''അവളുടെ പാദങ്ങൾ മരണത്തിലേക്കിറങ്ങിപ്പോകുന്നു'' -കഥ

വേ​ളാ​ങ്ക​ണ്ണീ​ന്നു വ​രു​മ്പ​ഴാ.

അ​ന്നൊ​ക്കെ വ​ണ്ടി​യോ​ടി​ക്കു​കാ​ന്നു പ​റ​ഞ്ഞാ​ല് വ​ല്ലാ​ത്ത ക്രേ​സാ. അ​തി​പ്പ​ഴും അ​ങ്ങ​നെ​ത്ത​ന്നാ​ണ്. ലോ​ങ്‌ ട്രി​പ്പി​നു വ​ണ്ടി​യെ​ടു​ത്തു പോ​കു​മ്പോ സ​ത്യം പ​റ​ഞ്ഞാ കൂ​ടെ ആ​രു​മി​ല്ലാ​ത്ത​താ എ​നി​ക്കി​ഷ്​​ടം. ഒ​റ്റ​യ്ക്കു ഡ്രൈ​വു​ചെ​യ്യു​ന്നേ​​ന്റെ ഒ​രു സു​ഖം! പ​ക്ഷേ വ​ല്ലോ​ര​ടേം ഡ്രൈ​വ​റു​പ​ണി​യ​ല്ലേ? ഒ​റ്റ​യ്ക്ക് ഓ​ടി​ക്ക​ല് ന​ട​ക്കു​മോ. അ​ന്നൊ​ക്കെ ഏ​റ്റോം വ​ലി​യ സ്വ​പ്നം ഒ​രു പ​ച്ച സ്കോ​ർ​പി​യോ, സെ​ക്ക​ൻ​ഡാ​യാ​ലും വേ​ണ്ടി​ല്ല, ന​ല്ല ക​ണ്ടീ​ഷ​നാ​യാ മാ​ത്രം മ​തി, സ്വ​ന്ത​മാ​യി വാ​ങ്ങു​ന്ന​തും അ​തോ​ടി​ച്ച് ഇ​ഷ്​​ട​മു​ള്ള​ട​ത്തെ​ല്ലാം ഒ​റ്റ​യ്ക്കു ക​റ​ങ്ങു​ന്ന​തു​മാ​യി​രു​ന്നു. പ​ച്ച​നി​റം എ​ന്നാ​ന്നു ചോ​ദി​ച്ചാ കാ​ര​ണ​മൊ​ന്നു​മി​ല്ല, അ​താ​യി​രു​ന്നു മ​ന​സ്സി​ലൊ​ള്ള കാ​റി​​ന്റെ നെ​റം. കാ​റു​വാ​ങ്ങാ​ൻ മോ​ഹി​ച്ച് പ​ണ്ട് ചി​ട്ടി​ക്കൊ​ക്കെ ചേ​ർ​ന്നി​രു​ന്നു. എ​വി​ടെ ന​ട​ക്കാ​ൻ!

വേ​ളാ​ങ്ക​ണ്ണീ​ന്നു വ​രു​മ്പ​ഴ​ത്തെ കാ​ര്യ​മാ​ണ​ല്ലോ പ​റ​ഞ്ഞു​വ​ന്ന​ത്. അ​ന്നു ഞാ​ൻ മു​രി​ങ്ങ​ത്താ​ന​ത്തെ ഡ്രൈ​വ​റാ. അ​വ​ർ​ക്ക് തു​ണി​ക്ക​ട, ബ്ലേ​ഡ്, ന​ഴ്സ​റി, റി​സോ​ർ​ട്ട് ഒ​ക്കെ​യാ​യി​ട്ട് ഇ​ല്ലാ​ത്ത ബി​സി​ന​സൊ​ന്നു​മി​ല്ല അ​ക്കാ​ല​ത്ത്. പി​ന്നെ ഒ​ക്കെ പൊ​ളി​ഞ്ഞു. ആ​കെ മു​ടി​ഞ്ഞ​പ്പോ വ​യ​നാ​ട്ടി​ലേ​ക്കോ മ​റ്റോ പോ​വു​കാ​രു​ന്നു അ​വ​ര്. ഞാ​നും പി​ന്നെ അ​ന്വേ​ഷി​ച്ചി​ട്ടി​ല്ല. അ​വ​രു​ടെ തൊ​ഴി​ലാ​ളി​യാ​യി​രു​ന്ന​പ്പം ആ​ത്മാ​ർ​ഥ​ത​യോ​ടെ പ​ണി​യെ​ടു​ക്കു​ക, കൂ​ലി വാ​ങ്ങി​ക്കു​ക. അ​തി​ന​പ്പു​റം മു​ത​ലാ​ളി​മാ​രു​ടെ പി​ന്ന​ത്തെ കാ​ര്യ​ത്തി​ലൊ​ക്കെ ന​മു​ക്കെ​ന്തോ​ന്ന്!

