തെലങ്കാനയിൽ കോൺഗ്രസ്​ പ്രതീക്ഷയിലാണ്

തെ​ല​ങ്കാ​ന​യി​ൽ ഇ​ത്​ കൊ​യ്ത്തു​കാ​ല​മാ​ണ്. ന​ഗ​ര​പ​രി​ധി ക​ഴി​ഞ്ഞാ​ൽ ദേ​ശീ​യ​പാ​ത​യു​ടെ വ​ശ​ങ്ങ​ളി​ലാ​യി ക​ർ​ഷ​ക​ർ നെ​ല്ലു​ണ​ക്കു​ന്ന​ത്​ കാ​ണാം.  തി​ള​ക്കു​ന്ന വെ​യി​ൽ​ച്ചൂ​ടി​നൊ​പ്പം തെ​ല​ങ്കാ​ന​യു​ടെ രാ​ഷ്ട്രീ​യ​രം​ഗ​ത്തും താ​പ​മു​യ​രു​ക​യാ​ണ്. ആ​ദ്യ​ഘ​ട്ട​ത്തി​ൽ ഭ​ര​ണ​ക​ക്ഷി​യാ​യ ബി.​ആ​ർ.​എ​സി​ന്​​ വ​ലി​യ വെ​ല്ലു​വി​ളി തീ​ർ​ക്കു​ന്നു​വെ​ന്ന പ്ര​തീ​തി​യു​ണ്ടാ​ക്കി​യ ബി.​ജെ.​പി​ക്ക്​ പി​ന്നാ​ലെ ഇ​പ്പോ​ൾ ത​ട്ട​ക​ത്തി​ലെ പ്ര​ധാ​ന എ​തി​രാ​ളി എ​ന്ന പ​ട്ടം കോ​ൺ​ഗ്ര​സി​ലേ​ക്ക്​ എ​ത്തി​യി​രി​ക്കു​ന്നു. ത്രി​കോ​ണ മ​ത്സ​രം എ​ന്ന​തി​ന​പ്പു​റം ബി.​ആ​ർ.​എ​സും​ കോ​ൺ​ഗ്ര​സും എ​ന്ന​ നി​ല​യി​ലേ​ക്ക്​ തെ​ല​ങ്കാ​ന രാ​ഷ്ട്രീ​യം നീ​ങ്ങു​​കയാണ്. കോ​ൺ​ഗ്ര​സി​ന്റെ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ച്ച് എ.​​ഐ.​സി.​സി പ്ര​ത്യേ​ക നി​രീ​ക്ഷ​ക​നാ​യ​ മു​ൻ പ്ര​തി​പ​ക്ഷ നേ​താ​വ് ര​മേ​ശ്​ ചെ​ന്നി​ത്ത​ല​യും സം​സ്ഥാ​ന​ത്തി​ന്റെ ചു​മ​ത​ല​യു​ള്ള എ.​ഐ.​സി.​സി സെ​ക്ര​ട്ട​റി​ പി.​സി. വി​ഷ്ണു​നാ​ഥും അ​വി​ടെ​യു​ണ്ട്. ഇ​രു​വ​രും മാ​ധ്യ​മം ലേ​ഖ​ക​ൻ ബി​നോ​യ് തോ​മ​സി​നോ​ട് വി​ശേ​ഷ​ങ്ങ​ൾ പ​ങ്കു​വെ​ക്കു​ന്നു

തെലങ്കാനയിലെ കോൺഗ്രസ് പ്രതീക്ഷകൾ പങ്കുവെച്ച് രമേശ് ചെന്നിത്തല...

പ്ര​ത്യേ​ക നി​രീ​ക്ഷ​ക​ന്‍റെ റോ​ളി​ലാ​ണ​ല്ലോ; പ​ഴ​യ സ​ഹ​പ്ര​വ​ർ​ത്ത​ക​നാ​യ കെ.​സി.​ആ​ർ എ​തി​രാ​ളി​യും. എ​ന്തു​ തോ​ന്നു​ന്നു?

