‘മ​ഞ്ജു​ഭാ​ഷി​ണി’​യും ‘കാ​ട്ടു​ചെ​മ്പ​ക’​വും

‘കൊ​ടു​ങ്ങ​ല്ലൂ​ര​മ്മ’, ‘വെ​ളു​ത്ത ക​ത്രീ​ന’, ‘അ​ഗ്നി​പ​രീ​ക്ഷ’ എ​ന്നീ സി​നി​മ​ക​ളെ​യും അ​തി​ലെ പാ​ട്ട​നു​ഭ​വ​ങ്ങ​ളെ​യും കു​റി​ച്ച്​ എ​ഴു​തു​ന്നു. നി​ര​വ​ധി ഹി​റ്റ്​ പാ​ട്ടു​ക​ൾ ഇൗ ​മൂ​ന്ന്​ സി​നി​മ​ക​ളി​ലാ​യി പി​റ​ന്നു.

എ​ക്സെ​ൽ പ്രൊ​ഡ​ക്ഷ​ൻ​സി​ന്റെ ‘കൊ​ടു​ങ്ങ​ല്ലൂ​ര​മ്മ’ എ​ന്ന ചി​ത്ര​ത്തി​ൽ ദേ​വി​യാ​യി അ​ഭി​ന​യി​ച്ച​ത് കെ.​ആ​ർ. വി​ജ​യ ആ​ണ്. പ്രേം​ന​സീ​ർ, ജ്യോ​തി​ല​ക്ഷ്മി, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, തി​ക്കു​റി​ശ്ശി, എ​സ്.​പി. പി​ള്ള, അ​ടൂ​ർ ഭാ​സി, ജോ​സ്​ ​പ്ര​കാ​ശ്, ആ​റ​ന്മു​ള പൊ​ന്ന​മ്മ, എ​ൻ. ഗോ​വി​ന്ദ​ൻ​കു​ട്ടി, നെ​ല്ലി​ക്കോ​ട്ട് ഭാ​സ്ക​ര​ൻ തു​ട​ങ്ങി​യ​വ​രും അ​ഭി​ന​യി​ച്ചു, ജ​ഗ​തി എ​ൻ.​കെ. ആ​ചാ​രി​യാ​ണ് ‘കൊ​ടു​ങ്ങ​ല്ലൂ​ര​മ്മ’ എ​ന്ന ചി​ത്ര​ത്തി​ന് തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ​ത്. സം​ഗീ​ത​ത്തി​ന് പ്രാ​ധാ​ന്യ​മു​ള്ള ഭ​ക്തി​ചി​ത്ര​മാ​യി​രു​ന്നു ‘കൊ​ടു​ങ്ങ​ല്ലൂ​ര​മ്മ’. വ​യ​ലാ​ർ എ​ഴു​തി​യ പാ​ട്ടു​ക​ൾ​ക്ക് ര​ഘു​നാ​ഥ് എ​ന്ന തൂ​ലി​കാ​നാ​മ​ത്തി​ൽ കെ. ​രാ​ഘ​വ​ൻ ആ​ണ് സം​ഗീ​തം പ​ക​ർ​ന്ന​ത്. യേ​ശു​ദാ​സ്, ബാ​ല​മു​ര​ളീ​കൃ​ഷ്ണ, പി. ​ലീ​ല, പി. ​സു​ശീ​ല എ​ന്നി​വ​ർ ആ​ല​പി​ച്ച പാ​ട്ടു​ക​ളാ​ണ് ‘കൊ​ടു​ങ്ങ​ല്ലൂ​ര​മ്മ’​യി​ൽ ഉ​ണ്ടാ​യി​രു​ന്ന​ത്. യേ​ശു​ദാ​സ് പാ​ടി​യ ‘‘മ​ഞ്ജു​ഭാ​ഷി​ണീ...’’ എ​ന്നാ​രം​ഭി​ക്കു​ന്ന ഗാ​നം സെ​മി ക്ലാ​സി​ക്ക​ലാ​യി​ട്ടാ​ണ് രാ​ഘ​വ​ൻ​ മാ​സ്റ്റ​ർ ചി​ട്ട​പ്പെ​ടു​ത്തി​യി​ട്ടു​ള്ള​ത്. ഈ ​പാ​ട്ട് വ​ള​രെ പ്ര​ശ​സ്ത​മാ​ണ്.

‘‘മ​ഞ്ജു​ഭാ​ഷി​ണീ മ​ണി​യ​റ​വീ​ണ​യി​ൽ/​മ​യ​ങ്ങി​യു​ണ​രുന്ന​തേ​തൊ​രു രാ​ഗം ഏ​തൊ​രു ഗീ​തം എ​ന്ന പ​ല്ല​വി​യും തു​ട​ർ​ന്നു​ള്ള ച​ര​ണ​ങ്ങ​ളും ര​ച​നാ​ഗു​ണം തി​ക​ഞ്ഞ​വ​യാ​ണ്. ‘‘നാ​ദ​സി​ര​ക​ളി​ൽ പ്രി​യ​ദ​ർ​ശി​നി നി​ൻ/മോ​തി​ര​ക്കൈ​വി​ര​ൽ ഒ​ഴു​കു​മ്പോ​ൾ/താ​നേ പാ​ടാ​ത്ത ത​ന്ത്രി​ക​ളു​ണ്ടോ/താ​ളം പി​ടി​ക്കാ​ത്ത ഹൃ​ദ​യ​മു​ണ്ടോ..?/നാ​ദ​സ​ദ​സ്സി​തി​ൽ പ്രാ​ണ​സ​ഖീ നി​ൻ/​രാ​ജീ​വ​ന​യ​ന​ങ്ങ​ൾ വി​ട​രു​മ്പോ​ൾ/വാ​രി​ച്ചൂ​ടാ​ത്ത മോ​ഹ​ങ്ങ​ളു​ണ്ടോ/ കോ​രി​ത്ത​രി​ക്കാ​ത്ത സ്വ​പ്ന​ങ്ങ​ളു​ണ്ടോ..?’’ എം. ​ബാ​ല​മു​ര​ളീ​കൃ​ഷ്ണ​യും സം​ഘ​വും പാ​ടി​യ ‘‘കൊ​ടു​ങ്ങ​ല്ലൂ​ര​മ്മേ’’ എ​ന്ന ഗാ​ന​വും ശ്ര​ദ്ധേ​യ​മാ​യി​രു​ന്നു. ശാ​സ്ത്രീ​യ​സം​ഗീ​ത വി​ശാ​ര​ദ​നാ​യ ബാ​ല​മു​ര​ളീ​കൃ​ഷ്ണ വ​ള​രെ അ​പൂ​ർ​വ​മാ​യി മാ​ത്ര​മേ സി​നി​മ​ക്കു വേ​ണ്ടി പാ​ടി​യി​ട്ടു​ള്ളൂ. ‘‘കൊ​ടു​ങ്ങ​ല്ലൂ​ര​മ്മേ കൊ​ടു​ങ്ങ​ല്ലൂ​ര​മ്മേ/കു​ന്ന​ല​നാ​ട്ടി​ൽ കു​ടി​കൊ​ള്ളു​മ​മ്മേ/ജ​യ​ദു​ർ​ഗേ ജ​യ​ദു​ർ​ഗേ/കു​രു​തി​ക്ക​ള​ങ്ങ​ളി​ൽ പാ​ട്ടു പാ​ടി/കു​ങ്കു​മ​ക്ക​ല​ശ​ങ്ങ​ളാ​ടി​യാ​ടി/വാ​ളും ചി​ല​മ്പു​മാ​യ് സം​ഹാ​ര​താ​ണ്ഡ​വം/ആ​ടു​മ​മ്മേ, ശ്രീ​കു​രും​ബേ...’’ എ​ന്നി​ങ്ങ​നെ ഭ​ക്തി​ഭാ​വം നി​റ​ഞ്ഞു തു​ളു​മ്പു​ന്ന ഈ ​ഗാ​നം ഡോ. ​ബാ​ല​മു​ര​ളീ​കൃ​ഷ്ണ​യു​ടെ ഭാ​വ​സാ​ന്ദ്ര​മാ​യ നാ​ദ​ധാ​ര​യി​ൽ വി​കാ​ര​തീ​വ്ര​മാ​യി അ​നു​ഭ​വ​പ്പെ​ട്ടു. യേ​ശു​ദാ​സും പി. ​സു​ശീ​ല​യും പാ​ടി​യ ‘‘ന​ർ​ത്ത​കീ, നി​ശാ​ന​ർ​ത്ത​കീ...’’ എ​ന്ന് തു​ട​ങ്ങു​ന്ന ഗാ​ന​മാ​ണ് മ​റ്റൊ​ന്ന്. ‘‘ന​ർ​ത്ത​കീ നി​ശാ​ന​ർ​ത്ത​കീ -നീ/ ​എ​ന്തി​നി​ത്ര താ​മ​സി​ച്ചു..?’’ എ​ന്ന് നാ​യ​ക​ന്റെ ചോ​ദ്യം. അ​തി​ന് നാ​യി​ക​യു​ടെ മ​റു​പ​ടി ഇ​ങ്ങ​നെ, ‘‘രാ​സ​ക്രീ​ഡാ​നൃ​ത്തം ക​ഴി​ഞ്ഞ​പ്പോ​ൾ/​രാ​ത്രി​യാ​യി​പ്പോ​യി... -ഇ​ന്നു /രാ​ത്രി​യാ​യി​പ്പോ​യി...’’ ഗാ​നം ഇ​ങ്ങ​നെ തു​ട​രു​ന്നു, ‘‘പു​ഷ്പ​ശ​യ്യ സ​ഖി​ക​ൾ വി​രി​ച്ചി​ട്ട്/ എ​ത്ര​നേ​രം ക​ഴി​ഞ്ഞു/​മ​ദ്യ​ച​ഷ​കം നി​റ​ച്ചു ഞാ​ൻ വെ​ച്ചി​ട്ട്/എ​ത്ര നേ​രം ക​ഴി​ഞ്ഞു/കാ​ൽ​ച്ചി​ല​ങ്ക​യ​ഴി​ച്ചോ​ട്ടെ ഞാ​ൻ/​ക​ച്ച​മ​ണി​ക​ൾ അ​ഴി​ച്ചോ​ട്ടെ/​ചാ​ലി​ച്ചു മാ​റി​ലും ക​വി​ളി​ലും ചാ​ർ​ത്തി​യ/​ചാ​യി​ല്യം ക​ഴു​കി​ക്ക​ള​ഞ്ഞോ​ട്ടെ/​തി​ടു​ക്ക​മാ​യോ അ​തി​നു മു​മ്പേ തി​ടു​ക്ക​മാ​യോ..?’’ വി​പ്ര​ലം​ഭ ശൃം​ഗാ​ര​മാ​ണ് ഈ ​പാ​ട്ടി​ലെ വി​ഷ​യം. സാ​ധാ​ര​ണ​യാ​യി പു​രാ​ണ​ചി​ത്ര​ങ്ങ​ളി​ലെ ഗാ​ന​ങ്ങ​ൾ​ക്ക് കാ​ലാ​നു​സൃ​ത​മാ​യ പ​ശ്ചാ​ത്ത​ലം ന​ൽ​കാ​ൻ സം​സ്കൃ​ത​പ​ദ​ങ്ങ​ളും അ​ല​ങ്കാ​ര​ങ്ങ​ളും ക​വി​ക​ൾ കൂ​ടു​ത​ലാ​യി പ്ര​യോ​ഗി​ക്കാ​റു​ണ്ട്. എ​ന്നാ​ൽ, നി​ർ​മാ​താ​വാ​യ കു​ഞ്ചാ​ക്കോ ത​ന്റെ സി​നി​മ​ക​ളി​ലെ ഗാ​ന​ങ്ങ​ളി​ൽ ല​ളി​ത​പ​ദ​ങ്ങ​ൾ മാ​ത്ര​മേ ഉ​പ​യോ​ഗി​ക്കാ​വൂ എ​ന്ന് വ​യ​ലാ​റി​നോ​ട് നി​ർ​ദേ​ശി​ച്ചി​രു​ന്നു. ‘‘എ​ന്റെ ജോ​ലി​ക്കാ​ർ​ക്ക് മ​ന​സ്സി​ലാ​കാ​ത്ത ഒ​രു വാ​ക്കും പാ​ട്ടു​ക​ളി​ൽ വേ​ണ്ട’’ എ​ന്ന് അ​ദ്ദേ​ഹം പ​റ​യു​മാ​യി​രു​ന്നു എ​ന്ന് ദേ​വ​രാ​ജ​ൻ മാ​സ്റ്റ​ർ ഈ ​ലേ​ഖ​ക​നോ​ടു പ​റ​ഞ്ഞി​ട്ടു​ണ്ട്.