മു​രി​ങ്ങ​ത്താ​ന​ത്തെ ന​ടു​ക്ക​ത്തെ മോ​​ന്റെ വ​ണ്ടി ഒ​ന്നാ​ന്ത​ര​മൊ​രു ക്വാ​ളി​സാ. അ​താ​യി​രു​ന്നു മി​ക്ക​വാ​റും ഞാ​നോ​ടി​ച്ചി​രു​ന്ന​ത്. കാ​ര്യ​മെ​ന്താ​ന്നു വെ​ച്ചാ ഈ ​ടോ​മി​ക്ക് വ​ണ്ടി​യോ​ടി​ക്കാ​ൻ ഇ​ഷ്​​ട​മ​ല്ല. വ​ണ്ടി​യോ​ടി​ക്കാ​നി​ഷ്​​ട​മ​ല്ലാ​ത്തോ​രെ കാ​ണു​മ്പോ എ​നി​ക്ക​ങ്ങു അ​ത്ഭു​തം തോ​ന്നും, അ​ങ്ങ​ന​ത്തെ ആ​ണു​ങ്ങ​ളു​ണ്ടോ​ന്ന്! അ​തും ക​ണ്ടാ​ത്ത​ന്നെ ആ​ർ​ക്കും ഒ​ന്നോ​ടി​ക്കാ​ൻ തോ​ന്നു​ന്ന ക​റു​ത്തു മി​നു​ത്ത പു​ത്ത​ൻ ക്വാ​ളി​സ്.

ടോ​മി​ച്ച​​ന്റെ സ​ക​ല ത​രി​കി​ട​ക്കും ഞാ​ൻ കൂ​ടെ​പ്പോ​യി​ട്ടൊ​ണ്ട്. ടോ​മി​ച്ച​ന് എ​ട​ക്കി​ടെ വേ​ളാ​ങ്ക​ണ്ണീ പോ​ണം. ഭ​ക്തി​യാ​ണോ​ന്നു ചോ​ദി​ച്ചാ, അ​തു​മൊ​ണ്ട്. എ​വി​ടേ​ലു​മൊ​ക്കെ പോ​കു​മ്പം കാ​ണു​ന്ന പ​ള്ളീ​ടെ മു​ന്നി​ലൊ​ക്കെ ച​വി​ട്ടാ​ൻ പ​റ​യും. കേ​റി പ്രാ​ർ​ഥി​ച്ചേ​ച്ചേ വ​ര​ത്തൊ​ള്ളൂ. നേ​ർ​ച്ച​ക്കാ​ശും പ​ള്ളി​പ​ണി​ക്കു സ​ഹാ​യോം ചാ​രി​റ്റീം ഒ​ക്കെ​യാ​യി​ട്ടു കൈ​യ്യീ​ന്നു പോ​കു​ന്നേ​നു ക​ണ​ക്കി​ല്ല. അ​തി​നൊ​ന്നും ക​ണ​ക്കു വെ​ക്ക​രു​തെ​ടാ എ​ന്ന് എ​ന്നോ​ടും പ​റ​യും. എ​ന്ന​താ​യാ​ലും ചാ​കും, ചാ​കു​മ്പം ഒ​ന്നും കൊ​ണ്ടു​പോ​കാ​നും പ​റ്റ​ത്തി​ല്ല. ഏ​താ​ണ്ടു നെ​പ്പോ​ളി​യ​​ന്റെ​യോ മ​റ്റോ ക​ഥേം പ​റ​യും. കൈ ​ര​ണ്ടും ശ​വ​പ്പെ​ട്ടീ​ടെ പു​റ​ത്തി​ട്ടോ​ണ്ടാ​രു​ന്ന​ത്രേ അ​ങ്ങേ​രു​ടെ ശ​വ​ഘോ​ഷ​യാ​ത്ര. കാ​ശൊ​ള്ളോ​ന്മാ​രു​ടെ ഓ​രോ വ​ട്ട് എ​ന്നേ എ​നി​ക്ക് ടോ​മി​ച്ച​​ന്റെ​യാ​യാ​ലും നെ​പ്പോ​ളി​യ​​ന്റെ ആ​യാ​ലും ഈ ​ക​ഥ കേ​ക്കു​മ്പം തോ​ന്നീ​ട്ടൊ​ള്ളൂ. ചാ​കു​മ്പം ഒ​ന്നും കൊ​ണ്ടു​പോ​ക​ത്തി​ല്ല. പ​ക്ഷേ, പ​ലി​ശ​ക്കാ​ര​ൻ സു​ലോ​ച​ന​ൻ ചേ​ട്ട​നോ​ടോ റേ​ഷ​ൻ വാ​ങ്ങാ​ൻ കാ​ശു ചോ​ദി​ക്കു​ന്ന അ​മ്മ​യോ​ടോ അ​തു പ​റ​ഞ്ഞാ​ൽ ന​ട​പ​ടി​യാ​കു​മോ!

