ഓ​ർ​മ​ക​ൾ വീ​ണ്ടും ബൂ​ട്ട് കെ​ട്ടി നൂറ്റാണ്ടിന്റെ ഹാഫ് ടൈമിൽ

കൊ​ച്ചി: 50 വ​ർ​ഷം മു​മ്പ​ത്തെ ആ ​സ​ന്ധ്യ​യി​ലും കൊ​ച്ചി​യു​ടെ ആ​കാ​ശം ക​റു​ത്തി​രു​ണ്ടു കി​ട​ക്കു​ക​യാ​യി​രു​ന്നു. ഇ​ട​ക്ക് ചി​ന്നി​ച്ചി​ത​റി ചാ​റ്റ​ൽ മ​ഴ​ത്തു​ള്ളി​ക​ൾ മ​ഹാ​രാ​ജാ​സ് കോ​ള​ജ് മൈ​താ​ന​ത്തി​ന്റെ ഹൃ​ദ​യ​ത്തി​ലേ​ക്ക് പെ​യ്തു വീ​ണു​കൊ​ണ്ടി​രു​ന്നു. എ​ന്നാ​ൽ, മു​ക​ളി​ലെ ഇ​രു​ണ്ട ഓ​രോ മേ​ഘ​ത്തി​നു​മ​പ്പു​റം മ​നോ​ഹ​ര​മാ​യൊ​രു ര​ജ​ത​രേ​ഖ​യു​ണ്ടാ​യി​രു​ന്നു. കേ​ര​ളം ച​രി​ത്ര​ത്തി​ലാ​ദ്യ​മാ​യി സ​ന്തോ​ഷ് ട്രോ​ഫി കി​രീ​ടം നേ​ടി​യെ​ന്ന സ​ന്തോ​ഷ​മാ​യി​രു​ന്നു അ​ത്. അ​ന്ന​ത്തെ സ​ന്തോ​ഷ് ട്രോ​ഫി വി​ജ​യ​സ്മ​ര​ണ​ക​ളെ ഉ​ള്ളി​ലോ​മ​നി​ച്ച് വി​ജ​യ​ശി​ൽ​പി​ക​ൾ ഒ​രി​ക്ക​ൽ​കൂ​ടി ഗ്രൗ​ണ്ടി​ലി​റ​ങ്ങി ആ ​ഓ​ർ​മ​ക​ളി​ൽ പ​ന്തു ത​ട്ടി, അ​ന്ന് ച​രി​ത്ര​വി​ജ​യം സ​മ്മാ​നി​ച്ച അ​തേ പ​ന്ത്.

