തി​ര​ക്ക​ഥ​യി​ൽ ല​യി​ക്കു​ന്ന ഗാ​ന​ങ്ങ​ൾ!

തെ​ന്നി​ന്ത്യ​ൻ ഭാ​ഷാ​ചി​ത്ര​ങ്ങ​ളി​ൽ ഛായാ​ഗ്രാ​ഹ​ക​നാ​യി​രു​ന്ന എ​ൻ. പ്ര​കാ​ശ് സ്വ​ന്ത​മാ​യി ആ​രം​ഭി​ച്ച ചി​ത്ര​നി​ർ​മാ​ണ​ക്ക​മ്പ​നി​യാ​ണ് മൂ​വീ ക്രാ​ഫ്റ്റ്. ര​ണ്ടു കൊ​ല​പാ​ത​കങ്ങ​ൾ​ക്കു ചു​റ്റും നെ​യ്തെ​ടു​ത്ത ഒ​രു ക​ഥ​യാ​ണ് മൂ​വീ ക്രാ​ഫ്റ്റ് നി​ർ​മി​ച്ച പ്ര​ഥ​മ​സി​നി​മ​യാ​യ 'ജീ​വി​ക്കാ​ൻ അ​നു​വ​ദി​ക്കൂ' എ​ന്ന​തി​ന് ആ​ധാ​രം. ജ​ഗ​തി എ​ൻ.​കെ.​ ആ​ചാ​രി സം​ഭാ​ഷ​ണ​വും പി. ​ഭാ​സ്ക​ര​ൻ ഗാ​ന​ങ്ങ​ളും എ​ഴു​തി​യ ഈ ​ചി​ത്ര​ത്തി​ലൂ​ടെ ക​ന്ന​ട സി​നി​മ​യി​ലെ പ്ര​ശ​സ്ത സം​ഗീ​ത​ സം​വി​ധാ​യ​ക​നാ​യ വി​ജ​യ​ഭാ​സ്ക​ർ മ​ല​യാ​ള സി​നി​മാ​വേ​ദി​യി​ൽ പ്ര​വേ​ശി​ച്ചു. ന​ട​നും നി​ർ​മാ​താ​വു​മാ​യ പി.​എ. തോ​മ​സ് ഈ ​ചി​ത്രം സം​വി​ധാ​നം​ചെ​യ്തു. പ്രേം​ന​സീ​ർ, ഉ​ഷാ​കു​മാ​രി, ടി.​എ​സ്. മു​ത്ത​യ്യ, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, അ​ടൂ​ർ ഭാ​സി, ടി.​കെ. ബാ​ല​ച​ന്ദ്ര​ൻ, ടി.​ആ​ർ. ഓ​മ​ന, മീ​ന തു​ട​ങ്ങി​യ​വ​ർ അ​ഭി​ന​യി​ച്ചു. പി. ​ഭാ​സ്ക​ര​ൻ എ​ഴു​തി വി​ജ​യ​ഭാ​സ്ക​ർ ഈ​ണം ന​ൽ​കി​യ അ​ഞ്ചു പാ​ട്ടു​ക​ൾ പാ​ടി​യ​ത് യേ​ശു​ദാ​സ്, പി.​ബി. ശ്രീ​നി​വാ​സ്, എ​സ്. ജാ​ന​കി, ബി. ​വ​സ​ന്ത, എ​ൽ.​ആ​ർ. ഈ​ശ്വ​രി, പ​ട്ടം സ​ദ​ൻ എ​ന്നി​വ​രാ​ണ്. യേ​ശു​ദാ​സ് പാ​ടി​യ ''പി​റ​ന്ന​പ്പോ​ൾ സ്വ​യം പൊ​ട്ടി​ക്ക​ര​ഞ്ഞു​വ​ല്ലോ -ഇ​ന്ന് പി​രി​യു​മ്പോ​ൾ അ​ന്യ​രെ ക​ര​യി​ക്കു​ന്നോ ന​ര​ജ​ന്മ​നാ​ട​ക​ത്തി​ലാ​ദ്യ​ന്തം ഇ​ട​യ്ക്കി​ടെ/ മു​ഴ​ങ്ങു​ന്ന പ​ല്ല​വി ക​ര​ച്ചി​ൽ മാ​ത്രം.../ സു​ഖ​മെ​ന്ന മ​രു​പ്പ​ച്ച​യെ​വി​ടെ -എ​വി​ടെ...'' എ​ന്ന് തു​ട​ങ്ങു​ന്ന ഗാ​നം ര​ച​ന​യി​ലും സം​ഗീ​ത​ത്തി​ലും ഉ​യ​ർ​ന്നു​നി​ന്നു. ''വി​ധി​യെ​ന്ന ച​തു​രം​ഗ ക​ളി​ക്കാ​ര​ൻ/പ​തി​വാ​യി ക​ളി​യാ​ടാ​നി​രി​ക്കു​ന്നു/സു​ഖ​ദുഃ​ഖ​ക്ക​ള്ളി​ക​ളി​ലി​ട​യ്ക്കി​ടെ മ​നു​ഷ്യ​രെ/​നി​ര​ത്തു​ന്നു, നീ​ക്കു​ന്നു വെ​ട്ടി​മാ​റ്റു​ന്നു'' എ​ന്നി​ങ്ങ​നെ തു​ട​രു​ന്ന ഈ ​പാ​ട്ട് പി. ​ഭാ​സ്ക​ര​ന്റെ ത​ത്ത്വ​ചി​ന്താ​പ​ര​മാ​യ ഗാ​ന​ങ്ങ​ളു​ടെ കൂ​ട്ട​ത്തി​ൽ ഉ​യ​ർ​ന്നു​നി​ൽ​ക്കു​ന്നു. യേ​ശു​ദാ​സും ബി. ​വ​സ​ന്ത​വും ചേ​ർ​ന്നു പാ​ടി​യ ''നി​ലാ​വി​ന്റെ നീ​ന്ത​ൽ​പു​ഴ​യി​ൽ നീ​ന്തി​നീ​ന്തി വ​ന്ന​വ​ളേ/നീ​ർ​ക്കു​ന്നം ക​ട​പ്പു​റ​ത്ത്/ നി​ന്നെ കാ​ത്തെ​ൻ ക​ണ്ണ് ക​ഴ​ച്ച​ല്ലോ..!'' എ​ന്ന പാ​ട്ടും ബി. ​വ​സ​ന്ത ത​നി​ച്ചു പാ​ടി​യ ''സു​ഗ​ന്ധ​മൊ​ഴു​കും സു​ര​ഭീ​മാ​സം/ വ​സ​ന്ത​മോ​ഹ​ന​യ​മു​നാ​തീ​രം/മു​കു​ന്ദ​നൂ​തും​ മു​ര​ളീ​ഗാ​നം/അ​ന​ന്ത​ല​ഹ​രി​യി​ൽ ആ​ടു​ക രാ​ധേ...'' എ​ന്ന ഗാ​ന​വും ശ്ര​വ​ണ​സു​ഖം പ​ക​രു​ന്ന​താ​യി​രു​ന്നു. പി.