ഹ​സീ​ന വി​ജ​യി​ച്ചു ജ​നാ​ധി​പ​ത്യം പ​രാ​ജ​യ​പ്പെ​ട്ടു

പു​തു​വ​ർ​ഷ​ത്തി​ൽ ലോ​ക​ത്തെ 60 രാ​ജ്യ​ങ്ങ​ളി​ൽ നി​ല​വി​ലെ സ​ർ​ക്കാ​റു​ക​ളു​ടെ ഗ​തി നി​ർ​ണ​യി​ക്കു​ന്ന പൊ​തു​തെ​ര​ഞ്ഞെ​ടു​പ്പു​ക​ൾ ന​ട​ക്കാ​നി​രി​ക്കെ അ​ക്കൂ​ട്ട​ത്തി​ൽ ആ​ദ്യ​ത്തേ​താ​യ ബം​ഗ്ലാ​ദേ​ശി​ലെ ഇ​ല​ക്ഷ​ൻ ഞാ​യ​റാ​ഴ്ച ന​ട​ന്നു. പ്ര​തീ​ക്ഷി​ക്ക​പ്പെ​ട്ട​പോ​ലെ രാ​ഷ്ട്ര​പി​താ​വ് ശൈ​ഖ് മു​ജീ​ബു​ർ​റ​ഹ്മാ​ന്റെ പു​ത്രി ശൈ​ഖ് ഹ​സീ​ന വാ​ജി​ദ് വ​ൻ ഭൂ​രി​പ​ക്ഷ​ത്തോ​ടെ അ​ഞ്ചാം​ത​വ​ണ​യും പ്ര​ധാ​ന​മ​ന്ത്രി​യാ​യി അ​ധി​കാ​ര​ത്തി​ൽ തു​ട​രാ​ൻ ജ​ന​സ​മ്മ​തി നേ​ടി​യി​രി​ക്കു​ന്നു. അ​വ​രു​ടെ പാ​ർ​ട്ടി അ​വാ​മി ലീ​ഗ് തു​ട​ർ​ച്ച​യാ​യി നാ​ലാം​ത​വ​ണ​യാ​ണ് പാ​ർ​ല​മെ​ന്റി​ൽ ഭൂ​രി​പ​ക്ഷം ക​ര​സ്ഥ​മാ​ക്കി​യി​രി​ക്കു​ന്ന​ത്. താ​ൻ മാ​തൃ​വാ​ത്സ​ല്യ​ത്തോ​ടെ ജ​ന​ങ്ങ​ളെ സേ​വി​ച്ച​തു​കൊ​ണ്ടാ​ണീ വി​ജ​യ​മെ​ന്ന് ഹ​സീ​ന അ​വ​കാ​ശ​പ്പെ​ട്ടി​ട്ടു​ണ്ട്. പാ​കി​സ്താ​നി​ൽ​നി​ന്ന് വേ​ർ​പെ​ട്ട് സ്വ​ത​ന്ത്ര രാ​ജ്യ​മാ​യ ശേ​ഷം ലോ​ക​ത്തെ പ​ര​മ​ദ​രി​ദ്ര രാ​ജ്യ​ങ്ങ​ളി​ലൊ​ന്നാ​യി ഗ​ണി​ക്ക​പ്പെ​ട്ട ബം​ഗ്ലാ​ദേ​ശി​ന് ഒ​രു​ഘ​ട്ട​ത്തി​ൽ യു.​എ​സ് സ്റ്റേ​റ്റ് സെ​ക്ര​ട്ട​റി ഹെ​ന്റി കി​സ്സിം​ഗ​ർ ‘അ​ന്താ​രാ​ഷ്ട്ര പി​ച്ച​ച്ച​ട്ടി’ എ​ന്ന അ​പ​ര​നാ​മം​പോ​ലും പ​തി​ച്ചു ന​ൽ​കി​യ​താ​ണ്. എ​ന്നാ​ലി​ന്ന് ജി.​ഡി.