ച്ച ച​ലാ​നു​മാ​യി ഡ്രൈ​വ​ർ തി​രി​ച്ചു​വ​ന്ന​ശേ​ഷം മാ​ത്ര​മേ അ​ദ്ദേ​ഹം പ​ള്ളി​യി​ലേ​ക്ക് പു​റ​പ്പെ​ടാ​റു​ള്ളൂ.

1975 മേ​യ് 31ന് ​അ​ഭി​മാ​ന​പൂ​ർ​വം ത​ല​യു​യ​ർ​ത്തി​ത്ത​ന്നെ അ​ദ്ദേ​ഹം സ​ർ​വ​ക​ലാ​ശാ​ല​യി​ൽ​നി​ന്ന് വി​ര​മി​ച്ചിറങ്ങി.കാലിക്കറ്റ് സ​ർ​വ​ക​ലാ​ശാ​ല​യി​ൽ പിന്നീട് നൂ​റു​ക​ണ​ക്കി​ന് അ​ധ്യാ​പ​ക​രും ല​ക്ഷ​ക്ക​ണ​ക്കി​ന് വി​ദ്യാ​ർ​ഥി​ക​ളു​മു​ണ്ടാ​യി, ഒ​രു ഡ​സ​ൻ വൈ​സ് ചാ​ൻ​സ​ല​ർ​മാ​രും വ​ന്നു. വി​ദ്യാ​ർ​ഥി​ക​ളി​ൽ പ​ല​രും അ​തി പ്ര​ശ​സ്ത​രാ​യി. അ​ധ്യാ​പ​ക​രും വി.​സി​മാ​രും അ​തി പ്ര​ഗ​ല്ഭ​രു​മാ​യി​രു​ന്നു. എ​ന്നാ​ൽ, എ​ന്നും വി​ദ്യാ​ർ​ഥി​പ​ക്ഷ​ത്തു​നി​ന്ന വി.​സി എ​ന്ന് ച​രി​ത്രം അ​ട​യാ​ള​പ്പെ​ടു​ത്തു​ക മാതൃകകളുടെ ഈ 'അക്ഷയ ഖനി'യെ ത​ന്നെ​യാ​യി​രി​ക്കും.