സോ​ഷ്യ​ലി​സം പു​റം​ച​ട്ട​യി​ൽ മാ​ത്രം

ഇ​ന്ത്യ​ൻ ഭ​ര​ണ​ഘ​ട​ന​യു​ടെ ആ​മു​ഖം ബ​ജ​റ്റ് രേ​ഖ​ക​ളു​ടെ ക​വ​റാ​യി ന​ൽ​കി​യും ‘കേ​ര​ള​മെ​ന്ന പേ​രു കേ​ട്ടാ​ലോ ​തി​ള​ക്ക​ണം ചോ​ര ഞ​ര​മ്പു​ക​ളി​ൽ’ എ​ന്ന വ​ള്ള​ത്തോ​ൾ ക​വി​ത പാ​ടി​യും പു​തി​യ സാ​മ്പ​ത്തി​ക വ​ർ​ഷ​ത്തി​ലെ കേ​ര​ള സം​സ്ഥാ​ന ബ​ജ​റ്റ് ധ​ന​മ​​ന്ത്രി കെ.​എ​ൻ. ബാ​ല​ഗോ​പാ​ൽ അ​വ​ത​രി​പ്പി​ച്ചി​രി​ക്കു​ന്നു. വ​ലി​യ പ്ര​ഖ്യാ​പ​ന​ങ്ങ​ളോ അ​ത്ഭു​ത​ങ്ങ​ളോ ഇ​ല്ലാ​ത്ത ബ​ജ​റ്റ് നാ​ടി​​ന്റെ സാ​മ്പ​ത്തി​ക പ്ര​തി​സ​ന്ധി വ്യ​ക്ത​മാ​ക്കു​ക​യും സ​ർ​ക്കാ​റി​ന്റെ കൈ​യി​ൽ പ​ണ​മി​ല്ലെ​ന്ന വ​സ്തു​ത ആ​വ​ർ​ത്തി​ച്ചു വെ​ളി​പ്പെ​ടു​ത്തു​ക​യും ചെ​യ്യു​ന്നു. പൊ​തു​വേ നി​കു​തി, നി​കു​തി​യേ​ത​ര വ​രു​മാ​നം കു​റ​വാ​യ​തും കേ​ന്ദ്ര സ​ർ​ക്കാ​റി​ൽ​നി​ന്ന്​ പ​ക​പോ​ക്ക​ലെ​ന്നോ​ണ​മു​ള്ള സാ​മ്പ​ത്തി​ക ഉ​പ​രോ​ധം നേ​രി​ടു​ന്ന​തു​മാ​യ ഒ​രു സം​സ്ഥാ​ന​ത്തി​​ന്റെ ബ​ജ​റ്റി​ൽ ഇ​തി​ൽ കൂ​ടു​ത​ൽ പ്ര​തീ​ക്ഷി​ക്കാ​നു​മി​ല്ല.

ഒ​രു സാ​മ്പ​ത്തി​ക വ​ർ​ഷം ചെ​ല​വ​ഴി​ക്കേ​ണ്ട​തും തി​രി​കെ ല​ഭി​ക്കേ​ണ്ട​തു​മാ​യ തു​ക​യു​ടെ ക​ണ​ക്ക് എ​ന്ന​തി​ന​പ്പു​റം ബ​ജ​റ്റ് സം​സ്ഥാ​ന​ത്തി​ന്റെ ഭാ​വി സൂ​ച​ക​വും കൂ​ടി​യാ​ണ്. അ​ത്ത​ര​ത്തി​ൽ, ധ​ന​മ​ന്ത്രി അ​വ​ത​രി​പ്പി​ച്ച ബ​ജ​റ്റ് ക​ണ​ക്കു​ക​ൾ​ക്ക​പ്പു​റം ഭാ​വി​യെ​ക്കു​റി​ച്ച ശു​ഭ​സൂ​ച​ന ന​ൽ​കു​ന്നു​ണ്ടോ​യെ​ന്ന കാ​ര്യം സം​ശ​യ​മാ​ണ്. കൈ​യി​ൽ കാ​ശി​ല്ലാ​ത്ത ഒ​രാ​ൾ അ​ത് നാ​ട്ടു​കാ​ർ അ​റി​യാ​തി​രി​ക്കാ​ൻ കാ​ട്ടു​ന്ന