മാ​മ്പ​ഴ​ക്കൂ​ട്ട​ത്തി​ൽ മ​ൽ​ഗോ​വ; സു​റു​മ​യെ​ഴു​തി​യ മി​ഴി​ക​ൾ

ഫിലിം ഇ​ൻ​സ്റ്റി​റ്റ്യൂ​ട്ട് ബി​രു​ദ​ധാ​രി​യാ​യ അ​സീ​സ് (പി.​എ.​എം.​ അ​സീ​സ്) സം​വി​ധാ​നംചെ​യ്ത സി​നി​മ​യാ​ണ് 'അ​വ​ൾ'. നി​ർ​മാ​ണ​രം​ഗ​ത്ത് ന​വാ​ഗ​ത​നാ​യ മു​ഹ​മ്മ​ദ് സ​ർ​ക്കാ​ർ ആ​ണ് ബീ​നാ ഫി​ലിം​സ് എ​ന്ന ബാ​ന​റി​ൽ 'അ​വ​ൾ' നി​ർ​മി​ച്ച​ത്. തോ​പ്പി​ൽ ഭാ​സി ക​ഥ​യും സം​ഭാ​ഷ​ണ​വും ര​ചി​ച്ച ഈ ​ചി​ത്ര​ത്തി​ൽ മ​ധു, കെ.​പി. ഉ​മ്മ​ർ, ഉ​ഷാ​ന​ന്ദി​നി, മാ​യ, മീ​ന, ശാ​ന്താ​ദേ​വി, അ​ടൂ​ർ ഭാ​സി, ബ​ഹ​ദൂ​ർ തു​ട​ങ്ങി​യ​വ​ർ അ​ഭി​ന​യി​ച്ചു. വ​യ​ലാ​ർ-​ദേ​വ​രാ​ജ​ൻ ടീം ​ഒ​രു​ക്കി​യ ഈ ​ചി​ത്ര​ത്തി​ലെ ചി​ല പാ​ട്ടു​ക​ൾ ശ്ര​ദ്ധി​ക്ക​പ്പെ​ട്ടു. പി. ​സു​ശീ​ല പാ​ടി​യ ''പ്രേ​മ​ക​വി​ത​ക​ളേ...'' എ​ന്ന ഗാ​ന​മാ​ണ് ഏ​റ്റ​വു​മ​ധി​കം ജ​ന​ശ്ര​ദ്ധ ക​വ​ർ​ന്ന​ത്. വ​യ​ലാ​റി​ന്റെ ര​ച​ന​യും ദേ​വ​രാ​ജ​ന്റെ ഈ​ണ​വും പു​തു​മ​യു​ള്ള​വ​യാ​യി​രു​ന്നു. യേ​ശു​ദാ​സ് ആ​ല​പി​ച്ച ''മൃ​ണാ​ളി​നീ മൃ​ണാ​ളി​നീ...'' എ​ന്ന ഗാ​ന​വും മ​ധു​ര​ത​രം​ത​ന്നെ. എ​സ്. ജാ​ന​കി പാ​ടി​യ ''ആ​ര്യ​ങ്കാ​വി​ൽ ഒ​രാ​ട്ടി​ട​യ​ൻ...'' എ​ന്ന പാ​ട്ടും പി. ​സു​ശീ​ല​യും ജാ​ന​കി​യും ചേ​ർ​ന്നു പാ​ടി​യ ''ഇ​ന്ന​ല്ലോ കാ​മ​ദേ​വ​ന് പൊ​ന്നും തി​രു​നാ​ൾ...'', സീ​റോ ബാ​ബു പാ​ടി​യ ''ക​ര​കാ​ണാ​ക്കാ​യ​ലി​ലെ...'' എ​ന്ന പ​ശ്ചാ​ത്ത​ല​ഗാ​ന​വും 'അ​വ​ൾ' എ​ന്ന ചി​ത്ര​ത്തി​ൽ ഉ​ണ്ടാ​യി​രു​ന്നു. ന​മു​ക്ക് ആ​ദ്യം ''പ്രേ​മ​ക​വി​ത​ക​ളേ...'' എ​ന്നു തു​ട​ങ്ങു​ന്ന