ലണ്ടൻ: ചില പ്രവചനങ്ങൾ നമ്മെ ഞെട്ടിക്കാറുണ്ട്. പോൾ നീരാളിയെ പോലെ ചില ജീവികളും ചില മനുഷ്യൻമാരും ഫുട്ബാൾ മത്സരഫലങ്ങൾ പ്രവചിച്ച് നമ്മെ അത്ഭുതപ്പെടുത്തിയവരാണ്. എന്നാൽ എട്ടു വർഷങ്ങൾക്ക് മുമ്പ് യൂറോ കപ്പ് 2020ൽ ഇംഗ്ലണ്ട് ഇറ്റലിയോട് പെനാൽറ്റി ഷൂട്ടൗട്ടിൽ തോൽക്കുമെന്ന് പ്രവചിച്ച ഒരു ട്വീറ്റാണ് ഇപ്പോൾ ട്വിറ്ററിൽ വൈറൽ.
@lawseyitfc എന്ന ട്വിറ്റർ ഹാൻഡ്ലിൽ 2013 ലാണ് ട്വീറ്റ് പ്രത്യക്ഷപ്പെട്ടത്. കാമറൂൺ എന്നയാൾ ബ്ലാക്ക്ബെറി ഫോൺ ഉപയോഗിച്ചാണ് ട്വീറ്റ് ചെയ്തിരിക്കുന്നത്.
'യൂറോ 2020 ഫൈനലിൽ ഇറ്റലിക്കെതിരെ ഇംഗ്ലണ്ട് പെനാൽറ്റി ഷൂട്ടൗട്ടിൽ തോറ്റു, പിന്നീട് ഒന്നും മാറിയിട്ടില്ല'-2013 ഫെബ്രുവരി 22ന് കാമറൂൺ കുറിച്ചു. മൈക്രോബ്ലോഗിങ് സൈറ്റിൽ എഡിറ്റ് ഓപ്ഷൻ ഇല്ലാത്തിനാൽ തന്നെ ട്വീറ്റ് കണ്ട് അത്ഭുതം കൂറുകയാണ് ട്വിറ്ററാറ്റികൾ.
അധിക സമയത്തും ഇരു ടീമുകളും ഓരോ ഗോളടിച്ച് സമനില പാലിച്ചതോടെയാണ് ഇറ്റലി-ഇംഗ്ലണ്ട് ഫൈനൽ മത്സരം പെനാൽറ്റി ഷൂട്ടൗട്ടിലേക്ക് നീണ്ടത്. ഷൂട്ട് ഒൗട്ടിൽ ഇംഗ്ലണ്ടിന്‍റെ കൗമാര താരങ്ങളായ മാർകസ് റാഷ്ഫോഡിന്‍റെയും ജേഡൻ സാഞ്ചോയുടേയും ബുകായി സാക്കയുടേയും കിക്കുകൾ പിഴച്ചതോടെയാണ് ഇറ്റലി യൂറോയിൽ രണ്ടാം മുത്തമിട്ടത്. ഇറ്റലിയുടെ ബെലോട്ടിയുടേയും ജോർജീഞ്ഞോയുടേയും കിക്കുകൾ ഇംഗ്ലീഷ് ഗോൾകീപ്പർ ജോർദൻ പിക്ഫോർഡ് തടുത്തിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.