​ബി. ശ്രീ​നി​വാ​സും എ​സ്. ജാ​ന​കി​യും ചേ​ർ​ന്നാ​ണ് ചി​ത്ര​ത്തി​ലെ വ്യ​ത്യ​സ്ത​ത​യു​ള്ള ഈ ​യു​ഗ്മ​ഗാ​നം ആ​ല​പി​ച്ച​ത്. ''ഞാ​ന​വി​ടെ​യേ​ൽ​പി​ക്കു​ന്നു/ പ്രാ​ണ​സ​ഖീ​യെ​ൻ ഹൃ​ദ​യം/ഞാ​ന​വി​ടെ​യേ​ൽ​പി​ക്കു​ന്നു / മ​ധു​ര​ചി​ന്താ​മ​ണി​സ​ദ​നം.../ഞാ​ന​വി​ടെ​യെ​ന്നു​മെ​ന്നും/രാ​ഗ​പൂ​ജ ചെ​യ്യു​മ​ല്ലോ/ഗാ​ന​സാ​ന്ദ്ര സ​ങ്ക​ൽ​പ​ങ്ങ​ൾ/ അ​മൃ​ത​ധാ​ര പെ​യ്യു​മ​ല്ലോ.../​ജീ​വി​ത​വി​ശാ​ല​വീ​ഥി/താ​ണ്ടു​മൊ​രു ശു​ഭ​ദി​വ​സം /ഈ ​വ​ഴി നാം ​ക​ണ്ടു​മു​ട്ടി/സു​ന്ദ​ര​മൊ​രു ല​ഘു​നി​മി​ഷം അ​ന്നു ത​ന്നെ ഞാ​ന​റി​ഞ്ഞു പ്രേ​മ​മേ​കും ഹൃ​ദ​യ​ഭാ​രം/അ​ന്നു ത​ന്നെ വി​ര​ഹ​താ​പം/ഞാ​ന​റി​ഞ്ഞു പി​രി​യും നേ​രം...'' ഇ​ങ്ങ​നെ മ​ധു​ര​വാ​ഹി​നി​യാ​യൊ​ഴു​കു​ന്ന ഗാ​നം. എ​ന്നാ​ൽ, ചി​ത്ര​ത്തി​ൽ യേ​ശു​ദാ​സും പ​ട്ടം സ​ദ​നും ചേ​ർ​ന്നു പാ​ടി​യ ഒ​രു ഹാ​സ്യ​ഗാ​ന​മാ​ണ് ഹി​റ്റ് ചാ​ർ​ട്ടി​ൽ ഒ​ന്നാം സ്ഥാ​ന​ത്തെ​ത്തി​യ​ത് എ​ന്ന​ത് അ​ത്ഭു​ത​മു​ള​വാ​ക്കു​ന്ന സ​ത്യം. ആ ​ത​മാ​ശ​പ്പാ​ട്ട് ഇ​താ​ണ്. ''അ​ര​പ്പി​രി​യി​ള​കി​യ​താ​ർ​ക്കാ​ണ്/എ​നി​ക്ക​ല്ല നി​ന​ക്ക​ല്ല എ​ല്ലാ​ർ​ക്കും എ​ല്ലാ​ർ​ക്കും പി​രി​യി​ള​ക്കം/പാ​രി​ൽ ന​ട​ക്കു​ന്നു രാ​വും പ​ക​ലും പ​ണ​മെ​ന്ന മൂ​ർ​ത്തി​ക്കു പൂ​ജ/പാ​മ​ര​നാ​ട്ടെ പ​ണ്ഡി​ത​നാ​ട്ടെ/പ​ണ​മാ​ണെ​ല്ലാ​ർ​ക്കും രാ​ജാ/കാ​ലി​ൽ ന​ട​ന്നും കാ​റി​ലി​രു​ന്നും/കാ​ല​ത്തു തൊ​ട്ടേ നെ​ട്ടോ​ട്ടം/പ​ണ​മാം മു​ന്തി​രി കൊ​ടു​ത്താ​ൽ കാ​ണാം/​മ​നു​ഷ്യ​ക്കു​ര​ങ്ങി​ൻ ചാ​ട്ടം.'' എ​ന്തു​കൊ​ണ്ട് ഈ ​ഹാ​സ്യ​ഗാ​നം സൂ​പ്പ​ർ​ഹി​റ്റ് ആ​യി? അ​തി​ൽ വെ​റും ഹാ​സ്യം മാ​ത്ര​മ​ല്ല ഉ​ള്ള​ത് . അ​തു​ സി​നി​മാ​സം​ഗീ​ത​രം​ഗ​ത്തെ മ​റ്റൊ​രു ത​മാ​ശ; ജ​ന​ഹി​തം എ​ന്നും അ​നി​ർ​വ​ച​നീ​യം!

എം.​ടി. വാ​സു​ദേ​വ​ൻ നാ​യ​രു​ടെ 'ഇ​രു​ട്ടി​ന്റെ ആ​ത്മാ​വ്' എ​ന്ന ചെ​റു​ക​ഥ​യെ അ​ടി​സ്ഥാ​ന​മാ​ക്കി പി. ​ഭാ​സ്ക​ര​ൻ സം​വി​ധാ​നം​ചെ​യ്ത ചി​ത്രം സി​നി​മ എ​ന്ന മാ​ധ്യ​മ​ത്തെ സ്നേ​ഹി​ക്കു​ന്ന ഏ​തു മ​ല​യാ​ളി​ക്കും തി​ക​ഞ്ഞ അ​ഭി​മാ​ന​ത്തോ​ടെ മ​ന​സ്സി​ലേ​റ്റാ​വു​ന്ന ഉ​ൽ​കൃ​ഷ്ട ക​ലാ​സൃ​ഷ്ടി​യാ​ണ്. പി.​ഐ.​എം. കാ​സിം ആ​ണ് ഈ ​ചി​ത്രം നി​ർ​മി​ച്ച​ത്. ക​ഥ​യി​ലെ പ്ര​ധാ​ന ക​ഥാ​പാ​ത്ര​മാ​യ വേ​ലാ​യു​ധ​ന്റെ വേ​ഷ​ത്തി​ൽ അ​ത്യു​ജ്ജ്വ​ല​മാ​യ അ​ഭി​ന​യ​മാ​ണ് പ്രേം​ന​സീ​ർ കാ​ഴ്ച​വെ​ച്ച​ത്. നാ​യി​ക​യാ​യി അ​ഭി​ന​യി​ച്ച ശാ​ര​ദ​യു​ടെ അ​ഭി​ന​യ​വും വ​ള​രെ മി​ക​ച്ച​താ​യി​രു​ന്നു. 'ചെ​മ്മീ​ൻ' എ​ന്ന സി​നി​മ​ക്കു ശേ​ഷം മ​ല​യാ​ള​സി​നി​മ​ക്ക് ഒ​രു സ്വ​ർ​ണ​മെ​ഡ​ൽ നേ​ടാ​ൻ തി​ക​ച്ചും അ​ർ​ഹ​ത​യു​ള്ള ചി​ത്ര​മാ​യി​രു​ന്നു 'ഇ​രു​ട്ടി​ന്റെ ആ​ത്മാ​വ്'. കേ​ന്ദ്ര അ​വാ​ർ​ഡ് ജൂറി​യു​ടെ അ​വ​സാ​ന തെ​ര​ഞ്ഞെ​ടു​പ്പി​ൽ ആ ​ചി​ത്രം ര​ണ്ടാം സ്ഥാ​ന​ത്തേ​ക്ക് ത​ള്ള​പ്പെ​ടു​ക​യാ​ണു​ണ്ടാ​യ​ത്. ആ ​വ​ർ​ഷം ഒ​ന്നാം സ്ഥാ​ന​ത്തെ​ത്തി​യ ചി​ത്ര​ത്തി​നു​വേ​ണ്ടി ഉ​ത്ത​രേ​ന്ത്യ​ൻ ലോ​ബി ന​ട​ത്തി​യ തീ​വ്ര​മാ​യ ഇ​ട​പെ​ട​ലു​ക​ൾ നി​മി​ത്ത​മാ​ണ് ഇ​ങ്ങ​നെ സം​ഭ​വി​ച്ച​ത് എ​ന്ന കാ​ര്യം പ​ര​സ്യ​മാ​യ ര​ഹ​സ്യ​മാ​ണ്. ബു​ദ്ധി​ജീ​വി​ക​ളു​ടെ ദ​യാ​ശൂ​ന്യ​മാ​യ മു​ൻ​വി​ധി മൂ​ല​മാ​ണ് പ്രേം​ന​സീ​റി​ന് മി​ക​ച്ച ന​ട​നു​ള്ള പു​ര​സ്കാ​രം ല​ഭി​ക്കാ​തെ പോ​യ​ത്. ഏ​താ​യാ​ലും ഇ​രു​ട്ടി​ന്റെ ആ​ത്മാ​വ് തി​ക​ച്ചും അ​പൂ​ർ​വ​മാ​യ അ​നു​ഭ​വം പ്രേ​ക്ഷ​ക​നി​ലേ​ക്കു പ​ക​രു​ന്ന സി​നി​മത​ന്നെ​യാ​ണ്. അ​തി​ലെ ഗാ​ന​ങ്ങ​ളെ​ല്ലാം​ത​ന്നെ വ​ള​രെ ഉ​യ​ർ​ന്ന നി​ല​വാ​രം പു​ല​ർ​ത്തി. പി. ​ഭാ​സ്ക​ര​ൻ-​ബാ​ബു​രാ​ജ് കൂ​ട്ടു​കെ​ട്ടി​ന്റെ ഔ​ന്ന​ത്യം മു​ഴു​വ​ൻ നി​റ​ഞ്ഞുതു​ളു​മ്പു​ന്ന ഗാ​ന​ങ്ങ​ളാ​ണ് ഓ​രോ​ന്നും. ക​ഥ​യു​ടെ ആ​ത്മാ​വു​മാ​യി ല​യി​ച്ചു​ചേ​രു​ന്ന ര​ണ്ടു ഉ​ജ്ജ്വ​ല​ഗാ​ന​ങ്ങ​ൾ ഈ ​സി​നി​മ​ക്കു​വേ​ണ്ടി പി. ​ഭാ​സ്ക​ര​ൻ എ​ഴു​തി. സം​ഗീ​ത​പ്രേ​മി​ക​ൾ​ക്കും കാ​വ്യാ​സ്വാ​ദ​ക​ർ​ക്കും ഒ​രി​ക്ക​ലും മ​റ​ക്കാ​ൻ ക​ഴി​യാ​ത്ത അ​ന​ശ്വ​ര ഗാ​ന​ങ്ങ​ൾ.

ഒ​ന്ന്, ''ഇ​രു ക​ണ്ണീ​ർ​ത്തു​ള്ളി​ക​ൾ ഒ​രു സു​ന്ദ​രി​യു​ടെ/ക​രി​മി​ഴി​ക​ളി​ൽ​വെ​ച്ചു ക​ണ്ടു​മു​ട്ടി/ക​ണ്ടു​മു​ട്ടി അ​വ​ർ ക​ണ്ടു​മു​ട്ടി -പി​ന്നെ/ക​ണ്ടു​വ​ന്ന സ്വ​പ്ന​ത്തി​ൻ ക​ഥ ചൊ​ല്ലി/താ​മ​ര​പ്പൊ​യ്ക​യി​ലെ അ​ര​യ​ന്ന​ങ്ങ​ളെ പോ​ലെ/​പ്രേ​മ​ത്താ​ൽ പ​ര​സ്പ​രം കൈ ​നീ​ട്ടി.'' തി​ക​ച്ചും ഉ​ജ്ജ്വ​ല​മെ​ന്നും അ​പൂ​ർ​വ​മെ​ന്നും പ​റ​യാ​വു​ന്ന കാ​വ്യ​ബിം​ബ​ങ്ങ​ൾ 'ഇ​രു​ട്ടി​ന്റെ ആ​ത്മാ​വി'​ലെ വേ​ലാ​യു​ധ​ന്റെ​യും അ​വ​ൻ ഇ​ഷ്ട​പ്പെ​ടു​ന്ന അ​മ്മു​ക്കു​ട്ടി​യു​ടെ​യും മ​ന​സ്സു​ക​ളു​ടെ ഇ​ഴ​യ​ടു​പ്പം ന​മു​ക്ക് കാ​ട്ടി​ത്ത​രു​ന്നു. ''അ​ടു​ക്കു​വാ​നാ​വ​ർ​ക്കെ​ന്നും ക​ഴി​ഞ്ഞി​ല്ല/അ​കാ​ല​ത്താ​ണ​കാ​ല​ത്താ​ണി​രു​പേ​രും /ക​വി​ളി​ലേ​ക്കൊ​ഴു​കു​മ്പോ​ൾ ഒ​രു​മി​ക്കാ​മെ​ന്നോ​ർ​ത്തു/ക​ര​ളി​ൽ പ്ര​തീ​ക്ഷ​യു​മാ​യ് യാ​ത്ര തു​ട​ർ​ന്നു....*/ അ​ടു​ത്ത​തി​ല്ല അ​വ​ർ അ​ടു​ത്ത​തി​ല്ല -ഒ​രു / നെ​ടു​വീ​ർ​പ്പി​ൻ കൊ​ടു​ങ്കാ​റ്റി​ൽ പി​രി​ഞ്ഞു​പോ​യി. മ​ര​ണ​ത്തി​ൻ ഭീ​ക​ര മ​രു​ഭൂ​വി​ൽ വീ​ണു ര​ണ്ടു/മ​ഴ​ത്തു​ള്ളി പോ​ലെ​യ​വ​ർ ത​ക​ർ​ന്നു പോ​യി...''