പാ​ട്ടി​ലെ വ​രി​ക​ൾ ശ്ര​ദ്ധി​ക്കാം. ''പ്രേ​മ​ക​വി​ത​ക​ളേ... പ്രേ​മ​ക​വി​ത​ക​ളേ ഭാ​വ​ത​രം​ഗ​ങ്ങ​ൾ കു​ളി​ർ​കോ​രി​യി​ടും/​ദേ​വ​ഗം​ഗ​ക​ളേ... /പ്രേ​മ​ക​വി​ത​ക​ളേ...'' എ​ന്ന പ​ല്ല​വി​ത​ന്നെ മ​നോ​ഹ​രം. തു​ട​ർ​ന്നു​ള്ള വ​രി​ക​ളും മ​നോ​ഹ​ര​ങ്ങ​ളാ​ണ്. ''ക​മ​ല​ദ​ള​ങ്ങ​ൾ ഉ​റ​ങ്ങും രാ​വി​ൽ/​നി​മി​ഷ​ഹം​സ​ങ്ങ​ൾ നീ​ന്തും ക​ട​വി​ൽ/​ക​ട​വി​ൽ, നി​ങ്ങ​ൾ ത​ൻ ക​ട​വി​ൽ/​പു​ഷ്പ​മം​ഗ​ല്യ​നി​കു​ഞ്ജ​ങ്ങ​ൾ തേ​ടും/​സ്വ​പ്ന​സ​ഞ്ചാ​രി​ണി ഞാ​ൻ –ഒ​രു /സ്വ​പ്ന​സ​ഞ്ചാ​രി​ണി ഞാ​ൻ...'' യേ​ശു​ദാ​സ് പാ​ടി​യ ''മൃ​ണാ​ളി​നീ മൃ​ണാ​ളി​നീ/​മി​ഴി​യി​ത​ളി​ൽ –നി​ൻ മി​ഴി​യി​ത​ളി​ൽ /മ​ധു​ര​സ്വ​പ്ന​മോ മൗ​ന​പ​രാ​ഗ​മോ... /സു​ര​സി​ന്ധു​വോ ബാ​ഷ്പ​ഹി​മ​ബി​ന്ദു​വോ.../​വ​ഴി​വി​ള​ക്കെ​വി​ടെ'' എ​ന്ന പാ​ട്ടും സ​ന്ദ​ർ​ഭ​വു​മാ​യി ചേ​രു​ന്ന​താ​യി​രു​ന്നു. ''ഇ​ന്ന​ല്ലോ കാ​മ​ദേ​വ​ന് പൊ​ന്നും​തി​രു​നാ​ൾ /പൂ​ത്തി​രു​ന്നാ​ൾ –പൂ​ത്തി​രു​ന്നാ​ൾ/ അ​ര​യ​ര​യോ അ​ര​യ​ര​യോ കി​ങ്ങി​ണി​യ​ര​യോ/​അ​ണി​യം പൂ​വ​ള്ളി പൂ​ത്ത​ല്ലോ...'' എ​ന്ന ഗാ​ന​മാ​ണ് പി. ​സു​ശീ​ല​യും എ​സ്. ജാ​ന​കി​യും ചേ​ർ​ന്നു പാ​ടി​യ​ത്. ''ആ​ര്യ​ങ്കാ​വി​ൽ ഒ​രാ​ട്ടി​ട​യ​ൻ പ​ണ്ട് /ആ​ടു​മേ​യ്ക്കാ​ൻ വ​ന്നു/​അ​വ​ന്റെ പാ​ട്ടു​ക​ൾ പൂ​ന്തേ​ന​രു​വി​ക​ൾ/​ഒ​ഴു​കി​ന​ട​ന്നു...'' എ​ന്ന ഗാ​നം എ​സ്. ജാ​ന​കി പാ​ടി. 1967 ജൂ​ൺ 30ാം തീ​യ​തി റി​ലീ​സാ​യ 'അ​വ​ൾ' ഭേ​ദ​പ്പെ​ട്ട ചി​ത്ര​മാ​യി​രു​ന്നെ​ങ്കി​ലും സാ​മ്പ​ത്തി​കവി​ജ​യം നേ​ടി​യി​ല്ല.