വി​വി​ധ കേ​ന്ദ്ര​ങ്ങ​ളെ തെ​ര​ഞ്ഞെ​ടു​പ്പ്​ മു​ന്നി​ൽ​ക്ക​ണ്ട്​ ഏ​കോ​പി​പ്പി​ക്കു​ക എ​ന്ന​താ​ണ്​ പ്ര​ധാ​ന പ്ര​വൃ​ത്തി. ഏ​താ​നും ദി​വ​സ​മാ​യി​ സാ​മൂ​ഹി​ക രാ​ഷ്ട്രീ​യ രം​ഗ​ത്തെ പ്ര​ധാ​ന​പ്പെ​ട്ട വ്യ​ക്തി​ത്വ​ങ്ങ​ളു​മാ​യെ​ല്ലാം കൂ​ടി​ക്കാ​ഴ്ച ന​ട​ത്തി​വ​രു​ക​യാ​ണ്. ശു​ഭാ​പ്തി വി​ശ്വാ​സം ന​ൽ​കു​ന്ന​താ​ണ്​ ഓ​രോ കൂ​ടി​ക്കാ​ഴ്ച​യും.

കെ.​സി.​ആ​റു​മാ​യി ദീ​ർ​ഘ​നാ​ള​ത്തെ വ്യ​ക്​​തി​ബ​ന്ധ​വും രാ​ഷ്ട്രീ​യ​പ്ര​വ​ർ​ത്ത​ന ബ​ന്ധ​വു​മു​ണ്ട്. എ​ന്നാ​ൽ, നി​ല​വി​ൽ സം​സ്ഥാ​ന​ത്ത്​ അ​​ദ്ദേ​ഹം നേ​തൃ​ത്വം​ന​ൽ​കു​ന്ന സ​ർ​ക്കാ​ർ ജ​നാ​ധി​പ​ത്യ​വി​രു​ദ്ധ​മാ​ണ്. ജ​ന​ങ്ങ​ളെ കൊ​ള്ള​യ​ടി​ക്കു​ന്ന, അ​ടി​മു​ടി അ​ഴി​മ​തി നി​റ​ഞ്ഞ സ​ർ​ക്കാ​റി​നോ​ടും മു​ഖ്യ​മ​ന്ത്രി​യോ​ടും പോ​രാ​ടാ​ൻ വ്യ​ക്തി​ബ​ന്ധം ത​ട​സ്സ​മ​ല്ല.

കോ​ൺ​ഗ്ര​സ് ഭ​ര​ണ​ത്തി​ൽ തി​രി​ച്ചെ​ത്തു​മോ?

ഇ​ത്ത​വ​ണ ഭ​ര​ണം പി​ടി​ക്കാ​നാ​കു​മെ​ന്ന ഉ​റ​ച്ച പ്ര​തീ​ക്ഷ​യു​ണ്ട്. അ​ഴി​മ​തി​യി​ൽ മു​ങ്ങി​യ തെ​ല​ങ്കാ​ന​യി​ൽ ജ​ന​ങ്ങ​ൾ കോ​ൺ​ഗ്ര​സി​നെ അ​ഭ​യ​മാ​യി കാ​ണു​ന്നു​വെ​ന്നാ​ണ്​ നി​ല​വി​ലെ സാ​ഹ​ച​ര്യം കാ​ണി​ക്കു​ന്ന​ത്. രാ​ഹു​ൽ ഗാ​ന്ധി പ​റ​ഞ്ഞ​തു​​പോ​ലെ ശ​ക്ത​മാ​യ കോ​ൺ​ഗ്ര​സ്​ കാ​റ്റ്​ തെ​ല​ങ്കാ​ന​യി​ൽ ആ​ഞ്ഞ​ടി​ക്കും.