'ഇ​രു​ട്ടി​ന്റെ ആ​ത്മാ​വ്' എ​ന്ന ക​ഥ​യി​ലെ വേ​ലാ​യു​ധ​നും അ​മ്മു​ക്കു​ട്ടി​യും ത​മ്മി​ലു​ള്ള ബ​ന്ധ​ത്തി​ന്റെ ദൈ​ന്യ​ത​യും തോ​ൽ​വി​യും ഈ ​ഒ​രൊ​റ്റ ഗാ​ന​ത്തി​ലൂ​ടെ പി. ​ഭാ​സ്ക​ര​ൻ അ​സാ​മാ​ന്യ​മാ​യ വാ​ങ്മ​യ​ശോ​ഭ​യോ​ടെ പ​റ​ഞ്ഞു​വെ​ച്ചി​രി​ക്കു​ന്നു.

ര​ണ്ട്, ''ഈ​റ​നു​ടു​ത്തും​കൊ​ണ്ട​മ്പ​ലം ചു​റ്റു​ന്ന/ഹേ​മ​ന്ത​രാ​വി​ലെ വെ​ണ്മു​കി​ലേ/ക​ണ്ണീ​രി​ൽ മു​ങ്ങി​യൊ​രെ​ൻ കൊ​ച്ചു​കി​നാ​വു​ക​ൾ/എ​ന്തി​നീ ശ്രീ​കോ​വി​ൽ ചു​റ്റി​ടു​ന്നു -വൃ​ഥാ/ എ​ന്തി​നീ ദേ​വ​നെ കൈ ​കൂ​പ്പു​ന്നു'' എ​ന്ന ഗാ​നം അ​മ്മു​ക്കു​ട്ടി എ​ന്ന ക​ഥാ​പാ​ത്ര​ത്തി​ന്റെ മ​ന​സ്സും അ​വ​സ്ഥ​യും വെ​ളി​വാ​ക്കു​ന്നു. ''കൊ​ട്ടി​യ​ട​ച്ചോ​രീ കോ​വി​ലി​ൻ മു​ന്നി​ൽ ഞാ​ൻ/പൊ​ട്ടി​ക്ക​ര​ഞ്ഞി​ട്ടു നി​ന്നാ​ലും/വാ​ടാ​ത്ത പ്ര​തീ​ക്ഷ ത​ൻ വാ​സ​ന്തി​പ്പൂ​മാ​ല വാ​ങ്ങു​വാ​ൻ ആ​രാ​രും അ​ണ​യി​ല്ല​ല്ലോ...'' ഈ ​ചി​ത്ര​ത്തി​ലെ നാ​ല് പാ​ട്ടു​ക​ളും പാ​ടി​യ​ത് എ​സ്. ജാ​ന​കി​യാ​ണ്. എ​ല്ലാം ഒ​ന്നി​നൊ​ന്നു മെ​ച്ചം. ''വാ​ക​ച്ചാ​ർ​ത്തു ക​ഴി​ഞ്ഞൊ​രു ദേ​വ​ന്റെ/മോ​ഹ​ന​മ​ല​ർ​മേ​നി ക​ണി കാ​ണ​ണം/ക​ണി കാ​ണ​ണം ക​ണ്ണാ ക​ണി കാ​ണ​ണം / ക​മ​നീ​യ​മു​ഖ​പ​ത്മം ക​ണി​കാ​ണ​ണം'' എ​ന്ന പ്രാ​ർ​ഥ​നാ​ ഗാ​ന​വും ജ​ന​പ്രീ​തി നേ​ടി. എ​സ്. ജാ​ന​കിത​ന്നെ പാ​ടി​യ നാ​ലാ​മ​ത്തെ ഗാ​നം ഇ​ങ്ങ​നെ​യാ​ണ്. ''അ​മ്പാ​ടി​ക്ക​ണ്ണ​ന് മാ​മ്പ​ഴം തോ​ണ്ടും/അ​ണ്ണാ​റ​ക്ക​ണ്ണാ മു​റി​വാ​ലാ/അ​ത്തം നാ​ളി​ൽ പാ​യ​സം വെ​ക്കാ​ൻ/ഇ​ത്തി​രി പു​ന്നെ​ല്ലു കൊ​ണ്ടു​വാ​യോ...'' ഇ​ങ്ങ​നെ നാ​ലു പാ​ട്ടു​ക​ളും ഹൃ​ദ​യ​ത്തെ സ്പ​ർ​ശി​ക്കു​ന്ന​വ​യാ​യി. പ്രേം​ന​സീ​ർ, ശാ​ര​ദ എ​ന്നി​വ​രെ കൂ​ടാ​തെ തി​ക്കു​റി​ശ്ശി, പി.​ജെ. ആ​ന്റ​ണി, ടി.​എ​സ്. മു​ത്ത​യ്യ, എം.​എ​സ്. ന​മ്പൂ​തി​രി, ബാ​ലാ​ജി, ശ​ങ്ക​രാ​ടി, ഉ​ഷാ​കു​മാ​രി, ശാ​ന്താ​ദേ​വി തു​ട​ങ്ങി​യ​വ​രും അ​ഭി​ന​യി​ച്ച 'ഇ​രു​ട്ടി​ന്റെ ആ​ത്മാ​വ്' 1967 മാ​ർ​ച്ച് ര​ണ്ടി​നാ​ണ് തി​യ​റ്റ​റു​ക​ളി​ൽ എ​ത്തി​യ​ത്. തൊ​ട്ട​ടു​ത്ത ദി​വ​സം​ത​ന്നെ -അ​താ​യ​ത് 1967 മാ​ർ​ച്ച് മൂ​ന്നാം തീ​യ​തി. 'ശീ​ലാ​വ​തി' എ​ന്ന സി​നി​മ​യും പു​റ​ത്തു​വ​ന്നു. പ​തി​വ്ര​താ​ര​ത്ന​മാ​യി വാ​ഴ്ത്ത​പ്പെ​ടു​ന്ന ആ ​പ​ഴ​യ ശീ​ലാ​വ​തി​യു​ടെ ക​ഥത​ന്നെ, കെ.​ആ​ർ.​ വി​ജ​യ​യാ​ണ് ശീ​ലാ​വ​തി​യാ​യി വ​ന്ന​ത്, നാ​യ​ക​ൻ ഉ​ഗ്ര​ത​പ​സ്സി​ന്റെ വേ​ഷ​ത്തി​ൽ സ​ത്യ​നും. അ​ത്രി മ​ഹ​ർ​ഷി​യാ​യി പി.​ജെ. ആ​ന്റ​ണി അ​ഭി​ന​യി​ച്ചു. എ​സ്.​പി. പി​ള്ള, കോ​ട്ട​യം ചെ​ല്ല​പ്പ​ൻ, ഉ​ഷാ​കു​മാ​രി, വി​ജ​യ​ല​ളി​ത, ടി.​ആ​ർ. ഓ​മ​ന തു​ട​ങ്ങി​യ​വ​ർ മ​റ്റു വേ​ഷ​ങ്ങ​ൾ ചെ​യ്തു. പി.​ബി. ഉ​ണ്ണി ചി​ത്രം സം​വി​ധാ​നം​ചെ​യ്തു. പി.