പ​ഴ​നി ഫി​ലിം​സി​നു വേ​ണ്ടി പി. ​രാ​മ​സ്വാ​മി നി​ർ​മി​ച്ച 'ഭാ​ഗ്യ​മു​ദ്ര' എ​ന്ന സി​നി​മ ത​മി​ഴ് സം​വി​ധാ​യ​ക​നാ​യ എം.​എ.​വി. രാ​ജേ​ന്ദ്ര​ൻ ആ​ണ് സം​വി​ധാ​നം ചെ​യ്ത​ത്. എ​സ്.​എ​ൽ. പു​രം സ​ദാ​ന​ന്ദ​ൻ തി​ര​ക്ക​ഥ​യും സം​ഭാ​ഷ​ണ​വും എ​ഴു​തി. പ്രേം​ന​സീ​ർ, കെ.​ആ​ർ. വി​ജ​യ, അ​ടൂ​ർ ഭാ​സി, സു​കു​മാ​രി, ജി.​കെ. പി​ള്ള, മു​തു​കു​ളം രാ​ഘ​വ​ൻ​പി​ള്ള തു​ട​ങ്ങി​യ​വ​ർ അ​ഭി​ന​യി​ച്ചു. പി. ​ഭാ​സ്ക​ര​ൻ എ​ഴു​തി​യ ഗാ​ന​ങ്ങ​ൾ​ക്ക് പു​ക​ഴേ​ന്തി (ആ​ർ. വേ​ല​പ്പ​ൻ നാ​യ​ർ) സം​ഗീ​തം ന​ൽ​കി. യേ​ശു​ദാ​സ്, പി.​ബി. ശ്രീ​നി​വാ​സ്, എ​സ്. ജാ​ന​കി, എ​ൽ.​ആ​ർ. ഈ​ശ്വ​രി എ​ന്നി​വ​ർ പി​ന്ന​ണി​യി​ൽ പാ​ടി. ഈ ​ചി​ത്രം വ​മ്പി​ച്ച വി​ജ​യ​മൊ​ന്നു​മാ​യി​ല്ലെ​ങ്കി​ലും പാ​ട്ടു​ക​ൾ സൂ​പ്പ​ർ​ഹി​റ്റു​ക​ളാ​യി. യേ​ശു​ദാ​സ് പാ​ടി​യ "മാ​മ്പ​ഴ​ക്കൂ​ട്ട​ത്തി​ൽ..."​എ​ന്ന ഗാ​നം ഈ ​സി​നി​മ​യി​ലു​ള്ള​താ​ണ്. ''മാ​മ്പ​ഴ​ക്കൂ​ട്ട​ത്തി​ൽ മ​ൽ​ഗോ​വ​യാ​ണു നീ/​മാ​സ​ങ്ങ​ളി​ൽ ന​ല്ല ക​ന്നി​മാ​സം/​കാ​ട്ടു​മ​ര​ങ്ങ​ളി​ൽ ക​രി​വീ​ട്ടി​യാ​ണു നീ ​വീ​ട്ടു​മൃ​ഗ​ങ്ങ​ളി​ൽ സി​ന്ധി​പ്പ​ശു...'' എ​ന്നി​ങ്ങ​നെ ആ​രം​ഭി​ക്കു​ന്ന ഈ ​ഗാ​നം സു​പ്ര​സി​ദ്ധ​മാ​ണ്. യേ​ശു​ദാ​സും എ​സ്. ജാ​ന​കി​യും ചേ​ർ​ന്നു പാ​ടി​യ ''മ​ധു​ര​പ്ര​തീ​ക്ഷ ത​ൻ പൂ​ങ്കാ​വി​ൽ വെ​ച്ചൊ​രു /മ​ണി​വേ​ണു​ഗാ​യ​ക​നെ ക​ണ്ടു​മു​ട്ടി/ അ​നു​രാ​ഗ​യ​മു​ന ത​ൻ തീ​ര​ത്തു വെ​ച്ചൊ​രു /അ​ജ​പാ​ല​ബാ​ലി​ക​യെ ക​ണ്ടു​മു​ട്ടി'' എ​ന്ന യു​ഗ്മ​ഗാ​ന​വും അ​ന്നും ഇ​ന്നും മ​ല​യാ​ളി​ക​ൾ​ക്ക് പ്രി​യ​പ്പെ​ട്ട ഗാ​ന​മാ​ണ്. എ​സ്. ജാ​ന​കി പാ​ടി​യ ''ഏ​തു കൂ​ട്ടി​ൽ നീ ​പി​റ​ന്നു താ​മ​ര​ക്കി​ളി​യേ... ഏ​തു കാ​ട്ടി​ൽ നീ ​വ​ള​ർ​ന്നു പൂ​മ​ര​ക്കി​ളി​യേ... / ഏ​തു വി​ധി ത​ൻ കാ​റ്റി​ലൂ​ടെ പ​റ​ന്നു​പാ​റി​വ​ന്നു... /എ​ന്റെ മാ​ന​സ​മ​ല​ർ​വാ​ടി​ക​യി​ൽ താ​മ​സി​ച്ചി​ടാ​ൻ എ​ന്നാ​രം​ഭി​ക്കു​ന്ന പാ​ട്ട് പ്ര​സി​ദ്ധ​മാ​യി​ല്ലെ​ങ്കി​ലും