കേ​ര​ളം സ​ന്തോ​ഷ് ട്രോ​ഫി നേ​ടി​യ​തി​ന്‍റെ സു​വ​ർ​ണ ജൂ​ബി​ലി ആ​ഘോ​ഷ​വും അ​ന്ന​ത്തെ താ​ര​ങ്ങ​ൾ​ക്കു​ള്ള ആ​ദ​ര​വു​മാ​ണ് സ​ന്തോ​ഷ് ട്രോ​ഫി ഫു​ട്ബാ​ൾ പ്ലെ​യേ​ഴ്സ് വെ​ൽ​ഫെ​യ​ർ അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ ഒ​രു​ക്കി​യ​ത്. ടീം ​അം​ഗ​ങ്ങ​ളും ഒ​ഫീ​ഷ്യ​ൽ​സും മ​ൺ​മ​റ​ഞ്ഞു​പോ​യ താ​ര​ങ്ങ​ളു​ടെ കു​ടും​ബാം​ഗ​ങ്ങ​ളു​മെ​ല്ലാം പ​രി​പാ​ടി​യി​ൽ പ​ങ്കെ​ടു​ത്ത് അ​ന്ന​ത്തെ സ​ന്തോ​ഷ​ത്തി​ന്‍റെ ഓ​ർ​മ​ക​ൾ പ​ങ്കു​വെ​ച്ചു. 1973 ഡി​സം​ബ​ർ 27നാ​ണ് കേ​ര​ളം ക​രു​ത്ത​രാ​യ റെ​യി​ൽ​വേ​സി​നെ 3-2ന്​ ​പ​രാ​ജ​യ​പ്പെ​ടു​ത്തി​യ​ത്. സു​ന്ദ​ര​വും അ​വി​സ്മ​ര​ണീ​യ​വു​മാ​യ ആ ​കാ​ഴ്ച കാ​ണാ​ൻ സ്റ്റേ​ഡി​യ​ത്തി​നു ചു​റ്റും നി​ര​ന്നി​രു​ന്ന അ​ര​ല​ക്ഷ​ത്തോ​ളം പേ​രു​ടെ പ്ര​തീ​ക്ഷ​ക്കും പ്രാ​ർ​ഥ​ന​ക്കു​മൊ​ടു​വി​ലാ​ണ് അ​ന്ന​ത്തെ ക്യാ​പ്റ്റ​നാ​യ ടി.​കെ.​എ​സ്. മ​ണി​യു​ടെ ഹാ​ട്രി​ക് ഗോ​ളു​ക​ളി​ൽ കേ​ര​ളം ഉ​ജ്ജ്വ​ല വി​ജ​യം നേ​ടി​യ​ത്. എ​ന്നാ​ൽ, മ​ണി​യു​ൾ​പ്പെ​ടെ ചി​ല താ​ര​ങ്ങ​ൾ ഇ​ന്ന് ജീ​വ​നോ​ടെ​യി​ല്ലെ​ന്ന​തി​ന്‍റെ വേ​ദ​ന​യും ക​ളി​ക്കാ​ർ പ​ങ്കു​വെ​ച്ചു.

ടീ​മി​ന്‍റെ പ​രി​ശീ​ല​ക​നാ​യ ഒ​ളി​മ്പ്യ​ൻ സൈ​മ​ൺ സു​ന്ദ​ർ​രാ​ജ്, ക​ളി​ക്കാ​രാ​യ വി​ക്ട​ർ മ​ഞ്ഞി​ല, കെ.​പി. സേ​തു​മാ​ധ​വ​ൻ, ജി. ​ര​വീ​ന്ദ്ര​ൻ നാ​യ​ർ, ബാ​ബു നാ​യ​ർ, എ​ൻ.​കെ. ഇ​ട്ടി മാ​ത്യു, സി.​സി. ജേ​ക്ക​ബ്, എം. ​മി​ത്ര​ൻ, പി.​പി. പ്ര​സ​ന്ന​ൻ, പി. ​പൗ​ലോ​സ്, പി. ​അ​ബ്ദു​ൽ ഹ​മീ​ദ്, വി. ​ബ്ലാ​സി ജോ​ർ​ജ്, എ. ​ന​ജീ​മു​ദ്ദീ​ൻ, കെ.​പി. വി​ല്യം​സ്, എ. ​സേ​വ്യ​ർ പ​യ​സ് തു​ട​ങ്ങി​യ​വ​രാ​ണ് ഗൃ​ഹാ​തു​ര​ത്വം പേ​റു​ന്ന അ​നു​ഭ​വ​ങ്ങ​ളു​മാ​യി ആ ​മൈ​താ​ന​ത്തേ​ക്ക് ഒ​രി​ക്ക​ൽ കൂ​ടി​യെ​ത്തി​യ​ത്. അ​ന്ന​ത്തെ ഓ​ർ​മ​ക​ൾ പ​ങ്കു​വെ​ച്ച​പ്പോ​ൾ പ​ല​രു​ടെ​യും ഉ​ള്ളു​നി​റ​യു​ന്നു​ണ്ടാ​യി​രു​ന്നു.