​ ഭാ​സ്ക​ര​ൻ എ​ഴു​തി​യ ഒ​മ്പ​തു ഗാ​ന​ങ്ങ​ൾ​ക്കു സം​ഗീ​തം പ​ക​ർ​ന്ന​ത് ജി. ​ദേ​വ​രാ​ജ​നാ​ണ്. ചി​ത്ര​ത്തി​ലെ ചി​ല പാ​ട്ടു​ക​ൾ ഹി​റ്റു​ക​ളാ​യി. യേ​ശു​ദാ​സും പി. ​സു​ശീ​ല​യും പാ​ടി​യ ''വ​ൽ​ക്ക​ല​മൂ​രി​യ വ​സ​ന്ത​യാ​മി​നി'' എ​ന്ന് തു​ട​ങ്ങു​ന്ന യു​ഗ്മ​ഗാ​ന​മാ​ണ് ഏ​റെ ശ്ര​ദ്ധി​ക്ക​പ്പെ​ട്ട​ത്. ''വ​ൽ​ക്ക​ല​മൂ​രി​യ വ​സ​ന്ത​യാ​മി​നി/വാ​ക​മ​ര​ച്ചോ​ട്ടി​ൽ ഉ​റ​ക്ക​മാ​യി/ വാ​ക​മ​ര​ച്ചോ​ട്ടി​ൽ ഉ​റ​ക്ക​മാ​യി.../പു​ഷ്പ​ബാ​ണ​ൻ ശ​ര​മു​ണ്ടാ​ക്കാ​ൻ/പൂ​വു​ക​ൾ നു​ള്ളും പു​ഴ​ക്ക​ര​യി​ൽ/മ​ര​ത​ക​പ്പു​ല്ലി​ൽ നി​ൻ മ​ടി​യി​ൽ മു​ഖം ചേ​ർ​ത്ത്/ മ​യ​ങ്ങി​മ​യ​ങ്ങി​യൊ​ന്നു കി​ട​ന്നോ​ട്ടെ ഞാ​ൻ...'' എ​ന്നി​ങ്ങ​നെ തു​ട​രു​ന്ന ഈ ​പ്രേ​മ​ഗാ​ന​ത്തി​ലെ എ​ല്ലാ വ​രി​ക​ളും മി​ക​ച്ച​വ ത​ന്നെ. യേ​ശു​ദാ​സ് പാ​ടി​യ ''ചി​രി​ച്ചു​കൊ​ണ്ടോ​ടി​ന​ട​ക്കും ശ​ര​ത്കാ​ല​ച​ന്ദ്രി​കേ/കൂ​ട്ടി​ലു​റ​ങ്ങു​മെ​ൻ പ്രേ​മ​ച​കോ​രി​ക്കു/​കു​ളി​ര​ണി മ​ഞ്ച​മൊ​രു​ക്കാ​മോ...​'' എ​ന്ന ഗാ​ന​വും നി​ല​വാ​ര​മു​ള്ള​താ​ണ്. എ​സ്.​ ജാ​ന​കി പാ​ടി​യ ''ഉ​ത്ത​രീ​യം വേ​ണ്ട​പോ​ലെ ഉ​ടു​ത്തി​ല്ല/കാ​ലി​ൽ മു​ത്ത​ണി​ച്ചി​ല​ങ്ക കെ​ട്ടി​ക്ക​ഴി​ഞ്ഞി​ല്ല/ക​ഞ്ചു​കം ഞാ​ന​ണി​ഞ്ഞി​ല്ല ക​ണ്മു​ന​യെ​ഴു​തി​യി​ല്ല/​ക​ഞ്ജ​ബാ​ണ​ന​പ്പോ​ഴേ​ക്കും ക​ട​ന്നു​വ​ന്നു'' എ​ന്ന ഗാ​ന​വും എ​സ്.​ ജാ​ന​കി​യും സം​ഘ​വും പാ​ടി​യ ''സു​ര​ഭീ​മാ​സം വ​ന്ന​ല്ലോ കു​ട​ക​പ്പാ​ല​ക​ൾ പൂ​ത്ത​ല്ലോ/ആ​ശ്ര​മ​ര​മ​ണി​ക​ൾ നാ​മൊ​ന്നാ​യി കൂ​ടു​ക വ​സ​ന്ത​ലീ​ല​ക​ളി​ൽ എ​ന്ന പാ​ട്ടും മോ​ശ​മാ​യി​ല്ല. പി. ​സു​ശീ​ല പാ​ടി​യ പ്രാ​ർ​ഥ​നാ ഗാ​ന​വും ന​ന്നാ​യി. ''മ​തി​മ​തി ജ​ന​നീ പ​രീ​ക്ഷ​ണം -ഇ​നി/ മ​തി​യീ നാ​ട​ക​നി​രീ​ക്ഷ​ണം'' എ​ന്ന് തു​ട​ങ്ങു​ന്നു ഈ ​പാ​ട്ട്. എ​സ്. ജാ​ന​കി​യും സം​ഘ​വും പാ​ടി​യ ''സു​ര​ഭീ​മാ​സം വ​ന്ന​ല്ലോ/കു​ട​ക​പ്പാ​ല​ക​ൾ പൂ​ത്ത​ല്ലോ/ ആ​ശ്ര​മ​ര​മ​ണി​ക​ൾ നാ​മൊ​ന്നാ​യി/​കൂ​ടു​ക വ​സ​ന്ത​ലീ​ല​ക​ളി​ൽ'', എ​സ്. ജാ​ന​കി​യും പി. ​ജ​യ​ച​ന്ദ്ര​നും സം​ഘ​വും പാ​ടി​യ ''കാ​ർ​ത്തി​ക​മ​ണി​ദീ​പ​മാ​ല​ക​ളേ /കാ​റ്റ​ത്ത് നൃ​ത്തം വെ​ക്കും ജ്വാ​ല​ക​ളേ സു​ന്ദ​ര​കാ​ന​ന​സ​ദ​ന​ത്തെ വെ​ളി​ച്ച​ത്തി​ൽ ന​ന്ദ​ന​മ​ല​ർ വ​ന​മാ​ക്കി​യ​ല്ലോ'', യേ​ശു​ദാ​സും പി.​ബി. ശ്രീ​നി​വാ​സും ദേ​വ​രാ​ജ​നും ചേ​ർ​ന്നു പാ​ടി​യ ''ഓം ​സ​ര​സ്വ​തീം ന​മാ​മി ച​ര​ണാം​ബു​ജം/സ​ർ​വ വി​ദ്യാ​ധ​രി ദേ​വി/ സ​ർ​വാ​ല​ങ്കാ​ര​ഭൂ​ഷി​ണി /ഓം​കാ​ര​രൂ​പി​ണി വാ​ണി/ന​മാ​മി ന​മാ​മി ച​ര​ണാം​ബു​ജം/വാ​ണീ വ​ര​വാ​ണീ- /മ​ണി​വീ​ണാ​ധ​രീ സ​ര​സ്വ​തീ'', പി. ​സു​ശീ​ല പാ​ടി​യ ''മ​ഹേ​ശ്വ​രീ/ വ​ന്ന​തും വ​രു​ന്ന​തും നി​ന്നാ​ജ്ഞ​യാ​ല​ല്ലോ/​ആ​ദി​പ​രാ​ശ​ക്തി