അ​തൊ​രു ന​ല്ല ര​ച​ന​ത​ന്നെ​യാ​യി​രു​ന്നു.'' പേ​രാ​റും പെ​രി​യാ​റും/​ക​ളി​യാ​ടും നാ​ടേ​തോ/ ക​ട​ല​ല​യും കാ​യ​ലു​മേ/ ക​ഥ പ​റ​യും നാ​ടേ​തോ.../ പേ​ര​തി​നു മ​ല​യാ​ളം/ പേ​രു​കേ​ട്ട മ​ല​യാ​ളം'' എ​ന്നു തു​ട​ങ്ങു​ന്ന ഗാ​നം ല​ളി​ത​മാ​യി ര​ചി​ക്ക​പ്പെ​ട്ട കേ​ര​ള​ഗാ​ന​മാ​ണ് –എ​ന്നും ഏ​തു മ​ല​യാ​ളി​ക്കും പാ​ടാ​വു​ന്ന ഗാ​നം. എ​ൽ.​ആ​ർ. ഈ​ശ്വ​രി​യും സം​ഘ​വു​മാ​ണ് ഈ ​ഗാ​നം പാ​ടി​യ​ത്. കു​ട്ടി​ക​ളു​ടെ ശ​ബ്ദ​ത്തി​ൽ പാ​ടു​ന്ന ര​ണ്ടു ഗാ​യി​ക​മാ​രാ​ണ് അ​ക്കാ​ല​ത്ത് തെ​ന്നി​ന്ത്യ​യി​ൽ ഉ​ണ്ടാ​യി​രു​ന്ന​ത്. രേ​ണു​ക​യും എം.എ​സ്. രാ​ജേ​ശ്വ​രി​യും. രേ​ണു​ക പ്ര​ശ​സ്ത പി​ന്ന​ണിഗാ​യി​ക​യാ​യ അ​നു​രാ​ധ ശ്രീ​റാ​മി​ന്റെ അ​മ്മ​യാ​ണ്. എം.​എ​സ്. രാ​ജേ​ശ്വ​രി പാ​ടി​യ ഒ​രു കു​ട്ടി​പ്പാ​ട്ടും 'ഭാ​ഗ്യ​മു​ദ്ര'​യി​ൽ ഉ​ണ്ടാ​യി​രു​ന്നു. ഗാ​ന​മി​ങ്ങ​നെ തു​ട​ങ്ങു​ന്നു: ''മ​ണ്ണാ​ങ്ക​ട്ട​യും ക​രി​യി​ല​യും/​ക​ണ്ണാ​രം​പൊ​ത്തി ക​ളി​ക്കാ​ൻ പോ​യ് /ക​രി​വേ​പ്പി​ൻ ത​ണ​ലി​ൽ ക​ർ​ക്കി​ട​മാ​സം ക​ടു​ക്കാ​രം ചൊ​ല്ലി ക​ളി​ക്കാ​ൻ പോ​യ്...'' പി.​ബി. ശ്രീ​നി​വാ​സും എ​ൽ.​ആ​ർ. ഈ​ശ്വ​രി​യും പാ​ടി​യ ഒ​രു യു​ഗ്മ​ഗാ​ന​വും ഈ ​ചി​ത്ര​ത്തി​ൽ ഇ​ടം നേ​ടി. അ​തി​ങ്ങ​നെ​യാ​ണ്. ''ഇ​ന്ദ്ര​ന​ന്ദ​ന​വാ​ടി​യി​ൽ/​ച​ന്ദ്രി​കാ​ങ്കി​ത​വേ​ദി​യി​ൽ/ പ​ന്ത​ടി​ച്ചു പാ​ടി​യാ​ടി​യ / സു​ന്ദ​രീ​മ​ണി​യാ​ണു ഞാ​ൻ / പേ​രെ​നി​ക്കോ മേ​ന​ക / പ്രേ​മ​മ​ല​ർ​വ​ന​ഗാ​യി​ക'' എ​ന്നി​ങ്ങ​നെ തു​ട​ങ്ങു​ന്ന ഈ ​ഗാ​നം മേ​ന​ക​യും മ​ഹ​ർ​ഷി വി​ശ്വാ​മി​ത്ര​നും ത​മ്മി​ലു​ള്ള സം​ഗ​മ​രം​ഗ​മാ​ണ് ഉ​ൾ​ക്കൊ​ള്ളു​ന്ന​ത്. ചി​ത്ര​ത്തി​ലെ ഒ​രു അ​ന്ത​ർ​നാ​ട​ക​രം​ഗ​മാ​യി​രി​ക്കാം. എ​ന്താ​യാ​ലും പി. ​ഭാ​സ്ക​ര​നും പു​ക​ഴേ​ന്തി​യും ചേ​രു​മ്പോ​ഴെ​ല്ലാം മി​ക​ച്ച ഗാ​ന​ങ്ങ​ൾ പി​റ​ന്നി​ട്ടു​ണ്ട് എ​ന്ന​തി​ന്റെ ആ​ദ്യ ദൃ​ഷ്ടാ​ന്ത​ങ്ങ​ളി​ൽ ഒ​ന്നാ​ണ് 'ഭാ​ഗ്യ​മു​ദ്ര' എ​ന്ന ചി​ത്രം.