എ​സ്. ജാ​ന​കി പാ​ടി​യ ‘‘ഭ​ദ്ര​ദീ​പം ക​രി​ന്തി​രി ക​ത്തി/ഭ​ഗ്ന​ഭ​വ​ന​മി​തി​ൽ ഇ​രു​ളി​ഴ​െ​ഞ്ഞ​ത്തി/അ​ർ​ധ​നാ​രീ​ശ്വ​രാ തി​രു​മി​ഴി തു​റ​ക്കൂ/ നി​ത്യ​വി​ര​ഹി​ണി​യെ അ​നു​ഗ്ര​ഹി​ക്കൂ/ തൃ​ച്ചേ​വ​ടി​ക​ളി​ൽ അ​ർ​പ്പി​ച്ചു തൊ​ഴു​വാ​ൻ/​തി​രു​മു​ൽ​ക്കാ​ഴ്ച​ക​ളി​ല്ല’’ എ​ന്ന ശോ​ക​നി​ർ​ഭ​ര​മാ​യ പ്രാ​ർ​ഥ​നാ​ഗീ​തം ഹൃ​ദ​യ​ദ്ര​വീ​ക​ര​ണ ശ​ക്തി​യു​ള്ള​താ​യി​രു​ന്നു. ‘‘ഈ ​മി​ഴി​നീ​രി​ൽ ന​ന​ഞ്ഞു കു​തി​ർ​ന്നൊ​രു/കൂ​വ​ള​ത്തി​ല​യു​മാ​യ് നി​ൽ​പ്പൂ ഞാ​ൻ/ത്രി​ഭു​വ​ന​മാ​കെ ത​പ​സ്സു​കൊ​ണ്ടു​ണ​ർ​ത്താ​ൻ/​ഹി​മ​ഗി​രി ന​ന്ദി​നി​യ​ല്ല -ഞാ​നൊ​രു/ഹി​മ​ഗി​രി​ന​ന്ദി​നി​യ​ല്ല /കാ​ല​ത്തി​ൻ കാ​വേ​രി​യൊ​ഴു​ക്കി​ൽ തു​ഴ​യു​മൊ -/രാ​ലം​ബ​ഹീ​ന​യാം ക​ണ്ണ​കി ഞാ​ൻ’’ എ​ന്നി​ങ്ങ​നെ ഈ ​മ​നോ​ഹ​ര​ഗാ​നം തു​ട​രു​ന്നു. വ​യ​ലാ​റി​ന്റെ ഭാ​വ​ന​യും ക്ലാ​സി​ക് കൃ​തി​ക​ളി​ലു​ള്ള പ​രി​ജ്ഞാ​ന​വും എ​ത്ര ല​ളി​ത​മാ​യി​ട്ടാ​ണ് ഈ ​പാ​ട്ടി​ൽ വി​ദ​ലി​ത​മാ​കു​ന്ന​ത്. കാ​ളി​ദാ​സ​ന്റെ ‘കു​മാ​ര​സം​ഭ​വം’ എ​ന്ന കൃ​തി​യി​ലെ പാ​ർ​വ​തി​യു​ടെ ക​ഠി​ന​ത​പ​സ്സി​നെ​യാ​ണ് ഇ​വി​ടെ സൂ​ചി​പ്പി​ക്കു​ന്ന​ത്. ഡോ. എം. ബാ​ല​മു​ര​ളീ​കൃ​ഷ്ണ​യും പി. ​സു​ശീ​ല​യും ചേ​ർ​ന്നു പാ​ടി​യ ‘‘കാ​വേ​രി​പ്പൂം​പ​ട്ട​ണ​ത്തി​ൽ/ കാ​മ​ദേ​വ​ൻ വ​ന്നി​റ​ങ്ങി/​ക​ള​ഹം​സ ച്ചോ​ല​ക​ളി​ൽ/ വ​ള കി​ലു​ങ്ങി ത​ള​കി​ലു​ങ്ങി/ ക​രി​മ്പി​ന്റെ ക​മ്പൊ​ടി​ച്ചു/​വി​ല്ലു കു​ല​ച്ചു -അ​വ​ൻ/​ക​ർ​ണി​കാ​ര​പ്പൂ​വി​റു​ത്തൊ​ര​മ്പു തൊ​ടു​ത്തു/ കു​ന്നു​ക​ൾ​ക്കു കു​ത്തു​മു​ല​ക്ക​ച്ച​യ​ഴി​ഞ്ഞു/​മ​ണ്ണി​ന്റെ മാ​ർ​മൊ​ട്ടി​ൽ തേ​ൻ നി​റ​ഞ്ഞു’’ എ​ന്നി​ങ്ങ​നെ ശൃം​ഗാ​ര​ര​സം തു​ളു​മ്പി നി​ൽ​ക്കു​ന്നു വ​യ​ലാ​റി​ന്റെ വ​രി​ക​ളി​ൽ. പി. ​സു​ശീ​ല ആ​ല​പി​ച്ച ‘‘ഋ​തു​ക​ന്യ​ക​യു​ടെ ല​താ​ഗൃ​ഹ​ത്തി​ലെ/ ഋ​ഷി​കു​മാ​രാ/​പാ​തി​യ​ട​ഞ്ഞ നി​ൻ ന​യ​ന​ദ​ള​ങ്ങ​ളി​ൽ/ ഭ​ക്തി​യോ സ്വ​പ്ന​മോ/​പ​ര​മ​ഹം​സ​പ​ദ നി​ർ​വൃ​തി​യോ..?’’ എ​ന്ന പാ​ട്ടും യേ​ശു​ദാ​സ് പാ​ടി​യ ഉ​ദ​യാ​സ്ത​മ​ന​ങ്ങ​ളേ ^യു​ഗ​സ​ഞ്ചാ​രി​ക​ളേ/ ഉ​യ​ർ​ച്ച​യും താ​ഴ്ച​യും ഒ​രു​പോ​ലെ /നി​ങ്ങ​ൾ​ക്കൊ​രു​പോ​ലെ എ​ന്ന പാ​ട്ടും പി.​ബി. ശ്രീ​നി​വാ​സ് പാ​ടി​യ ‘‘സ്ത്രീ​ഹൃ​ദ​യം -ഇ​തു സ്ത്രീ​ഹൃ​ദ​യം/ വി​കാ​ര​തി​ര​ക​ൾ ഇ​ര​മ്പി​ത്ത​ക​രും സ്ത്രീ​ഹൃ​ദ​യം’’ എ​ന്ന പാ​ട്ടും ഇ​ത​ര ഗാ​ന​ങ്ങ​ളെപോ​ലെ ത​ന്നെ ര​ച​ന​യി​ൽ ഉ​യ​ർ​ന്നു​നി​ന്നു. കെ. ​രാ​ഘ​വ​ന്റെ സം​ഗീ​ത​വും ഉ​ചി​ത​മാ​യ നി​ല​വാ​രം പു​ല​ർ​ത്തി. ‘‘മ​ഞ്ജു​ഭാ​ഷി​ണീ...’’ എ​ന്ന ഗാ​നം ഇ​ന്നും സം​ഗീ​താ​സ്വാ​ദ​ക​ർ​ക്കു പ്രി​യ​പ്പെ​ട്ട​താ​ണ്. 1968 ന​വം​ബ​ർ 22ാം തീ​യ​തി ‘കൊ​ടു​ങ്ങ​ല്ലൂ​ര​മ്മ’ തി​യ​റ്റ​റു​ക​ളി​ലെ​ത്തി.

