തനിക്ക് മകൾ പിറന്ന കാര്യം ഇന്ത്യൻ നായകൻ വിരാട് കോഹ്ലി സമൂഹ മാധ്യമങ്ങളിൽ പങ്കുവെച്ചതോടെ ആയിരങ്ങളാണ് ആശംസകളുമായി എത്തിയത്. ഇന്ത്യൻ ടീം ആസ്ട്രേലിയയിൽ മികച്ച പ്രകടനം തുടരുന്നതിനിടെ ലഭിച്ച മറ്റൊരു സന്തോഷ വാർത്തകൂടിയായി അത്. എന്നാൽ, ഇന്ത്യൻ സിനിമയുടെ ബിഗ് ബിയായ അമിതാബ് ബച്ചൻ കോഹ്ലിയുടെ സന്തോഷത്തിൽ പങ്കുചേർന്നത് ഇൻറർനെറ്റിൽ പ്രചരിക്കുന്ന ഒരു കൗതുക ഫോർവാർഡ് മെസ്സേജ് ട്വിറ്ററിൽ പങ്കുവെച്ചുകൊണ്ടാണ്.
12 ഇന്ത്യൻ താരങ്ങളുടെ പേര് എടുത്തുപറഞ്ഞുകൊണ്ട് അവർക്കെല്ലാം സമീപ കാലത്തായി പിറന്നിരിക്കുന്നത് പെൺമക്കളാണെന്നും കോഹ്ലിക്കും പെൺകുട്ടി ജനിച്ചതോടെ ഭാവി വനിതാ ക്രിക്കറ്റ് ടീമിലേക്കുള്ള താരങ്ങളായി എന്നും ആ സന്ദേശത്തിൽ പറയുന്നു.
ഇന്ത്യൻ ക്രിക്കറ്റ് താരങ്ങൾ സ്വന്തമായി ഒരു വനിതാ ക്രിക്കറ്റ് ടീമിനെ വളർത്തിക്കൊണ്ടുവരികയാണെന്നാണ് നെറ്റിസൺസിെൻറ ട്രോൾ. ഇത് പങ്കുവെച്ച ബച്ചൻ 'ധോണിക്കും ഒരു മകളാണുള്ളത്. അവൾ ടീം ക്യാപ്റ്റനാകുമോ..?' എന്നാണ് അതിന് അടിക്കുറിപ്പായി എഴുതിയത്.
ഇന്ത്യൻ താരങ്ങളായ ധോണി, റൈന, ഗംഭീർ, രോഹിത് ശർമ, ഷമി, അശ്വിൻ, രഹാനെ, ജഡേജ, പുജാര, സാഹ, ഹർഭജൻ, നടരാജൻ, ഉമേഷ് യാദവ്, എന്നിവർക്കെല്ലാം പെൺമക്കളാണ്. ഇപ്പോൾ കോഹ്ലിക്ക് കൂടി ഒരു പെൺമകൾ പിറന്നതോടെ ഒരു വനിതാ ക്രിക്കറ്റ് ടീമിന് വേണ്ട അംഗ സംഖ്യയായി.
T 3782 - An input from Ef laksh ~
— Amitabh Bachchan (@SrBachchan) January 13, 2021
"... and Dhoni also has daughter .. will she be Captain ? 🙏'' pic.twitter.com/KubpvdOzjt
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.