​പി​യി​ൽ ഇ​ന്ത്യ​യെ​പ്പോ​ലും ക​ട​ത്തി​വെ​ട്ടി​യ അ​യ​ൽ​നാ​ട് സാ​മ്പ​ത്തി​ക​മാ​യി വ​ള​രു​ക​യും വി​ക​സി​ക്കു​ക​യും ചെ​യ്തി​ട്ടു​ണ്ട് എ​ന്നാ​ണ് ക​ണ​ക്കു​ക​ൾ സം​സാ​രി​ക്കു​ന്ന​ത്. തു​ണി​ത്ത​ര​ങ്ങ​ളു​ടെ ഉ​ൽ​പാ​ദ​ന​വും ക​യ​റ്റു​മ​തി​യു​മാ​ണ് ദാ​രി​ദ്ര്യ​ത്തി​ന്റെ വ്യാ​പ്തി കു​റ​ക്കാ​ൻ ബം​ഗ്ലാ​ദേ​ശി​നെ തു​ണ​ച്ച​ത്. പ്ര​വാ​സി​ക​ളാ​യ അ​നേ​ക​ല​ക്ഷം ബം​ഗ്ലാ​ദേ​ശു​കാ​ർ സ്വ​ദേ​ശ​ത്തേ​ക്ക് അ​യ​ക്കു​ന്ന പ​ണ​വും വി​ക​സ​ന​ത്തെ ത്വ​ര​പ്പെ​ടു​ത്തി​യി​ട്ടു​ണ്ട്. ഇ​തൊ​ക്കെ എ​ടു​ത്തു​പ​റ​ഞ്ഞാ​ണ് പ്ര​ധാ​ന​മ​ന്ത്രി ഹ​സീ​ന ത​ന്റെ​യും പാ​ർ​ട്ടി​യു​ടെ​യും നി​ര​ന്ത​ര വി​ജ​യ​ത്തെ ന്യാ​യീ​ക​രി​ക്കു​ന്ന​ത്.

പ​ക്ഷേ, 11 കോ​ടി 96 ല​ക്ഷം സ​മ്മ​തി​ദാ​യ​ക​രി​ൽ വെ​റും 41.8 ശ​ത​മാ​നം മാ​ത്ര​മാ​ണ് പോ​ളി​ങ് ബൂ​ത്തു​ക​ളി​ലെ​ത്തി​യ​ത് എ​ന്ന സ​ത്യം ഈ​യ​വ​കാ​ശ​വാ​ദ​ത്തെ വ​ലി​യ അ​ള​വി​ൽ വെ​ല്ലു​വി​ളി​ക്കു​ന്നു. പ്ര​ധാ​ന പ്ര​തി​പ​ക്ഷ പ​ർ​ട്ടി​യാ​യ ബം​ഗ്ലാ നാ​ഷ​ന​ൽ പാ​ർ​ട്ടി​യ​ട​ക്കം 16 പ്ര​തി​പ​ക്ഷ ക​ക്ഷി​ക​ൾ ബ​ഹി​ഷ്ക​രി​ച്ച​തും തെ​ര​ഞ്ഞെ​ടു​പ്പി​ൽ വോ​ട്ടി​ങ് ശ​ത​മാ​നം പ​കു​തി​യി​ലും താ​ഴെ പോ​യ​തും നി​സ്സാ​ര​മാ​യി ത​ള്ളാ​നാ​വി​ല്ല. ബി.​എ​ൻ.​പി നേ​താ​വ് ബീ​ഗം ഖാ​ലി​ദ സി​യ ദീ​ർ​ഘ​കാ​ല​മാ​യി വീ​ട്ടു​ത​ട​ങ്ക​ലി​ലാ​ണ്. ദേ​ശ​വി​രു​ദ്ധ പ്ര​വ​ർ​ത്ത​ന​ങ്ങ​ളും അ​ഴി​മ​തി​യു​മാ​ണ് അ​വ​രി​ൽ ആ​രോ​പി​ക്ക​പ്പെ​ട്ടി​രി​ക്കു​ന്ന