ബ്രസീലിനെ സമനില പിടിച്ച്​ എക്വഡോർ

സവോപോളോ: ലാറ്റിൻ ​അ​േമരിക്കൻ ഫുട്​ബാളിൽ അപരാജിത കുതിപ്പുമായി ഏറെ മുന്നിലുള്ള ബ്രസീലിനെ കോപ ​അമേരിക്ക ഗ്രൂപ്​ ബി അവസാന മത്സരത്തിൽ ഒപ്പം പിടിച്ച്​ എക്വഡോർ. ആദ്യം ഗോൾ നേടി മുന്നിലെത്തുകയും പന്തടക്കത്തിലും അവസരങ്ങൾ തുറക്കുന്നതിലും എതിരാളികളെ പിറകിലാക്കുകയും ചെയ്​തിട്ടും രണ്ടാം പകുതിയിൽ എക്വഡോർ താരം എയ്​ഞ്ചൽ മീന നേടിയ ഗോളാണ്​ 11 കളികളിൽ ആദ്യമായി ബ്രസീലിനെ​ സമനിലയിൽ കുരുക്കിയത്​.

കളി തുടങ്ങുംമു​െമ്പ ഗ്രൂപിൽ ഒന്നാമന്മാരായി യോഗ്യത നേടിയതിനാൽ പ്രമുഖരിൽ പലർക്കും അവധി നൽകി റിസർവ്​ ബെഞ്ചിനെ പരീക്ഷിച്ചാണ്​​ ബ്രസീൽ ഇറങ്ങിയത്​. ഗബ്രിയേൽ ബർബോസ, എവർടൺ, ഡഗ്ലസ്​ ലൂയിസ്​, ഫബീഞ്ഞോ തുടങ്ങിയവർ ആദ്യ ഇലവനിൽ എത്തിയ സാംബ ടീം തന്നെ ആദ്യം ഗോൾ നേടി വരവറിയിക്കുകയും ചെയ്​തു. തകർപ്പൻ​ ഹെഡറിലൂടെ റയൽ മഡ്രിഡ്​ പ്രതിരോധ താരം എഡർ മിലിറ്റാവോ ആയിരുന്നു സ്​കോറർ. ഗ്രൂപിൽ ആദ്യ മൂന്നു കളികളും ജയിച്ച്​ ബഹുദൂരം മുന്നിലായതിനാൽ ഒട്ടും പരിഭ്രമിക്കാനില്ലാതെ പന്തുതട്ടിയ ബ്രസീലി​െൻറ പിന്നീടുള്ള മുന്നേറ്റങ്ങൾ പക്ഷേ, എക്വഡോർ പ്രതിരോധഭിത്തിയിൽ തട്ടിവീണു. അതിനിടെ ലൂയിസിനെ പിൻവലിച്ച്​ കസമിറോയെ കളത്തിലിറങ്ങിയതോടെ മുന്നേറ്റം കൂടുതൽ ചടുലമായി. ഒരു ജയം കൂടി ഉറപ്പിച്ച ബ്രസീൽ പോസ്​റ്റിൽ രണ്ടാം പകുതിയിൽ എയ്​ഞ്ചൽ മീന​ പന്തെത്തിച്ചതോടെ കളി ചൂടുപിടിച്ചു. പ്രതിരോധ പിഴവ്​ മുതലെടുത്തായിരുന്നു മീനയുടെ തകർപ്പൻ സ്​ട്രൈക്​. സമനില പൊട്ടിക്കാൻ സാംബ സംഘവും തോൽവി വഴങ്ങാതിരിക്കാൻ എക്വഡോറും കളിച്ചതോടെ സ്​കോർ ബോർഡ്​ 1-1ൽ അവസാനിച്ചു.

ടിറ്റെ സംഘത്തിനെതിരെ ടൂർണമെൻറിൽ ആദ്യമായി സമനിലയും വിലപ്പെട്ട ഒരു പോയിൻറും സ്വന്തമാക്കിയ എക്വഡോറിന്​ ഇതോടെ നോക്കൗട്ട്​ റൗണ്ടിൽ കരുത്ത്​ കൂടും.

വെനസ്വേലയെ കടന്ന്​ പെറു

ഗ്രൂപ്​ ബിയിലെ മറ്റൊരു മത്സരത്തിൽ ദുർബലരായ വെനസ്വേലയെ എതിരില്ലാത്ത ഒരു ഗോളിന്​ വീഴ്​ത്തി പെറു പട്ടികയിൽ രണ്ടാമന്മാരായി. തോൽവിയോടെ വെനസ്വേല ക്വാർട്ടർ കാണാതെ പുറത്തായി. ലോകകപ്പ്​ യോഗ്യത പോരാട്ടങ്ങളിലെ മോശം പ്രകടനങ്ങൾക്ക്​ കേട്ട പഴി രണ്ട്​ വിലപ്പെട്ട വിജയങ്ങളും ഒരു സമനിലയുമായി കോപ അമേരിക്കയിൽ തീർത്താണ്​ പെറു ബ്രസീലിനു കീഴിൽ രണ്ടാമതെത്തിയത്​.

ആന്ദ്രെ കാരിലോ ആയിരുന്നു സ്​കോറർ. കഴിഞ്ഞ കളിയിൽ എക്വഡോറിനെതിരെ മികച്ച പ്രകടനവുമായി കളംനിറഞ്ഞ വെനസ്വേലക്ക്​ പക്ഷേ, ഇത്തവണ പെറുവിനെതിരെ എല്ലാം പാളിയപ്പോൾ സമനില പോലും വഴുതി.