വ​ഴി​ത്തി​രി​വാ​കു​ന്ന ക​ർ​ണാ​ട​ക

ഇ​ന്ത്യ​ൻ രാ​ഷ്ട്രീ​യ​ത്തി​ൽ വ​ഴി​ത്തി​രി​വാ​കു​ന്ന​താ​ണ് ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പ് ഫ​ലം. വി​ല​ക്ക​യ​റ്റ​വും വ​ർ​ഗീ​യ​ത​യും അ​ഴി​മ​തി​യും​കൊ​ണ്ട് പൊ​റു​തി​മു​ട്ടി​യ പൊ​തു​ജ​ന​ങ്ങ​ൾ​ക്ക് മു​ന്നി​ൽ സാ​ധ്യ​ത​ക​ളെ​ക്കു​റി​ച്ച് സൂ​ച​ന ന​ൽ​കി​യ തെ​ര​ഞ്ഞെ​ടു​പ്പ്. 2024ൽ ​ന​ട​ക്കാ​നി​രു​ന്ന ലോ​ക്സ​ഭ തെ​ര​ഞ്ഞെ​ടു​പ്പ് ഫ​ല​ത്തെ സ്വാ​ധീ​നി​ക്കു​മാ​റ് മ​റ്റു സം​സ്ഥാ​ന​ങ്ങ​ളി​ലേ​ക്ക് ഈ ​ത​രം​ഗം പ​ട​ർ​ന്നാ​ൽ ജ​നാ​ധി​പ​ത്യ ഇ​ന്ത്യ​ക്ക് അ​ത് പു​തു​ജീ​വ​നാ​കും. ന​രേ​ന്ദ്ര​ മോ​ദി​യെ മാ​ത്രം മു​ന്നി​ൽ​നി​ർ​ത്തി എ​ക്കാ​ല​വും ജ​ന​ത്തെ വി​ഡ്ഢി​ക​ളാ​ക്കാ​ൻ ക​ഴി​യി​ല്ലെ​ന്ന് ക​ർ​ണാ​ട​ക തെ​ളി​യി​ച്ചു. വ​ർ​ഗീ​യ വി​ഷ​യ​ങ്ങ​ളി​ലേ​ക്ക് മാ​ത്ര​മാ​യി പ്ര​ചാ​ര​ണ​ത്തെ വ​ഴി​തി​രി​ച്ചു​വി​ട്ട ബി.​ജെ.​പി നാ​ണം​കെ​ട്ടു. വോ​ട്ടി​ങ് ബ​ട്ട​ണി​ൽ വി​ര​ല​മ​ർ​ത്തു​മ്പോ​ൾ ‘ബ​ജ്റ​ങ് ബ​ലി കീ ​ജ​യ്’ എ​ന്ന് മു​ദ്രാ​വാ​ക്യം വി​ളി​ക്ക​ണ​മെ​ന്ന് ആ​ഹ്വാ​നം ചെ​യ്ത​ത് ജ​നാ​ധി​പ​ത്യ ഇ​ന്ത്യ​യു​ടെ പ്ര​ധാ​ന​മ​ന്ത്രി​യാ​ണെ​ന്ന​ത് രാ​ജ്യം എ​ത്തി​നി​ൽ​ക്കു​ന്ന ദു​ര​വ​സ്ഥ​യു​ടെ കൃ​ത്യ​മാ​യ പ്ര​തി​ഫ​ല​ന​മാ​ണ്. എ​ന്നി​ട്ടും വ​ർ​ഗീ​യ​ത​ക്കു​മേ​ൽ മ​നു​ഷ്യ​സ്നേ​ഹം ആ​ധി​കാ​രി​ക​മാ​യി വി​ജ​യി​ച്ചു എ​ന്ന​താ​ണ് ക​ർ​ണാ​ട​ക തെ​ര​ഞ്ഞെ​ടു​പ്പ് ഫ​ല​ത്തി​ന്റെ പ്ര​ത്യേ​ക​ത.

മു​മ്പ് കോ​ൺ​ഗ്ര​സി​ന്റെ കോ​ട്ട​യാ​യി നി​ല​കൊ​ണ്ട ക​ർ​ണാ​ട​ക​യി​ൽ 1983ൽ ​രാ​മ​കൃ​ഷ്ണ ഹെ​ഗ്ഡെ​യു​ടെ നേ​തൃ​ത്വ​ത്തി​ൽ ജ​ന​താ പാ​ർ​ട്ടി 139 സീ​റ്റോ​ടെ അ​ധി​കാ​ര​ത്തി​ലേ​റി​യ​തു മു​ത​ലാ​ണ് കോ​ൺ​ഗ്ര​സി​ന്റെ അ​പ്ര​മാ​ദി​ത്വ​ത്തി​ന് മ​ങ്ങ​ലേ​റ്റു​തു​ട​ങ്ങി​യ​ത്. 1989ന് ​ശേ​ഷ​മു​ള്ള കോ​ൺ​ഗ്ര​സി​ന്റെ ഏ​റ്റ​വും മി​ക​ച്ച പ്ര​ക​ട​ന​മാ​ണ് 2023 തെ​ര​ഞ്ഞെ​ടു​പ്പി​ൽ ന​ട​ന്ന​ത്. ക​ഴി​ഞ്ഞ നാ​ലു പ​തി​റ്റാ​ണ്ടി​നി​ടെ ക​ർ​ണാ​ട​ക​യി​ൽ ഒ​രു സ​ർ​ക്കാ​റി​നും ഒ​റ്റ​ക്ക് ഭ​ര​ണ​ത്തു​ട​ർ​ച്ച​യു​ണ്ടാ​യി​ട്ടി​ല്ലെ​ന്ന​താ​ണ് കൗ​തു​ക​ക​രം. ക​ർ​ണാ​ട​ക​യി​ലെ സ​ർ​ക്കാ​റു​ക​ളു​ടെ അ​സ്ഥി​ര​ത പ്ര​ചാ​ര​ണ​ത്തി​ൽ ചൂ​ണ്ടി​ക്കാ​ട്ടി​യ കോ​ൺ​ഗ്ര​സ്, അ​ഞ്ചു വ​ർ​ഷം തി​ക​ച്ചു ഭ​രി​ക്കാ​ൻ 150 സീ​റ്റാ​ണ് ജ​ന​ങ്ങ​ളോ​ട് തേ​ടി​യ​ത്.

സാ​മൂ​ഹി​ക പ്ര​ശ്ന​ങ്ങ​ളി​ലൂ​ന്നി കോ​ൺ​ഗ്ര​സ് ജ​ന​ങ്ങ​ളെ സ​മീ​പി​ച്ച​പ്പോ​ൾ, ബി.​ജെ.​പി വ​ർ​ഗീ​യ വി​ഷ​യ​ങ്ങ​ളി​ലും കാ​ലൂ​ന്നി. വി​ദ്വേ​ഷ​ത്തി​നും വ​ർ​ഗീ​യ​ത​ക്കും ബി.​ജെ.​പി​യു​ടെ കേ​ഡ​ർ വോ​ട്ടു​ക​ൾ മാ​ത്രം ല​ഭി​ച്ച​പ്പോ​ൾ പൊ​തു​സ​മൂ​ഹം കോ​ൺ​ഗ്ര​സി​ന്റെ സാ​മൂ​ഹി​ക കാ​ഴ്ച​പ്പാ​ടി​നെ സ്വീ​ക​രി​ച്ചു. 2018ൽ ​ബി.​ജെ.​പി​ക്ക് ല​ഭി​ച്ച​ത് 36.02 ശ​ത​മാ​നം വോ​ട്ടാ​യി​രു​ന്നു. 2023ൽ ​ല​ഭി​ച്ച​ത് 36 ശ​ത​മാ​നം വോ​ട്ടും. ഡ​ൽ​ഹി, പ​ഞ്ചാ​ബ്, ഗു​ജ​റാ​ത്ത് മോ​ഡ​ലി​ൽ ക​ർ​ണാ​ട​ക​യി​ലും ബ​ല​പ​രീ​ക്ഷ​ണം ന​ട​ത്തി​യ ആം ​ആ​ദ്മി പാ​ർ​ട്ടി​ക്ക് ഒ​രു ച​ല​ന​വും സൃ​ഷ്ടി​ക്കാ​നാ​യി​ല്ല. നോ​ട്ട​ക്കും പി​റ​കി​ലാ​യാ​ണ് ആ​പ് ഫി​നി​ഷ് ചെ​യ്ത​ത്. എ​ല്ലാ സ്ഥാ​നാ​ർ​ഥി​ക​ൾ​ക്കും കെ​ട്ടി​വെ​ച്ച കാ​ശ് പോ​യി.

ബി.​ജെ.​പി​യി​ൽ പാ​ളി​യ പ​രീ​ക്ഷ​ണ​ങ്ങ​ൾ

ക​ർ​ണാ​ട​ക തെ​ര​ഞ്ഞെ​ടു​പ്പി​ൽ ബി.​ജെ.​പി​യു​ടെ പാ​ർ​ട്ടി​ത​ല സ്ട്രാ​റ്റ​ജി​സ്റ്റാ​യി​രു​ന്നു ദേ​ശീ​യ ജ​ന​റ​ൽ സെ​ക്ര​ട്ട​റി​യാ​യ ബി.​എ​ൽ. സ​ന്തോ​ഷ്. ക​ർ​ണാ​ട​ക ഉ​ഡു​പ്പി ഹി​രി​യ​ട്ക സ്വ​ദേ​ശി​യാ​യ സ​ന്തോ​ഷി​നെ ക​ർ​ണാ​ട​ക​യു​ടെ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി സ്ഥാ​ന​ത്തു​നി​ന്ന് ദ​ക്ഷി​ണേ​ന്ത്യ​യു​ടെ ചു​മ​ത​ല​യി​ലേ​ക്ക് മാ​റ്റു​ന്ന​ത് 2014ൽ ​മോ​ദി പ്ര​ധാ​ന​മ​ന്ത്രി​യാ​വു​മ്പോ​ഴാ​ണ്. 2019ൽ ​ദേ​ശീ​യ ചു​മ​ത​ല​യി​ലേ​ക്ക് ഉ​യ​ർ​ത്ത​പ്പെ​ട്ടു. ഇ​തി​നു​ശേ​ഷം അ​ദ്ദേ​ഹം പാ​ർ​ട്ടി​യി​ൽ ന​ട​ത്തി​യ പ​രീ​ക്ഷ​ണ​ങ്ങ​ൾ മ​റ്റു സം​സ്ഥാ​ന​ങ്ങ​ളി​ൽ ഫ​ലം ക​ണ്ടെ​ങ്കി​ലും ക​ർ​ണാ​ട​ക​യി​ൽ പാ​ളു​ക​യാ​യി​രു​ന്നു.

ഗു​ജ​റാ​ത്തി​ലും ത്രി​പു​ര​യി​ലും ഉ​ത്ത​രാ​ഖ​ണ്ഡി​ലും മു​ഖ്യ​മ​ന്ത്രി​മാ​രെ മാ​റ്റി​യും പു​തു​മു​ഖ​ങ്ങ​ളെ പ​രീ​ക്ഷി​ച്ചും ബി.​ജെ.​പി ഫ​ല​മു​ണ്ടാ​ക്കി​യി​രു​ന്നു. എ​ന്നാ​ൽ, ബി.​എ​സ്. യെ​ദി​യൂ​ര​പ്പ​യെ പോ​ലൊ​രു ലിം​ഗാ​യ​ത്ത് നേ​താ​വി​നെ അ​സം​തൃ​പ്ത​നാ​ക്കി 2021ൽ ​മു​ഖ്യ​മ​ന്ത്രി പ​ദ​വി​യി​ൽ​നി​ന്നി​റ​ക്കി​യ​ത് വ​ൻ​തി​രി​ച്ച​ടി​യാ​ണ് ബി.​ജെ.​പി​ക്ക് ന​ൽ​കി​യ​ത്. യെ​ദി​യൂ​ര​പ്പ​യു​ടെ ക​ണ്ണീ​രി​ന് ബി.​ജെ.​പി വ​ലി​യ വി​ല ന​ൽ​കേ​ണ്ടി വ​രു​മെ​ന്ന് ലിം​ഗാ​യ​ത്ത് നേ​താ​ക്ക​ൾ മു​ന്ന​റി​യി​പ്പ് ന​ൽ​കി​യെ​ങ്കി​ലും ബി.​ജെ.​പി കേ​ന്ദ്ര​നേ​തൃ​ത്വം വ​ക​വെ​ച്ചി​ല്ല. യെ​ദി​യൂ​ര​പ്പ​ക്ക് പാ​ർ​ല​മെ​ന്റ​റി ബോ​ർ​ഡ് സ്ഥാ​നം ന​ൽ​കി. പ​ക്ഷേ, തെ​ര​ഞ്ഞെ​ടു​പ്പ് സ്ഥാ​നാ​ർ​ഥി പ​ട്ടി​ക പു​റ​ത്തു​വ​ന്ന​പ്പോ​ൾ മു​തി​ർ​ന്ന ലിം​ഗാ​യ​ത്ത് നേ​താ​ക്ക​ള​ട​ക്കം 20ഓ​ളം സി​റ്റി​ങ് എം.​എ​ൽ.​എ​മാ​രെ മാ​റ്റി. നി​ര​വ​ധി പു​തു​മു​ഖ​ങ്ങ​ളെ​യും ബി.​ജെ.​പി അ​ണി​നി​ര​ത്തി. ലിം​ഗാ​യ​ത്ത് നേ​താ​ക്ക​ളാ​യ ജ​ഗ​ദീ​ഷ് ഷെ​ട്ടാ​റി​ന്റെ​യും ല​ക്ഷ്മ​ൺ​സ​വാ​ദി​യു​ടെ​യും സീ​റ്റ് നി​ഷേ​ധം ബി.​ജെ.​പി​യി​ൽ പു​ക​ഞ്ഞു. ബി.​എ​ൽ. സ​ന്തോ​ഷി​നെ​തി​രെ തു​റ​ന്ന​ടി​ച്ച് രം​ഗ​ത്തു​വ​ന്ന ജ​ഗ​ദീ​ഷ് ഷെ​ട്ടാ​ർ കോ​ൺ​ഗ്ര​സി​ൽ ചേ​ക്കേ​റി. അ​സം​തൃ​പ്ത​നാ​യ ല​ക്ഷ്മ​ൺ സ​വാ​ദി​യും കോ​ൺ​ഗ്ര​സി​ൽ അ​ഭ​യം​തേ​ടി. ലിം​ഗാ​യ​ത്ത് നേ​താ​ക്ക​ളെ ബി.​ജെ.​പി അ​വ​ഗ​ണി​ക്കു​ന്നു​വെ​ന്ന പ്ര​ചാ​ര​ണ​മാ​ണ് ഇ​രു​വ​രെ​യും മു​ന്നി​ൽ നി​ർ​ത്തി പി​ന്നീ​ട് കോ​ൺ​ഗ്ര​സ് ന​യി​ച്ച​ത്. മു​ഖ്യ​മ​ന്ത്രി പ​ദ​ത്തി​ൽ​നി​ന്ന് യെ​ദി​യൂ​ര​പ്പ​യെ പ​ടി​യി​റ​ക്കി​യ​തും കോ​ൺ​ഗ്ര​സ് ചൂ​ണ്ടി​ക്കാ​ട്ടി. ഇ​ത് ബി.​ജെ.​പി​ക്കും ലിം​ഗാ​യ​ത്ത് സ​മു​ദാ​യ​ത്തി​നു​മി​ട​യി​ൽ വി​ട​വു​ണ്ടാ​ക്കി​യി​ട്ടു​ണ്ട്.

മു​മ്പ് സ​മാ​ന​മാ​യൊ​രു സം​ഭ​വ​ത്തെ തു​ട​ർ​ന്നാ​ണ് ലിം​ഗാ​യ​ത്ത് സ​മൂ​ഹം കോ​ൺ​ഗ്ര​സി​ൽ​നി​ന്ന​ക​ന്ന് ബി.​ജെ.​പി​ക്കൊ​പ്പം ചേ​രു​ന്ന​ത്. യെ​ദി​യൂ​ര​പ്പ​യോ​ടും ഷെ​ട്ടാ​റി​നോ​ടും സ​വാ​ദി​യോ​ടും ബി.​ജെ.​പി അ​വ​ഗ​ണ​ന കാ​ട്ടി​യെ​ന്ന കോ​ൺ​ഗ്ര​സ് പ്ര​ചാ​ര​ണ​ത്തെ എ​തി​ർ​ക്കാ​ൻ വ​ട​ക്ക​ൻ ക​ർ​ണാ​ട​ക​യി​ലെ പ്ര​ചാ​ര​ണ​ങ്ങ​ളി​ൽ ന​രേ​ന്ദ്ര മോ​ദി​യും അ​മി​ത് ഷാ​യും ഈ ​സം​ഭ​വ​മാ​ണ് ഓ​ർ​മി​പ്പി​ച്ച​ത്. ഏ​റെ​ക്കാ​ലം കോ​ൺ​ഗ്ര​സി​നൊ​പ്പം നി​ന്ന ലിം​ഗാ​യ​ത്ത് സ​മൂ​ഹം എ​ങ്ങ​നെ കോ​ൺ​ഗ്ര​സി​ൽ​നി​ന്ന് അ​ക​ന്നു​വെ​ന്ന​തും ബി.​ജെ.​പി പി​ന്തു​ണ​യി​ലേ​ക്ക് ഷി​ഫ്റ്റ് ചെ​യ്യ​പ്പെ​ട്ടു എ​ന്ന​തും ക​ർ​ണാ​ട​ക രാ​ഷ്ട്രീ​യ​ത്തി​ലെ നി​ർ​ണാ​യ​ക​മാ​യ ഏ​ടാ​ണ്.

അ​യോ​ധ്യ​യി​ലെ രാ​മ​ക്ഷേ​ത്ര​ത്തി​നാ​യി 1990ക​ളി​ൽ എ​ൽ.​കെ. അ​ദ്വാ​നി ന​യി​ച്ച ര​ഥ​യാ​ത്ര​യെ തു​ട​ർ​ന്ന് ക​ർ​ണാ​ട​ക​യി​ൽ പ​ല​യി​ട​ത്തും വ​ർ​ഗീ​യ ക​ലാ​പ​ങ്ങ​ൾ അ​ര​ങ്ങേ​റി​യി​രു​ന്നു. വി.​പി. സി​ങ്ങാ​യി​രു​ന്നു അ​ന്ന് പ്ര​ധാ​ന​മ​ന്ത്രി. രാ​ജീ​വ് ഗാ​ന്ധി കോ​ൺ​ഗ്ര​സ് അ​ധ്യ​ക്ഷ​നും. വീ​രേ​ന്ദ്ര പാ​ട്ടീ​ലി​ന്റെ നേ​തൃ​ത്വ​ത്തി​ൽ കോ​ൺ​ഗ്ര​സാ​യി​രു​ന്നു ക​ർ​ണാ​ട​ക ഭ​രി​ച്ചി​രു​ന്ന​ത്. വ​ർ​ഗീ​യ ക​ലാ​പ​ങ്ങ​ൾ പാ​ർ​ട്ടി​ക്ക് വ​ല്ലാ​തെ ചീ​ത്ത​പ്പേ​രു​ണ്ടാ​ക്കി​യ​പ്പോ​ൾ രാ​ജീ​വ് ഗാ​ന്ധി നേ​രി​ട്ട് ബം​ഗ​ളൂ​രു​വി​ലേ​ക്ക് പു​റ​പ്പെ​ട്ടു. അ​തി​ന് ര​ണ്ടു മൂ​ന്നു ദി​വ​സം മു​മ്പ് മു​ഖ്യ​മ​ന്ത്രി വീ​രേ​ന്ദ്ര പാ​ട്ടീ​ൽ പ​ക്ഷാ​ഘാ​ത​ത്തെ തു​ട​ർ​ന്ന് ചി​കി​ത്സ​യും വി​ശ്ര​മ​വു​മാ​യി ക​ഴി​യു​ക​യാ​യി​രു​ന്നു. ബം​ഗ​ളൂ​രു വി​മാ​ന​ത്താ​വ​ള​ത്തി​ലെ​ത്തി​യ രാ​ജീ​വ് ഗാ​ന്ധി​ക്ക് ക​ർ​ണാ​ട​ക​യി​ൽ​നി​ന്നു​ള്ള കോ​ൺ​ഗ്ര​സ് നേ​താ​വ് സി.​കെ. ജാ​ഫ​ർ ശ​രീ​ഫ് സം​സ്ഥാ​ന​ത്തെ സാ​ഹ​ച​ര്യം വി​ശ​ദീ​ക​രി​ച്ചു ന​ൽ​കി. വീ​രേ​ന്ദ്ര പാ​ട്ടീ​ൽ അ​സു​ഖ​ബാ​ധി​ത​നാ​യ സാ​ഹ​ച​ര്യം ചൂ​ണ്ടി​ക്കാ​ട്ടി​യ ജാ​ഫ​ർ ശ​രീ​ഫ്, നേ​തൃ​മാ​റ്റ​മാ​ണ് അ​ടി​യ​ന്ത​ര​മാ​യി വേ​ണ്ട​തെ​ന്ന നി​ർ​ദേ​ശം മു​ന്നോ​ട്ടു​വെ​ച്ചു. ഇ​തോ​ടെ, വി​മാ​ന​ത്താ​വ​ള​ത്തി​ൽ വെ​ച്ച് രാ​ജീ​വ് ഗാ​ന്ധി ക​ർ​ണാ​ട​ക​യി​ലെ മു​ഖ്യ​മ​ന്ത്രി മാ​റ്റം പ്ര​ഖ്യാ​പി​ച്ചു. ഇ​ത് ലിം​ഗാ​യ​ത്ത് സ​മു​ദാ​യ​ത്തി​ലു​ണ്ടാ​ക്കി​യ പ്ര​തി​ഷേ​ധ ഓ​ളം കോ​ൺ​ഗ്ര​സി​ന് ക​ണ​ക്കു​കൂ​ട്ടാ​വു​ന്ന​തി​ല​പ്പു​റ​മാ​യി​രു​ന്നു. ലിം​ഗാ​യ​ത്ത് സ​മു​ദാ​യം കോ​ൺ​ഗ്ര​സി​ൽ​നി​ന്ന് പ​തി​യെ ബി.​ജെ.​പി​യി​ലേ​ക്ക് ഷി​ഫ്റ്റ് ചെ​യ്തു.

2011ലെ ​സെ​ൻ​സ​സ് പ്ര​കാ​രം ക​ർ​ണാ​ട​ക ജ​ന​സം​ഖ്യ​യു​ടെ 17 ശ​ത​മാ​നം വ​രു​ന്ന​താ​ണ് ലിം​ഗാ​യ​ത്ത് സ​മൂ​ഹം. എ​ല്ലാ കാ​ല​ത്തും ഒ​റ്റ പാ​ർ​ട്ടി ന​യം സ്വീ​ക​രി​ക്കു​ന്ന​താ​ണ് ലിം​ഗാ​യ​ത്തു​ക​ൾ നി​ർ​ണാ​യ​ക വോ​ട്ടു​ബാ​ങ്കാ​യി നി​ല​നി​ൽ​ക്കാ​നു​ള്ള കാ​ര​ണം. ലിം​ഗാ​യ​ത്തു​ക​ൾ എ​ല്ലാ കാ​ല​ത്തും രാ​ഷ്ട്രീ​യ നേ​തൃ​ത്വ​ത്തെ നി​ല​നി​ർ​ത്താ​റു​ണ്ട്. യെ​ദി​യൂ​ര​പ്പ​യെ മു​ഖ്യ​മ​ന്ത്രി സ്ഥാ​ന​ത്തു​നി​ന്ന് പ​ടി​യി​റ​ക്കി​യ​പ്പോ​ഴും മ​റ്റൊ​രു ലിം​ഗാ​യത്ത് നേ​താ​വാ​യ ബ​സ​വ​രാ​ജ് ബൊ​മ്മൈ​യെ ബി.​ജെ.​പി​ക്ക് പ​ക​രം വെ​ക്കേ​ണ്ടി​വ​രു​ന്ന​ത് ആ ​സ​മ്മ​ർ​ദ​ത്താ​ലാ​ണ്. എ​ന്തു​ത​ന്നെ​യാ​യാ​ലും യെ​ദി​യൂ​ര​പ്പ​യെ പോ​ലൊ​രു നേ​താ​വി​നെ ബി.​ജെ.​പി പാ​തി​വ​ഴി​യി​ൽ അ​ധി​കാ​ര​ത്തി​ൽ​നി​ന്നി​റ​ക്കി​യ​ത് ലിം​ഗാ​യ​ത്ത് സ​മൂ​ഹ​ത്തി​ന് തീ​രെ ദ​ഹി​ച്ചി​ട്ടി​ല്ല. തെ​ര​ഞ്ഞെ​ടു​പ്പ് ഫ​ല​ത്തി​നു​ശേ​ഷം വ​ട​ക്ക​ൻ ക​ർ​ണാ​ട​ക​യി​ലെ ഷി​ര​ഹ​ട്ടി ഫ​ക്കീ​രേ​ശ്വ​ർ മ​ഠ​ത്തി​ലെ ദിം​ഗ​ലേ​ശ്വ​ർ സ്വാ​മി ഇ​ക്കാ​ര്യം വെ​ളി​പ്പെ​ടു​ത്തി​യി​രു​ന്നു. യെ​ദി​യൂ​ര​പ്പ​യ​ട​ക്ക​മു​ള്ള ലിം​ഗാ​യ​ത്ത് നേ​താ​ക്ക​ളെ​യും കെ.​എ​സ്. ഈ​ശ്വ​ര​പ്പ​യ​ട​ക്ക​മു​ള്ള മു​തി​ർ​ന്ന നേ​താ​ക്ക​ളെ​യും അ​വ​ഗ​ണി​ച്ച​താ​ണ് ബി.​ജെ.​പി ഇ​ന്ന​ത്തെ സാ​ഹ​ച​ര്യ​ത്തി​ലേ​ക്ക് പ​തി​ക്കാ​ൻ കാ​ര​ണ​മാ​യ​തെ​ന്നാ​ണ് അ​ദ്ദേ​ഹം പ​റ​ഞ്ഞ​ത്. ബി.​ജെ.​പി ദേ​ശീ​യ ജ​ന​റ​ൽ സെ​ക്ര​ട്ട​റി ബി.​എ​ൽ. സ​ന്തോ​ഷി​ന്റെ ക​ർ​ണാ​ട​ക​യി​ലെ പാ​ളി​യ പ​ദ്ധ​തി​ക​ൾ പു​നഃ​പ​രി​ശോ​ധി​ക്കാ​നാ​ണ് ബി.​ജെ.​പി തീ​രു​മാ​നം.