കു​റ്റ​ങ്ങ​ൾ. എ​ങ്കി​ൽ​പോ​ലും അ​വ​രു​ടെ പാ​ർ​ട്ടി മ​റ്റു പ്ര​തി​പ​ക്ഷ ക​ക്ഷി​ക​ളോ​ടൊ​പ്പം തെ​ര​ഞ്ഞെ​ടു​പ്പി​ൽ പ​​ങ്കെ​ടു​ക്കാ​ൻ ത​യാ​റാ​യി​രു​ന്നു, ഹ​സീ​ന സ​ർ​ക്കാ​ർ ​നേ​ര​ത്തേ എ​ടു​ത്തു​ക​ള​ഞ്ഞ ഭ​ര​ണ​ഘ​ട​ന​യി​ലെ എ​ട്ടാം വ​കു​പ്പ് പു​നഃ​സ്ഥാ​പി​ക്ക​ണ​മെ​ന്ന ഉ​പാ​ധി​യി​ൽ. നി​ല​വി​ലെ സ​ർ​ക്കാ​ർ സ്ഥാ​ന​മൊ​ഴി​ഞ്ഞ് താ​ൽ​ക്കാ​ലി​ക ഭ​ര​ണ​കൂ​ട​ത്തി​ന്റെ മേ​ൽ​നോ​ട്ട​ത്തി​ലാ​യി​രി​ക്ക​ണം പൊ​തു​തെ​ര​ഞ്ഞെ​ടു​പ്പ് എ​ന്ന​താ​ണാ ഉ​പാ​ധി. ഒ​രു ഘ​ട്ട​ത്തി​ൽ അ​വാ​മി ലീ​ഗ് കൂ​ടി പി​ന്തു​ണ​ച്ചു​കൊ​ണ്ടാ​ണ് പ്ര​സ്തു​ത വ​കു​പ്പ് ഭ​ര​ണ​ഘ​ട​ന​യി​ൽ കൂ​ട്ടി​​ച്ചേ​ർ​ത്ത​തെ​ന്നോ​ർ​ക്ക​ണം. പ​ക്ഷേ, അ​വാ​മി ലീ​വ് അ​ധി​കാ​ര​ത്തി​ൽ വ​ന്ന​പ്പോ​ൾ പ്ര​സ്തു​ത വ​കു​പ്പ് റ​ദ്ദാ​ക്കി​യ​താ​ണ് പി​ന്നീ​ടു​ള്ള അ​വ​രു​ടെ തു​ട​ർ​ച്ച​യാ​യ വി​ജ​യ​ത്തി​ന് വ​ഴി​യൊ​രു​ക്കി​യ​തെ​ന്ന് പ്ര​തി​പ​ക്ഷം ആ​രോ​പി​ക്കു​ന്ന​തി​ൽ ക​ഴ​മ്പു​ണ്ട്. ബി.​എ​ൻ.​പി​യോ​ടൊ​പ്പം അ​ധി​കാ​രം പ​ങ്കി​ട്ട ബം​ഗ്ലാ​ദേ​ശ് ജ​മാ​അ​ത്തെ ഇ​സ്‍ലാ​മി​യു​ടെ മു​ത്വീ​ഉ​ർ​റ​ഹ്മാ​ൻ നി​സാ​മി ഉ​ൾ​പ്പെ​ടെ​യു​ള്ള നേ​താ​ക്ക​ളെ തൂ​ക്കി​ലേ​റ്റു​ക​യും അ​നേ​കാ​യി​രം പ്ര​വ​ർ​ത്ത​ക​രെ ജ​യി​ലി​ല​ട​ക്കു​ക​യും പാ​ർ​ട്ടി​യെ ഇ​ല​ക്ഷ​നി​ൽ മ​ത്സ​രി​ക്കു​ന്ന​തി​ൽ​നി​ന്ന് വി​ല​ക്കു​ക​യും ചെ​യ്ത​ത് ജ​നാ​ധി​പ​ത്യ ധ്വം​സ​ന​ത്തി​ന്റെ മ​റ്റൊ​രു ഉ​ദാ​ഹ​ര​ണ​മാ​ണ്.

