കരുത്തുചോർന്ന മൂന്നാമൂഴം

ന്യൂ​ഡ​ൽ​ഹി: മൂ​ന്നാ​മൂ​ഴ​ത്തി​ൽ അ​ധി​കാ​ര​ത്തി​ലേ​റി അ​ഞ്ചു​വ​ർ​ഷം തി​ക​ച്ചാ​ലും ഇ​നി​യൊ​ര​ങ്ക​ത്തി​ന് ബാ​ല്യ​മി​ല്ലെ​ന്ന് കാ​ണി​ക്കു​ന്ന​താ​യി​രു​ന്നു ന്യൂ​ഡ​ൽ​ഹി​യി​ലെ പാ​ർ​ട്ടി ആ​സ്ഥാ​ന​ത്ത് പ്ര​വ​ർ​ത്ത​ക​രു​ടെ മു​ന്നി​ലേ​ക്ക് ഖി​ന്ന​നാ​യി ക​ട​ന്നു​വ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ശ​രീ​ര ഭാ​ഷ.

മോ​ദി ബ്രാ​ൻ​ഡി​ന് വി​പ​ണി​മൂ​ല്യം ന​ഷ്ട​മാ​യി​രി​ക്കു​ന്നു. പെ​ട്രോ​ൾ ബ​ങ്കു​ക​ൾ, റെ​യി​ൽ​വേ സ്റ്റേ​ഷ​നു​ക​ൾ, എ​യ​ർ​പോ​ർ​ട്ടു​ക​ൾ, സ​ർ​ക്കാ​ർ ഓ​ഫി​സു​ക​ൾ തു​ട​ങ്ങി രാ​ജ്യ​ത്തി​ന്റെ മു​ക്കു​മൂ​ല​ക​ളി​ൽ ബി​ൽ​ബോ​ർ​ഡു​ക​ളും ക​ട്ടൗ​ട്ടു​ക​ളും സെ​ൽ​ഫി പോ​യ​ന്റു​ക​ളു​മൊ​ക്കെ സ്ഥാ​പി​ച്ചും മാ​ധ്യ​മ​ങ്ങ​ളി​ലും സ​മൂ​ഹ മാ​ധ്യ​മ​ങ്ങ​ളി​ലും ഇ​ട​ത​ട​വി​ല്ലാ​തെ പ​ര​സ്യം ചെ​യ്തും കോ​ടി​ക​ൾ ചെ​ല​വി​ട്ട് ഉ​ണ്ടാ​ക്കി​യെ​ടു​ത്ത ബ്രാ​ൻ​ഡാ​ണി​ത്.

തെ​ര​ഞ്ഞെ​ടു​പ്പി​ന് ബി.​ജെ.​പി പു​റ​ത്തി​റ​ക്കി​യ പ്ര​ക​ട​ന പ​ത്രി​ക​യി​ൽ മോ​ദി​യു​ടെ ചി​ത്ര​ങ്ങ​ൾ 50ലേ​റെ​യാ​യി​രു​ന്നു. വോ​ട്ട് ആ​ർ​ക്കെ​ന്ന് ചോ​ദി​ക്കു​മ്പോ​ഴൊ​ക്കെ വോ​ട്ട​ർ​മാ​ർ പ​ല​പ്പോ​ഴും തി​രി​ച്ചു ചോ​ദി​ച്ച ചോ​ദ്യ​മാ​യി​രു​ന്നു, മോ​ദി അ​ല്ലെ​ങ്കി​ൽ മ​റ്റാ​ര് എ​ന്ന​ത്. ന​രേ​ന്ദ്ര മോ​ദി എ​ന്ന ഒ​രേ​യൊ​രു വ്യ​ക്തി​ക്ക് മാ​ത്രം ദൃ​ശ്യ​ത ന​ൽ​കി രാ​ജ്യം എ​ന്നാ​ൽ മോ​ദി എ​ന്ന ത​ര​ത്തി​ൽ ബി.​ജെ.​പി സൃ​ഷ്ടി​ച്ച പ്ര​ചാ​ര​ണ​ത്തി​ന്റെ പ്ര​തി​ഫ​ല​ന​മാ​യി​രു​ന്നു അ​ത്.