ഹി​ന്ദി ബെ​ൽ​റ്റി​ലെ​ പോ​ലെ വ​ർ​ഗീ​യ​ത​യും വി​ദ്വേ​ഷ​വും ക​ർ​ണാ​ട​ക​യി​ൽ അ​ത്ര​ക്ക് ഏ​ൽ​ക്കു​ന്നി​ല്ലെ​ന്ന​താ​ണ് ശ​രി. ഭ​ര​ണ​പി​ന്തു​ണ​യി​ൽ ക​ർ​ണാ​ട​ക​യി​ലെ സൗ​ഹാ​ർ​ദ സാ​മൂ​ഹി​കാ​ന്ത​രീ​ക്ഷ​ത്തെ ത​ക​ർ​ക്കും വി​ധം സം​ഘ്പ​രി​വാ​ർ സം​ഘ​ട​ന​ക​ൾ ന​ട​ത്തി​യ അ​ഴി​ഞ്ഞാ​ട്ട​ത്തി​നെ​തി​രെ പൊ​തു​സ​മൂ​ഹ​ത്തി​ൽ​നി​ന്ന് വ​ൻ വി​മ​ർ​ശ​ന​മാ​ണു​യ​ർ​ന്ന​ത്. ഹി​ജാ​ബ് നി​രോ​ധ​നം, ബാ​ങ്ക് വി​ളി വി​വാ​ദം, ഹ​ലാ​ൽ വി​വാ​ദം, സാ​മ്പ​ത്തി​ക ബ​ഹി​ഷ്ക​ര​ണാ​ഹ്വാ​നം, സം​വ​ര​ണ നി​ഷേ​ധം, ആ​ൾ​ക്കൂ​ട്ട കൊ​ല​പാ​ത​കം, പു​രോ​ഹി​ത​ർ​ക്കും ച​ർ​ച്ചു​ക​ൾ​ക്കും എ​തി​രാ​യ അ​ക്ര​മം തു​ട​ങ്ങി നി​ര​വ​ധി വ​ർ​ഗീ​യ-​വി​ദ്വേ​ഷ പ്ര​വ​ർ​ത്ത​ന​ങ്ങ​ളാ​ണ് ബി.​ജെ​പി സ​ർ​ക്കാ​റി​ന്റെ കാ​ല​ത്ത് അ​ര​ങ്ങേ​റി​യ​ത്. ക​ടു​ത്ത മു​സ്‍ലിം വി​രു​ദ്ധ​ പ്ര​സ്താ​വ​ന​ക​ളു​മാ​യി ബി.​ജെ.​പി നേ​താ​ക്ക​ളാ​യ കെ.​എ​സ്. ഈ​ശ്വ​ര​പ്പ​യും സി.​ടി. ര​വി​യും രം​ഗ​ത്തു​വ​ന്നു. മു​സ്‍ലിം വോ​ട്ടു​ക​ൾ വേ​ണ്ടെ​ന്ന് പ​ര​സ്യ​മാ​യി പ​റ​യാ​ൻ മു​തി​ർ​ന്ന നേ​താ​വാ​യ കെ.​എ​സ്. ഈ​ശ്വ​ര​പ്പ മ​ടി കാ​ണി​ച്ചി​ല്ല. വി​ദ്വേ​ഷ പ്ര​സ്താ​വ​ന​ക​ൾ​ക്ക് കു​പ്ര​സി​ദ്ധി നേ​ടി​യ നേ​താ​വാ​യ ഈ​ശ്വ​ര​പ്പ​യും ഇ​ത്ത​വ​ണ ബി.​ജെ.​പി ലി​സ്റ്റി​ൽ ത​ഴ​യ​പ്പെ​ട്ട നേ​താ​വാ​ണ്.

ഏ​ശാ​തെ സം​വ​ര​ണ കാ​ർ​ഡ്

ബി.​ജെ.​പി സ​ർ​ക്കാ​ർ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ ഏ​റ്റ​വും പ്ര​ചാ​രം ന​ൽ​കി​യ​ത് മു​സ്‍ലിം സം​വ​ര​ണ നി​ഷേ​ധ​ത്തി​നും വൊ​ക്ക​ലി​ഗ, ലിം​ഗാ​യ​ത്ത്, എ​സ്.​സി, എ​സ്.​ടി സം​വ​ര​ണ വ​ർ​ധ​ന​ക്കു​മാ​യി​രു​ന്നു. എ​ന്നാ​ൽ, ഇ​വ​യൊ​ന്നും ബി.​ജെ.​പി​യെ തു​ണ​ച്ചി​ല്ല. വൊ​ക്ക​ലി​ഗ ബെ​ൽ​റ്റാ​യ പ​ഴ​യ മൈ​സൂ​രു​വി​ലും ലിം​ഗാ​യ​ത്ത് ബെ​ൽ​റ്റാ​യ മ​ധ്യ ക​ർ​ണാ​ട​ക, കി​റ്റൂ​ർ ക​ർ​ണാ​ട​ക (പ​ഴ​യ മും​ബൈ- ക​ർ​ണാ​ട​ക)​യി​ലും എ​സ്.​സി, എ​സ്.​ടി ബെ​ൽ​റ്റാ​യ ക​ല്യാ​ണ ക​ർ​ണാ​ട​ക​യി​ലും (പ​ഴ​യ ഹൈ​ദ​രാ​ബാ​ദ്-​ക​ർ​ണാ​ട​ക) കോ​ൺ​ഗ്ര​സ് കു​തി​പ്പ് ന​ട​ത്തി. ഒ.​ബി.​സി കാ​റ്റ​ഗ​റി​യി​ലെ നാ​ല് ശ​ത​മാ​നം മു​സ്‍ലിം സം​വ​ര​ണം എ​ടു​ത്തു​മാ​റ്റി​യാ​ണ് വൊ​ക്ക​ലി​ഗ, ലിം​ഗാ​യ​ത്ത് സ​മു​ദാ​യ​ങ്ങ​ൾ​ക്കാ​യി ക​ർ​ണാ​ട​ക സ​ർ​ക്കാ​ർ വീ​തി​ച്ചു ന​ൽ​കി​യ​ത്. ഇ​തു​സം​ബ​ന്ധി​ച്ച കേ​സ് ഇ​പ്പോ​ൾ സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലാ​ണ്. 1994ൽ ​എ​ച്ച്.​ഡി. ദേ​വ​ഗൗ​ഡ മു​ഖ്യ​മ​ന്ത്രി​യാ​യ​പ്പോ​ഴാ​ണ്, ക​ർ​ണാ​ട​ക​യി​ൽ മു​സ്‍ലിം​ക​ളി​ലെ സാ​മൂ​ഹി​ക-​വി​ദ്യാ​ഭ്യാ​സ പി​ന്നാ​ക്കാ​വ​സ്ഥ പ​രി​ഗ​ണി​ച്ച് സ​ർ​ക്കാ​ർ ജോ​ലി​ക​ളി​ലും വി​ദ്യാ​ഭ്യാ​സ രം​ഗ​ത്തും ഒ.​ബി.​സി വി​ഭാ​ഗ​ത്തി​ൽ ര​ണ്ട് ബി ​കാ​റ്റ​ഗ​റി​യി​ൽ നാ​ല് ശ​ത​മാ​നം സം​വ​ര​ണം ഏ​ർ​പ്പെ​ടു​ത്തി​യ​ത്. എ​ന്നാ​ൽ, ഇ​ത് മ​താ​ടി​സ്ഥാ​ന​ത്തി​ലു​ള്ള സം​വ​ര​ണ​മാ​ണെ​ന്നും ഭ​ര​ണ​ഘ​ട​നാ വി​രു​ദ്ധ​മാ​ണെ​ന്നു​മാ​ണ് ബി.​ജെ.​പി വാ​ദം. മു​സ്‍ലിം സം​വ​ര​ണം എ​ടു​ത്തു​മാ​റ്റി ആ ​നാ​ലു ശ​ത​മാ​നം ലിം​ഗാ​യ​ത്ത്, വൊ​ക്ക​ലി​ഗ സ​മു​ദാ​യ​ങ്ങ​ൾ​ക്ക് അ​ധി​ക​മാ​യി ന​ൽ​കി. ഒ​രേ​സ​മ​യം, ര​ണ്ടു കാ​ര്യ​ങ്ങ​ളാ​ണ് ബി.​ജെ.​പി ഉ​ന്ന​മി​ട്ട​ത്. ഒ​ന്ന് മു​സ്‍ലിം സം​വ​ര​ണം ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന പ്ര​ചാ​ര​ണ​ത്തി​ലൂ​ടെ മ​റ്റു പാ​ർ​ട്ടി​ക​ൾ മു​സ്‍ലിം പ്രീ​ണ​നം ന​ട​ത്തു​ന്നെ​ന്ന ആ​രോ​പ​ണ​മു​യ​ർ​ത്ത​ൽ. ര​ണ്ട്, ക​ർ​ണാ​ട​ക​യി​ലെ ര​ണ്ട് പ്ര​ബ​ല വി​ഭാ​ഗ​ങ്ങ​ളാ​യ ലിം​ഗാ​യ​ത്ത്, വൊ​ക്ക​ലി​ഗ സ​മു​ദാ​യ​ങ്ങ​ളു​ടെ വോ​ട്ട്.

എ​ന്നാ​ൽ, തെ​ര​ഞ്ഞെ​ടു​പ്പ് മു​ന്നി​ൽ​ക്ക​ണ്ട് ധൃ​തി​പി​ടി​ച്ച് ന​ട​പ്പാ​ക്കി​യ സം​വ​ര​ണ ന​ട​പ​ടി തി​രി​ച്ച​ടി​ക്കു​ക​യാ​ണു​ണ്ടാ​യ​ത്. ത​ങ്ങ​ൾ ആ​വ​ശ്യ​പ്പെ​ട്ട രീ​തി​യി​ല​ല്ല സം​വ​ര​ണ വ​ർ​ധ​ന ന​ട​ത്തി​യ​തെ​ന്ന് ചൂ​ണ്ടി​ക്കാ​ട്ടി ലിം​ഗാ​യ​ത്തു​ക​ളി​ൽ ഒ​രു വി​ഭാ​ഗം ബി.​ജെ.​പി​ക്കെ​തി​രെ തി​രി​ഞ്ഞു. സം​സ്ഥാ​ന ജ​ന​സം​ഖ്യ​യു​ടെ 17 ശ​ത​മാ​നം വ​രു​ന്ന​താ​ണ് ലിം​ഗാ​യ​ത്തു​ക​ൾ. നേ​ര​ത്തേ 3 ബി ​സം​വ​ര​ണ വി​ഭാ​ഗ​ത്തി​ലാ​യി​രു​ന്നു അ​വ​ർ. അ​ത് 2 ഡി ​വി​ഭാ​ഗ​ത്തി​ലേ​ക്ക് മാ​റ്റി​യാ​ണ് ബി.​ജെ.​പി സ​ർ​ക്കാ​ർ അ​ഞ്ചി​ൽ​നി​ന്ന് ഏ​ഴു ശ​ത​മാ​ന​മാ​ക്കി സം​വ​ര​ണം ഉ​യ​ർ​ത്തി​യ​ത്. എ​ന്നാ​ൽ, ഇ​തി​നൊ​പ്പം 3 ബി ​കാ​റ്റ​ഗ​റി​യി​ൽ 41 ഉ​പ​ജാ​തി​ക​ളു​ണ്ടാ​യി​രു​ന്ന​ത് 2 ഡി ​കാ​റ്റ​ഗ​റി​യി​ൽ 50 ഉ​പ​ജാ​തി​ക​ളാ​ക്കി ഉ​യ​ർ​ത്തി. സം​വ​ര​ണ​ത്തി​ലെ സ​ർ​ക്കാ​ർ നി​ല​പാ​ട് കാ​പ​ട്യ​മാ​ണെ​ന്ന് ചൂ​ണ്ടി​ക്കാ​ട്ടി അ​ഖി​ലേ​ന്ത്യാ പ​ഞ്ച​മ​ശാ​ലി ലിം​ഗാ​യ​ത്ത് മ​ഹാ​സ​ഭ രം​ഗ​ത്തു​വ​ന്നു. 2 എ ​കാ​റ്റ​ഗ​റി​യി​ൽ സം​വ​ര​ണം വേ​ണ​മെ​ന്നാ​ണ് ലിം​ഗാ​യ​ത്തു​ക​ളു​ടെ ആ​വ​ശ്യം. മു​സ്‍ലിം സം​വ​ര​ണ​ത്തി​ൽ​നി​ന്ന് ന​ൽ​കി​യ ര​ണ്ടു ശ​ത​മാ​നം ത​ങ്ങ​ൾ​ക്ക് ഫ​ലം ചെ​യ്യി​ല്ലെ​ന്നാ​ണ് അ​വ​രു​ടെ വാ​ദം.

