ശിരോവസ്ത്ര വി​ല​ക്കി​ന്​ അ​നു​കൂ​ല​മാ​യ കോടതിവി​ധി

ഗ​വ​ൺ​മെ​ന്റ് കോ​ള​ജി​ൽ മു​സ്‍ലിം പെ​ൺ​കു​ട്ടി​ക​ൾ​ക്ക് ഹി​ജാ​ബ് അഥവാ ശി​രോ​വ​സ്ത്രം വി​ല​ക്കിയ ക​ർ​ണാ​ട​ക ബി.​ജെ.​പി സ​ർ​ക്കാ​റി​ന്റെ ഉ​ത്ത​ര​വി​നെ​തി​രെ മു​സ്‍ലിം പെ​ൺ​കു​ട്ടി​ക​ൾ സ​മ​ർ​പ്പി​ച്ച ഹ​ര​ജി ക​ർ​ണാ​ട​ക ഹൈ​കോ​ട​തി ചീ​ഫ് ജ​സ്റ്റി​സ് ഋതുരാ​ജ് അവസ്​തി​യു​ടെ നേ​തൃ​ത്വ​ത്തി​ലു​ള്ള ഫു​ൾ ബെ​ഞ്ച് ത​ള്ളി​ക്ക​ള​ഞ്ഞു​കൊ​ണ്ട് ഹി​ജാ​ബ് ഇ​സ്‍ലാം മ​ത​ത്തി​ലെ നി​ർ​ബ​ന്ധാ​ചാ​ര​മ​ല്ലെ​ന്ന് ചൂ​ണ്ടി​ക്കാ​ട്ടി​യ​ത് വ​ൻ വി​വാ​ദ​മു​യ​ർ​ത്തി​യി​രി​ക്കു​ന്ന​ു. അത് തി​ക​ച്ചും സ്വാ​ഭാ​വി​ക​മാ​ണ്. പ്ര​വാ​ച​ക​ന്റെ കാ​ലം മു​ത​ൽ ഇ​ന്നു​വ​രെ​യു​ള്ള മു​സ്‍ലിം സ​മൂ​ഹ​വും അ​തി​ന് നേ​തൃ​ത്വം ന​ൽ​കി​യ പ​ണ്ഡി​ത​ന്മാ​രും നി​ർ​ബ​ന്ധ​മാ​ണെ​ന്ന് വി​ധി​യെ​ഴു​തി​യ ഒ​രാ​ചാ​ര​ത്തെ​യാ​ണ് അ​ത് ഇ​സ്‍ലാ​മി​ന്റെ അ​വി​ഭാ​ജ്യഘ​ട​ക​മ​ല്ലെ​ന്ന് കോ​ട​തി വി​ധിച്ചി​രി​ക്കു​ന്ന​ത്. മ​ത​വി​ശ്വാ​സ​ത്തി​നും ത​ദ​നു​സൃ​ത​മാ​യ ആ​ചാ​രാ​നു​ഷ്ഠാ​ന​ങ്ങ​ൾ​ക്കും പൂ​ർ​ണ സ്വാ​ത​ന്ത്ര്യ​വും സം​ര​ക്ഷ​ണ​വും ഉ​റ​പ്പു​ന​ൽ​കു​ന്ന ഇ​ന്ത്യ​ൻ ഭ​ര​ണ​ഘ​ട​ന​യു​ടെ 25ാം ഖ​ണ്ഡി​ക​യു​മാ​യി ഏ​റ്റു​മു​ട്ടു​ന്ന​താ​ണ് ക​ർ​ണാ​ട​ക സ​ർ​ക്കാ​റി​ന്‍റെ ഫെ​ബ്രു​വ​രി അഞ്ചിലെ ​ഉ​ത്ത​ര​വെ​ന്ന് ഹ​ര​ജി​ക്കാ​ർ ചൂ​ണ്ടി​ക്കാ​ട്ടി​യെ​ങ്കി​ലും കോ​ട​തി അ​ത് ത​ള്ളി​ക്ക​ള​യു​ക​യാ​യി​രു​ന്നു. കാ​ര​ണം, സ്ത്രീ​യു​ടെ ഹി​ജാ​ബ് മ​ത​പ​ര​മ​ല്ല എ​ന്നാ​ണ് അ​നു​കൂ​ല​വും പ്ര​തി​കൂ​ല​വു​മാ​യ അ​ഭി​ഭാ​ഷ​ക​രു​ടെ വാ​ഗ്വാ​ദ​ങ്ങ​ൾ​ക്കു​ശേ​ഷം ഹൈ​​കോ​ട​തി​ക്ക് ബോ​ധ്യ​പ്പെ​ട്ട​ത്. അതേ​യ​വ​സ​ര​ത്തി​ൽ ക്ലാ​സ്​മു​റി​ക​ളി​ൽ ഒ​രു പ്ര​ത്യേ​ക മ​ത​ത്തി​ന്റെ ആ​ചാ​ര​ങ്ങ​ൾ അ​നു​വ​ദി​ക്കാ​നാ​വി​ല്ല എ​ന്ന് ഉ​ദ്ഘോ​ഷ​ിച്ചു​കൊ​ണ്ടാ​ണ് ഹി​ന്ദു​ത്വ​വാ​ദി​ക​ൾ അ​തി​നെ​തി​രെ അ​ക്ര​മാ​സ​ക്ത പ്ര​ക്ഷോ​ഭ​ങ്ങ​ൾ ന​യി​ച്ച​തും സ​ർ​ക്കാ​ർ കോ​ള​ജ് അ​ധി​കൃ​ത​ർ അ​ത്​ അംഗീക​രി​ച്ചു ഹി​ജാ​ബ് ധാ​രി​ണി​ക​ളു​ടെ നേ​രെ സ്ഥാ​പ​ന​ത്തി​ന്റെ ക​വാ​ടം കൊ​ട്ടി​യ​ട​ച്ച​തും. ഇ​സ്​ലാ​മി​കാ​ചാ​ര​മ​ല്ല ഹി​ജാ​ബെ​ങ്കി​ൽ പ്ര​ക്ഷോ​ഭ​കാ​രി​ക​ൾ​ക്ക് എ​തി​ർ​പ്പൊ​ന്നും ഉ​ണ്ടാ​വു​മാ​യി​രു​ന്നി​ല്ല എ​ന്ന​ർ​ഥം. ഇ​പ്പോ​ൾ ഹൈ​കോ​ട​തി ക​ണ്ടെ​ത്തി​യ​താ​ക​ട്ടെ, ഇ​സ്‍ലാ​മി​കാ​ചാ​ര​മ​ല്ലാ​ത്ത​തു​കൊ​ണ്ട് ഹി​ജാ​ബ് ധ​രി​ക്കാ​ൻ മു​സ്‍ലിം പെ​ൺ​കു​ട്ടി​ക​ൾ​ക്ക​്​ അത് വി​ല​ക്കി​യ​ത് ന്യാ​യ​മാ​ണെ​ന്നും! മാ​ത്ര​മ​ല്ല, മു​സ്‍ലിം പെ​ൺ​കു​ട്ടി​ക​ൾ അ​വ​രു​ടെ മ​ത​വേ​ഷ​മാ​യ ഹി​ജാ​ബ് ധ​രി​ച്ച​തി​നെ​തി​രെ ഹി​ന്ദു​ത്വവി​ദ്യാ​ർ​ഥി​ക​ൾ ത​ങ്ങ​ളു​ടെ മ​ത വേ​ഷ​മാ​യി കൊ​ണ്ടുന​ട​ക്കു​ന്ന കാ​വി ധ​രി​ച്ചു​കൊ​ണ്ടാ​ണ് സ​മ​രം ന​ട​ത്തി​യ​തും.

ഇ​വി​ടെ തീ​രു​മാ​നി​ക്ക​പ്പെ​ടേ​ണ്ട പ്ര​ധാ​ന വ​സ്തു​ത, ഒ​രു മ​ത​ത്തി​ന്റെ ആ​ചാ​രാ​നു​ഷ്ഠാ​ന​ങ്ങ​ൾ നി​ശ്ച​യി​ക്കു​ന്ന​തും അ​ക്കാ​ര്യ​ത്തി​ൽ തീ​ർ​പ്പ് ക​ൽ​പി​ക്കു​ന്ന​തും ആ​രാ​ണെ​ന്ന​താ​ണ്. ഭ​ര​ണ​ഘ​ട​ന​യു​ടെ​യും മ​തേ​ത​ര ജ​നാ​ധി​പ​ത്യ​ത്തി​ന്റെ​യും മു​ൻ ​കോ​ട​തിവി​ധി​ക​ളു​ടെ​യും വെ​ളി​ച്ച​ത്തി​ൽ അ​തി​നു​ള്ള അ​ധി​കാ​ര​വും അ​വ​കാ​ശ​വും ബ​ന്ധ​പ്പെ​ട്ട മ​താചാ​ര്യ​ന്മാ​ർക്കാണ്. 