നി​ർ​മാ​താ​വും എ​ഴു​ത്തു​കാ​ര​നു​മാ​യ കെ.​പി. കൊ​ട്ടാ​ര​ക്ക​ര ഗ​ണേ​ഷ് പി​ക്ചേ​ഴ്സി​ന്റെ പേ​രി​ൽ എ​ഴു​തി നി​ർ​മി​ച്ച ആ​ക്ഷ​ൻ ചി​ത്ര​മാ​ണ് 'കാ​ണാ​ത്ത വേ​ഷ​ങ്ങ​ൾ'. എം. ​കൃ​ഷ്ണ​ൻ നാ​യ​ർ ചി​ത്രം സം​വി​ധാ​നംചെ​യ്തു. പ്രേം​ന​സീ​ർ, ഷീ​ല, ജ​യ​ഭാ​ര​തി, കെ.​പി.​ ഉ​മ്മ​ർ, അ​ടൂ​ർ ഭാ​സി, സു​കു​മാ​രി തു​ട​ങ്ങി​യ​വ​ർ അ​ഭി​നേ​താ​ക്ക​ളാ​യി. ചി​ത്ര​ത്തി​ൽ ആ​റു ഗാ​ന​ങ്ങ​ൾ ഉ​ണ്ടാ​യി​രു​ന്നു. വ​യ​ലാ​റി​ന്റെ ഗാ​ന​ങ്ങ​ൾ​ക്ക് ബി.​എ. ചി​ദം​ബ​ര​നാ​ഥ് സം​ഗീ​തം ന​ൽ​കി. യേ​ശു​ദാ​സ് പാ​ടി​യ ''സ്വ​ർ​ഗ​വാ​തി​ൽ തു​റ​ന്നു ത​ന്നൊ​രു/​സ്വ​പ്ന കാ​മു​കി​യാ​ണു നീ.../ ​ല​ജ്ജ​കൊ​ണ്ടു ത​ളി​ര​ണി​ഞ്ഞൊ​രു /പു​ഷ്പി​ണീല​ത​യാ​ണ് നീ'' ​എ​ന്ന പാ​ട്ടും ജ​യ​ച​ന്ദ്ര​ൻ പാ​ടി​യ ''ഇ​ന്ന​ല​ത്തെ പെ​ണ്ണ​ല്ല​ല്ലോ/​ഇ​ത്തി​രി​പ്പൂ​മൊ​ട്ട​ല്ല​ല്ലോ/ ഇ​ന്നു നി​ന്റെ നെ​ഞ്ചി​ന​ക​ത്തൊ​രു/ പു​ന്നാ​ര​ത്തേ​ൻ​കൂ​ട് എ​ന്നു തു​ട​ങ്ങു​ന്ന ഗാ​ന​വും പ്രേ​മ​ഗാ​ന​ങ്ങ​ൾ ആ​യി​രു​ന്നു. എ​ൽ.​ആ​ർ. ഈ​ശ്വ​രി​യും ബി. ​വ​സ​ന്ത​വും ചേ​ർ​ന്നു പാ​ടി​യ ''ക​ട​ലൊ​രു സു​ന്ദ​രി​പ്പെ​ണ്ണ്/​ക​ല്യാ​ണം ക​ഴി​യാ​ത്ത/​കാ​മു​ക​രി​ല്ലാ​ത്ത/​ക​ട​ലൊ​രു സു​ന്ദ​രി​പ്പെ​ണ്ണ്...'' എ​ന്ന ഗാ​ന​ത്തി​ലെ തു​ട​ർ​ന്നു​ള്ള വ​രി​ക​ൾ അ​ർ​ഥ​ഗ​ർ​ഭ​മാ​ണ്. ''കൈ​മ​ണി​ച്ചെ​പ്പി​ൽ ര​ത്ന​ങ്ങ​ൾ/​ക​ര​ളി​ൽ നി​റ​യെ സ്വ​പ്ന​ങ്ങ​ൾ/ പാ​ടി​യു​റ​ക്കാ​ൻ വാ​ന​മ്പാ​ടി​ക​ൾ/ പ​രി​ച​രി​ക്കാ​ൻ സ​ഖി​ക​ൾ -അ​വ​ളെ/​പ​രി​ച​രി​ക്കാ​ൻ സ​ഖി​ക​ൾ'' എ​ന്നി​ങ്ങ​നെ വി​വി​ധ മാ​ന​ങ്ങ​ളി​ൽ വ​യ​ലാ​റി​ന്റെ ഭാ​വ​ന സ​ഞ്ച​രി​ക്കു​ന്നു. ഇ​തേ ഗാ​യി​ക​മാ​ർ​ത​ന്നെ പാ​ടി​യ ''അ​ക്ക​രെ​യി​ക്ക​രെ അ​ക്ക​രെ​യി​ക്ക​രെ/ അ​ത്ത​പ്പൂ​മ​ര​ക്കാ​ട്ടി​ലൊ​ളി​ച്ചേ/ പ​ച്ച​പ്പ​നം​കി​ളി​പ്പെ​ണ്ണ് /കി​ളി​യെ പി​ടി​ക്ക​ണം കി​ങ്ങി​ണി കെ​ട്ട​ണം/​കി​ളി​യു​ടെ വാ​ലൊ​രു പൂ​വാ​ല്'' എ​ന്ന പാ​ട്ടും യേ​ശു​ദാ​സ്, പി. ​ലീ​ല, ജെ.​എം. രാ​ജു എ​ന്നി​വ​ർ ചേ​ർ​ന്നു പാ​ടി​യ ''പാ​ൽ​ക്ക​ട​ൽ ന​ടു​വി​ൽ പാ​മ്പി​ന്റെ മു​ക​ളി​ൽ/​ഭ​ഗ​വാ​നു​റ​ങ്ങു​ന്നു കൃ​ഷ്ണാ/​അ​വി​ട​ത്തെ കാ​ഞ്ച​ന സിം​ഹാ​സ​ന​ത്തി​ൽ/​ചെ​കു​ത്താ​നി​രി​ക്കു​ന്നു -​അ​യ്യോ'' എ​ന്ന പാ​ട്ടും സ​ന്ദ​ർ​ഭ​വു​മാ​യി പൊ​രു​ത്ത​പ്പെ​ടു​ന്ന​വ​യാ​ണ്. പി. ​ലീ​ല​യും വ​സ​ന്ത​യും ചേ​ർ​ന്നു പാ​ടി​യ ''നാ​ളെ വീ​ട്ടി​ൽ വി​രു​ന്നു​വ​രു​മ്പോ​ൾ /നാ​ണി​ച്ചു​നി​ൽ​ക്കും ഞാ​ൻ...'' എ​ന്നാ​രം​ഭി​ക്കു​ന്ന ഒ​രു ഗാ​ന​വും 'കാ​ണാ​ത്ത വേ​ഷ​ങ്ങ​ൾ' എ​ന്ന ചി​ത്ര​ത്തി​ൽ ഉ​ണ്ടാ​യി​രു​ന്നു. 1967 ആ​ഗ​സ്റ്റ് 18ാം തീ​യ​തി തി​യ​റ്റ​റു​ക​ളി​ലെ​ത്തി​യ 'കാ​ണാ​ത്ത വേ​ഷ​ങ്ങ​ൾ' വ​ലി​യ വാ​ണി​ജ്യവി​ജ​യം നേ​ടി. കു​ടും​ബ​ബ​ന്ധ​ങ്ങ​ളും ആ​ക്ഷ​ൻ രം​ഗ​ങ്ങ​ളും ഹാ​സ്യ​രം​ഗ​ങ്ങ​ളും സ​മാ​സ​മം ചേ​ർ​ത്ത് അ​ൽ​പം സ​സ്പെ​ൻ​സും നി​ല​നി​ർ​ത്തി നി​ർ​മി​ക്കു​ന്ന ഫോ​ർ​മു​ലാ ചി​ത്ര​ങ്ങ​ൾ​ക്ക് ഒ​രു തു​ട​ക്ക​മാ​യി​രു​ന്നു എം. ​കൃ​ഷ്ണ​ൻ നാ​യ​രും കെ.​പി. കൊ​ട്ടാ​ര​ക്ക​ര​യും ചേ​ർ​ന്നൊ​രു​ക്കി​യ 'കാ​ണാ​ത്ത വേ​ഷ​ങ്ങ​ൾ'. പെ​ട്ടെ​ന്ന് ഏ​റ്റു​പാ​ടാ​ൻ ക​ഴി​യു​ന്ന ര​ണ്ടോ മൂ​ന്നോ പാ​ട്ടു​ക​ൾ കൂ​ടി​യു​ണ്ടെ​ങ്കി​ൽ നി​ർ​മാ​താ​വി​ന് ലാ​ഭം സു​നി​ശ്ചി​തം. പ​ക്ഷേ, ചേ​രു​വ​ക​ൾ കൃ​ത്യ​മാ​യ അ​നു​പാ​ത​ത്തി​ൽ ചേ​ർ​ന്നി​രി​ക്ക​ണം.