വേ​ളാ​ങ്ക​ണ്ണി​ക്ക് ആ​ദ്യം പോ​യ​ത് ടോ​മി​ച്ച​​ന്റെ അ​മ്മേം പെ​ങ്ങ​ളും കെ​ട്ടി​യോ​ളും മ​ക്ക​ളും എ​ല്ലാംകൂ​ടാ​രു​ന്നു. അ​മ്മ​ക്ക് എ​ന്തോ നേ​ർ​ച്ച​യൊ​ണ്ടാ​രു​ന്നു. അ​വി​ടെ​ച്ചെ​ന്ന​പ്പം ടോ​മി​ച്ച​​ന്റെ എ​ളേ കൊ​ച്ചി​ന് ഏ​താ​ണ്ടു ഫു​ഡ് പോ​യി​സ​ണ​ടി​ച്ചു. ആ​ശു​പ​ത്രീ​ല് ഡ്രി​പ്പി​ട്ട് ര​ണ്ടു​ദി​വ​സം കെ​ട​ക്ക​ണ്ടി വ​ന്നു. പെ​ണ്ണു​ങ്ങ​ള് ഇ​തു ത​ഞ്ച​മെ​ന്നു ക​ണ്ട് പ​ള്ളീ​ത്ത​ന്നെ പൊ​റു​തി​യാ​യി, ഉ​ള്ള കു​ർ​ബ്ബാ​നേം നൊ​വേ​നേം കു​മ്പ​സാ​രോ​മൊ​ക്കെ​യാ​യി.

ടോ​മി​ച്ച​നാ​രു​ന്നു കൊ​ച്ചി​ന്റ​ടു​ത്ത്. നീ​യെ​ട​ക്കെ​ട​ക്കു വ​രു​ന്ന​ത​ല്ലേ, ഇ​നീം എ​പ്പം വി​ചാ​രി​ച്ചാ​ലും വ​രാ​മ​ല്ലോ, ഞ​ങ്ങ​ടെ കാ​ര്യം അ​ങ്ങ​നാ​ണോ, ഞാ​ന്ത​ന്നെ ആ​യു​സ്സി​ലാ​ദ്യ​മാ ഇ​വ്ടെ വ​രു​ന്നേ, നെ​​ന്റെ പെ​ണ്ണു​മ്പി​ള്ളേം ആ​ദ്യ​മാ. ഞ​ങ്ങ​ളു മാ​താ​വി​ന്റ​ടു​ത്ത് കൊ​തി​തീ​രെ ഇ​രി​ക്ക​ട്ടെ​ടാ​ന്നു അ​മ്മ പ​റ​ഞ്ഞ​പ്പം ടോ​മി​ച്ച​ൻ സ​മ്മ​തി​ക്കു​കാ​രു​ന്നു. സ​ത്യം പ​റ​ഞ്ഞാ അ​താ​ണ് കൊ​ഴ​പ്പ​മാ​യ​ത്.