ജ്യോ​തി​സ്വ​രൂ​പി​ണി / ആ​പ​ൽ​ബാ​ന്ധ​വി മ​ഹേ​ശ്വ​രീ'', എ​സ്. ജാ​ന​കി പാ​ടി​യ ''മു​റ്റ​ത്ത് പ്ര​ത്യു​ഷ ദീ​പം കൊ​ളു​ത്തു​ന്ന/ മു​ഗ്ധ​യാം വാ​സ​ന്ത​മ​ന്ദാ​ര​മേ/ആ​രാ​ധ​ന​ക്കാ​യി കൈ​ത്തി​രി നീ​ട്ടു​ന്ന/നേ​ര​ത്തും കൈ​ക​ൾ വി​റ​ക്കു​ന്നു​വോ..? '' എ​ന്നീ ഗാ​ന​ങ്ങ​ളും 'ശീ​ലാ​വ​തി' എ​ന്ന ചി​ത്ര​ത്തി​ൽ ഉ​ണ്ടാ​യി​രു​ന്നു. പു​രാ​ണ​ചി​ത്ര​മാ​ണ് എ​ന്ന സ​ത്യം മ​ന​സ്സി​ൽ ക​ണ്ടു​കൊ​ണ്ടാ​ണ് പി. ​ഭാ​സ്ക​ര​ൻ ഓ​രോ വ​രി​യും എ​ഴു​തി​യ​ത്. അ​തേ ഉ​ൾ​ക്കാ​ഴ്ച​യോ​ടെ ദേ​വ​രാ​ജ​ൻ ആ ​വ​രി​ക​ൾ ചി​ട്ട​പ്പെ​ടു​ത്തു​ക​യും​ചെ​യ്തു. ഒ​മ്പ​തു പാ​ട്ടു​ക​ളി​ൽ നാ​ല് പാ​ട്ടു​ക​ൾ ജ​ന​പ്രീ​തി നേ​ടി​യി​ട്ടും വ​ലി​യ താ​ര​നി​ര ഉ​ണ്ടാ​യി​ട്ടും 'ശീ​ലാ​വ​തി' എ​ന്ന പു​രാ​ണ​ചി​ത്രം ഒ​രു ശ​രാ​ശ​രി​വി​ജ​യം മാ​ത്ര​മേ നേ​ടി​യു​ള്ളൂ. ശീ​ലാ​വ​തി എ​ന്ന പു​രാ​ണ​ക​ഥ സം​ഭ​വ​ബ​ഹു​ല​മ​ല്ല; അ​ത് ഒ​രു നേ​ർ​രേ​ഖ​യി​ൽ സ​ഞ്ച​രി​ക്കു​ന്ന​താ​ണ്. ഒ​രു​പ​ക്ഷേ അ​തു​കൊ​ണ്ടാ​വാം 'ഹ​രി​ശ്ച​ന്ദ്ര' പോ​ലെ​യോ 'ഭ​ക്ത​കു​ചേ​ല' പോ​ലെ​യോ 'ശ​കു​ന്ത​ള' പോ​ലെ​യോ ശീ​ലാ​വ​തി വി​ജ​യി​ക്കാ​തി​രുന്നത്. പ്രേം ​ആ​ൻ​ഡ് ബാ​ലാ​ജി മൂ​വീ​സി​ന്റെ പേ​രി​ൽ പ്ര​ശ​സ്ത ന​ട​നാ​യ പ്രേം​ന​വാ​സ് അ​വ​ത​രി​പ്പി​ച്ച സി​നി​മ​യാ​ണ് 'അ​ഗ്നി​പു​ത്രി'. എ​സ്.​എ​ൽ. പു​രം സ​ദാ​ന​ന്ദ​ൻ ര​ചി​ച്ച പ്ര​ശ​സ്ത നാ​ട​ക​ത്തി​ന്റെ ച​ല​ച്ചി​ത്ര​ഭാ​ഷ്യ​മാ​യി​രു​ന്നു ഈ ​ചി​ത്രം. 1967 മാ​ർ​ച്ച് 18ന് '​അ​ഗ്നി​പു​ത്രി' തി​യ​റ്റ​റു​ക​ളി​ലെ​ത്തി. ക​ലാ​പ​ര​മാ​യും വാ​ണി​ജ്യ​പ​ര​മാ​യും വി​ജ​യി​ച്ച സി​നി​മ​യാ​ണ് 'അ​ഗ്നി​പു​ത്രി'. ക​ലാ​മൂ​ല്യ​മു​ള്ള സി​നി​മ​ക​ളും ക​മേ​ഴ്സ്യ​ൽ സി​നി​മ​ക​ളും സം​വി​ധാ​നം​ചെ​യ്യാ​ൻ ഒ​രു​പോ​ലെ ക​ഴി​വു​ള്ള മി​ക​ച്ച ച​ല​ച്ചി​ത്ര​കാ​ര​നാ​യ എം.​കൃ​ഷ്ണ​ൻ നാ​യ​രാ​ണ് 'അ​ഗ്നി​പു​ത്രി' സം​വി​ധാ​നം​ചെ​യ്ത​ത്. കേ​ന്ദ്ര ക​ഥാ​പാ​ത്ര​മാ​യ സി​ന്ധു എ​ന്ന അ​ഭി​സാ​രി​ക​യു​ടെ വേ​ഷ​ത്തി​ൽ ഷീ​ല ത​ക​ർ​ത്ത​ഭി​ന​യി​ച്ച ഈ ​ചി​ത്ര​ത്തി​ൽ പ്രേം​ന​സീ​ർ, ടി.​എ​സ്. മു​ത്ത​യ്യ, ടി.​കെ.​ ബാ​ല​ച​ന്ദ്ര​ൻ, അ​ടൂ​ർ ഭാ​സി, ബ​ഹ​ദൂ​ർ, ആ​റ​ന്മു​ള പൊ​ന്ന​മ്മ, ടി.​ആ​ർ. ഓ​മ​ന, മീ​ന, ബേ​ബി ഉ​ഷ തു​ട​ങ്ങി​യ​വ​രും ഉ​ണ്ടാ​യി​രു​ന്നു ('അ​ഗ്നി​പു​ത്രി'​യി​ൽ ബാ​ല​താ​ര​മാ​യി പ്ര​ത്യ​ക്ഷ​പ്പെ​ട്ട ബേ​ബി ഉ​ഷ​യാ​ണ് പി​ൽ​ക്കാ​ല​ത്ത് ഉ​ഷാ​റാ​ണി എ​ന്ന ന​ടി​യാ​യി വി​വി​ധ സി​നി​മ​ക​ളി​ൽ അ​ഭി​ന​യി​ക്കു​ക​യും ത​ന്നെ​ക്കാ​ൾ വ​ള​രെ പ്രാ​യ​ക്കൂ​ടു​ത​ലു​ള്ള സം​വി​ധാ​യ​ക​ൻ എ​ൻ. ശ​ങ്ക​ര​ൻ നാ​യ​രെ വി​വാ​ഹം ക​ഴി​ച്ച് വി​ജ​യ​ക​ര​മാ​യ ദാ​മ്പ​ത്യ​ജീ​വി​തം ന​യി​ച്ച​തും).