യൂ​സ​ഫ​ലി കേ​ച്ചേ​രി പാ​ട്ടു​ക​ൾ എ​ഴു​തി​യ ചി​ത്ര​മാ​ണ് 'ക​ദീ​ജ'. എം. ​കൃ​ഷ്ണ​ൻ നാ​യ​ർ സം​വി​ധാ​നംചെ​യ്ത ചി​ത്രം. ക​ലാ​ര​ത്ന പ്രൊ​ഡ​ക്ഷ​ൻ​സ് നി​ർ​മി​ച്ച 'ക​ദീ​ജ'​യു​ടെ മൂ​ല​ക​ഥ എ​ഴു​തി​യ​ത് ന​ട​നാ​യ കോ​ട്ട​യം ചെ​ല്ല​പ്പ​നാ​ണ്. കെ.​ജി. സേ​തു​നാ​ഥ് തി​ര​ക്ക​ഥ​യും സം​ഭാ​ഷ​ണ​വും എ​ഴു​തി. യൂ​സ​ഫ​ലി​യു​ടെ ഗാ​ന​ങ്ങ​ൾ​ക്ക് എം.​എ​സ്. ബാ​ബു​രാ​ജ് സം​ഗീ​തം പ​ക​ർ​ന്നു. ഗാ​ന​ങ്ങ​ൾ പാ​ടി​യ​ത് യേ​ശു​ദാ​സ്, എ​സ്. ജാ​ന​കി, എ​ൽ.​ആ​ർ. ഈ​ശ്വ​രി, ബി. ​വ​സ​ന്ത, സീ​റോ ബാ​ബു, ത​ങ്കം എ​ന്നി​വ​രാ​ണ്. യേ​ശു​ദാ​സ് പാ​ടി​യ ''സു​റു​മ​യെ​ഴു​തി​യ മി​ഴി​ക​ളേ...'' എ​ന്ന ഗാ​ന​മാ​ണ് 'ക​ദീ​ജ' എ​ന്ന ചി​ത്ര​ത്തി​ലെ ഏ​റ്റ​വും മി​ക​ച്ച​ത്. ''സു​റു​മ​യെ​ഴു​തി​യ മി​ഴി​ക​ളേ പ്ര​ണ​യ​മ​ധു​ര​ത്തേ​ൻ തു​ളു​മ്പും സൂ​ര്യ​കാ​ന്തി​പ്പൂ​ക്ക​ളേ'' എ​ന്ന പാ​ട്ട് യൂ​സ​ഫ​ലി​യു​ടെ മി​ക​ച്ച ഗാ​ന​ങ്ങ​ളി​ലൊ​ന്നാ​ണ്. ഈ ​ഗാ​ന​ത്തി​ന് ബാ​ബു​രാ​ജ് ന​ൽ​കി​യ ഗ​സ​ൽ ശൈ​ലി​യി​ലു​ള്ള ഈ​ണ​വും അ​ത്യ​ന്തം ആ​ക​ർ​ഷ​ക​മാ​യി. ''ജാ​ല​ക​ത്തി​ര​ശ്ശീ​ല നീ​ക്കി/​ജാ​ല​മെ​റി​യു​വ​തെ​ന്തി​നോ/​തേ​ൻ പു​ര​ട്ടി​യ മു​ള്ളു​ക​ൾ നീ/ ​ചേ​ലി​ലെ​റി​യു​വ​തെ​ന്തി​നോ...'' എ​ന്നി​ങ്ങ​നെ തു​ട​രു​ന്ന വ​രി​ക​ൾ ഹൃ​ദ​യാ​വ​ർ​ജ​കം ത​ന്നെ. എ​ൽ.​ആ​ർ. ഈ​ശ്വ​രി പാ​ടി​യ ''ക​ണ്മു​ന നീ​ട്ടി മൊ​ഞ്ചും കാ​ട്ടി/ കാ​ത്തി​രി​ക്കു​ന്ന മ​ണ​വാ​ട്ടി /മ​ണി​യ​റ​വാ​തി​ൽ തു​റ​ന്നു ത​രാം /മാ​ര​നെ മു​ന്നി​ൽ കൊ​ണ്ടു​വ​രാം /ക​ല്യാ​ണ​മൊ​ന്നു ക​ഴി​ഞ്ഞോ​ട്ടെ/ കാ​ണി​ക​ളെ​ല്ലാം പി​രി​ഞ്ഞോ​ട്ടെ/ മൈ​ലാ​ഞ്ചി​ക്കൈ കൊ​ട്ടി ഒ​പ്പ​ന പാ​ടു​ന്ന / മൈ​ക്ക​ണ്ണി​മാ​രും പി​രി​ഞ്ഞോ​ട്ടെ...'' എ​ന്ന ഖ​വാ​ലി രീ​തി​യി​ലു​ള്ള ഒ​പ്പ​ന​പ്പാ​ട്ടും മി​ക​ച്ചു​നി​ന്നു.

