ചെന്നൈ: റുപേ പ്രൈം വോളിബാള്‍ ലീഗ് പവേര്‍ഡ് ബൈ എ23 മൂന്നാം സീസണില്‍ കാലിക്കറ്റ് ഹീറോസിന് തുടർച്ചയായ രണ്ടാംജയം. ചെന്നൈ ജവഹര്‍ലാല്‍ നെഹ്‌റു ഇന്‍ഡോര്‍ സ്‌റ്റേഡിയത്തില്‍ ഡൽഹി തൂഫാൻസിനെ നേരിട്ടുള്ള സെറ്റുകൾക്ക്‌ കീഴടക്കി. സ്‌കോർ: 15-8, 15-13, 16-14.
ജെറൊം വിനീതാണ്‌ കളിയിലെ താരം. ആദ്യ ഘട്ടത്തിൽ ഡൽഹിക്കായിരുന്നു മുൻതൂക്കം. എന്നാൽ ഡാനിയൽ മൊയതായേദിയുടെ തകർപ്പൻ പ്രകടനം കാലിക്കറ്റിന്‌ ഊർജം നൽകി. ജെറൊം വിനീതിന്റെ സ്‌പൈക്കുകൾ ഡൽഹിയുടെ ആധിപത്യം തകർത്തു. ഡാനിയൽ അപോൺസിയിലൂടെ ഡൽഹി തിരിച്ചുവരാൻ ശ്രമിച്ചെങ്കിലും കാലിക്കറ്റ് വിട്ടുകൊടുത്തില്ല.
അവസാന സെറ്റിൽ ഉക്രപാണ്ഡ്യന്റെ തന്ത്രപരമായ സർവീസ്‌ ഡൽഹിയുടെ താളം തെറ്റിച്ചു. ആദ്യ കളിയിൽ കൊച്ചി ബ്ലൂ സ്‌പൈക്കേഴ്‌സിനെയാണ്‌ കാലിക്കറ്റ് തോൽപ്പിച്ചത്‌. ഇന്ന് വിശ്രമദിനമാണ്‌. നാളെ കൊൽക്കത്ത തണ്ടർബോൾട്‌സുമായി കാലിക്കറ്റ് കളിക്കും. രണ്ടാം മത്സരത്തിൽ കൊച്ചി മുംബൈ മിറ്റിയോഴ്‌സിനെ നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.