എം.​ഒ. ജോ​സ​ഫ് മ​ഞ്ഞി​ലാ​സ് എ​ന്ന പേ​രി​ൽ സ്വ​ന്തം നി​ർ​മാ​ണ​ക്ക​മ്പ​നി തു​ട​ങ്ങി​യ​തി​നുശേ​ഷം ന​വ​ജീ​വ​ൻ ഫി​ലിം​സി​ലെ ര​ണ്ടു പ്ര​ധാ​ന പ​ങ്കാ​ളി​ക​ളാ​യ പി. ​ബാ​ൽ​ത്ത​സാ​ർ, എ​ൻ.​വി. ജോ​സ​ഫ് എ​ന്നി​വ​ർ ആ ​ബാ​ന​റി​ൽ ത​ന്നെ ച​ല​ച്ചി​ത്ര​നി​ർ​മാ​ണം തു​ട​ർ​ന്നു. മു​ട്ട​ത്തു വ​ർ​ക്കി​യു​ടെ ജ​ന​പ്രി​യ നോ​വ​ലാ​യ ‘വെ​ളു​ത്ത ക​ത്രീ​ന’ അ​വ​ർ ച​ല​ച്ചി​ത്ര​മാ​ക്കി. നോ​വ​ലി​സ്റ്റ് ത​ന്നെ​യാ​ണ് ചി​ത്ര​ത്തി​ന് തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ​ത്.​ സ​ത്യ​നും പ്രേം​ന​സീ​റും ഇ​തി​ൽ നാ​യ​ക​ന്മാ​രാ​യി. ഷീ​ല​യാ​യി​രു​ന്നു ‘വെ​ളു​ത്ത ക​ത്രീ​ന’. ടി.​എ​സ്. മു​ത്ത​യ്യ, ജ​യ​ഭാ​ര​തി, ക​വി​യൂ​ർ പൊ​ന്ന​മ്മ, അ​ടൂ​ർ ഭാ​സി, ബ​ഹ​ദൂ​ർ, മീ​ന തു​ട​ങ്ങി​യ​വ​രാ​യി​രു​ന്നു മ​റ്റ് അ​ഭി​നേ​താ​ക്ക​ൾ. ശ്രീ​കു​മാ​ര​ൻ ത​മ്പി​യു​ടെ ഗാ​ന​ങ്ങ​ൾ​ക്ക് പ​ര​വൂ​ർ ജി. ​ദേ​വ​രാ​ജ​ൻ ഈ​ണം പ​ക​ർ​ന്നു. ‘ചി​ത്ര​മേ​ള’​ക്കു ശേ​ഷം ഈ ​ലേ​ഖ​ക​നും ജി. ​ദേ​വ​രാ​ജ​നും ഒ​രു​മി​ച്ചു പ്ര​വ​ർ​ത്തി​ച്ച ചി​ത്ര​മാ​ണ് ‘വെ​ളു​ത്ത ക​ത്രീ​ന’. ചി​ത്ര​ത്തി​ലെ എ​ല്ലാ പാ​ട്ടു​ക​ളും ജ​ന​പ്രീ​തി നേ​ടി. എ.​എം. രാ​ജാ പാ​ടി​യ ‘‘കാ​ട്ടു​ചെ​മ്പ​കം പൂ​ത്തു​ല​യു​മ്പോ​ൾ/ക​ട​മ്പു​മ​രം ത​ളി​ര​ണി​യു​മ്പോ​ൾ/ക​ണ്ണാ​ടി​പ്പു​ഴ തെ​ളി​യു​മ്പോ​ൾ/​കാ​ണാ​പ്പൈ​ങ്കി​ളി പാ​ടു​മ്പോ​ൾ/ ക​ര​ളി​ൽ മാ​ത്രം ക​ണ്ണീ​ര​രു​വി/ക​രി​മ​ല​യും വ​ന​നി​ര​യും/ക​ന​ക​നി​ലാ​ക്ക​സ​വു​ടു​ത്തു/​ക​ള​മൊ​ഴി​പ്പൂ​ങ്കാ​റ്റു വ​ന്നു/​ക​തി​രി​ല​ക്കി​ളി പാ​ടി വ​ന്നു...​എ​ന്നും ചി​റ​കൊ​ടി​ഞ്ഞ ഗാ​ന​വു​മാ​യ്/ കാ​ട്ടി​ലാ​കെ ഞാ​ൻ തി​ര​ഞ്ഞു/ചി​ല​മ്പു​പോ​ലെ ചി​രി​ക്കും പെ​ണ്ണേ/ വെ​ളു​ത്ത പെ​ണ്ണേ നീ​യെ​വി​ടെ...?’’ എ​ന്നും ഗാ​നം തു​ട​രു​ന്നു. സ​ത്യ​ൻ എ​ന്ന ന​ട​നു​വേ​ണ്ടി താ​ൻ പാ​ടി​യ പാ​ട്ടു​ക​ളി​ൽ ഏ​റ്റ​വും ഇ​ഷ്ടം ഈ ​ഗാ​ന​മാ​ണെ​ന്ന് എ.