കെ.​പി. ര​ത്നാ​ക​ര​ൻ, കെ.​വി. ഉ​സ്മാ​ൻ കോ​യ, ബി. ​ദേ​വാ​ന​ന്ദ്, ജോ​ൺ ജെ. ​ജോ​ൺ, കെ. ​ചേ​ക്കു, ടി.​എ. ജാ​ഫ​ർ, എം.​ആ​ർ. ജോ​സ​ഫ്, ഡോ. ​മു​ഹ​മ്മ​ദ് ബ​ഷീ​ർ, ടൈ​റ്റ​സ് കു​ര്യ​ൻ, അ​സി. കോ​ച്ച് എ.​വി. ദേ​വ​സി​ക്കു​ട്ടി, പി.​പി ജോ​സ്, എം.​എ​ൽ. ജോ​ർ​ജ് തു​ട​ങ്ങി​യ​വ​രു​ടെ ബ​ന്ധു​ക്ക​ളും പ​ങ്കെ​ടു​ക്കാ​നെ​ത്തി. ഹൈ​ബി ഈ​ഡ​ൻ എം.​പി ച​ട​ങ്ങ് ഉ​ദ്ഘാ​ട​നം ചെ​യ്തു. ക​ളി​ക്കാ​ർ​ക്കു​ള്ള മെ​മ​ൻ​റോ, ജ​ഴ്സി, കാ​ഷ് അ​വാ​ർ​ഡ് എ​ന്നി​വ സ​മ്മാ​നി​ച്ചു. ടി.​ജെ. വി​നോ​ദ് എം.​എ​ൽ.​എ, എ​ൻ. ര​വീ​ന്ദ്ര​ദാ​സ്, ഡോ. ​പി.​കെ. രാ​ജ​ഗോ​പാ​ൽ തു​ട​ങ്ങി​യ​വ​ർ സം​സാ​രി​ച്ചു. ഐ.​എം. വി​ജ​യ​ൻ, ആ​സി​ഫ് സ​ഹീ​ർ, സ്പോ​ർ​ട്സ് കൗ​ൺ​സി​ൽ പ്ര​സി​ഡ​ൻ​റ് യു. ​ഷ​റ​ഫ​ലി തു​ട​ങ്ങി നി​ര​വ​ധി താ​ര​ങ്ങ​ളും പ​ങ്കെ​ടു​ത്തു. 