വീ​ട്ടു​ത​ട​ങ്ക​ലി​ൽ​നി​ന്ന് ബീ​ഗം ഖാ​ലി​ദ സി​യ​യെ മോ​ചി​പ്പി​ക്ക​ണ​മെ​ന്നും സ​ർ​ക്കാ​ർ രാ​ജി​വെ​ച്ച് നി​ഷ്പ​ക്ഷ സ​ർ​ക്കാ​റി​ന് കീ​ഴി​ൽ സ്വ​ത​ന്ത്ര​വും നീ​തി​പൂ​ർ​വ​വു​മാ​യി തെ​ര​ഞ്ഞെ​ടു​പ്പ് ന​ട​ത്ത​ണ​മെ​ന്നും ആ​വ​ശ്യ​പ്പെ​ട്ട് 2023ൽ ​ന​ട​ന്ന വ​ൻ ജ​ന​കീ​യ പ്ര​ക്ഷോ​ഭം അ​വാ​മി ലീ​ഗി​നെ ഞെ​ട്ടി​ച്ച​തും പ​രി​ഭ്രാ​ന്തി​യി​ലാ​ക്കി​യ​തു​മാ​ണ്. ല​ക്ഷ​ത്തി​ല​ധി​കം ജ​ന​ങ്ങ​ളാ​ണ് ഡി​സം​ബ​റി​ൽ ധാ​ക്ക​യി​ൽ​മാ​ത്രം റാ​ലി​യി​ൽ പ​​ങ്കെ​ടു​ത്ത​ത്. ഹ​സീ​ന ഭ​ര​ണ​കൂ​ട​​ത്തി​നെ​തി​രെ അ​ഴി​മ​തി, മ​നു​ഷ്യാ​വ​കാ​ശ ധ്വം​സ​നം തു​ട​ങ്ങി​യ ഗു​രു​ത​ര ആ​രോ​പ​ണ​ങ്ങ​ളും പ്ര​തി​ഷേ​ധ​ക്കാ​ർ ഉ​യ​ർ​ത്തി​യി​രു​ന്നു.

പ​ക്ഷേ, എ​തി​ർ​പ്പു​ക​ളെ ഉ​രു​ക്കു​മു​ഷ്ടി ഉ​പ​യോ​ഗി​ച്ച് സു​ര​ക്ഷാ​സേ​ന​യു​ടെ സ​ഹാ​യ​ത്തോ​ടെ അ​ടി​ച്ച​മ​ർ​ത്താ​ൻ ഹ​സീ​ന​ക്ക് സാ​ധി​ച്ച​താ​ണ് വോ​ട്ട​ർ​മാ​രി​ൽ ഭൂ​രി​പ​ക്ഷ​വും ബ​ഹി​ഷ്ക​രി​ച്ച തെ​ര​ഞ്ഞെ​ടു​പ്പി​ൽ 299 ദേ​ശീ​യ അ​സം​ബ്ലി സ്ഥാ​ന​ങ്ങ​ളി​ൽ 222ഉം ​നേ​ടി, വി​ജ​യ​മാ​ഘോ​ഷി​ക്കാ​ൻ അ​വ​ർ​ക്ക് വ​ഴി​യൊ​രു​ക്കി​യ​ത്. വി​ജ​യി​ച്ച ബാ​ക്കി അ​ധി​ക​പേ​രും അ​വാ​മി ലീ​ഗി​ന്റെ ഡ​മ്മി​ക​ളാ​ണ്. ഇ​ന്ദി​ര ഗാ​ന്ധി​യെ​യും ശ്രീ​ല​ങ്ക​യി​ലെ സി​രി​മാ​വോ ഭ​ണ്ഡാ​ര​നാ​യ​കെ​യും പോ​ലു​ള്ള ഉ​രു​ക്കു വ​നി​ത​യാ​യി ഹ​സീ​ന​യെ വി​ശേ​ഷി​പ്പി​ക്കു​ന്ന​വ​ർ വി​സ്മ​രി​ക്കു​ന്ന ഒ​രു വ​സ്തു​ത​യു​ണ്ട്. അ​വ​ർ ര​ണ്ടു​പേ​രും വ​ഴി​വി​ട്ട് ക​ളി​ച്ച​പ്പോ​ൾ അ​ധി​കാ​ര​ഭ്ര​ഷ്ട​രാ​ക്കാ​നു​ള്ള ജ​ന​കീ​യ ഇ​ച്ഛാ​ശ​ക്തി പ്ര​തി​ഫ​ലി​പ്പി​ക്കാ​ൻ അ​വ​സ​ര​മൊ​രു​ക്കി​യ​ത് ജ​നാ​ധി​പ​ത്യ ഭ​ര​ണ​ഘ​ട​ന​യും ആ ​ഭ​ര​ണ​ഘ​ട​ന എ​ന്ത് വി​ല​കൊ​ടു​ത്തും സം​ര​ക്ഷി​ക്ക​ണ​മെ​ന്ന ജ​ന​ങ്ങ​ളു​ടെ ദൃ​ഢ​നി​ശ്ച​യ​വു​മാ​ണ​്. ബം​ഗ്ലാ​ദേ​ശി​ൽ കോ​ർ​പ​റേ​റ്റു​ക​ളാ​ണ് സ​മ്പ​ദ്‍വ്യ​വ​സ്ഥ​യും മീ​ഡി​യ​യും ഫ​ല​ത്തി​ൽ ഭ​രി​ക്കു​ന്ന​ത്. ബി.​എ​ൻ.​പി​യു​ടെ മു​ഖ​പ​ത്ര​മാ​യ ദൈ​നി​ക് ദി​ങ്ക​ൻ 2023 ഫെ​ബ്രു​വ​രി​യി​ൽ അ​വാ​മി ലീ​ഗ് സ​ർ​ക്കാ​ർ അ​ട​ച്ചു​പൂ​ട്ടി​യ​തോ​ടെ ഒ​രേ​യൊ​രു എ​തി​ർ​ശ​ബ്ദ​വും നി​ല​ച്ചു. റി​പ്പോ​ർ​ട്ടേ​ഴ്സ് വി​ത്തൗ​ട്ട് ബോ​ർ​ഡേ​ഴ്സി​ന്റെ ഒ​ടു​വി​ല​ത്തെ പത്രസ്വാതന്ത്ര്യ പ​ട്ടി​ക​യി​ൽ ഇ​ന്ത്യ​യു​ടെ പി​റ​കെ 162 ആ​ണ് ബം​ഗ്ലാ​ദേ​ശി​ന്റെ സ്ഥാ​നം! ജു​ഡീ​ഷ്യ​റി​യാ​ക​ട്ടെ ക​ങ്കാ​രു കോ​ട​തി​ക​ൾ എ​ന്ന ദു​ഷ്പേ​രും സ്വ​ന്ത​മാ​ക്കി​യി​രി​ക്കു​ന്നു. ഈ ​വ​സ്തു​ത​ക​ളെ​ല്ലാം ക​ണ​ക്കി​ലെ​ടു​ക്കു​മ്പോ​ൾ ഡ​മോ​ക്ര​സി​യു​ടെ ‘രം​ഗാ​വി​ഷ്കൃ​ത ഹാ​സ്യ​നാ​ട​കം’ എ​ന്ന് ധാ​ക്ക​യി​ലെ പ്ര​മു​ഖ രാ​ഷ്ട്രീ​യ നി​രീ​ക്ഷ​ക​ൻ സി​യാ​ഉ​ർ​റ​ഹ്മാ​ൻ ബം​ഗ്ലാ​ദേ​ശ് ഇ​ല​ക്ഷ​നെ വി​ശേ​ഷി​പ്പി​ച്ച​താ​ണ് ശ​രി എ​ന്ന് ക​രു​തേ​ണ്ടി​വ​രും.