​എം. രാ​ജ പ​റ​ഞ്ഞി​ട്ടു​ണ്ട്. ഈ ​ഗാ​ന​ത്തി​ന് ചി​ല പ്ര​ത്യേ​ക​ത​ക​ളു​ണ്ട്. ഈ ​ഗാ​ന​ത്തി​ന്റെ ഓ​ർ​ക്ക​സ്ട്ര​യി​ൽ വ​യ​ലി​ൻ എ​ന്ന ഉ​പ​ക​ര​ണ​ത്തി​നാ​യി​രു​ന്നു പ്രാ​ധാ​ന്യം. വ​യ​ലി​ൻ വാ​ദ​ക​രു​ടെ കൂ​ട്ട​ത്തി​ൽ മൂ​ന്നു സ​ഹോ​ദ​ര​ന്മാ​ർ ഉ​ണ്ടാ​യി​രു​ന്നു. എ​ൽ. വൈ​ദ്യ​നാ​ഥ​ൻ, എ​ൽ. സു​ബ്ര​ഹ്മ​ണ്യം, എ​ൽ. ശ​ങ്ക​ർ എ​ന്നി​വ​ർ. എ​ൽ.​ വൈ​ദ്യ​നാ​ഥ​ൻ പി​ന്നീ​ട് സം​ഗീ​ത​സം​വി​ധാ​യ​ക​നാ​യി. എ​ൽ. സു​ബ്ര​ഹ്മ​ണ്യ​വും എ​ൽ. ശ​ങ്ക​റും വി​ദേ​ശ​ങ്ങ​ളി​ൽ പോ​യി ലോ​ക​പ്ര​ശ​സ്ത വ​യ​ലി​നി​സ്റ്റു​ക​ളാ​യി പ്ര​ശ​സ്തി നേ​ടി. പി​ന്നീ​ട് എ​ൽ. സു​ബ്ര​ഹ്മ​ണ്യം ഹി​ന്ദി സി​നി​മ​യി​ൽ പി​ന്ന​ണി ഗാ​യി​ക​യാ​യി വ​ള​ർ​ന്നു​കൊ​ണ്ടി​രു​ന്ന ക​വി​താ കൃ​ഷ്ണ​മൂ​ർ​ത്തി​യെ വി​വാ​ഹം ക​ഴി​ച്ചു. ‘‘കാ​ട്ടു ചെ​മ്പ​കം...’’ എ​ന്ന പാ​ട്ടി​ന് ഗി​റ്റാ​ർ വാ​യി​ച്ച​ത് ഇ​ള​യ​രാ​ജ ആ​ണ്. 1968 കാ​ല​ങ്ങ​ളി​ൽ ഇ​ള​യ​രാ​ജ മ​റ്റൊ​രു പേ​രി​ലാ​ണ് അ​റി​യ​പ്പെ​ട്ടി​രു​ന്ന​ത്. മ​ഹാ​ക​വി ക​ണ്ണ​ദാ​സ​ന്റെ സ​ഹാ​യി​യും ജ്യേ​ഷ്ഠ പു​ത്ര​നു​മാ​യ പ​ഞ്ചു അ​രു​ണാ​ച​ലം എ​ഴു​തി നി​ർ​മി​ച്ച ‘അ​ന്ന​ക്കി​ളി’ എ​ന്ന സി​നി​മ​യി​ലൂ​ടെ സം​ഗീ​ത​സം​വി​ധാ​യ​ക​നാ​യി രം​ഗ​പ്ര​വേ​ശം ചെ​യ്ത​പ്പോ​ഴാ​ണ് അ​ദ്ദേ​ഹം ത​ന്റെ പേ​ര് ഇ​ള​യ​രാ​ജ എ​ന്ന് മാ​റ്റി​യ​ത്. ‘വെ​ളു​ത്ത ക​ത്രീ​ന’​ക്കു വേ​ണ്ടി യേ​ശു​ദാ​സ് പാ​ടി​യ ‘‘പ്ര​ഭാ​തം വി​ട​രും പ്ര​ദോ​ഷം വി​ട​രും/പ്ര​തീ​ചി ര​ണ്ടും ക​ണ്ടു​നി​ൽ​ക്കും/​ഉ​ദ​യ​മി​ല്ലാ​തി​ല്ല അ​സ്ത​മ​നം/ഉ​ണ​രൂ മ​ന​സ്സേ ഉ​ണ​രൂ/ മ​ദ​ഘോ​ഷം മു​ഴ​ക്കും മ​ഴ​മേ​ഘ​ജാ​ലം/മി​ഴി​നീ​രാ​യൊ​ടു​വി​ൽ വീ​ണൊ​ഴി​യും /ഒ​രു​നാ​ളി​ൽ വ​ള​രും മ​റു​നാ​ളി​ൽ ത​ള​രും/ഓ​രോ ശ​ക്തി​യും മ​ണ്ണി​ൽ’’ എ​ന്ന ഗാ​ന​വും ‘‘പൂ​ജാ​പു​ഷ്പ​മേ, പൂ​ഴി​യി​ൽ വീ​ണ /പൂ​ജാ​പു​ഷ്പ​മേ/ പു​തി​യ കോ​വി​ലി​ൽ പൂ​ജാ​രി നി​ന​ക്കാ​യ് പൂ​പ്പാ​ലി​ക​യൊ​രു​ക്കി’’ എ​ന്ന ഗാ​ന​വും ഹി​റ്റു​ക​ളാ​യി. പി. ​സു​ശീ​ല പാ​ടി​യ ‘‘പ​നി​നീ​ർ​ക്കാ​റ്റി​ൻ താ​രാ​ട്ടി​ലാ​ടി/ പ​വി​ഴ​മ​ല്ലി​യു​റ​ങ്ങി/ ഏ​കാ​ന്ത​ദുഃ​ഖ​ത്തി​ൻ മൂ​ടു​പ​ട​ത്തി​ൽ/​എ​ന്റെ ഹൃ​ദ​യം തേ​ങ്ങി’’ എ​ന്ന ഗാ​ന​വും പി. ​സു​ശീ​ല​യും പി. ​ജ​യ​ച​ന്ദ്ര​നും ചേ​ർ​ന്നു പാ​ടി​യ ‘‘മ​ക​രം പോ​യി​ട്ടും മാ​ട​മു​ണ​ർ​ന്നി​ട്ടും/​മാ​റ​ത്തെ കു​ളി​രൊ​ട്ടും