പ്ര​ചാ​ര​ണ​രം​ഗ​ത്തെ വെ​ല്ലു​വി​ളി​ക​ൾ

വ​ലി​യ ചെ​ല​വു​ള്ള​താ​ണ്​ തെ​ല​ങ്കാ​ന​യി​ലെ പ്ര​ചാ​ര​ണം. ബി.​ആ​ർ.​എ​സ്​ പ​ണ​മി​റ​ക്കി ധൂ​ർ​ത്ത​ടി​ച്ച്​ അ​ത്ത​ര​ത്തി​ൽ ആ​ക്കി​ത്തീ​ർ​ത്ത​താ​ണെ​ന്നു​ പ​റ​യാം. സ​മൂ​ഹ​ത്തി​ന്‍റെ വി​വി​ധ കോ​ണു​ക​ളി​ൽ​നി​ന്ന്​ ത​ങ്ങ​ൾ​ക്കെ​തി​രെ ഉ​യ​രു​ന്ന ശ​ബ്​​ദ​ങ്ങ​ൾ അ​മ​ർ​ച്ച​ചെ​യ്യാ​ൻ പ​ണ​വും ആ​യു​ധ​മാ​ക്കു​ന്ന സാ​ഹ​ച​ര്യം. ഇ​തൊ​ക്കെ മ​റി​ക​ട​ന്ന്​ വ​ലി​യ മു​ന്നേ​റ്റ​മു​ണ്ടാ​ക്കാ​ൻ കോ​ൺ​ഗ്ര​സി​നാ​യി എ​ന്ന​ത്​ വ​ലി​യ നേ​ട്ട​മാ​ണ്.

ഉ​വൈ​സി​യെ​പോ​ലു​ള്ള​വ​ർ ബി.​ജെ.​പി​ക്കു​ വേ​ണ്ടി കോ​ൺ​ഗ്ര​സ്​ മ​ണ്ഡ​ല​ങ്ങ​ളി​ൽ സ്ഥാ​നാ​ർ​ഥി​ക​ളെ ഇ​റ​ക്കി വെ​ല്ലു​വി​ളി തീ​ർ​ക്കു​ന്നു​ണ്ട്. ഇ​തൊ​ക്കെ ഉ​ണ്ടെ​ങ്കി​ലും കോ​ൺ​ഗ്ര​സ്​ എ​ന്ന വി​കാ​രം പ്ര​വ​ർ​ത്ത​ക​രി​ൽ ജ്വ​ലി​ച്ചാ​ൽ വി​ജ​യം സു​നി​ശ്ചി​ത​മാ​ണ്. അ​ത്​ നി​ല​വി​ൽ ദൃ​ശ്യ​വു​മാ​ണ്. 

പി.സി വിഷ്ണുനാഥിന്റെ വാക്കുകളിലൂടെ...

ദീ​ർ​ഘ​നാ​ളാ​യി തെ​ല​ങ്കാ​ന​യി​ൽ സ​ജീ​വ​മാ​ണ​ല്ലോ; എ​ന്താ​ണ്​ തെ​ര​ഞ്ഞെ​ടു​പ്പ്​ പ്ര​തീ​ക്ഷ​ക​ൾ?

ക​ഴി​ഞ്ഞ മൂ​ന്നു മാ​സ​ങ്ങ​ളാ​യി ഇ​വി​ടെ​യു​ണ്ട്. കോ​ൺ​ഗ്ര​സ്​ പ്ര​വ​ർ​ത്ത​ക​ർ വ​ലി​യ ആ​വേ​ശ​ത്തി​ലാ​ണ്. നി​ല​വി​ൽ പാ​ർ​ട്ടി​ക്ക്​ അ​ധി​കാ​ര​ത്തി​ലെ​ത്താ​ൻ എ​ല്ലാ സാ​ഹ​ച​ര്യ​ങ്ങ​ളും അ​നു​കൂ​ല​മാ​ണ്. 24നു​ശേ​ഷം രാ​ഹു​ൽ, പ്രി​യ​ങ്ക ഗാ​ന്ധി​യ​ട​ക്ക​മു​ള്ള​വ​ർ സം​സ്ഥാ​ന​ത്ത്​ സ​ജീ​വ​മാ​കു​ന്ന​തോ​ടെ വ​ലി​യ ഓ​ള​മു​ണ്ടാ​കും. കോ​ൺ​ഗ്ര​സ്​ ഭ​ര​ണം പി​ടി​ക്കും.