ഒ​ടു​വി​ൽ തെ​ര​ഞ്ഞെ​ടു​പ്പ് ഫ​ലം വ​ന്ന​പ്പോ​ൾ ബി.​ജെ.​പി​ക്ക് കേ​വ​ല ഭൂ​രി​പ​ക്ഷം നി​ഷേ​ധി​ച്ച വോ​ട്ട​ർ​മാ​ർ മോ​ദി മാ​ജി​ക്കി​ന് അ​ന്ത്യം കു​റി​ച്ചു. ആ​ത്മീ​യ പു​രു​ഷ​നാ​യും അ​മാ​നു​ഷി​ക​നാ​യും ദൈ​വാ​വ​താ​ര​മാ​യും സ്വ​യം വാ​ഴ്ത്തി കാ​ശി​നാ​ഥ​ന്റെ അ​നു​ഗ്ര​ഹം അ​വ​കാ​ശ​പ്പെ​ട്ട മോ​ദി​ക്ക് ഭൂ​രി​പ​ക്ഷ​ത്തി​ൽ ര​ണ്ട​ര ല​ക്ഷ​ത്തോ​ളം വോ​ട്ടാ​ണ് കു​റ​ഞ്ഞ​ത്.

രാ​മ​ക്ഷേ​ത്രം ത​ന്റെ സം​ഭാ​വ​ന​യാ​യി കാ​ണി​ച്ചി​റ​ങ്ങി​യ തെ​ര​ഞ്ഞെ​ടു​പ്പി​ൽ ഹി​ന്ദി ഹൃ​ദ​യ​ഭൂ​മി​യി​ലെ ഹൃ​ദ​യ​സ​മ്രാ​ട്ടി​ന് രാ​മ​ജ​ന്മ ഭൂ​മി​യി​ൽ ത​ന്നെ ഏ​റ്റ പ​രാ​ജ​യ​ത്തെ അ​വ​ല​ക്ഷ​ണ​മാ​യി കാ​ണു​ന്ന ഭ​ക്ത​രു​മു​ണ്ട്. പാ​ർ​ട്ടി ആ​സ്ഥാ​ന​ത്തെ സ്വീ​ക​ര​ണ വേ​ദി​യി​ൽ പ​തി​വാ​യു​ള്ള ‘ജ​യ് ശ്രീ​റാം’ വി​ളി മു​ഴ​ങ്ങി​യി​ല്ല. യു.​പി​യി​ലെ പ​രാ​ജ​യ​ത്തി​ന്റെ ക​യ്പു​നീ​രും ഒ​ഡി​ഷ​യി​ലെ വി​ജ​യ​ത്തി​ന്റെ മ​ധു​ര​വും ഓ​ർ​ത്താ​ക​ണം മോ​ദി ‘ജ​യ് ജ​ഗ​ന്നാ​ഥ്’ വി​ളി​ച്ച​ത്.

വോ​ട്ട​ർ​മാ​ർ​ക്കി​ട​യി​ൽ മാ​ത്ര​മ​ല്ല, പാ​ർ​ട്ടി​യി​ലും എ​ൻ.​ഡി.​എ ഘ​ട​ക​ക​ക്ഷി​ക​ൾ​ക്കി​ട​യി​ലും പ്ര​ഭാ​വ​വും ക​രു​ത്തും ചോ​ർ​ന്ന മോ​ദി​യാ​ണ് മൂ​ന്നാ​മൂ​ഴ​ത്തി​നെ​ത്തു​ന്ന​ത്. പ്ര​ബ​ല​രാ​യ ര​ണ്ട് ഘ​ട​ക​ക​ക്ഷി നേ​താ​ക്ക​ളാ​യ നി​തീ​ഷ് കു​മാ​റും ച​ന്ദ്ര​ബാ​ബു നാ​യി​ഡു​വും മോ​ദി​യോ​ട് നേ​ർ​ക്കു​നേ​ർ മു​ട്ടി​നി​ന്ന​വ​രു​മാ​ണ്.