വ​യ​ലാ​ർ എ​ഴു​തി എം.​എ​സ്. ബാ​ബു​രാ​ജ് സം​ഗീ​തം പ​ക​ർ​ന്ന് പി. ​സു​ശീ​ല പാ​ടി അ​ന​ശ്വ​ര​മാ​ക്കി​യ ''ക​ണ്ണു തു​റ​ക്കാ​ത്ത ദൈ​വ​ങ്ങ​ളേ...'' എ​ന്ന ഗാ​നം ഈ ​സി​നി​മ​യി​ലാ​ണു​ള്ള​ത്. പി. ​ജ​യ​ച​ന്ദ്ര​ൻ പാ​ടി​യ ''ഇ​നി​യും പു​ഴ​യൊ​ഴു​കും...'' എ​ന്ന പാ​ട്ടും ഈ ​ചി​ത്ര​ത്തി​ന്റെ ഭാ​ഗ​മാ​ണ്. മ​ല​യാ​ള സി​നി​മ​യി​ൽ പി. ​സു​ശീ​ല പാ​ടി​യ ഗാ​ന​ങ്ങ​ളി​ൽ ഒ​ന്നാം​നി​ര​യി​ൽ നി​ൽ​ക്കു​ന്നു, ''ക​ണ്ണു തു​റ​ക്കാ​ത്ത ദൈ​വ​ങ്ങ​ളേ...'' എ​ന്ന കാ​വ്യ​സു​ന്ദ​ര​ഗാ​നം. ''ക​ണ്ണു​തു​റ​ക്കാ​ത്ത ദൈ​വ​ങ്ങ​ളേ/ക​ര​യാ​ന​റി​യാ​ത്ത/ ചി​രി​ക്കാ​ന​റി​യാ​ത്ത/ക​ളി​മ​ൺ പ്ര​തി​മ​ക​ളേ /മ​റ​ക്കൂ നി​ങ്ങ​ളീ ദേ​വ​ദാ​സി​യെ /മ​റ​ക്കൂ...​മ​റ​ക്കൂ...'' എ​ന്ന ഗാ​ന​ത്തി​ലൂ​ടെ അ​ഭി​സാ​രി​ക​യാ​യി ജീ​വി​ക്കാ​ൻ നി​ർ​ബ​ന്ധി​ത​യാ​യ ഒ​രു സ്ത്രീ​യു​ടെ മാ​ന​സി​ക​വ്യ​ഥ അ​തീ​വ​സൂ​ക്ഷ്മ​ത​യോ​ടെ വ​യ​ലാ​ർ അ​നാ​വ​ര​ണം​ചെ​യ്യു​ന്നു. ''ആ​യി​ര​മാ​യി​രം അ​ന്തഃ​പു​ര​ങ്ങ​ളി​ൽ/ആ​രാ​ധി​ച്ച​വ​ൾ ഞാ​ൻ -നി​ങ്ങ​ളെ/ ആ​രാ​ധി​ച്ച​വ​ൾ ഞാ​ൻ.../നി​ങ്ങ​ളൊ​രി​ക്ക​ൽ ചൂ​ടി​യേ​റി​ഞ്ഞൊ​രു/നി​ശാ​ഗ​ന്ധി​യാ​ണു ഞാ​ൻ/ക​ർ​പ്പൂ​ര​നാ​ള​മാ​യ് നി​ങ്ങ​ൾ ത​ൻ മു​ന്നി​ൽ/ക​ത്തി​യെ​രി​ഞ്ഞ​വ​ൾ ഞാ​ൻ-ഒ​രു​നാ​ൾ/ക​ത്തി​യെ​രി​ഞ്ഞ​വ​ൾ ഞാ​ൻ/ക​ണ്ണീ​രി​ൽ മു​ങ്ങി​യ തു​ള​സി​ക്ക​തി​രാ​യ്/കാ​ൽ​ക്ക​ൽ വീ​ണ​വ​ൾ ഞാ​ൻ...''

വ​രി​ക​ളി​ലെ വി​കാ​രം തെ​ല്ലും ചോ​ർ​ന്നു​പോ​കാ​തെ ശ്രോ​താ​ക്ക​ളു​ടെ ഹൃ​ദ​യം ക​വ​രു​ന്ന ഈ​ണം പ​ക​ർ​ന്ന് എം.​എ​സ്. ബാ​ബു​രാ​ജ് ഈ ​ഗാ​ന​ത്തെ തി​ക​ച്ചും ഉ​ദാ​ത്ത​മാ​യ മേ​ഖ​ല​യി​ലേ​ക്ക് ഉ​യ​ർ​ത്തി​യി​രി​ക്കു​ന്നു. ജ​യ​ച​ന്ദ്ര​ൻ പാ​ടി​യ ''ഇ​നി​യും പു​ഴ​യൊ​ഴു​കും'' എ​ന്ന ഗാ​ന​മാ​ക​ട്ടെ, ത​ക​ർ​ച്ച​യു​ടെ നോ​വി​ലും ശു​ഭാ​പ്തി​വി​ശ്വാ​സം പ​ക​രു​ന്ന പാ​ട്ടാ​ണ്.

''ഇ​നി​യും പു​ഴ​യൊ​ഴു​കും -ഇ​തു​വ​ഴി/​ഇ​നി​യും കു​ളി​ർ​കാ​റ്റോ​ടി​വ​രും/ ഒ​ഴു​ക്കി​നെ​തി​രെ ഓ​ള​ങ്ങ​ൾ​ക്കെ​തി​രെ / ഉ​യ​രു​ന്ന മ​ൺ​ചി​റ​ക​ൾ ത​ക​രും/മ​ൺ മ​റ​ഞ്ഞ യു​ഗ​ങ്ങ​ൾ ത​ൻ മ​ന്ത്ര​വാ​ദ​പ്പു​ര​ക​ൾ/മ​റ്റൊ​രു കൊ​ടു​ങ്കാ​റ്റി​ൽ ത​ക​രും...''