അ​ന്ന​ത്തെ ര​ണ്ടാം​ഗോ​ൾ ഇ​ന്നും ര​വീ​ന്ദ്ര​ൻ നാ​യ​രെ വേ​ട്ട​യാ​ടു​ന്നു

‘‘അ​ന്നും മ​ഴ​യു​ണ്ടാ​യി​രു​ന്നു. ഇ​ന്ന​ത്തെ​പ്പോ​ലെ ഗ്ലൗ​സ് ഒ​ന്നു​മി​ല്ല. റെ​യി​ൽ​വേ ര​ണ്ടാ​മ​ത് ഗോ​ൾ അ​ടി​ക്ക​രു​തെ​ന്ന് എ​നി​ക്ക് നി​ർ​ബ​ന്ധ​മു​ണ്ടാ​യി​രു​ന്നു. പ​ക്ഷേ, പ​ന്ത് കൈ​യി​ലെ​ത്തി​യ​പ്പോ​ൾ ന​ന​ഞ്ഞ് കൈ​യി​ൽ കി​ട​ന്ന് സ്പി​ൻ ചെ​യ്തു. അ​ടു​ത്ത നി​മി​ഷം കൈ​യി​ൽ​നി​ന്ന് വ​ഴു​തി ഗോ​ൾ​മു​ഖ​ത്തേ​ക്ക്. എ​ന്‍റെ സ​ക​ല​പ്ര​തീ​ക്ഷ​ക​ളും പോ​യി. ആ ​ഗോ​ൾ ഇ​ന്നും എ​ന്നെ വേ​ട്ട​യാ​ടു​ന്നു​ണ്ട്. വ​ല്ലാ​ത്തൊ​രു വേ​ദ​ന​യാ​യി​രു​ന്നു അ​ത്. പി​ന്നീ​ട് എ​ങ്ങ​നെ​യൊ​ക്കെ​യോ അ​വ​സാ​നം​വ​രെ പി​ടി​ച്ചു​നി​ന്നെ​ങ്കി​ലും ക​ളി ക​ഴി​ഞ്ഞ​പ്പോ​ൾ ഞ​ങ്ങ​ൾ ജ​യി​ച്ചെ​ന്ന് വി​ശ്വ​സി​ക്കാ​നാ​യി​ല്ല...’’ -50 വ​ർ​ഷം മു​മ്പ് കേ​ര​ള​ത്തി​നാ​യി സ​ന്തോ​ഷ് ട്രോ​ഫി നേ​ടി​യ ടീ​മി​ലെ ഗോ​ളി ജി. ​ര​വീ​ന്ദ്ര​ൻ നാ​യ​രു​ടെ വാ​ക്കു​ക​ളി​ൽ ഇ​ന്നും ആ ​നി​മി​ഷ​ങ്ങ​ളി​ലെ നെ​ഞ്ചി​ടി​പ്പു​ണ്ട്. വി​ക്ട​ർ മ​ഞ്ഞി​ല, കെ.​പി. സേ​തു​മാ​ധ​വ​ൻ എ​ന്നീ പ്ര​ഗ​ല്ഭ​രാ​യ ഗോ​ളി​ക​ളു​ടെ പ​ക​ര​ക്കാ​ര​നാ​യാ​ണ് അ​ന്ന് ര​വീ​ന്ദ്ര​ൻ നാ​യ​ർ ക​ള​ത്തി​ലി​റ​ങ്ങു​ന്ന​ത്. റെ​യി​ൽ​വേ​സി​നു വേ​ണ്ടി ദി​ലീ​പ് പാ​ലി​ത്ത് അ​ടി​ച്ച ഗോ​ളാ​ണ് ഏ​റെ പ​രി​ശ്ര​മി​ച്ചി​ട്ടും അ​ദ്ദേ​ഹ​ത്തി​ന് ത​ടു​ക്കാ​നാ​വാ​തെ ഗോ​ൾ​വ​ല കു​ലു​ക്കി​യ​ത്.

കാ​ണി​ക​ളു​ടെ ആ​ര​വ​ങ്ങ​ളും പി​ന്തു​ണ​യും വ​ലു​താ​യി​രു​ന്നു. അ​ന്ന് ഫൈ​ന​ൽ വി​സി​ല​ടി​ച്ച​പ്പോ​ൾ നെ​ഞ്ചോ​ടു​ചേ​ർ​ത്ത് വാ​രി​യെ​ടു​ത്ത പ​ന്ത് ഇ​ന്നും നി​ധി​പോ​ലെ ര​വീ​ന്ദ്ര​ൻ നാ​യ​ർ സൂ​ക്ഷി​ച്ചി​ട്ടു​ണ്ട്. അ​ന്ന് വീ​ട്ടി​ലെ ഷോ​കേ​സി​ൽ കൊ​ണ്ടു​വെ​ച്ച പ​ന്ത് പി​ന്നീ​ട് അ​ഞ്ചു​പ​തി​റ്റാ​ണ്ടി​നി​പ്പു​റം അ​തേ സ്റ്റേ​ഡി​യ​ത്തി​ലേ​ക്ക് സു​വ​ർ​ണ ഓ​ർ​മ​ക​ൾ പു​തു​ക്കാ​നും ര​വീ​ന്ദ്ര​ൻ നാ​യ​ർ കൊ​ണ്ടു​വ​ന്നു. കെ.​എ​സ്.​ഇ.​ബി ഉ​ദ്യോ​ഗ​സ്ഥ​നാ​യ ര​വീ​ന്ദ്ര​ൻ നാ​യ​ർ​ക്ക്​ ഡ​ബി​ൾ പ്ര​മോ​ഷ​ൻ ന​ൽ​കി​യാ​ണ് ബോ​ർ​ഡ് ആ​ദ​രി​ച്ച​ത്.