വി​ല​പേ​ശ​ലി​ൽ ക​രു​ത്ത​രു​മാ​ണ്. നി​ര​ന്ത​രം മു​ന്ന​ണി മാ​റി ‘പ​ൾ​ട്ടു റാം’ ​എ​ന്ന വി​ളി​പ്പേ​ര് വീ​ണ നി​തീ​ഷ് എ​ത്ര​നാ​ൾ കൂ​ടെ​യു​ണ്ടാ​കു​മെ​ന്നോ എ​ന്ന് മ​ല​ക്കം മ​റി​യു​മെ​ന്നോ നി​ശ്ച​യ​മി​ല്ല. അ​വ​രെ​യും കൂ​ട്ടി​ക്കെ​ട്ടി​യാ​ണ് മൂ​ന്നാ​മൂ​ഴ​ത്തി​ൽ ഭ​ര​ണം ന​ട​ത്തേ​ണ്ട​ത്.

ഘ​ട​ക​ക​ക്ഷി നേ​താ​ക്ക​ളെ​ന്ന നി​ല​ക്ക് നി​തീ​ഷ് കു​മാ​റി​നും ച​ന്ദ്ര​ബാ​ബു നാ​യി​ഡു​വി​നും വി​ധേ​യ​പ്പെ​ടേ​ണ്ട നി​ല​യി​ലാ​യി മോ​ദി. പൊ​തു​തെ​ര​ഞ്ഞെ​ടു​പ്പി​ലെ മോ​ശം പ്ര​ക​ട​ന​ത്തി​നു​പി​ന്നാ​ലെ ത​ന്നെ മോ​ദി​ക്കു​ശേ​ഷം ആ​ര് എ​ന്ന ചോ​ദ്യം ബി.​ജെ.​പി​യി​ലു​യ​ർ​ന്നി​രു​ന്നു. ബി.​ജെ.​പി​ക്ക് ഭൂ​രി​പ​ക്ഷ​മി​ല്ലാ​ത്ത സാ​ഹ​ച​ര്യ​ത്തി​ൽ സ​മ​വാ​യ​ക്കാ​രാ​യ നേ​താ​ക്ക​ള​ല്ലേ ന​ല്ല​ത് എ​ന്ന ച​ർ​ച്ച പാ​ർ​ട്ടി​വൃ​ത്ത​ങ്ങ​ളി​ൽ സ​ജീ​വ​മാ​യി​രു​ന്നു.

നി​തി​ൻ ഗ​ഡ്ക​രി​യു​ടെ​യും ശി​വ​രാ​ജ് സി​ങ് ചൗ​ഹാ​ന്റെ​യു​മൊ​ക്കെ പേ​രു​ക​ൾ പ​ല​രും പ​റ​യു​ക​യും ചെ​യ്തു. അ​തി​നി​ട​യി​ലാ​ണ് പാ​ർ​ട്ടി അ​ധ്യ​ക്ഷ​ൻ ജെ.​പി. ന​ഡ്ഡ, അ​മി​ത് ഷാ, ​രാ​ജ്നാ​ഥ് സി​ങ് എ​ന്നി​വ​ർ​ക്കൊ​പ്പം പാ​ർ​ട്ടി ആ​സ്ഥാ​ന​ത്തെ സ്വീ​ക​ര​ണ​ത്തി​നെ​ത്തി താ​ൻ മൂ​ന്നാ​മൂ​ഴ​വും അ​ധി​കാ​ര​ത്തി​ലേ​റു​ക​യാ​ണെ​ന്ന് മോ​ദി സ്വ​യം പ്ര​ഖ്യാ​പി​ച്ച​ത്.