ഏ​റ്റ​വു​മ​ധി​കം ജ​ന​പ്രീ​തി നേ​ടി​യ ഗാ​ന​ങ്ങ​ൾ ഇ​വ ര​ണ്ടു​മാ​യി​രു​ന്നെ​ങ്കി​ലും 'അ​ഗ്നി​പു​ത്രി'​യി​ലെ മ​റ്റു മൂ​ന്നു പാ​ട്ടു​ക​ളും ഒ​ട്ടും മോ​ശ​മാ​യി​രു​ന്നി​ല്ല. ക​ഥാ​നാ​യി​ക​യാ​യ ഷീ​ല പാ​ടു​ന്ന എ​ല്ലാ പാ​ട്ടു​ക​ൾ​ക്കും ശ​ബ്ദം ന​ൽ​കി​യ​ത് പി. ​സു​ശീ​ല​യാ​ണ്. ''കി​ളി​കി​ളി പ​രു​ന്തി​ന് കൃ​ഷ്ണ​പ്പ​രു​ന്തി​ന്/ക​ട​ലി​ൽ​നി​ന്നൊ​രു ചെ​പ്പു കി​ട്ടി/ ചെ​പ്പും​കൊ​ണ്ട് ക​ട​ൽ​ക്ക​രെ ചെ​ന്ന​പ്പോ​ൾ/ ചെ​പ്പി​ന​ക​ത്തൊ​രു പൊ​ൻ​മു​ത്ത്-​പൊ​ൻ​മു​ത്ത്'' എ​ന്ന് തു​ട​ങ്ങു​ന്ന ക​ഥാ​ഗാ​ന​വും ''അ​ഗ്നി​ന​ക്ഷ​ത്ര​മേ പി​ന്നെ​യു​മെ​ന്തി​നീ /ആ​ശ്ര​മ​വാ​ടി​യി​ൽ വ​ന്നു/ പോ​യ കാ​ല​ത്തി​ൻ ഹോ​മ​കു​ണ്ഡ​ങ്ങ​ളി​ൽ നീ​യെ​ന്തി​നെ​ന്നെ​യെ​റി​ഞ്ഞു -വീ​ണ്ടും/നീ​യെ​ന്തി​നെ​ന്നെ​യെ​റി​ഞ്ഞു?'' എ​ന്ന ഗാ​ന​ത്തി​ലെ വ​രി​ക​ൾ തി​ര​ക്ക​ഥ​യു​ടെ ഭാ​ഗ​മാ​യി മാ​റു​ന്നു. ഒ​രു ച​ല​ച്ചി​ത്ര​ഗാ​ന​ത്തി​ലെ ആ​ശ​യ​ത്തി​ന്റെ പ്ര​സ​ക്തി​യെ​ന്താ​ണെ​ന്ന് വ​യ​ലാ​ർ ഇ​വി​ടെ വ്യ​ക്ത​മാ​ക്കു​ന്നു. ഗാ​നം തി​ര​ക്ക​ഥ​യു​ടെ ഭാ​ഗ​മാ​യി​ത്തീ​രു​ന്ന​ത് എ​ങ്ങ​നെ​യാ​ണെ​ന്ന് ഈ ​ഗാ​ന​ത്തി​ലൂ​ടെ വ​യ​ലാ​ർ ന​മ്മെ പ​ഠി​പ്പി​ക്കു​ന്നു. ഗാ​നം ഇ​ങ്ങ​നെ തു​ട​രു​ന്നു...

''ശാ​പം​കൊ​ണ്ടൊ​രു ശി​ല​യാ​യ് മാ​റി​യ/ പ്രേ​മ​വി​യോ​ഗി​നി​യ​ല്ലോ -ഞാ​നൊ​രു/ പ്രേ​മ​വി​യോ​ഗി​നി​യ​ല്ലോ-/ അ​ന്ധ​കാ​ര​ത്തി​ൽ അ​ഹ​ല്യ​യെ പോ​ലെ/​ആ​യി​രം രാ​വു​ക​ൾ ഉ​റ​ങ്ങീ ഞാ​ൻ/ ഏ​കാ​ന്ത​നി​ദ്ര​യി​ൽ​നി​ന്നൊ​രു രാ​ത്രി​യി​ൽ/ എ​ന്തി​നു​ണ​ർ​ത്തീ ദേ​വ​ൻ -എ​ന്നെ/ എ​ന്തി​നു​ണ​ർ​ത്തീ ദേ​വ​ൻ..? / ശ​പി​ക്കൂ...​ശ​പി​ക്കൂ... വീ​ണ്ടു​മെ​നി​ക്കൊ​രു/ശി​ല​യാ​യ് മാ​റു​വാ​ൻ മോ​ഹം...'' ഈ ​വ​രി​ക​ളി​ൽ 'അ​ഗ്നി​പു​ത്രി' എ​ന്ന ക​ഥ​യു​ടെ ആ​ത്മാ​വ് സ്പ​ന്ദി​ക്കു​ന്നു. ''ആ​കാ​ശ​ത്തി​ലെ ന​ന്ദി​നി​പ്പ​ശു​വി​ന് /അ​കി​ട് നി​റ​ച്ചും പാ​ല്/ക​റ​ന്നാ​ലും തീ​രൂ​ല്ല കു​ടി​ച്ചാ​ലും തീ​രൂ​ല്ല/ക​ന്നി​നി​ലാ​പ്പാ​ല്...'' എ​ന്ന പാ​ട്ടും മി​ക​ച്ച ര​ച​ന ത​ന്നെ. ക​വി​യാ​യ വ​യ​ലാ​റും സം​ഗീ​ത​ശി​ൽ​പി​യാ​യ ബാ​ബു​രാ​ജും ഒ​രു​പോ​ലെ വി​ജ​യി​ച്ച ചി​ത്ര​മാ​ണ് 'അ​ഗ്നി​പു​ത്രി'. ചി​ത്ര​ത്തി​ന്റെ തു​ട​ക്ക​ത്തി​ൽ റേ​ഡി​യോ​യി​ലൂ​ടെ കേ​ൾ​ക്കു​ന്ന ''രാ​ജീ​വ ലോ​ച​നേ രാ​ധേ...'' എ​ന്നൊ​രു ഗാ​ന​മു​ണ്ട്. ചി​ത്ര​ത്തി​ന്റെ പാ​ട്ടു​പു​സ്ത​ക​ത്തി​ലും മ​റ്റു രേ​ഖ​ക​ളി​ലും ഈ ​ഗാ​നം ഉ​ൾ​പ്പെ​ടു​ത്തി​യി​ട്ടി​ല്ല. വ​യ​ലാ​റി​ന്റെ സ​മ്പൂ​ർ​ണ കൃ​തി​ക​ളി​ലും ഈ ​ഗാ​ന​മി​ല്ല. പ്ര​സ​ക്ത​മ​ല്ലാ​ത്ത​തു​കൊ​ണ്ട് ആ ​പാ​ട്ടി​നെ​പ്പ​റ്റി ഇ​വി​ടെ വി​ശ​ദീ​ക​രി​ക്കു​ന്നി​ല്ല.

(തു​ട​രും)