സ​ർ​ക്കാ​റി​ന്റെ അ​വ​സാ​നകാ​ല​ത്ത് കൊ​ണ്ടു​വ​ന്ന എ​സ്.​സി, എ​സ്.​ടി സം​വ​ര​ണ​വും ഇ​ന്റേ​ണ​ൽ സം​വ​ര​ണ വ​ർ​ധ​ന​വും പി​ന്നാ​ക്ക ജാ​തി​ക്കാ​രാ​യ ബ​ൻ​ജാ​ര സ​മു​ദാ​യ​ത്തി​ൽ ക​ടു​ത്ത അ​തൃ​പ്തി​ക്കും വ​ഴി​വെ​ച്ചു. മു​തി​ർ​ന്ന നേ​താ​വ് ബി.​എ​സ്. യെ​ദി​യൂ​ര​പ്പ​യു​ടെ വീ​ടും ഓ​ഫി​സും വ​രെ ബ​ൻ​ജാ​ര പ്ര​തി​ഷേ​ധ​ക്കാ​ർ ആ​ക്ര​മി​ച്ചു. 2022 ഡി​സം​ബ​റി​ൽ എ​സ്.​സി സം​വ​ര​ണം 15ൽ​നി​ന്ന് 17ഉം ​എ​സ്.​ടി സം​വ​ര​ണം മൂ​ന്നി​ൽ​നി​ന്ന് ഏ​ഴും ശ​ത​മാ​ന​മാ​ക്കി സ​ർ​ക്കാ​ർ വ​ർ​ധി​പ്പി​ച്ചി​രു​ന്നു. എ​ന്നാ​ൽ, ഇ​ന്റേ​ണ​ൽ റി​സ​ർ​വേ​ഷ​ൻ ഏ​ർ​പ്പെ​ടു​ത്തു​ക​യും ചെ​യ്തു. എ​സ്.​സി വി​ഭാ​ഗ​ത്തി​ൽ ഭൂ​രി​പ​ക്ഷം വ​രു​ന്ന ബ​ൻ​ജാ​ര സ​മു​ദാ​യ​ത്തി​ന് ഇ​ന്റേ​ണ​ൽ റി​സ​ർ​വേ​ഷ​നി​ൽ പ​കു​തി​യോ​ളം പ്രാ​തി​നി​ധ്യം കു​റ​ഞ്ഞ​തോ​ടെ സ​ർ​ക്കാ​റി​നെ​തി​രെ അ​വ​ർ തെ​രു​വി​ലി​റ​ങ്ങി.

നിഷ്പ്രഭനായി ബൊ​മ്മൈ

ക​ർ​ണാ​ട​ക​യി​ൽ ബി.​ജെ.​പി ആ​ദ്യ​മാ​യി അ​ധി​കാ​ര​ത്തി​ലെ​ത്തി​യ​ത് 2008 ലാ​യി​രു​ന്നു. അ​ഴി​മ​തി​യും കു​തി​കാ​ൽ​വെ​ട്ടും പ​ര​കോ​ടി​യി​ലാ​യ ആ ​അ​ഞ്ചു വ​ർ​ഷ​ത്തെ ഭ​ര​ണ​കാ​ല​യ​ള​വി​നി​ടെ മൂ​ന്ന് മു​ഖ്യ​മ​ന്ത്രി​മാ​രാ​ണ് ക​ർ​ണാ​ട​ക ഭ​രി​ച്ച​ത് (ബി.​എ​സ്. യെ​ദി​യൂ​ര​പ്പ, സ​ദാ​ന​ന്ദ​ഗൗ​ഡ, ജ​ഗ​ദീ​ഷ് ഷെ​ട്ടാ​ർ). ഓ​പ​റേ​ഷ​ൻ താ​മ​ര​ക്ക് ബി.​ജെ.​പി തു​ട​ക്ക​മി​ട്ട​തും ആ ​കാ​ല​ത്താ​ണ്. അ​ഴി​മ​തി​യും ക്ര​മ​ക്കേ​ടു​ക​ളു​മാ​യി വി​വി​ധ കേ​സു​ക​ളി​ൽ യെ​ദി​യൂ​ര​പ്പ​യും ഗാ​ലി ജ​നാ​ർ​ദ​ന റെ​ഡ്ഡി​യു​മ​ട​ക്ക​മു​ള്ള​വ​ർ ജ​യി​ലി​ലാ​യി. 2018ലെ ​തെ​ര​ഞ്ഞെ​ടു​പ്പി​ൽ 104 സീ​റ്റു​മാ​യി ഏ​റ്റ​വും വ​ലി​യ ഒ​റ്റ​ക്ക​ക്ഷി​യാ​യ ബി.​ജെ.​പി കോ​ൺ​ഗ്ര​സ്-​ജെ.​ഡി.​എ​സ് സ​ഖ്യ സ​ർ​ക്കാ​റി​നെ ഒ​രു വ​ർ​ഷ​ത്തി​നു​ശേ​ഷം ഓ​പ​റേ​ഷ​ൻ താ​മ​ര​യി​ലൂ​ടെ വീ​ഴ്ത്തി​യാ​ണ് ക​ർ​ണാ​ട​ക​യി​ൽ ര​ണ്ടാം വ​ട്ടം ഭ​ര​ണ​ത്തി​ലേ​റു​ന്ന​ത്.

കേ​ന്ദ്ര നേ​തൃ​ത്വ​ത്തി​ന്റെ ച​ര​ടു​വ​ലി​ക്കൊ​ത്ത് ച​ലി​ക്കാ​തി​രു​ന്ന യെ​ദി​യൂ​ര​പ്പ​യെ മാ​റ്റി, ബ​സ​വ​രാ​ജ് ബൊ​മ്മൈ എ​ന്ന പാ​വ​യെ ഭ​ര​ണ​ത്തി​ന് നി​യോ​ഗി​ച്ച​തോ​ടെ അ​ഴി​മ​തി വ്യാ​പ​ക​മാ​യി. ഭ​ര​ണ​പ​ക്ഷ എം.​എ​ൽ.​എ​മാ​ർ സ​ർ​ക്കാ​ർ ക​രാ​ർ പ​ദ്ധ​തി​ക​ൾ​ക്ക് ക​രാ​റു​കാ​രി​ൽ​നി​ന്ന് 40 ശ​ത​മാ​നം ക​മീ​ഷ​ൻ വാ​ങ്ങു​ന്നു എ​ന്ന​താ​യി​രു​ന്നു സ​ർ​ക്കാ​ർ നേ​രി​ട്ട ഏ​റ്റ​വും വ​ലി​യ ആ​രോ​പ​ണം. ഇ​തി​നെ കോ​ൺ​ഗ്ര​സ് പ്ര​ചാ​ര​ണ​ത്തി​ൽ വി​ദ​ഗ്ധ​മാ​യി ഉ​പ​യോ​ഗി​ച്ച​തോ​ടെ ബൊ​മ്മൈ സ​ർ​ക്കാ​ർ തീ​ർ​ത്തും പ്ര​തി​രോ​ധ​ത്തി​ലാ​യി. മ​ന്ത്രി കെ.​എ​സ്. ഈ​ശ്വ​ര​പ്പ​ക്കെ​തി​രെ ഇ​തേ ആ​രോ​പ​ണ​മു​ന്ന​യി​ച്ച് ബി.​ജെ.​പി പ്ര​വ​ർ​ത്ത​ക​നാ​യ ക​രാ​റു​കാ​ര​ൻ സ​ന്തോ​ഷ് പാ​ട്ടീ​ൽ ആ​ത്മ​ഹ​ത്യ ചെ​യ്ത സം​ഭ​വം അ​ര​ങ്ങേ​റി. ഒ​ടു​വി​ൽ ഈ​ശ്വ​ര​പ്പ രാ​ജി​വെ​ച്ചൊ​ഴി​ഞ്ഞു. കേ​സ് അ​ന്വേ​ഷി​ച്ച ഉ​ഡു​പ്പി പൊ​ലീ​സ് തെ​ളി​വി​ല്ലെ​ന്ന് ക​ണ്ടെ​ത്തി ഈ​ശ്വ​ര​പ്പ​യെ വെ​റു​തെ വി​ട്ട​ത് മ​റ്റൊ​രു കാ​ര്യം. ഈ​ശ്വ​ര​പ്പ കു​റ്റ​ക്കാ​ര​നാ​ണെ​ന്ന് പൊ​ലീ​സ് റി​പ്പോ​ർ​ട്ട് പു​റ​ത്തു​വ​ന്നാ​ൽ സ​ർ​ക്കാ​റി​ന് അ​തു​ണ്ടാ​ക്കി​യേ​ക്കാ​വു​ന്ന ഇ​മേ​ജ് ന​ഷ്ടം ചെ​റു​ത​ല്ല.

ഫ​ണ്ട് അ​നു​വ​ദി​ക്കാ​ൻ മ​ഠ​ങ്ങ​ളി​ൽ​നി​ന്ന് 30 ശ​ത​മാ​നം ക​മീ​ഷ​ൻ വാ​ങ്ങു​ന്ന​താ​യി ബ​ലേ​ഹൊ​സു​ർ മ​ഠാ​ധി​പ​തി ആ​രോ​പ​ണ​മു​ന്ന​യി​ച്ച​തും മു​ഖ്യ​മ​ന്ത്രി​യാ​വാ​ൻ ത​ന്നി​ൽ​നി​ന്ന് 2500 കോ​ടി ആ​വ​ശ്യ​പ്പെ​ട്ടെ​ന്ന് ബി​.ജെ.​പി എം.​എ​ൽ​.എ ബ​സ​ന​ഗൗ​ഡ പാ​ട്ടീ​ലി​ന്റെ വെ​ളി​പ്പെ​ടു​ത്ത​ലും കോ​ൺ​ഗ്ര​സ് ആ​യു​ധ​മാ​ക്കി. എ​സ്.​ഐ നി​യ​മ​ന ക്ര​മ​ക്കേ​ടി​ൽ ബി.​ജെ.​പി നേ​താ​ക്ക​ളും ഉ​ദ്യോ​ഗ​സ്ഥ​രും അ​ട​ക്കം പ്ര​തി​ക​ളാ​യ​തും ക​ർ​ണാ​ട​ക സോ​പ്സ് ആ​ൻ​ഡ് ഡി​റ്റ​ർ​ജ​ന്റ് ലി​മി​റ്റ​ഡ് ചെ​യ​ർ​മാ​നാ​യ ബി.​ജെ.​പി എം.​എ​ൽ.​എ മ​ദാ​ൽ​വി​രു​പ​ക്ഷ​പ്പ അ​ഴി​മ​തി​യെ തു​ട​ർ​ന്ന് ലോ​കാ​യു​ക്ത പി​ടി​യി​ലാ​യ​ത് തു​ട​ങ്ങി ക​ർ​ണാ​ട​ക​യെ അ​ഴി​മ​തി വി​ഴു​ങ്ങി​യ കാ​ല​മാ​യി​രു​ന്നു ക​ട​ന്നു​പോ​യ​ത്.

അ​തേ​സ​മ​യം, കൃ​ത്യ​മാ​യ ഇ​ട​വേ​ള​ക​ളി​ൽ വ​ർ​ഗീ​യ വി​ഷ​യ​ങ്ങ​ൾ ച​ർ​ച്ച​ക്കെ​ത്തി​ച്ച് അ​ഴി​മ​തി​യെ മൂ​ടാ​നാ​യി​രു​ന്നു ബി.​ജെ.​പി ശ്ര​മം. ഒ​രുവ​ശ​ത്ത് ഗോ​വ​ധ നി​രോ​ധ​നം, മ​ത​പ​രി​വ​ർ​ത്ത​ന നി​രോ​ധ​നം, ഹി​ജാ​ബ് നി​രോ​ധ​നം, കാ​ർ​ഷി​ക വി​രു​ദ്ധ നി​യ​മ​ങ്ങ​ൾ തു​ട​ങ്ങി​യവ. മ​റു​വ​ശ​ത്ത് മു​സ്‍ലിം, ക്രി​സ്ത്യ​ൻ ന്യൂ​ന​പ​ക്ഷ​ങ്ങ​ൾ​ക്കെ​തി​രെ അ​ക്ര​മ​വും ബ​ഹി​ഷ്ക​ര​ണ​വു​മ​ട​ക്ക​മു​ള്ള​വ അ​ര​ങ്ങേ​റി. പ​ശു​സം​ര​ക്ഷ​ണ​ത്തി​ന്റെ പേ​രി​ൽ കൊ​ണ്ടു​വ​ന്ന ക​ർ​ണാ​ട​ക ക​ന്നു​കാ​ലി സം​ര​ക്ഷ​ണ-​ഗോ​വ​ധ നി​രോ​ധ​ന നി​യ​മം സം​സ്ഥാ​ന​ത്തെ ഗ്രാ​മീ​ണ ക​ർ​ഷ​ക​രു​ടെ സാ​മ്പ​ത്തി​ക ന​ട്ടെ​ല്ലൊ​ടി​ച്ചു. ഗ്രാ​മീ​ണ ക​ർ​ഷ​ക​രി​ൽ ഭൂ​രി​ഭാ​ഗ​വും ക്ഷീ​രോ​ൽ​പാ​ദ​ന​ത്തി​നും നി​ല​മു​ഴു​ന്ന​തി​നും ക​ന്നു​കാ​ലി​ക​ളെ ഉ​പ​യോ​ഗ​പ്പെ​ടു​ത്തു​ന്ന​തി​ന് പു​റ​മെ, അ​വ​രു​ടെ പ്ര​ധാ​ന വ​രു​മാ​ന മാ​ർ​ഗം​കൂ​ടി​യാ​ണ്. ക​റ​വ വ​റ്റു​മ്പോ​ഴും പ്രാ​യ​മാ​വു​മ്പോ​ഴും ക​ർ​ഷ​ക​ർ ഇ​വ​യെ ച​ന്ത​ക​ളി​ൽ വി​ൽ​ക്കു​ക​യാ​ണ് പ​തി​വ്. ഗോ​വ​ധ നി​രോ​ധ​നം വ​ന്ന​തോ​ടെ മാ​ടു​ക​ൾ​ക്ക് ച​ന്ത​യി​ൽ ആ​വ​ശ്യ​ക്കാ​രി​ല്ലാ​താ​യ​ത് ക​ർ​ഷ​ക​രെ പ്ര​തി​സ​ന്ധി​യി​ലാ​ക്കി. ഹി​ന്ദു​ത്വ-​വ​ർ​ഗീ​യ പ്രീ​ണ​ന​ങ്ങ​ൾ​ക്കാ​യി സ​ർ​ക്കാ​ർ ന​ട​പ്പാ​ക്കി​യ സാ​മൂ​ഹി​ക വി​രു​ദ്ധ നി​യ​മ​ങ്ങ​ൾ ബി.​ജെ.​പി​ക്ക് തെ​ര​ഞ്ഞെ​ടു​പ്പി​ൽ തി​രി​ച്ച​ടി​യാ​യി. ബം​ഗ​ളൂ​രു ന​ഗ​ര മേ​ഖ​ല​യി​ലൊ​ഴി​കെ മ​റ്റെ​ല്ലാ മേ​ഖ​ല​ക​ളി​ലും തെ​ര​ഞ്ഞെ​ടു​പ്പ് ഫ​ല​ത്തി​ൽ കോ​ൺ​ഗ്ര​സി​ന് മു​ൻ​തൂ​ക്കം ല​ഭി​ക്കു​ന്ന​തി​ൽ ഇ​ത്ത​രം സ​ർ​ക്കാ​ർ ന​ട​പ​ടി​ക​ൾ കാ​ര​ണ​മാ​യി.