സം​ഘ​ട​ന​ാത​ല​ത്തി​ൽ ആ ​ഉ​ണ​ർ​വ്​ പ്ര​ക​ട​മാ​ണോ? മു​ൻ​കാ​ല​ങ്ങ​ളി​ൽ കോ​ൺ​ഗ്ര​സി​ൽ നി​ന്ന്​ വ​ലി​യ കൊ​ഴി​ഞ്ഞു​പോ​ക്കി​ന്​ സാ​ക്ഷ്യം​വ​ഹി​ച്ച സം​സ്ഥാ​ന​മാ​ണ്​ തെ​ല​ങ്കാ​ന.

തീ​ർ​ച്ച​യാ​യും, വ​ലി​യ ഉ​ണ​ർ​വി​നാ​ണ്​ പാ​ർ​ട്ടി സാ​ക്ഷ്യം വ​ഹി​ക്കു​ന്ന​ത്. താ​ഴേ​ത്ത​ട്ട്​ മു​ത​ൽ അ​ത്​ പ്ര​ക​ട​വു​മാ​ണ്. സം​സ്ഥാ​ന​ത്ത്​ ഒ​രു ഘ​ട്ട​ത്തി​ൽ 150ഓ​ളം പ്ര​ധാ​ന നേ​താ​ക്ക​ന്മാ​ർ കോ​ൺ​ഗ്ര​സ്​ വി​ട്ടി​രു​ന്നു. ഇ​ന്ന്​ അ​വ​രി​ൽ ഭൂ​രി​ഭാ​ഗ​വും തി​രി​ച്ചെ​ത്തി​യെ​ന്ന്​ മാ​ത്ര​മ​ല്ല, പു​തി​യ ക​രു​ത്ത​രാ​യ നേ​താ​ക്ക​ൾ ഉ​യ​ർ​ന്നു​വ​രു​ക​യും ചെ​യ്യു​ന്നു. വി​ജ​യ​ശാ​ന്തി​യ​ട​ക്ക​മു​ള്ള​വ​ർ ക​ഴി​ഞ്ഞ ദി​വ​സം പാ​ർ​ട്ടി​യി​ൽ തി​രി​ച്ചെ​ത്തി​യി​​ല്ലേ? ബി.​ജെ.​പി​യി​ൽ പോ​യ കോ​മ​ട്ട്​ ​​റെ​ഡ്ഡി, വെ​ങ്ക​ട്ട്​ റെ​ഡ്ഡി അ​ട​ക്ക​മു​ള്ള​വ​ർ നി​ല​വി​ൽ കോ​ൺ​ഗ്ര​സി​ലു​ണ്ട്.

വൈ​കാ​രി​ക​മാ​ണ്​ തെ​ല​ങ്കാ​ന​യു​ടെ രാ​ഷ്ട്രീ​യം. നോ​മി​നേ​ഷ​നി​ൽ വി​മ​ത​രു​മാ​യി ​ച​ർ​ച്ച ന​ട​ത്തി അ​നു​ന​യ​മു​ണ്ടാ​ക്കു​ക​യാ​യി​രു​ന്നു ഇ​വി​ടെ ശ്ര​മ​ക​ര​മാ​യ ദൗ​ത്യം. കെ.​സി. വേ​ണു​ഗോ​പാ​ൽ അ​ട​ക്ക​മു​ള്ള​വ​ർ ഇ​വി​ടെ ത​ങ്ങി അ​നു​ന​യ ച​ർ​ച്ച​ക​ൾ​ക്ക്​ നേ​തൃ​ത്വം ന​ൽ​കി​യി​രു​ന്നു. വ​ലി​യൊ​രു പ​ങ്ക്​ ആ​ളു​ക​ളെ​യും പി​ൻ​വ​ലി​പ്പി​ക്കാ​നാ​യി.

സം​സ്ഥാ​ന​ത്തെ ജ​ന​സം​ഖ്യ​യി​ൽ പ​കു​തി​യോ​ളം വ​രു​ന്ന ഒ.​ബി.​സി സ​മു​ദാ​യ​ങ്ങ​ളെ അ​വ​ഗ​ണി​ക്കു​ന്നെ​ന്ന് ഉ​വൈ​സി​യു​ൾ​പ്പെ​ടെ എ​തി​രാ​ളി​ക​ൾ കോ​ൺ​ഗ്ര​സി​നെ​തി​രെ ആ​ക്ഷേ​പ​മു​യ​ർ​ത്തു​ന്നു​ണ്ട്

തെ​റ്റാ​ണ്. വി​ജ​യ​സാ​ധ്യ​ത ക​ണ​ക്കി​ലെ​ടു​ത്താ​ണ്​ സ്ഥാ​നാ​ർ​ഥി​ക​ളെ നി​ർ​ത്തി​യി​ട്ടു​ള്ള​ത്. സാ​മൂ​ഹി​ക സ​ന്തു​ല​നം ഉ​റ​പ്പു​വ​രു​ത്തി എ​ല്ലാ സ​മു​ദാ​യ​ത്തി​നും​ പ്രാ​ധാ​ന്യം ഉ​റ​പ്പു​വ​രു​ത്തു​ന്ന​താ​ണ്​ കോ​ൺ​ഗ്ര​സി​ന്‍റെ പ​ട്ടി​ക. ആ​രോ​പ​ണ​മു​ന്ന​യി​ക്കു​ന്ന ബി.​ആ​ർ.​എ​സി​ന്റെ സ്ഥാ​നാ​ർ​ഥി​പ്പ​ട്ടി​ക നോ​ക്കൂ, താ​ര​ത​മ്യം ചെ​യ്​​താ​ൽ ഒ.​ബി.​സി സ​മൂ​ഹ​ങ്ങ​ളി​ൽ​നി​ന്ന്​ കൂ​ടു​ത​ൽ സ്ഥാ​നാ​ർ​ഥി​ക​ൾ കോ​ൺ​ഗ്ര​സി​നു​ള്ള​താ​യി കാ​ണാം.

ഉ​വൈ​സി ബി.​ജെ.​പി​ക്ക്​ ഒ​ത്താ​ശ ചെ​യ്യു​ക​യാ​ണ്. നോ​ക്കൂ, യു.​പി​യി​ലും മ​ഹാ​രാ​ഷ്ട്ര​യി​ലും ബി​ഹാ​റി​ലു​മെ​ല്ലാം വ​ലി​യ രീ​തി​യി​ൽ സ്ഥാ​നാ​ർ​ഥി​ക​ളെ ഇ​റ​ക്കി​യ ഉ​വൈ​സി​യു​ടെ പാ​ർ​ട്ടി സ്വ​ന്തം ത​ട്ട​ക​ത്തി​ൽ മ​ത്സ​രി​ക്കു​ന്ന​ത്​ ഏ​താ​നും സീ​റ്റു​ക​ളി​ലാ​ണ്. അ​ത്​ കോ​​ൺ​ഗ്ര​സി​ന്​ ശ​ക്ത​മാ​യ സ്ഥാ​നാ​ർ​ഥി​ക​ൾ ഉ​ള്ളി​ട​ങ്ങ​ളു​മാ​ണ്.

ജൂ​ബി​ലി ഹി​ൽ​സി​ൽ ക്രി​ക്ക​റ്റ്​ താ​രം അ​സ്​​ഹ​റു​ദ്ദീ​ൻ മ​ത്സ​രി​ക്കു​ന്നി​ട​ത്ത്​ ഉ​വൈ​സി​യു​ടെ പാ​ർ​ട്ടി​ക്ക്​ സ്ഥാ​നാ​ർ​ഥി​യു​ണ്ട്. എ​ന്നാ​ൽ ബി.​ജെ.​പി​യെ സം​ര​ക്ഷി​ക്കു​ന്ന രീ​തി​യി​ൽ പ​ല മ​ണ്ഡ​ല​ങ്ങ​ളി​ലും ആ ​പാ​ർ​ട്ടി​ക്ക്​ സ്ഥാ​നാ​ർ​ഥി​യി​ല്ലെ​ന്നും കാ​ണാം. കോ​ൺ​ഗ്ര​സ്​ ഇ​തെ​ല്ലാം ക​ട​ന്ന്​ മു​ന്നോ​ട്ടു​പോ​കും.