എ​സ്. ജാ​ന​കി​യും വ​സ​ന്ത​വും ചേ​ർ​ന്നു പാ​ടി​യ ''അ​ന​ന്ത​ശ​യ​നാ അ​ര​വി​ന്ദ​ന​യ​നാ/​അ​ഭ​യം നീ​യേ ജ​നാ​ർ​ദ​നാ...'' എ​ന്നു തു​ട​ങ്ങു​ന്ന ഹി​ന്ദു ഭ​ക്തി​ഗാ​ന​വും മോ​ശ​മാ​യി​ല്ല. ബി. ​വ​സ​ന്ത പാ​ടി​യ ''ക​സ​വി​ന്റെ ത​ട്ട​മി​ട്ടു നാ​ണി​ച്ചു നി​ൽ​ക്കു​ന്ന /പ​തി​നാ​ലാം രാ​വി​ലെ പൂ​നി​ലാ​വേ/​ക​ണ്ണാ​ടി​ക്ക​വി​ള​ത്ത് നീ​ല​വ​ർ​ണ​മെ​ന്താ​ണ് കാ​മു​ക​ൻ നു​ള്ളി​യോ വെ​ണ്ണി​ലാ​വേ...'' എ​ന്ന ഒ​പ്പ​ന​പ്പാ​ട്ടും ര​ച​ന​യി​ലും ഈ​ണ​ത്തി​ലും മി​ക​ച്ചു നി​ന്നു. എ​സ്. ജാ​ന​കി പാ​ടി​യ ''ക​ര​ളി​ൽ വി​രി​ഞ്ഞ റോ​ജാ​മ​ല​രാ​ണ് നീ ​ക​ദീ​ജ/ ഇ​രു​ളി​ൽ പ്ര​കാ​ശ​മേ​കും/ ക​തി​രാ​ണ് നീ ​ക​ദീ​ജാ'' എ​ന്ന ഗാ​ന​വും സീ​റോ ബാ​ബു പാ​ടി​യ ''ച​ക്ക​ര​വാ​ക്കു പ​റ​ഞ്ഞെ​ന്നെ/​ചാ​ക്കി​ലാ​ക്കി -എ​ന്നെ ചാ​ക്കി​ലാ​ക്കി /ത​ക്കം നോ​ക്കി ക​ണ്ണെ​റി​ഞ്ഞ് / ഹ​ലാ​ക്കി​ലാ​ക്കി -എ​ന്നെ / ഹ​ലാ​ക്കി​ലാ​ക്കി'' എ​ന്ന ഹാ​സ്യ​ഗാ​ന​വും 'ക​ദീ​ജ' എ​ന്ന ചി​ത്ര​ത്തി​ൽ ഉ​ണ്ടാ​യി​രു​ന്നു. പി. ​ത​ങ്കം എ​ന്ന ഗാ​യി​ക പാ​ടി​യ ''ക​ദീ​ജേ ക​ദീ​ജേ കാ​ണു​ന്ന​തെ​ന്നി​നി ഞാ​ൻ -നി​ന്നെ/​കാ​ണു​ന്ന​തെ​ന്നി​നി ഞാ​ൻ?'' എ​ന്ന ഗാ​ന​വും 'ക​ദീ​ജ' എ​ന്ന സി​നി​മ​യി​ൽ ഉ​ണ്ടാ​യി​രു​ന്നു. യൂ​സ​ഫ​ലി​യും ബാ​ബു​രാ​ജും ചേ​ർ​ന്നൊ​രു​ക്കി​യ ഒ​രു മ്യൂ​സി​ക്ക​ൽ ഹി​റ്റ് ആ​യി​രു​ന്ന ഈ ​ചി​ത്രം 1967 ജൂ​ൺ 18നാ​ണ്​ പ്ര​ദ​ർ​ശ​ന​മാ​രം​ഭി​ച്ച​ത്. അ​താ​യ​ത് ഒ​രു സം​വി​ധാ​യ​ക​ന്റെ ര​ണ്ടു സി​നി​മ​ക​ൾ ഒ​രേദി​വ​സം തി​യ​റ്റ​റു​ക​ളി​ൽ എ​ത്തു​ന്നു. എം. ​കൃ​ഷ്ണ​ൻ നാ​യ​ർ സം​വി​ധാ​നംചെ​യ്ത 'കാ​ണാ​ത്ത വേ​ഷ​ങ്ങ​ൾ', 'ക​ദീ​ജ' എ​ന്നി​വ. ഇ​ത്ത​രം പ​ല അ​ത്ഭു​ത​ങ്ങ​ളും മ​ല​യാ​ള​ സി​നി​മ​യി​ൽ സം​ഭ​വി​ച്ചി​ട്ടു​ണ്ട്.