മ​ണ്ണി​ള​ക്കി​യ ഭാ​ര​ത് ജോ​ഡോ യാ​ത്ര

രാ​ഹു​ൽ ഗാ​ന്ധി ന​യി​ച്ച ഭാ​ര​ത് ജോ​ഡോ യാ​ത്ര 2022 സെ​പ്റ്റം​ബ​ർ 30നാ​ണ് കേ​ര​ള​ത്തി​ൽ​നി​ന്ന് ക​ർ​ണാ​ട​ക​യി​ൽ പ്ര​വേ​ശി​ക്കു​ന്ന​ത്. ചാ​മ​രാ​ജ് ന​ഗ​റി​ലെ ന​ഞ്ച​ൻ​കോ​ടി​ൽ​നി​ന്ന് തു​ട​ങ്ങി മൈ​സൂ​രു, മാ​ണ്ഡ്യ, തു​മ​കൂ​രു, ചി​ത്ര​ദു​ർ​ഗ, ബെ​ള്ളാ​രി, റാ​യ്ച്ചൂ​ർ ജി​ല്ല​ക​ളി​ലൂ​ടെ​യാ​ണ് ക​ട​ന്നു​പോ​യ​ത്. ഓ​രോ ദി​വ​സ​വും 25 കി​ലോ​മീ​റ്റ​ർ വീ​തം 21 ദി​വ​സം​കൊ​ണ്ട് 511 കി​ലോ​മീ​റ്റ​ർ രാ​ഹു​ൽ ഗാ​ന്ധി ക​ർ​ണാ​ട​ക​യി​ലൂ​ടെ പ​ദ​യാ​ത്ര ന​യി​ച്ചു. പ​ദ​യാ​ത്ര ക​ട​ന്നു​പോ​യ 20 മ​ണ്ഡ​ല​ങ്ങ​ളി​ൽ ശ​രാ​ശ​രി 10 ശ​ത​മാ​നം വോ​ട്ടു​യ​ർ​ത്താ​ൻ കോ​ൺ​ഗ്ര​സി​ന് ക​ഴി​ഞ്ഞു. ബെ​ള്ളാ​രി സി​റ്റി, ഗു​ണ്ട​ൽ​പേ​ട്ട്, ഹി​രി​യൂ​ർ, മൊ​ള​കാ​ൽ​മു​രു, ന​ഞ്ച​ൻ​കോട് എ​ന്നീ മ​ണ്ഡ​ല​ങ്ങ​ൾ ബി.​ജെ.​പി​യി​ൽ​നി​ന്നും ഗു​ബ്ബി, സി​റ, ശ്രീ​രം​ഗ​പ​ട്ട​ണ, നാ​ഗ​മം​ഗ​ല, മേ​ലു​കോ​ട്ടെ തു​ട​ങ്ങി​യ മ​ണ്ഡ​ല​ങ്ങ​ൾ ജെ.​ഡി.​എ​സി​ൽ​നി​ന്നും കോ​ൺ​ഗ്ര​സ് പി​ടി​ച്ചു. രാ​ഹു​ൽ ഗാ​ന്ധി​യു​ടെ യാ​ത്ര തീ​ർ​ത്ത ബി.​ജെ.​പി​ക്കെ​തി​രാ​യ ജ​ന​രോ​ഷം ജെ.​ഡി.​എ​സി​നും ഗു​ണംചെ​യ്തു. യാ​ത്ര ക​ട​ന്നു​പോ​യ ചി​ക്ക​നാ​യ​ക​ന​ഹ​ള്ളി, തു​റു​വ​ക​രെ മ​ണ്ഡ​ല​ങ്ങ​ൾ ബി.​ജെ.​പി​യി​ൽ​നി​ന്ന് ജെ.​ഡി.​എ​സ് പി​ടി​ച്ചു. ഒ​മ്പ​തു സി​റ്റി​ങ് സീ​റ്റി​ൽ ര​ണ്ടെ​ണ്ണം മാ​ത്ര​മാ​ണ് ബി.​ജെ.​പി​ക്ക് നി​ല​നി​ർ​ത്താ​നാ​യ​ത്. ഭാ​ര​ത് ജോ​ഡോ യാ​ത്രാ​വ​ഴി​യി​ൽ കോ​ൺ​ഗ്ര​സി​ന്റെ​യോ ജെ.​ഡി.​എ​സി​ന്റെ​യോ ഒ​രു സീ​റ്റു​പോ​ലും ബി.​ജെ.​പി​ക്ക് പി​ടി​ക്കാ​നാ​യി​ല്ലെ​ന്ന​താ​ണ് ശ​രി. ഈ ​റൂ​ട്ടി​ലെ 43 ശ​ത​മാ​നം വോ​ട്ടും കോ​ൺ​ഗ്ര​സി​നൊ​പ്പ​മാ​ണ്.

കോ​ൺ​ഗ്ര​സ് പ്ര​വ​ർ​ത്ത​ക​രെ ഉ​ണ​ർ​ത്തു​ന്ന​തി​നൊ​പ്പം സാ​ധാ​ര​ണ ജ​ന​ങ്ങ​ളി​ലേ​ക്ക് പ​ദ​യാ​ത്ര​യു​ടെ ഉ​ദ്ദേ​ശ്യ​മെ​ത്തി​ക്കു​ന്ന​തി​ലും രാ​ഹു​ൽ ഗാ​ന്ധി വി​ജ​യം ക​ണ്ടു​വെ​ന്നാ​ണ് ക​ർ​ണാ​ട​ക തെ​ര​ഞ്ഞെ​ടു​പ്പ് ഫ​ലം തെ​ളി​യി​ക്കു​ന്ന​ത്. മ​റ്റൊ​ര​ർ​ഥ​ത്തി​ൽ ക​ർ​ണാ​ട​ക​യി​ലെ ഭാ​ര​ത് ജോ​ഡോ യാ​ത്ര ജ​ന​ഹി​തം തേ​ടി​യു​ള്ള കോ​ൺ​ഗ്ര​സി​ന്റെ ഫീ​ൽ​ഡ് സ​ർ​വേ​യാ​യി​രു​ന്നെ​ന്നും വി​ല​യി​രു​ത്താം. പ​ദ​യാ​ത്ര​ക്കി​ടെ വി​വി​ധ​യി​ട​ങ്ങ​ളി​ൽ സാ​ധാ​ര​ണ​ക്കാ​രു​മാ​യി രാ​ഹു​ൽ​ ഗാ​ന്ധി ന​ട​ത്തി​യ കൂ​ടി​ക്കാ​ഴ്ച​യി​ൽ​നി​ന്ന് ക​ട​ഞ്ഞെ​ടു​ത്ത വി​വ​ര​ങ്ങ​ൾ ഉ​പ​യോ​ഗി​ച്ചാ​ണ് വി​വി​ധ സാ​മൂ​ഹി​ക ക്ഷേ​മ പ​ദ്ധ​തി​ക​ൾ​ക്കും മ​റ്റും പ്ര​ക​ട​ന​പ​ത്രി​ക​യി​ൽ കോ​ൺ​ഗ്ര​സ് ഇ​ടം ന​ൽ​കി​യ​ത്. ഓ​രോ വീ​ടി​നും 200 യൂ​നി​റ്റ് സൗ​ജ​ന്യ വൈ​ദ്യു​തി (ഗൃ​ഹ​ജ്യോ​തി), വീ​ട്ട​മ്മ​മാ​ർ​ക്ക് പ്ര​തി​മാ​സം 2000 രൂ​പ (ഗൃ​ഹ​ല​ക്ഷ്മി), ഓ​രോ​രു​ത്ത​ർ​ക്കും പ്ര​തി​മാ​സം 10 കി​ലോ അ​രി (അ​ന്ന ഭാ​ഗ്യ), വ​നി​ത​ക​ൾ​ക്ക് സൗ​ജ​ന്യ ബ​സ് യാ​ത്ര (ഉ​ചി​ത പ്ര​യാ​ണ), തൊ​ഴി​ൽ​ര​ഹി​ത​രാ​യ ബി​രു​ദ​ധാ​രി​ക​ൾ​ക്ക് പ്ര​തി​മാ​സം 3000 രൂ​പ​യും ഡി​പ്ലോ​മ​ക്കാ​ർ​ക്ക് 1500 രൂ​പ​യും (യു​വ​നി​ധി) തു​ട​ങ്ങി​യ വാ​ഗ്ദാ​ന​ങ്ങ​ൾ സ​ർ​ക്കാ​ർ അ​ധി​കാ​ര​മേ​റ്റാ​ൽ വൈ​കാ​തെ ന​ട​പ്പാ​ക്കു​മെ​ന്നും കോ​ൺ​ഗ്ര​സ് ഫ​ല​പ്ര​ഖ്യാ​പ​ന​ത്തി​നു​ശേ​ഷം ഉ​റ​പ്പ് ന​ൽ​കി​യി​ട്ടു​ണ്ട്.