പോ​യി​ല്ലേ/ മേ​ടം വ​ന്നി​ട്ടും പാ​ട​മൊ​ഴി​ഞ്ഞി​ട്ടും/ മേ​നി​ത്ത​രി​പ്പു കു​റ​ഞ്ഞി​ല്ലേ’’ എ​ന്ന യു​ഗ്മ​ഗാ​ന​വും ജ​ന​പ്രീ​തി നേ​ടി. പ്ര​സ്തു​ത ഗാ​ന​ത്തി​ന് ഒ​രു നാ​ട​ൻ​പാ​ട്ടി​ന്റെ സം​ഗീ​ത​രൂ​പ​മാ​ണ് സം​ഗീ​ത സം​വി​ധാ​യ​ക​നാ​യ ദേ​വ​രാ​ജ​ൻ ന​ൽ​കി​യ​ത്. ‘‘പൊ​ട്ടി​ച്ചി​രി​ക്കു​ന്ന പൊ​ന്നാ​ര്യ​ൻ നെ​ല്ലേ/പൂ​ട്ട​ലി​ലെ​ങ്ങാ​നും ചൂ​ടു​ണ്ടോ/ മി​ന്നാ​തെ മി​ന്നു​ന്ന മി​ന്നാ​മി​നു​ങ്ങേ /ഒ​ന്നു​റ​ങ്ങാ​നു​ള്ള ചൂ​ടു​ണ്ടോ..?’’ എ​ന്ന ച​ര​ണ​വും ‘‘മു​ട്ടി​യു​രു​മ്മു​മ്പോ​ളി​പ്പോ​ഴും നെ​ഞ്ചി​ൽ/പൊ​ട്ടി​വി​ട​രു​മെ​നി​ക്കു നാ​ണം/ കെ​ട്ടി​പ്പി​ടി​ക്കു​മ്പോ​ഴെ​ന്റെ മ​ന​സ്സി​ൽ/​ചെ​ട്ടി​കു​ള​ങ്ങ​ര തേ​രോ​ട്ടം’’ എ​ന്ന ച​ര​ണ​വും ശ്രോ​താ​ക്ക​ൾ​ക്ക് ഇ​ഷ്ട​മാ​യി. പി.​ബി. ശ്രീ​നി​വാ​സും പി. ​ലീ​ല​യും സം​ഘ​വും പാ​ടി​യ ‘‘തെ​യ്യ​ന്നം താ​രോ... തെ​യ്യ​ന്നം താ​രോ...’’ എ​ന്ന് തു​ട​ങ്ങു​ന്ന ഒ​രു സം​ഘ​ഗാ​ന​വും (കൊ​യ്ത്തു പാ​ട്ട്) എ​ൽ.​ആ​ർ. ഈ​ശ്വ​രി പാ​ടി​യ ‘‘ക​ണ്ണി​ൽ കാ​മ​ബാ​ണം’’ എ​ന്ന് തു​ട​ങ്ങു​ന്ന ഒ​രു നൃ​ത്ത​ഗാ​ന​വും ‘വെ​ളു​ത്ത ക​ത്രീ​ന’ എ​ന്ന സി​നി​മ​യി​ൽ ഉ​ണ്ടാ​യി​രു​ന്നു. ‘‘തെ​യ്യ​ന്നം താ​രോ തെ​യ്യ​ന്നം താ​രോ/തെ​യ്യ​ന്നം താ​രോ ത​യ് ത​യ് തോം/ഒ​ന്നാം ക​ണ്ട​ത്തി​ൽ ഞാ​റു ന​ട്ടു/ ര​ണ്ടാം ക​ണ്ട​ത്തി​ൽ ഞാ​റു ന​ട്ടു/ ഒ​ന്ന​ല്ല പ​ത്ത​ല്ല നൂ​റു മേ​നി/ ഓ​രോ കൊ​യ്ത്തി​നും നൂ​റു മേ​നി’’ എ​ന്നി​ങ്ങ​നെ​യാ​ണ് കൊ​യ്ത്തു പാ​ട്ടി​ന്റെ പ​ല്ല​വി. എ​ൽ.​ആ​ർ. ഈ​ശ്വ​രി പാ​ടി​യ ഗാ​നം ഇ​ങ്ങ​നെ, ‘‘ക​ണ്ണി​ൽ കാ​മ​ബാ​ണം/ക​വി​ളി​ൽ ക​ള്ള​നാ​ണം/ചു​ണ്ടി​ൽ വി​രി​യും പൂ​വി​ൽ -രാ​ഗ/​വ​ണ്ടു മൂ​ളു​മീ​ണം...’’ ഇ​ത് വെ​റു​മൊ​രു കാ​ബ്റേ ഗാ​ന​മ​ല്ല. ‘‘വി​ധി​യു​ടെ മു​മ്പി​ൽ സ്ത്രീ​ത്വം തൂ​കി​യ/​വി​ഡ്ഢി​ച്ചി​രി​യാ​ണീ ഞാ​ൻ/ തു​ള്ളി​യു​ല​ഞ്ഞു ല​യി​ക്കാ​ൻ വ​ന്ന​വ​ൾ/ തു​റ​ന്ന ജ​യി​ലി​ല​ടി​ഞ്ഞു’’ എ​ന്നി​ങ്ങ​നെ​യാ​ണ് ഈ ​പാ​ട്ട് അ​വ​സാ​നി​ക്കു​ന്ന​ത്. 1968 ന​വം​ബ​ർ 27ന്​ ‘വെ​ളു​ത്ത ക​ത്രീ​ന’ റി​ലീ​സ് ചെ​യ്തു. ചി​ത്രം സാ​മ്പ​ത്തി​ക​മാ​യി വി​ജ​യി​ച്ചു.