അ​റി​യാ​ത്ത നാ​ട്ടി​ല്, ഭാ​ഷേം അ​റി​യാ​ത്തി​ട​ത്ത് ചു​മ്മാ ത​ള​ർ​ന്നു​റ​ങ്ങു​ന്ന കൊ​ച്ചി​നേം നോ​ക്കി ഇ​രി​ക്കു​മ്പം ബോ​റ​ടി മാ​റ്റാ​ൻ ചു​റ്റു​മൊ​ള്ള​തി​ലേ​ക്കൊ​ക്കെ അ​റി​യാ​ണ്ട് നോ​ക്കി​പ്പോ​വും. നെ​റ​മു​ള്ള​തു ക​ണ്ടാ​ൽ നോ​ക്കി​യി​രി​ക്കാ​നും തൊ​ട്ടു നോ​ക്കാ​നു​മൊ​ക്കെ തോ​ന്നു​കേം ചെ​യ്യും. അ​ങ്ങ​നെ കു​ടു​ങ്ങി​പ്പോ​യ​താ​രി​ക്കും ടോ​മി​ച്ച​നും. എ​ന്ന​താ​യാ​ലും ആ ​ട്രി​പ്പു ക​ഴി​യു​മ്പ​ത്തേ​നും ടോ​മി​ച്ച​​ന്റെ വീ​ട്ടി​ലെ പെ​ണ്ണു​ങ്ങ​ക്ക് വേ​ളാ​ങ്ക​ണ്ണീ പോ​കാ​നൊ​ള്ള കൊ​തീം തീ​ർ​ന്നു, ടോ​മി​ച്ച​നാ​ണേ​ൽ എ​പ്പ​ളു​മെ​പ്പ​ഴും അ​ങ്ങോ​ട്ടു പോ​കാ​നൊ​ള്ള കാ​ര​ണ​വു​മാ​യി. ആ ​പെ​ങ്കൊ​ച്ചി​​ന്റെ പേ​രൊ​ന്നും ഞാ​ൻ പ​റ​യു​ന്നി​ല്ല, ന​ല്ലൊ​രു കൊ​ച്ചാ​രു​ന്നു. പ​റ​ഞ്ഞു വ​രു​മ്പോ ഞ​ങ്ങ​ളു ത​മ്മി​ലൊ​രു ക​ണ​ക്ഷ​നു​മൊ​ണ്ട്. നാ​ട്ടി​ല് അ​വ​ടെ ഒ​രു ബ​ന്ധു​വീ​ടി​ന​ടു​ത്താ എ​​ന്റെ അ​മ്മ​വീ​ട്. ആ​ശൂ​ത്രീ​ലു വെ​ച്ച് ഞാ​നാ അ​വ​ളെ ആ​ദ്യം പ​രി​ച​യ​പ്പെ​ട്ട​തും ടോ​മി​ച്ച​​ന്റെ മു​റീ​ല് കൊ​ണ്ടു​പോ​യ​തും. ഒ​രു മ​ല​യാ​ളി ന​ഴ്സി​ന്റെ സ​ഹാ​യം കി​ട്ടു​മ​ല്ലോ​ന്നു മാ​ത്ര​മേ അ​ന്നേ​രം ഞാ​നോ​ർ​ത്തു​ള്ളൂ. ഈ ​ത​മി​ഴ​ത്തി​ക​ളു​ടെ നീ​ങ്ക്, തൂ​ങ്ക്, തൂ​ശി പോ​ട്, ശാ​പ്പി​ട് ഒ​ക്കെ കേ​ട്ട് വെ​റു​ത്തുപോ​യി​രു​ന്നു.