പു​റം​പൂ​ച്ചി​ന​പ്പു​റം കാ​ര്യ​മാ​യൊ​ന്നും ബ​ജ​റ്റി​ൽ കാ​ണി​ക്കാ​ൻ ധ​ന​മ​ന്ത്രി​ക്ക് ക​ഴി​യാ​തെ പോ​കു​ന്ന​തും ആ ​ദ​യ​നീ​യ അ​വ​സ്ഥ കൊ​ണ്ടാ​ണ്. ഇ​ത്ത​ര​മൊ​രു സാ​ഹ​ച​ര്യം സൃ​ഷ്ടി​ച്ച​തി​നു പി​ന്നി​ൽ ഇ​തു​വ​രെ ഭ​രി​ച്ച​വ​രും അ​വ​രു​ടെ ന​യ​ങ്ങ​ളും വ​ലി​യൊ​ര​ള​വി​ൽ കേ​ന്ദ്ര​ന​യ​ങ്ങ​ളും പ​ങ്കു​വ​ഹി​ക്കു​ന്നു​ണ്ടെ​ങ്കി​ലും അ​തി​നെ മ​റി​ക​ട​ക്കാ​നു​ത​കു​ന്ന ഭാ​വ​ന സ​മ്പ​ന്ന​മാ​യ ന​ട​പ​ടി​ക​ളൊ​ന്നും ത​ന്നെ കാ​ണു​ന്നു​മി​ല്ല. ഇ​ട​തു​പ​ക്ഷ സാ​മ്പ​ത്തി​ക വി​ദ​ഗ്ധ​ര​ട​ക്കം ചൂ​ണ്ടി​ക്കാ​ട്ടു​ന്ന നി​കു​തി പി​രി​വി​ൽ കാ​ട്ടു​ന്ന ഉ​ദാ​സീ​ന​ത പ​രി​ഹ​രി​ക്കാ​​ൻ പ്ര​ക​ട​മാ​യ ഒ​ന്നും ബ​ജ​റ്റി​ലി​ല്ല എ​ന്നു​ത​ന്നെ പ​റ​യാം. 14000 കോ​ടി​യോ​ളം നി​കു​തി കു​ടി​ശ്ശി​ക പി​രി​ച്ചെ​ടു​ക്കാ​ൻ ആം​ന​സ്റ്റി പ​ദ്ധ​തി പ്ര​ഖ്യാ​പി​ച്ചി​ട്ടു​ണ്ട്. ഇ​ത് മു​മ്പും പ്ര​ഖ്യാ​പി​ച്ച​താ​ണെ​ങ്കി​ലും ന​ട​ത്തി​പ്പി​ലെ താ​ൽ​പ​ര്യ​ക്കു​റ​വു​മൂ​ലം പ​രാ​ജ​യ​പ്പെ​ട്ട​താ​ണ്.

പൊ​തു​മേ​ഖ​ല​യെ കൈ​യൊ​ഴി​ഞ്ഞ്​ സ്വ​കാ​ര്യ​മേ​ഖ​ല​യെ പ​രി​ലാ​ളി​ക്കു​ന്ന കേ​ന്ദ്ര​സ​ർ​ക്കാ​റി​​ന്റെ ച​ങ്ങാ​ത്ത മു​ത​ലാ​ളി​ത്ത ന​യ​ങ്ങ​ൾ​ക്കെ​തി​രാ​യ ജ​ന​പ​ക്ഷ ബ​ദ​ൽ സൃ​ഷ്​​ടി​ക്കു​വാ​ൻ ശ്ര​മി​ക്കു​മെ​ന്ന്​ നി​ര​ന്ത​രം ആ​ണ​യി​ടു​ന്ന ഇ​ട​തു​പ​ക്ഷ സ​ർ​ക്കാ​ർ വി​വി​ധ ത​ന്ത്ര​പ്ര​ധാ​ന മേ​ഖ​ല​ക​ളി​ൽ സ്വ​കാ​ര്യ​മേ​ഖ​ല​യെ പു​ൽ​കു​ന്ന​രീ​തി​യി​ൽ ന​യം​മാ​റ്റു​ന്നു​വെ​ന്ന​ത്​ ബ​ജ​റ്റി​ൽ പ്ര​ക​ട​മാ​ണ്. വി​ദ്യാ​ഭ്യാ​സം, വ്യ​വ​സാ​യം, ഇ​ക്കോ ടൂ​റി​സ​മ​ട​ക്ക​മു​ള്ള വി​നോ​ദ​സ​ഞ്ചാ​രം തു​ട​ങ്ങി​യ മേ​ഖ​ല​ക​ളി​ൽ ​സ്വ​കാ​ര്യ നി​ക്ഷേ​പം ര​ണ്ടു കൈ​യും നീ​ട്ടി സ്വീ​ക​രി​ക്കാ​ൻ സ​ർ​ക്കാ​ർ ത​യാ​റാ​യി​രി​ക്കു​ന്നു. സ്വ​കാ​ര്യ സ​ർ​വ​ക​ലാ​ശാ​ല​ക​ളെ​യും വി​ദേ​ശ സ​ർ​വ​ക​ലാ​ശാ​ല​ക​ളെ​യും മാ​ടി​വി​ളി​ക്കു​ന്നു. സ​ർ​ക്കാ​ർ ആ​ശു​പ​ത്രി​യി​ൽ ജ​ന​ങ്ങ​ളി​ൽ​നി​ന്ന് പ​ണം സ്വീ​ക​രി​ക്കാ​ൻ​പോ​ലും ബ​ജ​റ്റ് നി​ർ​ദേ​ശി​ക്കു​ന്നു. ചു​രു​ക്ക​ത്തി​ൽ സ്ഥി​തി​സ​മ​ത്വം ബ​ജ​റ്റ്​ രേ​ഖ​യു​ടെ പു​റം​ച​ട്ട​യി​ൽ മാ​ത്ര​​മൊ​തു​ങ്ങി. 1067 കോ​ടി​യു​ടെ അ​ധി​ക വി​ഭ​വ​സ​മാ​ഹ​ര​ണ​ത്തി​നാ​ണ് നി​ർ​ദേ​ശം. ഇ​വ സാ​ധാ​ര​ണ​ക്കാ​ർ​ക്കാ​ണ് പ്ര​യാ​സം സൃ​ഷ്​​ടി​ക്കു​ക എ​ന്നു ​പ്ര​ത്യേ​കം പ​റ​യേ​ണ്ട​തി​ല്ല. മ​ദ്യ​വി​ല കൂ​ട്ടാ​നും ഭൂ​മി​യു​ടെ ന്യാ​യ​വി​ല വ​ർ​ധി​പ്പി​ക്കാ​നും ശി​പാ​ർ​ശ ചെ​യ്യു​ന്ന ബ​ജ​റ്റി​ൽ ഫ്ലാ​റ്റു​ക​ൾ​ക്ക് ഭൂ​നി​കു​തി എ​ന്ന പു​തി​യ പ​രി​ഷ്കാ​ര​വു​മു​ണ്ട്. ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി ബ​ജ​റ്റി​ലും അ​ല്ലാ​തെ​യും ഭൂ​മി​യു​ടെ ന്യാ​യ​വി​ല വ​ർ​ധി​പ്പി​ച്ചു​കൊ​ണ്ടി​രി​ക്കു​ക​യാ​ണ്. അ​തു​വ​ഴി ഭൂ​മി വി​ൽ​പ​ന​യാ​ക​ട്ടെ ക്ര​മാ​തീ​ത​മാ​യി കു​റ​ഞ്ഞു. അ​തി​നാ​ൽ​ത​ന്നെ ഈ ​നി​ർ​ദേ​ശം എ​ത്ര​മാ​ത്രം ഫ​ല​പ്ര​ദ​മാ​വു​മെ​ന്ന് ക​ണ്ട​റി​യ​ണം. കോ​ട​തി​ക​ളി​ലെ ഫീ​സ് കൂ​ട്ടാ​നു​ള്ള തീ​രു​മാ​ന​വും വൈ​ദ്യു​തി ഉ​ൽ​പാ​ദ​ക​ർ​ക്ക് ഡ്യൂ​ട്ടി ഏ​ർ​പ്പെ​ടു​ത്താ​നു​ള്ള തീ​രു​മാ​ന​വും ആ​ത്യ​ന്തി​ക​മാ​യി സാ​ധാ​ര​ണ​ക്കാ​രെ​യാ​ണ് ബാ​ധി​ക്കു​ക.