1937ലെ ​ശ​രീ​അ​ത്ത് ആ​ക്ട് ഇ​ന്നും പ്രാ​ബ​ല്യ​ത്തി​ലി​രി​ക്കു​ന്നു. അ​തു​പ്ര​കാ​രം വ്യ​ക്തി​നി​യ​മ​ങ്ങ​ളു​മാ​യി ബ​ന്ധ​പ്പെ​ട്ട വി​വാ​ഹം, വി​വാ​ഹമോ​ച​നം, അ​ന​ന്ത​രാ​വ​കാ​ശം മു​ത​ലാ​യ വി​ഷ​യ​ങ്ങ​ളി​ൽ സു​ന്നി മ​ദ്ഹ​ബു​ക​ളി​ലെ​യും ശി​യാ മ​ദ്ഹ​ബു​ക​ളി​ലെ​യും ആ​ധി​കാ​രി​ക ഗ്ര​ന്ഥ​ങ്ങ​ളെ അ​ടി​സ്ഥാ​ന​പ്പെ​ടു​ത്തി​വേ​ണം കോ​ട​തി​ക​ൾ വി​ധി ക​ൽ​പി​ക്കാ​ൻ. സ്വ​ന്ത​മാ​യി തീ​രു​മാ​നി​ക്കാ​നോ വി​ധി പു​റ​പ്പെ​ടു​വി​ക്കാ​നോ കോ​ട​തി​ക​ൾ​ക്ക് അ​നു​വാ​ദ​മി​ല്ല. ശ​ബ​രി​മ​ല​യി​ലെ സ്ത്രീ ​പ്ര​വേ​ശ​ന​കാ​ര്യ​ത്തി​ൽ ആ​ദ്യം അ​ത​നു​വ​ദി​ച്ചു വി​ധി പ്ര​സ്താ​വി​ച്ച സു​പ്രീം​കോ​ട​തി പി​ന്നീ​ട്​ അ​ത് അ​ന്തി​മ​മാ​യി തീ​രു​മാ​നി​ക്കാ​നു​ള്ള അ​ധി​കാ​രം പ​ര​മോ​ന്ന​ത കോ​ട​തി​യു​ടെ ​ത​ന്നെ വി​ശാ​ല ബെ​ഞ്ചി​ന് വി​ട്ടി​രി​ക്കു​ക​യാ​ണ്. വി​വി​ധ മ​തസ​മു​ദാ​യ​ങ്ങ​ൾ താ​മ​സി​ക്കു​ന്ന മ​തേ​ത​ര ഇ​ന്ത്യ​യി​ൽ അ​ങ്ങ​നെ​യ​ല്ലാ​തെ തീ​രു​മാ​നി​ക്കാ​നാ​വി​ല്ല എ​ന്നാ​ർ​ക്കും ബോ​ധ്യ​പ്പെ​ടാ​വു​ന്ന​തേ​യു​ള്ളൂ. എ​ന്നി​രി​ക്കെ ക​ർ​ണാ​ട​ക ഹൈ​കോ​ട​തി​യു​ടെ വി​ധി​ക്കെ​തി​രെ സു​പ്രീം​കോ​ട​തി​യെ സ​മീ​പി​ക്കാ​നു​ള്ള പ​ല സം​ഘ​ട​ന​ക​ളു​ടെ​യും തീ​രു​മാ​ന​ങ്ങ​ൾ മ​ന​സ്സി​ലാ​ക്കാ​വു​ന്ന​തേ​യു​ള്ളൂ.

മു​സ്‍ലിം ന്യൂ​ന​പ​ക്ഷ​ത്തി​ന്റെ അസ്തിത്വത്തെയും വ്യ​ക്തി​ത്വ​ത്തെ​യും അ​ങ്ങേ​യ​റ്റംവ​രെ ചോ​ദ്യം ചെ​യ്യാ​നു​ള്ള തീ​വ്ര​ഹി​ന്ദു​ത്വവാദികളുടെ ആ​സൂ​​ത്രി​ത അ​ജ​ണ്ട​യു​ടെ പ​ശ്ചാ​ത്ത​ല​ത്തി​ൽ ഇ​തു​പോ​ലു​ള്ള വെ​ല്ലു​വി​ളി​ക​ൾ നി​ര​ന്ത​രം പ്ര​തീ​ക്ഷി​ക്ക​ണം. ഏ​റ്റ​വും ഒ​ടു​വി​ൽ ഇ​ന്ത്യ​യി​ൽ മു​സ്‍ലിം​ക​ളോ ക്രി​സ്ത്യാ​നി​ക​ളോ ഇ​ല്ല, എ​ല്ലാ​വ​രും ഹി​ന്ദു​ക്ക​ളാ​ണെ​ന്നും രാ​ജ്യ​ക്കൂ​റ് നോ​ക്കി അ​വ​രെ നാ​ലാ​യി ത​രം​തി​രി​ക്ക​ണ​മെ​ന്നും ആ​ർ.