മാ​സ​ത്തി​ലൊ​രി​ക്കേ​ന്നു​ള്ള ക​ണ​ക്കി​ല് ആ​ദ്യ​മൊ​ക്കെ അ​വ​ളെ കാ​ണാ​ൻ ഞ​ങ്ങ​ള് പോ​കു​മാ​ര്ന്നു. എ​പ്പ​ഴും നാ​ട്ടു​കാ​രൊ​ള്ള സ്ഥ​ല​മാ​യ​തോ​ണ്ട് ദൂ​രെ​യെ​വി​ടേ​ലു​മാ​യി​രി​ക്കും അ​വ​ളേം കൂ​ട്ടി പോ​വു​ക. ത​ഞ്ചാ​വൂ​രും കും​ഭ​കോ​ണ​ത്തും കാ​ഞ്ചീ​പു​ര​ത്തു​മൊ​ക്കെ ഞ​ങ്ങ​ള് പോ​യി​ട്ടൊ​ണ്ട്. അ​വ​രു ര​ണ്ടാ​ളും ഹോ​ട്ട​ലി​ല​ട​ച്ചി​രി​ക്കു​മ്പോ ഞാ​ൻ വ​ണ്ടീ​മെ​ടു​ത്ത് ചെ​റി​യ ദൂ​ര​മൊ​ക്കെ പോ​കും. എ​ത്ര നേ​ര​മാ​ന്നു വെ​ച്ചാ ഹോ​ട്ട​ലി​​ന്റെ റി​സ​പ്ഷ​നി​ലു പാ​ണ്ടി​ത്ത​മി​ഴും കേ​ട്ടോ​ണ്ടി​രി​ക്കു​ക! അ​ങ്ങ​നെ ഒ​റ്റ​യ്ക്കു പോ​കു​മ്പം ക്വാ​ളി​സ് എ​ന്റേ​താ​ന്നു തോ​ന്നാ​ൻ തൊ​ട​ങ്ങും. സ്വ​ന്തം വ​ണ്ടീ​ല് സൊ​ന്ത​മി​ഷ്​​ട​ത്തി​നു പ​റ​പ്പി​ക്കു​ന്നേ​​ന്റെ ഒ​രു സു​ഖ​മു​ണ്ട​ല്ലോ! ത​മി​ഴ്നാ​ട്ടി​ലെ റോ​ഡു​ക​ളാ​ണേ​ൽ, ഹോ! ​ക​ണ്ടാ​ത്ത​ന്നെ കൊ​തി​യാ​വും. അ​തി​ലൂ​ടെ​യ​ങ്ങ​നെ ഒ​ഴു​കി​യൊ​ഴു​കി​പ്പോ​കു​ന്ന​ത്! അ​തു പ​റ​ഞ്ഞ​റി​യി​ക്കാ​ൻ പ​റ്റു​കേ​ല. എ​പ്പ​ഴാ​യാ​ലും ചെ​രി​പ്പ​ഴി​ച്ചി​ട്ടേ​ച്ചേ ഞാ​ൻ ആ​ക്സി​ലേ​റ്റ​റി​ലും ക്ല​ച്ചി​ലും ബ്രേ​ക്കി​ലു​മൊ​ക്കെ ച​വി​ട്ട​ത്തൊ​ള്ളൂ. അ​തി​​ന്റെ പേ​രി​ല് ടോ​മി​ച്ച​ൻ എ​ന്നെ ക​ളി​യാ​ക്കി​യി​ട്ടു​ള്ളേ​നു ക​ണ​ക്കി​ല്ല. പ​ക്ഷേ ആ​രെ​ന്നാ പ​റ​ഞ്ഞാ​ലും ചെ​രി​പ്പി​ട്ടോ​ണ്ട് എ​നി​ക്കു അ​തേ​ലൊ​ന്നും ച​വി​ട്ടാ​ൻ മ​ന​സ്സു വ​രി​കേ​ല. കാ​ലി​ങ്ങ​നെ ക്ല​ച്ചി​ലും ആ​ക്സി​ലേ​റ്റ​റി​ലും നേ​രി​ട്ടു തൊ​ട​ണം. തൊ​ടു​ന്നേ​ന്റെ ആ ​സു​ഖ​മ​റി​യ​ണം.