ക​ർ​ണാ​ട​ക തെ​ര​ഞ്ഞെ​ടു​പ്പ് ഫ​ലം രാ​ഹു​ലി​ന്റെ​യെ​ന്ന​പോ​ലെ എ.​ഐ.​സി.​സി ജ​ന​റ​ൽ സെ​ക്ര​ട്ട​റി​യും സ​ഹോ​ദ​രി​യു​മാ​യ പ്രി​യ​ങ്ക ഗാ​ന്ധി​യു​ടെ​യും ഗ്രാ​ഫ് ഉ​യ​ർ​ത്തി​യി​ട്ടു​ണ്ട്. ചി​ക്ക​മ​ഗളൂ​രു​വി​ൽ പ്രി​യ​ങ്ക ന​ട​ത്തി​യ ച​രി​ത്ര​പ​ര​മാ​യ പ്ര​സം​ഗം 2023 നി​യ​മ​സ​ഭ തെ​ര​ഞ്ഞെ​ടു​പ്പി​ലെ പ്ര​ധാ​ന സ​വി​ശേ​ഷ​ത​ക​ളി​ൽ ഒ​ന്നാ​ണ്. കോ​ൺ​ഗ്ര​സി​ന് ചി​ക്ക​മ​ഗളൂ​രു​വു​മാ​യി വൈ​കാ​രി​ക​മാ​യൊ​രു അ​ടു​പ്പം എ​ന്നു​മു​ണ്ട്. ഇ​ന്ദി​ര​ഗാ​ന്ധി​ക്ക് രാ​ഷ്ട്രീ​യ പു​ന​ർ​ജ​ന്മം ന​ൽ​കി​യ നാ​ടെ​ന്ന സ​വി​ശേ​ഷ​ത​യി​ലാ​ണ് ആ ​അ​ടു​പ്പം. അ​ടി​യ​ന്ത​രാ​വ​സ്ഥ​ക്കാ​ല​ത്തി​നു​ശേ​ഷം ന​ട​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ൽ റാ​യ്ബ​റേ​ലി​യി​ൽ തോ​ൽ​വി പി​ണ​ഞ്ഞ ഇ​ന്ദി​ര​ഗാ​ന്ധി​യെ 1978ലെ ​ഉ​പ​തെ​ര​ഞ്ഞെ​ടു​പ്പി​ൽ എ​തി​ർ​ത​രം​ഗ​ത്തി​നി​ട​യി​ലും വി​ജ​യി​പ്പി​ച്ച​താ​ണ് ചി​ക്ക​മ​ഗളൂ​രു​വി​ന്റെ ച​രി​ത്രം. അ​ന്ന് ഇ​ന്ദി​ര​യെ വേ​ട്ട​യാ​ടി​യ​തു​പോ​ലെ ഇ​ന്ന് ത​ന്റെ സ​ഹോ​ദ​ര​നെ​യും ക​ള്ള​ക്കേ​സി​ൽ കു​ടു​ക്കി ലോ​ക്സ​ഭ​യി​ൽ​നി​ന്ന് സ​സ്​​പെ​ൻ​ഡ് ചെ​യ്തെ​ന്ന് ചൂ​ണ്ടി​ക്കാ​ട്ടി​യ പ്രി​യ​ങ്ക ഏ​റെ വി​കാ​ര​ഭ​രി​ത​മാ​യാ​ണ് സം​സാ​രി​ച്ച​ത്. ചി​ക്ക​മ​ഗളൂ​രു ജി​ല്ല​യി​ലെ അ​ഞ്ചു​ സീ​റ്റി​ൽ 2018ൽ ​ബി.​ജെ.​പി നാ​ലി​ലും കോ​ൺ​ഗ്ര​സ് ഒ​ന്നി​ലു​മാ​യി​രു​ന്നു വി​ജ​യി​ച്ച​ത്. ഇ​ന്ദി​ര​യെ പോ​ലെ പ്രി​യ​ങ്ക​യും ഇ​ള​ക്കി​മ​റി​ച്ച മ​ണ്ണി​ൽ ഇ​ത്ത​വ​ണ കോ​ൺ​ഗ്ര​സ് നാ​ലും ബി.​ജെ.​പി ഒ​രു സീ​റ്റു​മാ​യി ഫ​ലം. ബി.​ജെ.​പി ദേ​ശീ​യ ജ​ന​റ​ൽ സെ​ക്ര​ട്ട​റി സി.​ടി. ര​വി ചി​ക്ക​മ​ഗളൂ​രു മ​ണ്ഡ​ല​ത്തി​ൽ 5926 വോ​ട്ടി​ന് കോ​ൺ​ഗ്ര​സി​നോ​ട് തോ​റ്റു.

കെ.​പി.​സി.​സി അ​ധ്യ​ക്ഷ​ൻ ഡി.​കെ. ശി​വ​കു​മാ​ർ, പ്ര​തി​പ​ക്ഷ നേ​താ​വ് സി​ദ്ധ​രാ​മ​യ്യ എ​ന്നീ ദ്വ​ന്ദ​ത്തി​ലാ​ണ് ക​ർ​ണാ​ട​ക കോ​ൺ​ഗ്ര​സ് കു​റ​ച്ചു​കാ​ല​മാ​യി നീ​ങ്ങു​ന്ന​ത്. ശി​വ​കു​മാ​ർ പാ​ർ​ട്ടി​യി​ലൂ​ടെ വ​ള​ർ​ന്ന് ശ​ക്ത​നാ​യ നേ​താ​വാ​യി മാ​റി​യ​താ​ണെ​ങ്കി​ൽ സി​ദ്ധ​രാ​മ​യ്യ ജ​ന​താ​ദ​ൾ പ​ശ്ചാ​ത്ത​ല​ത്തി​ൽ​നി​ന്ന് കോ​ൺ​ഗ്ര​സി​ലെ​ത്തി​യ​യാ​ളാ​ണ്. പ​ക്ഷേ, ഡി.​കെ. ശി​വ​കു​മാ​റി​ന്റെ പ്ര​വ​ർ​ത്ത​നശൈ​ലി​യും സി​ദ്ധ​രാ​മ​യ്യയുടെ പ്ര​വ​ർ​ത്ത​ന ശൈ​ലി​യും ര​ണ്ടാ​ണ്. ക​ർ​ണാ​ട​ക​യി​ൽ സം​ഘ​ട​നാ ചു​മ​ത​ല​യേ​റ്റ​ശേ​ഷം ശി​വ​കു​മാ​ർ ന​ട​ത്തി​യ അ​ഴി​ച്ചു​പ​ണി​യി​ലാ​ണ് കോ​ൺ​ഗ്ര​സ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് അ​ടി​ത്ത​റ​യു​ണ്ടാ​ക്കി​യ​ത്. സി​ദ്ധ​രാ​മ​യ്യ​യാ​ക​ട്ടെ ‘അ​ഹി​ന്ദ’ വോ​ട്ടു​ക​ളു​ടെ ഏ​കീ​ക​ര​ണ​ത്തി​ലൂ​ടെ​യാ​ണ് കോ​ൺ​ഗ്ര​സി​ന് ശ​ക്തി പ​ക​ർ​ന്ന​ത്. ക​ന്ന​ട​യി​ൽ ന്യൂ​ന​പ​ക്ഷ​ത്തെ​യും (അ​ൽ​പ​സം​ഖ്യ​ത​രു), പി​ന്നാ​ക്ക വി​ഭാ​ഗ​ങ്ങ​ളെ​യും (ഹി​ന്ദു​ളി​ത​വ​രു), ദ​ലി​ത​രെ​യും (ദ​ലി​ത​ർ) സൂ​ചി​പ്പി​ക്കു​ന്ന​താ​ണ് ‘അ​ഹി​ന്ദ’ എ​ന്ന പ്ര​യോ​ഗം. എ​ല്ലാ അ​ഭി​പ്രാ​യ വ്യ​ത്യാ​സ​ങ്ങ​ളും മാ​റ്റി​വെ​ച്ച് ഇ​രു​വ​രും ഒ​ന്നി​ച്ച് പ്ര​ചാ​ര​ണം ന​യി​ച്ച​ത് കോ​ൺ​ഗ്ര​സി​ന്റെ വി​ജ​യ​ത്തി​ൽ പ്ര​ധാ​ന പ​ങ്കു​വ​ഹി​ച്ചു. ‘മ​ണ്ണി​ന്റെ പു​ത്ര​ൻ’ എ​ന്ന വി​ശേ​ഷ​ണ​മു​ള്ള ദ​ലി​ത് നേ​താ​വു​കൂ​ടി​യാ​യ കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ന ഖാ​ർ​ഗെ അ​ദ്ദേ​ഹ​ത്തി​ന്റെ ത​ട്ട​ക​മാ​യ ക​ല​ബു​റ​ഗി ഉ​ൾ​പ്പെ​ടു​ന്ന, പി​ന്നാ​ക്ക വോ​ട്ടു​ക​ൾ നി​ർ​ണാ​യ​ക​മാ​യ ക​ല്യാ​ണ ക​ർ​ണാ​ട​ക മേ​ഖ​ല​യി​ൽ കോ​ൺ​ഗ്ര​സി​ന് അ​നു​കൂ​ല ത​രം​ഗ​മൊ​രു​ക്കി.

കോ​ൺ​ഗ്ര​സി​ന് ബം​ഗ​ളൂ​രു മേ​ഖ​ല​യി​ൽ പ്ര​തീ​ക്ഷി​ച്ച മു​ന്നേ​റ്റം കാ​ഴ്ച​വെ​ക്കാ​നാ​വാ​തെ പോ​യ​താ​ണ് ഈ ​തെ​ര​ഞ്ഞെ​ടു​പ്പി​ലെ ശ്ര​ദ്ധേ​യ​മാ​യ ഫ​ല​ങ്ങ​ളി​ലൊ​ന്ന്. 2018ൽ ​കോ​ൺ​ഗ്ര​സ്- 15, ബി.​ജെ.​പി- 11, ജെ.​ഡി.​എ​സ് -ര​ണ്ട് എ​ന്നി​ങ്ങ​നെ​യാ​യി​രു​ന്നു ബം​ഗ​ളൂ​രു ന​ഗ​ര മേ​ഖ​ല​യി​ലെ സീ​റ്റ് നി​ല. എ​ന്നാ​ൽ, കോ​ൺ​ഗ്ര​സി​ന്റെ മൂ​ന്നും ജെ.​ഡി.​എ​സി​ന്റെ ഒ​രു സീ​റ്റു​മ​ട​ക്കം നാ​ല് സീ​റ്റു​ക​ൾ 2019ലെ ​ഉ​പ​തെ​ര​ഞ്ഞെ​ടു​പ്പി​ൽ ബി.​ജെ.​പി പി​ടി​ച്ചു. സീ​റ്റു​നി​ല ബി.​ജെ.​പി -15, കോ​ൺ​ഗ്ര​സ് -12, ജെ.​ഡി.​എ​സ് -ഒ​ന്ന് എ​ന്നി​ങ്ങ​നെ​യാ​യി. ജെ.​ഡി.​എ​സി​ന്റെ ഏ​ക സീ​റ്റാ​യ ദാ​സ​റ​ഹ​ള്ളി ബി.​ജെ.​പി പി​ടി​ച്ച​തോ​ടെ ബം​ഗ​ളൂ​രു​വി​ൽ ദ​ൾ പൂ​ജ്യ​മാ​യി. ബി.​ജെ.​പി​യു​ടെ ഗോ​വി​ന്ദ​രാ​ജ് ന​ഗ​ർ സീ​റ്റ് കോ​ൺ​ഗ്ര​സ് പി​ടി​ച്ചെ​ങ്കി​ലും ജ​യ​ന​ഗ​ർ കൈ​വി​ട്ടു. ഇ​തോ​ടെ ബം​ഗ​ളൂ​രു ന​ഗ​ര​ത്തി​ലെ സീ​റ്റു നി​ല ബി.​ജെ.​പി- 16, കോ​ൺ​ഗ്ര​സ് -12 എ​ന്നാ​യി. ജ​യ​ന​ഗ​റി​ൽ 16 വോ​ട്ടി​ന് തോ​റ്റ​തി​ന് പു​റ​മെ, മു​ൻ കെ.​പി.​സി.​സി അ​ധ്യ​ക്ഷ​ൻ ദി​നേ​ശ് ഗു​ണ്ടു​റാ​വു 105 വോ​ട്ടി​നാ​ണ് സി​റ്റി​ങ് സീ​റ്റാ​യ ഗാ​ന്ധി​ന​ഗ​റി​ൽ ക​ഷ്ടി​ച്ച് ജ​യി​ച്ച​ത്. ഗ്രാ​മീ​ണ മേ​ഖ​ല​ക​ൾ കോ​ൺ​ഗ്ര​സി​നൊ​പ്പം നി​ന്ന​പ്പോ​ൾ ബം​ഗ​ളൂ​രു ന​ഗ​രമേ​ഖ​ല മാ​ത്രം പു​റം തി​രി​ഞ്ഞു. ഇ​ത്ത​വ​ണ ബി.​ജെ.​പി​ക്ക് ല​ഭി​ച്ച സീ​റ്റു​ക​ളു​ടെ നാ​ലി​ലൊ​ന്നും ബം​ഗ​ളൂ​രു​വി​ൽ​നി​ന്നാ​ണ്.

അ​സ്തി​ത്വ പ്ര​തി​സ​ന്ധി​യി​ൽ ജെ.​ഡി.​എ​സ്

അ​ധി​കാ​ര​ത്തി​നാ​യി നി​ല​പാ​ടു​ക​ളി​ലെ ചാ​ഞ്ചാ​ട്ട​മാ​ണ് ജെ.​ഡി.​എ​സി​ന്റെ പ്ര​തി​സ​ന്ധി​ക്ക് കാ​ര​ണം. ക​ർ​ണാ​ട​ക​യി​ൽ ത​രാ​ത​രംപോ​ലെ ബി.​ജെ.​പി​ക്കൊ​പ്പ​വും കോ​ൺ​ഗ്ര​സി​നൊ​പ്പ​വും ജ​ന​താ​ദ​ൾ അ​ധി​കാ​ര​ത്തി​ലേ​റി​യി​ട്ടു​ണ്ട്. എ​ന്നാ​ലും കോ​ൺ​ഗ്ര​സി​നെ​ക്കാ​ളും കൂ​ടു​ത​ൽ അ​ടു​പ്പം ബി.​ജെ.​പി​യോ​ടാ​ണ് ജെ.​ഡി.​എ​സ് പു​ല​ർ​ത്തി​യ​ത്. ബി.​ജെ.​പി​യാ​ക​ട്ടെ സ​ന്ദ​ർ​ഭ​ത്തി​ന​നു​സ​രി​ച്ച് ക​റി​വേ​പ്പി​ലപോ​ലെ ജെ.​ഡി.​എ​സി​നെ ഉ​പ​യോ​ഗി​ച്ച് ത​ള്ളു​ക​യും ചെ​യ്തു. എ​ച്ച്.​ഡി. കു​മാ​ര​സ്വാ​മി മു​ഖ്യ​മ​ന്ത്രി​യാ​യി​രി​ക്കെ​യാ​ണ് 2019ൽ ​കോ​ൺ​ഗ്ര​സു​മാ​യു​ള്ള സ​ഖ്യസ​ർ​ക്കാ​ർ വീ​ഴു​ന്ന​ത്. സ​ർ​ക്കാ​റി​നെ വീ​ഴ്ത്തി​യ ബി.​ജെ.​പി​യേ​ക്കാ​ളും ജെ.​ഡി.​എ​സി​ന് അ​രി​ശം കോ​ൺ​ഗ്ര​സി​നാ​യി​രു​ന്നു. കു​മാ​ര​സ്വാ​മി​ക്ക് ഭ​ര​ണ​സ്വാ​ത​ന്ത്ര്യം ന​ൽ​കി​യി​ല്ലെ​ന്നാ​യി​രു​ന്നു പ​രാ​തി. പി​ന്നീ​ട് നി​യ​മ​നി​ർ​മാ​ണ കൗ​ൺ​സി​ലി​ൽ കോ​ൺ​ഗ്ര​സു​മാ​യു​ള്ള സ​ഖ്യം അ​വ​സാ​നി​പ്പി​ച്ച് ബി.​ജെ.​പി പി​ന്തു​ണ​യി​ൽ ജെ.​ഡി.​എ​സി​ന്റെ മു​തി​ർ​ന്ന നേ​താ​വ് ബ​സ​വ​രാ​ജ് ഹൊ​ര​ട്ടി ഉ​പ​രി​സ​ഭ ചെ​യ​ർ​മാ​നാ​യി. എ​ന്നാ​ൽ, ബ​സ​വ​രാ​ജ് ഹൊ​ര​ട്ടി​യെ വ​ല​വീ​ശി ഒ​പ്പം ചേ​ർ​ത്ത് ജെ.​ഡി.​എ​സി​നെ ബി.​ജെ.​പി കാ​ലു​വാ​രി.