​എ​സ്.​എ​സ് ആ​വ​ശ്യ​പ്പെ​ട്ട​ത് ദി​വ​സ​ങ്ങ​ൾ​ക്ക് മു​മ്പാ​ണ​ല്ലോ. വ്യ​തി​രി​ക്ത വി​ശ്വാ​സ​വും സം​സ്കാ​ര​വും വെ​ച്ചു​പു​ല​ർ​ത്തു​ന്ന​വ​രെ പൊ​റു​പ്പി​ക്കാ​ൻ അ​വ​ർ ത​യാ​റ​ല്ല. അ​ല്ലെ​ന്നു​ണ്ടെ​ങ്കി​ൽ കാ​ലാ​കാ​ല​ങ്ങ​ളി​ൽ ശി​രോ​വ​സ്ത്ര​മ​ണി​ഞ്ഞ് വി​ദ്യാ​ല​യ​ങ്ങ​ളി​ലും ക​ലാ​ല​യ​ങ്ങ​ളി​ലും പ​ഠി​ച്ച് നാ​നാ ജീ​വി​ത​രം​ഗ​ങ്ങ​ളി​ൽ ഊ​ർ​ജ​സ്വ​ല​മാ​യി പ്ര​വ​ർ​ത്തി​ച്ചു​വ​രു​ന്ന മു​സ്‍ലിം പെ​ൺ​കു​ട്ടി​ക​ളെ അ​ലോ​സ​ര​പ്പെ​ടു​ത്തു​ന്ന​തും അ​വ​രു​ടെ പ​ഠ​നം മു​ട​ക്കു​ന്ന​തും ആ​ർ​ക്കു​വേ​ണ്ടി, എ​ന്തി​നു​വേ​ണ്ടി​യാ​ണ്? ഹി​ജാ​ബ് വി​ല​ക്കി​ന്​ അ​നു​കൂ​ല​മാ​യ കോ​ട​തി​വി​ധി​യെ സ്വാ​ഗ​തം ചെ​യ്തു​കൊ​ണ്ട് കേ​ര​ള ഗ​വ​ർ​ണ​ർ ആ​രി​ഫ് മു​ഹ​മ്മ​ദ്ഖാ​ൻ ന​ട​ത്തി​യ പ്ര​സ്താ​വ​ന​യി​ൽ മു​ഖ്യ​ധാ​ര​യി​ലേ​ക്ക് മു​സ്‍ലിം പെ​ൺ​കു​ട്ടി​ക​ൾ​ക്ക്​ വിധി അ​വ​സ​രം ന​ൽ​കു​ന്നു എ​ന്ന വി​ചി​ത്ര​മാ​യ വാ​ദ​ഗ​തി​യാ​ണ് ഉ​ന്ന​യി​ച്ചി​രി​ക്കു​ന്ന​ത്. മു​സ്‍ലിം പെ​ൺ​കു​ട്ടി​ക​ൾ മു​ഖ്യ​ധാ​ര​യി​ലേ​ക്ക് ക​ട​ന്നു​വ​ന്ന് പ​ര​മാ​വ​ധി ഉ​ന്ന​ത വി​ദ്യാ​ഭ്യാ​സം നേ​ടാ​ൻ രം​ഗ​ത്തി​റ​ങ്ങി​യ​തി​നെ​തി​രെ​യാ​ണ് ഹി​ജാ​ബ് വി​ല​ക്കാ​ൻ ​ശ്ര​മം ന​ട​ന്നി​രി​ക്കു​ന്ന​ത്. അ​ഥ​വാ, ഹി​ജാ​ബ് ധ​രി​ക്കു​ക എ​ന്ന പൗ​രാ​വ​കാ​ശം വി​ല​ക്കി​ക്കൊ​ണ്ട് മു​സ്‍ലിം പെ​ൺ​കു​ട്ടി​ക​ളെ വി​ദ്യാ​ഭ്യാ​സ​ത്തി​ന്റെ മു​ഖ്യ​ധാ​ര​യി​ൽ​നി​ന്ന് മാ​റ്റി​നി​ർ​ത്താ​നാണ്​ ശ്ര​മം ന​ട​ന്ന​ത് എ​ന്ന് വ്യ​ക്ത​മാ​യി​രി​ക്കെ കേ​ര​ള ഗ​വ​ർ​ണ​ർ പ​ണ്ട് പ​റ​ഞ്ഞു​ന​ട​ന്ന​ത് ക​ണ്ണും​ചി​മ്മി ആ​വ​ർ​ത്തി​ക്കു​ന്നു എ​ന്നേ പ​റ​യാ​നാ​വൂ.