സ​ർ​ക്കാ​ർ ജീ​വ​ന​ക്കാ​രു​ടെ ഏ​റെ​ക്കാ​ല​​ത്തെ ആ​വ​ശ്യ​മാ​യ പ​ങ്കാ​ളി​ത്ത പെ​ൻ​ഷ​ൻ കാ​ര്യ​ത്തി​ൽ പു​തി​യ പ​ദ്ധ​തി​യും കു​ടി​ശ്ശി​ക​യാ​യ ആ​റു ഗ​ഡു ഡി.​എ​യി​ൽ ഒ​രു ഗ​ഡു ഏ​പ്രി​ലി​ൽ ന​ൽ​കു​മെ​ന്നു പ്ര​ഖ്യാ​പി​ച്ചും അ​വ​രെ ചേ​ർ​ത്തു​പി​ടി​ക്കാ​ൻ ശ്ര​മി​ച്ചി​ട്ടു​ണ്ട്. ഏ​റെ​ക്കാ​ല​മാ​യി കീ​റാ​മു​ട്ടി​യാ​യി തു​ട​രു​ന്ന പ​ങ്കാ​ളി​ത്ത പെ​ൻ​ഷ​നി​ൽ സ്റ്റാ​റ്റ്യൂ​ട്ട​റി ​പെ​ൻ​ഷ​ൻ പ​ദ്ധ​തി​യി​ലേ​ക്ക് മ​ട​ങ്ങി​ല്ലെ​ന്ന് പ​റ​ഞ്ഞി​ട്ടു​ണ്ട് താ​നും. പു​തി​യ നി​ർ​ദേ​ശം വ്യ​ക്ത​മാ​വാ​നി​രി​ക്കു​ന്നേ​യു​ള്ളൂ. ക്ഷേ​മ​പെ​ൻ​ഷ​നി​ൽ വ​ർ​ധ​ന​യി​ല്ലെ​ന്നു പ​റ​ഞ്ഞ മ​​ന്ത്രി അ​ടു​ത്ത​വ​ർ​ഷം മു​ത​ൽ കൃ​ത്യ​മാ​യി ന​ൽ​കു​മെ​ന്ന വാ​ഗ്ദാ​നം മാ​ത്ര​മാ​ണ് ന​ൽ​കി​യ​ത്. റ​ബ​റി​ന് 10 രൂ​പ താ​ങ്ങു​വി​ല വ​ർ​ധി​പ്പി​ക്കാ​നും ത​യാ​റാ​യി. നാ​ട്ടി​ലേ​ക്ക്​ സ​ഹ​സ്ര​കോ​ടി​ക​ളു​ടെ വ​രു​മാ​ന​മെ​ത്തി​ക്കു​ന്ന പ്ര​വാ​സി​ക​​ളോ​ടു​ള്ള അ​വ​ഗ​ണ​ന​യു​ടെ കാ​ര്യ​ത്തി​ൽ കേ​ന്ദ്ര ബ​ജ​റ്റി​ലെ​ന്ന​പോ​ലെ സം​സ്ഥാ​ന ബ​ജ​റ്റി​ലും മാ​റ്റ​മൊ​ന്നു​മി​ല്ല.

സാ​മ്പ​ത്തി​ക പ്ര​തി​സ​ന്ധി പ​റ​യു​​മ്പോ​ൾ​ത​ന്നെ ചെ​ല​വ് ചു​രു​ക്കാ​ൻ പ്ര​ത്യേ​ക​മാ​യ യാ​തൊ​ന്നും ബ​ജ​റ്റി​ൽ കാ​ണു​ന്നി​ല്ല. വ​ര​വ​നു​സ​രി​ച്ച് ചെ​ല​വാ​ക്കു​ക എ​ന്ന​ത് ഒ​രു സാ​ധാ​ര​ണ സാ​മ്പ​ത്തി​ക ശാ​സ്ത്ര​മാ​ണ്. അ​ത് സാ​ധ്യ​മാ​വു​ന്ന​ത് ആ​ർ​ഭാ​ട​ങ്ങ​ളും ആ​ഡം​ബ​ര​ങ്ങ​ളും ധൂ​ർ​ത്തും ഒ​ഴി​വാ​ക്കു​മ്പോ​ഴാ​ണ്. എ​ന്നാ​ൽ, സ​ർ​ക്കാ​റി​നെ​തി​രാ​യ ഈ ​ആ​ക്ഷേ​പ​ങ്ങ​ൾ ശ​രി​യ​ല്ലെ​ന്ന് പ​റ​ഞ്ഞൊ​ഴി​യു​ക​യാ​ണ് ധ​ന​മ​ന്ത്രി. എ​ന്നാ​ൽ, നേ​ർ​ക്കു​നേ​ർ ക​ണ്ടു​കൊ​ണ്ടി​രി​ക്കു​ന്ന ദു​ർ​വ്യ​യം ഇ​ല്ലെ​ന്ന് പ​റ​യാ​തെ അ​ത് ഒ​ഴി​വാ​ക്കാ​നു​ള്ള ന​ട​പ​ടി​ക​ൾ ആ​ർ​ജ​വ​ത്തോ​ടെ സ്വീ​ക​രി​ക്കാ​ൻ സ​ർ​ക്കാ​ർ ത​യാ​റാ​വു​ക​യാ​ണ് വേ​ണ്ട​ത്. പ്ര​ത്യേ​കി​ച്ച് കേ​ന്ദ്ര അ​വ​ഗ​ണ​ന​ക്ക്​ എ​ന്ന്​ അ​റു​തി​യു​ണ്ടാ​വു​മെ​ന്ന് ഒ​രു​റ​പ്പു​മി​ല്ലാ​ത്ത സാ​ഹ​ച​ര്യ​ത്തി​ൽ.