10 ജി​ല്ല​ക​ൾ ഉ​ൾ​പ്പെ​ടു​ന്ന പ​ഴ​യ മൈ​സൂ​രു മേ​ഖ​ല​യി​ലെ മൈ​സൂ​രു, മാ​ണ്ഡ്യ, രാ​മ​ന​ഗ​ര, ഹാ​സ​ൻ, തു​മ​കു​രു ജി​ല്ല​ക​ളാ​ണ് പൊ​തു​വെ ജെ.​ഡി.​എ​സി​ന്റെ ശ​ക്തികേ​ന്ദ്ര​ങ്ങ​ളാ​യി ക​ണ​ക്കാ​ക്കു​ന്ന​ത്. 2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഈ ​ജി​ല്ല​ക​ളി​ലെ 40 സീ​റ്റു​ക​ളി​ൽ 25 എ​ണ്ണം ജെ.​ഡി.​എ​സി​ന്റെ കൈ​യി​ലാ​യി​രു​ന്നു. എ​ന്നാ​ൽ, ഓ​പ​റേ​ഷ​ൻ താ​മ​ര​യെ തു​ട​ർ​ന്ന് മൂ​ന്നു എം.​എ​ൽ.​എ​മാ​ർ പാ​ർ​ട്ടി വി​ട്ടു. മാ​ണ്ഡ്യ​യി​ലെ കെ.​ആ​ർ പേ​ട്ട് മ​ണ്ഡ​ല​ത്തി​ലെ കെ.​സി. നാ​രാ​യ​ണ ഗൗ​ഡ, മൈ​സൂ​രു​വി​ലെ ഹു​ൻ​സൂ​രി​ലെ എ.​എ​ച്ച്. വി​ശ്വ​നാ​ഥ്, ബം​ഗ​ളൂ​രു​വി​ലെ മ​ഹാ​ല​ക്ഷ്മി ലേ​ഔ​ട്ടി​ലെ കെ. ​ഗോ​പാ​ല​യ്യ എ​ന്നി​വ​ർ രാ​ജി​വെ​ച്ച് ബി.​ജെ.​പി ടി​ക്ക​റ്റി​ൽ ഉ​പ​തെ​ര​ഞ്ഞെ​ടു​പ്പി​നെ നേ​രി​ട്ട് വി​ജ​യം​നേ​ടി. പൊ​തു​വെ ദു​ർ​ബ​ല, പോ​രാ​ത്ത​തി​ന് ഗ​ർ​ഭി​ണി​യും എ​ന്നു പ​റ​ഞ്ഞ​പോ​ലെ​യാ​ണ് ജെ.​ഡി.​എ​സി​ലെ സാ​ഹ​ച​ര്യം. തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു​ശേ​ഷം മ​റ്റു പാ​ർ​ട്ടി​ക​ളി​ലേ​ക്ക് ജെ.​ഡി.​എ​സ് നേ​താ​ക്ക​ളു​ടെ ഒ​ഴു​ക്കാ​യി​രു​ന്നു. 2023ലെ ​നി​യ​മ​സ​ഭ ഫ​ലം പു​റ​ത്തു​വ​ന്ന​പ്പോ​ൾ മൈ​സൂ​രു, മാ​ണ്ഡ്യ, രാ​മ​ന​ഗ​ര, ഹാ​സ​ൻ, തു​മ​കു​രു ജി​ല്ല​ക​ളാ​യി ആ​കെ​യു​ള്ള 40 സീ​റ്റി​ൽ 11 സീ​റ്റേ ജെ.​ഡി.​എ​സി​ന് ല​ഭി​ച്ചു​ള്ളൂ. 14 സീ​റ്റു​ക​ൾ ഈ ​മേ​ഖ​ല​യി​ൽ കൈ​വി​ട്ടു. ക​ർ​ണാ​ട​ക തെ​ര​ഞ്ഞെ​ടു​പ്പി​ൽ ജെ.​ഡി.​എ​സി​ന് ആ​കെ ല​ഭി​ച്ച​ത് 19 സീ​റ്റാ​ണ്. 2018 നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജെ.​ഡി.​എ​സ് നേ​ടി​യ 37 സീ​റ്റി​ൽ 29ഉം ​പ​ഴ​യ മൈ​സൂ​രു മേ​ഖ​ല​യി​ൽ​നി​ന്നാ​യി​രു​ന്നു എ​ന്ന​തി​ൽ​നി​ന്ന് വൊ​ക്ക​ലി​ഗ ബെ​ൽ​റ്റാ​യ പ​ഴ​യ മൈ​സൂ​രു​വി​ന് ജെ.​ഡി.​എ​സി​ന്റെ രാ​ഷ്ട്രീ​യ ഭൂ​പ​ട​ത്തി​ൽ എ​ത്ര പ്രാ​ധാ​ന്യ​മു​ണ്ടെ​ന്ന് മ​ന​സ്സി​ലാ​ക്കാ​നാ​വും. തൊ​ണ്ണൂ​റി​ലേ​ക്ക് ക​ട​ന്ന എ​ച്ച്.​ഡി. ദേ​വ​ഗൗ​ഡ​ത​ന്നെ രം​ഗ​ത്തി​റ​ങ്ങി 11 ദി​വ​സ​ത്തി​നി​ടെ 42 മ​ണ്ഡ​ല​ങ്ങ​ളി​ൽ പ്ര​ചാ​ര​ണം ന​യി​ച്ചി​ട്ടും ഇ​താ​ണ് സ്ഥി​തി​യെ​ങ്കി​ൽ വ​രും​കാ​ല​ങ്ങ​ളി​ൽ ക​ർ​ണാ​ട​ക​യി​ൽ ജെ.​ഡി.​എ​സി​ന്റെ നി​ല​നി​ൽ​പു​ത​ന്നെ ഭീ​ഷ​ണി​യി​ലാ​ണ്.

ബാ​ബ​രി ത​ക​ർ​ച്ച​ക്കു​ശേ​ഷം കോ​ൺ​ഗ്ര​സി​ൽ​നി​ന്ന് അ​ക​ന്നു നി​ന്ന ഒ​രു വി​ഭാ​ഗം മു​സ്‍ലിം വോ​ട്ടു​ക​ളാ​ണ് വൊ​ക്ക​ലി​ഗ​ർ​ക്കൊ​പ്പം ക​ർ​ണാ​ട​ക​യി​ൽ ജെ.​ഡി.​എ​സി​നെ താ​ങ്ങി​നി​ർ​ത്തി​യി​രു​ന്ന​ത്. ഇ​ത്ത​വ​ണ മു​സ്‍ലിം വോ​ട്ടു​ക​ൾ മു​ന്നി​ൽ​ക​ണ്ട് ജെ.​ഡി.​എ​സ് ചി​ല നീ​ക്ക​ങ്ങ​ൾ ന​ട​ത്തി​യെ​ങ്കി​ലും ഉ​റ​ച്ച നി​ല​പാ​ടി​ല്ലാ​യ്മ വി​ന​യാ​യി. തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​ന​ത്തി​ന് തൊ​ട്ടു​മു​മ്പ് ജെ.​ഡി.​എ​സ് നി​യ​മ​സ​ഭ ക​ക്ഷി നേ​താ​വ് എ​ച്ച്.​ഡി. കു​മാ​ര​സ്വാ​മി ന​ട​ത്തി​യ പ്ര​സ്താ​വ​ന ഇ​തി​നു​ദാ​ഹ​ര​ണ​മാ​ണ്. ത​ങ്ങ​ളു​ടെ ആ​വ​ശ്യ​ങ്ങ​ൾ അം​ഗീ​ക​രി​ക്കു​ന്ന ആ​രു​മാ​യും സ​ഖ്യ​ത്തി​ന് ത​യാ​റെ​ന്നാ​യി​രു​ന്നു കു​മാ​ര​സ്വാ​മി പ​റ​ഞ്ഞ​ത്. അ​വ​സ​രം ല​ഭി​ച്ചാ​ൽ ബി.​ജെ.​പി​യോ​ട് കൂ​ട്ടു​കൂ​ടാ​ൻ ഒ​രു മ​ടി​യും പ്ര​ക​ടി​പ്പി​ക്കാ​ത്ത ജെ.​ഡി.​എ​സി​ൽ ക​ർ​ണാ​ട​ക​യി​ലെ മു​സ്‍ലിം​ക​ൾ​ക്ക് വി​ശ്വാ​സം ന​ഷ്ട​പ്പെ​ട്ടി​ട്ടു​ണ്ട്.