മ​ഹാ​ക​വി ര​വീ​ന്ദ്ര​നാ​ഥ ടാ​ഗോ​റി​െ​ന്റ ‘റെ​ക്ക്’ എ​ന്ന പ്ര​ശ​സ്ത നോ​വ​ലി​നെ ആ​ധാ​ര​മാ​ക്കി തോ​പ്പി​ൽ ഭാ​സി തി​ര​ക്ക​ഥ​യും സം​ഭാ​ഷ​ണ​വും ര​ചി​ച്ച ‘അ​ഗ്നി​പ​രീ​ക്ഷ’ എ​ന്ന ചി​ത്രം ദീ​പ​ക് കാ​മ്പൈ​ൻ​സും അ​സീം ക​മ്പ​നി​യും ചേ​ർ​ന്നാ​ണ് നി​ർ​മി​ച്ച​ത്. സ​ത്യ​ൻ, പ്രേം​ന​സീ​ർ, ശാ​ര​ദ, ഷീ​ല, ടി.​എ​സ്. മു​ത്ത​യ്യ, കെ.​പി. ഉ​മ്മ​ർ, അ​ടൂ​ർ ഭാ​സി, ആ​റ​ന്മു​ള പൊ​ന്ന​മ്മ, പ​ട്ടം സ​ദ​ൻ, ടി.​ആ​ർ. ഓ​മ​ന തു​ട​ങ്ങി​യ​വ​ർ അ​ഭി​ന​യി​ച്ച ‘അ​ഗ്നി​പ​രീ​ക്ഷ’​യു​ടെ സം​വി​ധാ​യ​ക​ൻ എം. ​കൃ​ഷ്ണ​ൻ നാ​യ​ർ ആ​യി​രു​ന്നു. 1968 ഡി​സം​ബ​ർ 18​ന് ‘അ​ഗ്നി​പ​രീ​ക്ഷ’​യു​ടെ പ്ര​ദ​ർ​ശ​നം തു​ട​ങ്ങി.

വ​യ​ലാ​ർ എ​ഴു​തി ജി. ​ദേ​വ​രാ​ജ​ൻ ഈ​ണം ന​ൽ​കി​യ നാ​ല് ഗാ​ന​ങ്ങ​ളാ​ണ് ഈ ​സി​നി​മ​യി​ൽ ഇ​ടം​പി​ടി​ച്ച​ത്. പി. സു​ശീ​ല​യും രേ​ണു​ക​യും സം​ഘ​വും പാ​ടി​യ ‘‘കൈ​ര​ളീ കൈ​ര​ളീ കാ​വ്യ​കൈ​ര​ളീ/​ക​ദ​ളീ​വ​ന​ത്തി​ലെ പൈ​ങ്കി​ളീ/ വ​ട​ക്ക​ൻ പാ​ട്ടി​ലെ അ​മൃ​തു​ണ്ടോ/​വ​യ​നാ​ട​ൻ കാ​ട്ടി​ലെ തേ​നു​ണ്ടോ’’ എ​ന്നാ​രം​ഭി​ക്കു​ന്ന ഗാ​നം വ്യ​ത്യ​സ്ത​ത​യു​ള്ള​താ​യി​രു​ന്നു. മ​ല​യാ​ള ^ത​മി​ഴ്- തെ​ലു​ങ്ക് സം​സ്കാ​ര​ങ്ങ​ളെ താ​ലോ​ലി​ക്കു​ന്ന ഗാ​ന​മെ​ന്ന നി​ല​യി​ൽ ഈ ​പാ​ട്ട് വേ​റി​ട്ടു​നി​ന്നു എ​ന്നു പ​റ​യാം. അ​തേ​സ​മ​യം വ​യ​ലാ​ർ-​ദേ​വ​രാ​ജ​ൻ ടീ​മി​ന്റെ അ​ന​ശ്വ​ര ഗാ​ന​ങ്ങ​ളു​ടെ ശേ​ഖ​ര​ത്തി​ൽ ഈ ​ഗാ​നം ഉ​ൾ​പ്പെ​ട്ടു എ​ന്നു പ​റ​ഞ്ഞു​കൂ​ടാ. ഗാ​ന​ത്തി​ലെ വ​രി​ക​ൾ ഇ​ങ്ങ​നെ തു​ട​രു​ന്നു. ‘‘കൈ​ര​ളീ കൈ​ര​ളീ കാ​വ്യ​കൈ​ര​ളീ/ തി​രു​വ​ള്ളു​വ​രു​ടെ നാ​ട്ടി​ലെ/ ത​ങ്ക​മു​ളം​കൂ​ട്ടി​ലെ/ ക​ന്നി​ത്ത​മി​ഴ് കി​ളി​ക്കു ന​ൽ​കാ​ൻ/​ക​ഥ​ക​ളി​പ്പ​ന്ത​ലി​ലെ ചി​ല​മ്പു​ണ്ടോ.../ പൊ​ന്നു വി​ള​യും കാ​വേ​രി​യി​ലെ /പൊ​ന്മ​ണി നെ​ന്മ​ണി ഞ​ങ്ങ​ൾ ത​രാം/ ത്യാ​ഗ​രാ​ജ സം​ഗീ​ത​ത്തി​നു/ ത​ളി​ർ​വി​ര​ലാ​ൽ ശ്രു​തി​യി​ടു​വാ​ൻ/ സ്വാ​തി തി​രു​നാ​ളി​ൻ രാ​ജ​സ​ദ​സ്സി​ലെ/​സ്വ​ര​ല​യ​ര​ഞ്ജി​നി​യാം തം​ബു​രു​വു​ണ്ടോ..?’’ ഇ​തു കൊ​ണ്ടു തീ​രു​ന്നി​ല്ല. പൊ​ന്നു വി​ള​യും ഗോ​ദാ​വ​രി​യു​ടെ തീ​ര​വും ഗാ​ന​ത്തി​ൽ പ​രാ​മൃ​ഷ്ട​മാ​കു​ന്നു. യേ​ശു​ദാ​സ് പാ​ടി​യ ‘‘മു​ത്ത് വാ​രാ​ൻ പോ​യ​വ​രേ/ മു​ത്തെ​ന്തേ ക​ണ്ടി​ല്ല /ചു​ഴി​ക​ൾ ക​ണ്ടു ചി​പ്പി​ക​ൾ ക​ണ്ടു /തു​ഴ​ഞ്ഞു പോ​ന്നു -തി​രി​യെ/ തു​ഴ​ഞ്ഞു പോ​ന്നു’’ എ​ന്ന പാ​ട്ട് സ​ന്ദ​ർ​ഭ​ത്തി​ന് അ​നു​യോ​ജ്യ​മാ​യി​രു​ന്നെ​ങ്കി​ലും ഒ​രു മി​ക​ച്ച ഗാ​ന​മാ​യി​ല്ല. പ്ര​ധാ​ന ക​ഥാ​പാ​ത്ര​ങ്ങ​ൾ തീ​വ​ണ്ടി​യി​ൽ യാ​ത്രചെ​യ്യു​മ്പോ​ൾ പ​ശ്ചാ​ത്ത​ല​ത്തി​ൽ കേ​ൾ​ക്കു​ന്ന പാ​ട്ടാ​ണി​ത്. തീ​വ​ണ്ടി​യു​ടെ താ​ള​വു​മാ​യി ല​യി​ച്ചു ചേ​രും​വി​ധ​മാ​ണ് ദേ​വ​രാ​ജ​ൻ മാ​സ്റ്റ​ർ ഈ ​ഗാ​ന​ത്തി​െ​ന്റ ഈ​ണം ചി​ട്ട​പ്പെ​ടു​ത്തി​യി​ട്ടു​ള്ള​ത്. പി. ​സു​ശീ​ല പാ​ടി​യ ‘‘തി​ങ്ക​ളും ക​തി​രൊ​ളി​യും...’’ എ​ന്നാ​രം​ഭി​ക്കു​ന്ന പാ​ട്ടും യേ​ശു​ദാ​സ് ആ​ല​പി​ച്ച ‘‘ഉ​റ​ങ്ങി​ക്കി​ട​ന്ന ഹൃ​ദ​യം ’’ എ​ന്ന പാ​ട്ടു​മാ​ണ് ‘അ​ഗ്നി​പ​രീ​ക്ഷ’​യി​ലെ മി​ക​ച്ച പാ​ട്ടു​ക​ൾ. ‘‘ഉ​റ​ങ്ങി​ക്കി​ട​ന്ന ഹൃ​ദ​യം’’ എ​ന്ന ഗാ​നം പി. ​സു​ശീ​ല​യു​ടെ ശ​ബ്ദ​ത്തി​ൽ ആ​വ​ർ​ത്തി​ക്ക​പ്പെ​ടു​ന്നു​മു​ണ്ട്. ‘‘തി​ങ്ക​ളും ക​തി​രൊ​ളി​യും/തി​രു​മു​ടി​യി​ൽ ചാ​ർ​ത്തി/ച​ന്ദ​ന​വ​ള്ളി​ക്കു​ടി​ലി​ലി​രി​ക്കും/ ചൈ​ത്ര പ​ഞ്ച​മി​രാ​ത്രി/ കൈ​മൊ​ട്ടി​ൽ മ​ദി​ര നി​റ​ഞ്ഞു/ ക​വി​ളു​ക​ൾ മു​ത്ത​ണി​ഞ്ഞു/ നെ​യ്യാ​മ്പ​ൽ പൂ​ക്ക​ൾ ചി​രി​ച്ചു/ നി​ധി കി​ട്ടി​യ പോ​ലെ...’’ എ​ന്നി​ങ്ങ​നെ​യാ​ണ് പി. ​സു​ശീ​ല​യു​ടെ ഗാ​ന​ത്തി​ലെ വ​രി​ക​ൾ നീ​ങ്ങു​ന്ന​ത്. യേ​ശു​ദാ​സ് പാ​ടു​ന്ന ഗാ​ന​മാ​ണ് കൂ​ടു​ത​ലാ​യി അ​റി​യ​പ്പെ​ടു​ന്ന​ത്. ‘‘ഉ​റ​ങ്ങി​ക്കി​ട​ന്ന ഹൃ​ദ​യം/ഉ​മ്മ​വെ​ച്ചു​മ്മ​വെ​ച്ചു​ണ​ർ​ത്തി/മ​ന​സ്സി​ൽ പ​ത​ഞ്ഞ മ​ധു​രം -നീ/ മ​റ്റൊ​രു പാ​ത്ര​ത്തി​ൽ പ​ക​ർ​ത്തി.../ മ​ല​ർ​ക്കെ തു​റ​ന്ന മി​ഴി​ക​ൾ​കൊ​ണ്ട്/ മ​യൂ​ര​സ​ന്ദേ​ശ​മെ​ഴു​തി/ ചു​വ​ക്കെ -ചു​വ​ക്കെ- ചൊ​ടി​ക​ൾ എ​ത്ര/​ചൂ​ടാ​ത്ത പൂ​വു​ക​ൾ നീ​ട്ടി/ അ​ടു​ത്തു -അ​നു​രാ​ഗം ത​ളി​രി​ട്ടു/ ചി​ല​യ്ക്കെ, ചി​ല​യ്ക്കെ, മൊ​ഴി​ക​ൾ നെ​ഞ്ചി​ൽ/ ശൃം​ഗാ​ര​ത്തേ​ൻ​കൂ​ട് കൂ​ട്ടി/ തു​ടി​ക്കെ തു​ടി​ക്കെ മോ​ഹം -കൂ​ട്ടി​ൽ /തൂ​വ​ൽ​ക്കി​ട​ക്ക നി​വ​ർ​ത്തി/​അ​ടു​ത്തു -അ​നു​രാ​ഗം ക​തി​രി​ട്ടു...’’ ഇ​ങ്ങ​നെ​യൊ​ഴു​കു​ന്ന ഗാ​ന​ത്തി​ൽ വ​യ​ലാ​റി​ന്റെ പ​ദ​ങ്ങ​ളു​ടെ ഭം​ഗി​യും ദേ​വ​രാ​ജ​താ​ള​വും ല​യി​ച്ചു ചേ​രു​ന്ന അ​നു​ഭ​വം ഉ​ദാ​ത്ത​മ​ത്രേ..!

(തു​ട​രും)