ച​ല​ന​മു​ണ്ടാ​ക്കാ​നാ​കാ​തെ എ​സ്.​ഡി.​പി.​ഐ​യും ഉ​വൈ​സി​യും

തെ​ര​ഞ്ഞെ​ടു​പ്പി​ൽ സോ​ഷ്യ​ൽ ​െഡമോ​ക്രാ​റ്റി​ക് പാ​ർ​ട്ടി ഓ​ഫ് ഇ​ന്ത്യ​ക്കും (എ​സ്.​ഡി.​പി.​ഐ), ഉ​വൈ​സി​യു​ടെ എ.​ഐ.​എം.​ഐ.​എ​മ്മി​നും ച​ല​ന​മു​ണ്ടാ​ക്കാ​നാ​യി​ല്ല. 13 ശ​ത​മാ​ന​മാ​ണ് ക​ർ​ണാ​ട​ക​യി​ലെ മു​സ്‍ലിം ജ​ന​സം​ഖ്യ. എ​സ്.​ഡി.​പി.​ഐ മ​ത്സ​രി​ച്ച മ​ണ്ഡ​ല​ങ്ങ​ളും കി​ട്ടി​യ വോ​ട്ടും ഇ​ങ്ങ​നെ​യാ​ണ്: ന​ര​സിം​ഹ​രാ​ജ -41037, മം​ഗ​ളൂ​രു (ഉ​ള്ളാ​ൾ) -15054, ബ​ന്ത്വാ​ൾ -5436, പു​ലി​കേ​ശി​ന​ഗ​ർ-4102, മൂ​ഡ​ബി​ദ്രി -3617, തെ​ർ​ദ​ൽ -3527, ശ​ര​വ​ണ​ന​ഗ​ർ -2995, പു​ത്തൂ​ർ -2788, ചി​ത്ര​ദു​ർ​ഗ-2555, ബെ​ൽ​ത്ത​ങ്ങാ​ടി -2513, കൗ​പ്പ -1616, മ​ടി​ക്കേ​രി -1436, ഹു​ബ്ബ​ള്ളി ഈ​സ്റ്റ് -1360, ദേ​വ​ൻ​ഗ​രെ സൗ​ത്ത് -1311, റാ​യ്ചൂ​ർ -632, മു​ദി​ഗ​രെ -503. ആ​കെ കി​ട്ടി​യ​ത് 90445 വോ​ട്ടു​ക​ൾ. ഇ​തി​ൽ പു​ത്തൂ​ർ, മം​ഗ​ളൂ​രു, ബ​ന്ത്വാ​ൾ, ബെ​ൽ​ത്ത​ങ്ങാ​ടി, മൂ​ഡ​ബി​ദ്രി എ​ന്നി​വ സം​ഘ്പ​രി​വാ​റി​ന്റെ ശ​ക്തി​കേ​ന്ദ്ര​മാ​യ ദ​ക്ഷി​ണ ക​ന്ന​ട ജി​ല്ല​യി​ലെ തീ​ര​ദേ​ശ​മേ​ഖ​ല​യി​ലും ക​പ്പു മ​ണ്ഡ​ലം ഉ​ഡു​പ്പി ജി​ല്ല​യി​ലു​മാ​ണ്. എ​ന്നാ​ൽ, ഇ​തി​ൽ ഒ​രി​ട​ത്തും ച​ല​ന​മു​ണ്ടാ​ക്കാ​നാ​യി​ല്ല. മൈ​സൂ​രു ജി​ല്ല​യി​ലെ ന​ര​സിം​ഹ​രാ​ജ (എ​ൻ.​ആ​ർ) മ​ണ്ഡ​ല​ത്തി​ൽ എ​സ്.​ഡി.​പി.​ഐ​യു​ടെ അ​ബ്ദു​ൽ മ​ജീ​ദ് 38,606 വോ​ട്ടു​ക​ൾ നേ​ടി മൂ​ന്നാ​മ​തെ​ത്തി (25 ശ​ത​മാ​നം വോ​ട്ടു​വി​ഹി​തം). ഇ​വി​ടെ ജ​യി​ച്ച കോ​ൺ​ഗ്ര​സ് 83,480 വോ​ട്ടും ര​ണ്ടാ​മ​തെ​ത്തി​യ ബി.​ജെ.​പി 52,360 വോ​ട്ടും നേ​ടി. 2018ൽ ​കോ​ൺ​ഗ്ര​സ് ഇ​വി​ടെ 62,268 വോ​ട്ടും ബി.​ജെ.​പി 44,141 ഉം ​എ​സ്.​ഡി.​പി.​ഐ 33,284 വോ​ട്ടു​മാ​ണ് നേ​ടി​യി​രു​ന്ന​ത്. മം​ഗ​ളൂ​രു​വി​ൽ എ​സ്.​ഡി.​പി.​ഐ​യു​ടെ റി​യാ​സ് പ​റ​ങ്കി​പ്പേ​ട്ട് 15,054 വോ​ട്ട് നേ​ടി മൂ​ന്നാ​മ​തെ​ത്തി (10 ശ​ത​മാ​നം വോ​ട്ടു​വി​ഹി​തം). ഇ​വി​ടെ ജ​യി​ച്ച കോ​ൺ​ഗ്ര​സ് 83,219 വോ​ട്ടു​ക​ൾ നേ​ടി​യ​പ്പോ​ൾ ര​ണ്ടാ​മ​തെ​ത്തി​യ ബി.​ജെ.​പി 60,429 വോ​ട്ട് നേ​ടി. ബാ​ക്കി​യെ​ല്ലാ​യി​ട​ത്തും നാ​ല് ശ​ത​മാ​ന​ത്തി​ൽ​താ​ഴെ​യാ​ണ് എ​സ്.​ഡി.​പി.​ഐ​യു​ടെ വോ​ട്ടു​വി​ഹി​തം. ബ​ന്ത്വാ​ൾ, മൂ​ഡ​ബി​ദ്രി, തെ​ർ​ദ​ൽ, ബെ​ൽ​ത്ത​ങ്ങാ​ടി, കൗ​പ്പ, റാ​യ്ചൂ​ർ എ​ന്നി​വി​ട​ങ്ങ​ളി​ൽ ജ​യി​ച്ച​ത് ബി.​ജെ.​പി​യാ​ണ്. കോ​ൺ​ഗ്ര​സ് ര​ണ്ടാ​മ​തും. ഇ​വി​ട​ങ്ങ​ളി​ലെ വോ​ട്ട് ഇ​ങ്ങ​നെ​യാ​ണ്: ബ​ന്ത്വാ​ൾ -ബി.​ജെ.​പി 93,324; കോ​ൺ​ഗ്ര​സ് 85,042. മൂ​ഡ​ബി​ദ്രി -ബി.​ജെ.​പി 86,925; കോ​ൺ​ഗ്ര​സ് 64,457. തെ​ർ​ദ​ൽ - ബി.​ജെ.​പി 77,265; കോ​ൺ​ഗ്ര​സ് 66,520. ബെ​ൽ​ത്ത​ങ്ങാ​ടി -ബി.​ജെ.​പി 101,004; കോ​ൺ​ഗ്ര​സ് 82,788. ക​പ്പു -ബി.​ജെ.​പി 80,559; കോ​ൺ​ഗ്ര​സ് 67,555. റാ​യ്ചൂ​ർ -ബി.​ജെ.​പി 69,655; കോ​ൺ​ഗ്ര​സ് 65,923. പു​ത്തൂ​ർ മ​ണ്ഡ​ല​ത്തി​ൽ ജ​യി​ച്ച കോ​ൺ​ഗ്ര​സ് 66,607 വോ​ട്ടും ബി.​ജെ.​പി 62,458 വോ​ട്ടു​മാ​ണ് നേ​ടി​യ​ത്.

എ.​ഐ.​എം.​ഐ.​എ​മ്മി​ന്റെ ഹു​ബ്ബ​ള്ളി-​ധാ​ർ​വാ​ഡ് ഈ​സ്റ്റി​ലെ സ്ഥാ​നാ​ർ​ഥി ദു​ർ​ഗ​പ്പ കാ​ശ​പ്പ ബി​ജാ​വാ​ദ് 5600 വോ​ട്ടും ബ​സ​വ​ന ബാ​ഗേ​വാ​ഡി​യി​ലെ അ​ല്ലാ​ബ​ക്ഷ് ബി​ജാ​പുർ 1472 വോ​ട്ടു​ക​ളു​മാ​ണ് നേ​ടി​യ​ത്. ര​ണ്ട് മ​ണ്ഡ​ല​ങ്ങ​ളി​ലും കോ​ൺ​ഗ്ര​സാ​ണ് വി​ജ​യി​ച്ച​ത്.

സി​വി​ൽ സൊ​സൈ​റ്റി ഗ്രൂ​പ്പു​ക​ളു​ടെ പ​ങ്ക്

ബി.​ജെ.​പി​യു​ടെ പ​രാ​ജ​യം ഉ​റ​പ്പി​ക്കാ​ൻ സാ​മൂ​ഹി​ക പ്ര​സ്ഥാ​ന​ങ്ങ​ളും സം​ഘ​ട​ന​ക​ളും സി​വി​ൽ കൂ​ട്ടാ​യ്മ​ക​ളും ക​ർ​ഷ​ക സം​ഘ​ട​ന​ക​ളും അ​ട​ങ്ങു​ന്ന പൗ​ര ചേ​രി ക​ർ​ണാ​ട​ക​യി​ൽ രൂ​പ​പ്പെ​ട്ടു എ​ന്ന​താ​ണ് ഈ ​തെ​ര​ഞ്ഞെ​ടു​പ്പി​ലെ പ്ര​ധാ​ന സ​വി​ശേ​ഷ​ത​ക​ളി​ലൊ​ന്ന്. കോ​ൺ​ഗ്ര​സി​ന്റെ​യെ​ന്നോ ജെ.​ഡി.​എ​സി​ന്റെ​യെ​ന്നോ വ്യ​ത്യാ​സ​മി​ല്ലാ​തെ ബി.​ജെ.​പി​ക്കെ​തി​രെ ശ​ക്ത​നാ​യ സ്ഥാ​നാ​ർ​ഥി​യി​ലേ​ക്ക് വോ​ട്ട് കേ​ന്ദ്രീ​ക​രി​പ്പി​ക്കു​ക​യാ​യി​രു​ന്നു ഇ​വ​രു​ടെ ല​ക്ഷ്യം. ബു​ദ്ധി​ജീ​വി​ക​ളും എ​ഴു​ത്തു​കാ​രും ആ​ക്ടി​വി​സ്റ്റു​ക​ളു​മെ​ല്ലാം ചേ​ർ​ന്ന് രൂ​പം ന​ൽ​കി​യ എ​ദ്ദേ​ളു ക​ർ​ണാ​ട​ക (ഉ​ണ​രൂ ക​ർ​ണാ​ട​ക), ബ​ഹു​ത്വ ക​ർ​ണാ​ട​ക (ബ​ഹു​സ്വ​ര ക​ർ​ണാ​ട​ക) തു​ട​ങ്ങി​യ​വ സ​ർ​ക്കാ​റി​ന്റെ ഭ​ര​ണ പ​രാ​ജ​യ​ങ്ങ​ളെ കു​റി​ച്ച് പൊ​തു​ജ​ന​ത്തെ ബോ​ധ​വ​ത്ക​രി​ക്കാ​ൻ പ​ല​വി​ധ പ്ര​വ​ർ​ത്ത​ന​ങ്ങ​ളാ​ണ് ന​ട​ത്തി​യ​ത്. ദേ​വ​നൂ​ർ മ​ഹാ​ദേ​വ​പ്പ, റ​ഹ്മ​ത്ത് താ​രീ​ക്ക​രെ, താ​ര റാ​വു, എ.​ആ​ർ. വാ​സ​വി, ഡു ​സ​ര​സ്വ​തി, ന​ടോ​ജ, ഡോ. ​ക​മ​ല ഹം​പ​ന, മ​നോ​ഹ​ർ ഇ​ള​വ​ര​തി, യോ​ഗേ​ന്ദ്ര യാ​ദ​വ്, വി​ജ​യ് മ​ഹാ​ജ​ൻ തു​ട​ങ്ങി​യ​വ​രാ​ണ് എ​ദ്ദേ​ളു ക​ർ​ണാ​ട​ക​യെ ന​യി​ച്ച​ത്. ബി.​ജെ.​പി സ​ർ​ക്കാ​റി​ന്റെ നാ​ലു വ​ർ​ഷ​ത്തെ ഭ​ര​ണ​ത്തെ വ​സ്തു​താ​പ​ര​മാ​യി വി​ല​യി​രു​ത്തു​ന്ന 25 പേ​ജ് വ​രു​ന്ന ബു​ക്ക് ലെ​റ്റ് എ​ദ്ദേ​ളു ക​ർ​ണാ​ട​ക പു​റ​ത്തി​റ​ക്കി​യി​രു​ന്നു. 75 ഇ​ട​ങ്ങ​ളി​ൽ സ​മ്മേ​ള​ന​ങ്ങ​ളും ഭ​ര​ണ​പ​രാ​ജ​യം ചൂ​ണ്ടി​ക്കാ​ട്ടു​ന്ന 80 വി​ഡി​യോ​ക​ളും പു​റ​ത്തി​റ​ക്കി. ബി.​ജെ.​പി​ക്കെ​തി​രെ ശ​ക്ത​മാ​യ മ​ത്സ​രം ന​ട​ക്കു​ന്ന 70 നി​യോ​ജ​ക മ​ണ്ഡ​ല​ങ്ങ​ൾ സ​ർ​വേ​യി​ലൂ​ടെ ക​ണ്ടെ​ത്തി അ​വ​യെ കേ​ന്ദ്രീ​ക​രി​ച്ച് എ​ദ്ദേ​ളു ക​ർ​ണാ​ട​ക പ്ര​വ​ർ​ത്തി​ച്ചു. പൊ​തു​വെ വോ​ട്ടി​ൽ​നി​ന്ന് വി​ട്ടു​നി​ൽ​ക്കു​ന്ന​വ​രെ ക​ണ്ടെ​ത്തി ഈ ​മ​ണ്ഡ​ല​ങ്ങ​ളി​ൽ ബി.​ജെ.​പി​ക്കെ​തി​രെ പ​ര​മ​വാ​ധി വോ​ട്ടു​ക​ൾ സ​മാ​ഹ​രി​ക്കാ​ൻ സ​ഹാ​യി​ച്ചു. ചി​ല മ​ണ്ഡ​ല​ങ്ങ​ളി​ൽ വോ​ട്ടു​ചി​ത​റി​ക്കാ​ൻ സാ​ധ്യ​ത​യു​ള്ള സ്ഥാ​നാ​ർ​ഥി​ക​ളെ ക​ണ്ട് മ​ത്സ​ര​ത്തി​ൽ​നി​ന്ന് പി​ന്തി​രി​പ്പി​ച്ചു. മു​ഖ്യ​ധാ​ര പാ​ർ​ട്ടി​ക​ളെ​പ്പോ​ലെ ത​ന്നെ സ​ജീ​വ​മാ​യ ഐ.​ടി സെ​ല്ലും എ​ദ്ദേ​ളു ക​ർ​ണാ​ട​ക​ക്ക് പി​ന്നി​ൽ പ്ര​വ​ർ​ത്തി​ച്ചു. നി​മി​ഷ​ങ്ങ​ൾ​ക്ക​കം മൂ​ന്നു ല​ക്ഷം പേ​രി​ലേ​ക്ക് സ​ന്ദേ​ശ​ങ്ങ​ളെ​ത്തി​ക്കാ​ൻ 50,000 സ​ന്ന​ദ്ധ വ​ള​ന്റി​യ​ർ​മാ​രാ​ണ് ഇ​തി​നാ​യി പ്ര​വ​ർ​ത്തി​ച്ച​ത്. 15 മേ​ഖ​ല​ക​ളി​ലാ​യി ബി.​ജെ.​പി സ​ർ​ക്കാ​റി​ന്റെ പ്ര​വ​ർ​ത്ത​ന​ങ്ങ​ൾ സ​മ​ഗ്ര​മാ​യി വി​ല​യി​രു​ത്തു​ന്ന ‘റി​പ്പോ​ർ​ട്ട് കാ​ർ​ഡ്’ പു​റ​ത്തു​വി​ട്ട ബ​ഹു​ത്വ ക​ർ​ണാ​ട​ക​യും ബി.​ജെ.​പി വി​രു​ദ്ധ പ്ര​ചാ​ര​ണ കാ​മ്പ​യി​നി​ൽ പ്ര​ധാ​ന പ​ങ്കു​വ​ഹി​ച്ചു.