എ​ല്ലാ ദി​വ​സോം രാ​വി​ലെ വ​ണ്ടീ​ടെ ആ​ദ്യ​ത്തെ എ​ടു​പ്പെ​ന്നു പ​റ​ഞ്ഞാ എ​നി​ക്ക​ങ്ങ് ഏ​താ​ണ്ടു പോ​ലാ. മെ​ല്ലെ കീ​യി​ട്ട് സോ​ഫ്റ്റാ​യി​ട്ട് തി​രി​ച്ച് സ്റ്റാ​ർ​ട്ടാ​ക്കി പ​തു​ക്ക​നെ ച​വി​ട്ടി​യെ​ടു​ക്കു​മ്പം സ​ത്യം പ​റ​യാ​മ​ല്ലോ എ​​ന്റെ ഒ​ട​ലു മൊ​ത്ത​മൊ​ന്നു പൊ​ട്ടി​ത്ത​രി​ക്കും. കൈ​യി​ല് രോ​മ​ങ്ങ​ളൊ​ക്കെ എ​ഴു​ന്നു നി​ക്കും. അ​തൊ​ന്നും എ​നി​ക്കു വേ​റൊ​രി​ട​ത്ത​ന്നും കി​ട്ടാ​ത്ത അ​നു​ഭൂ​തി​യാ. അ​തേ​പോ​ലാ അ​ന്നൊ​ക്കെ ടോ​മി​ച്ച​ന​റി​യാ​തെ വ​ണ്ടി​യെ​ടു​ത്ത് ഒ​റ്റ​യ്ക്ക്, അ​റി​യാ​ത്ത വ​ഴി​ക​ളി​ലൂ​ടെ പോ​കു​മ്പം കി​ട്ടി​യി​രു​ന്ന​ത്. ആ ​സു​ഖ​മ​റി​ഞ്ഞേ​ച്ചാ പി​ന്നെ ന​മ്മ​ക്ക് വേ​റൊ​ന്നി​നോ​ടും കൊ​തി തോ​ന്ന​ത്തി​ല്ല. ടോ​മി​ച്ച​​ന്റെ കൂ​ടെ എ​ന്തോ​രം എ​ട​ത്തി​ലൊ​ക്കെ ഞാ​ൻ പോ​യി​ട്ടൊ​ണ്ട്. നീ​യും വ​രു​ന്നോ​ടാ, ഒ​ന്നു രു​ചി നോ​ക്കി​ക്കോ എ​ന്നു ടോ​മി​ച്ച​ൻ ചി​ല​പ്പോ ക്ഷ​ണി​ക്കു​കേം ചെ​യ്തി​ട്ടൊ​ണ്ട്. എ​നി​ക്കു വേ​ണ​മെ​ന്നു തോ​ന്നി​യി​ട്ടേ​യി​ല്ല. ആ ​സ​മ​യം എ​​ന്റെ ക്വാ​ളി​സി​നാ​ത്തു ഗി​യ​റും സ്റ്റി​യ​റി​ങ്ങു​മൊ​ക്കെ തൊ​ട്ടു പി​ടി​ച്ചോ​ണ്ടി​രി​ക്കു​ന്ന​താ എ​നി​ക്കു സു​ഖം. എ​​ന്റെ ക്വാ​ളി​സെ​ന്നൊ​ക്കെ ഞാ​നൊ​രൊ​ഴു​ക്കി​ല​ങ്ങു പ​റ​ഞ്ഞ​താ കേ​ട്ടോ. പി​ന്നെ ഞാ​നോ​ടി​ക്കു​മ്പം അ​ത് എ​ന്റേ​തു ത​ന്നാ​ണ​ല്ലോ.

ഒ​ന്നി​ച്ചു​ള്ള യാ​ത്ര​ക​ളി​ൽ അ​വ​രു സ​ന്തോ​ഷ​മാ​യി​ട്ടു ക​ളി​ച്ചും ചി​രി​ച്ചും പൊ​റ​കി​ലി​രി​ക്കും, ഞാ​ൻ എ​​ന്റെ ചെ​രി​പ്പി​ടാ​ത്ത കാ​ലു​കൊ​ണ്ട് മാ​റി മാ​റി ച​വി​ട്ടി, കൈ​യോ​ണ്ട് ഗി​യ​റും സ്റ്റി​യ​റി​ങ്ങും ത​ലോ​ടി ര​സി​ച്ച​ങ്ങ​നെ വ​ണ്ടി​യോ​ടി​ക്കും. ജീ​വി​ത​ത്തി​ലെ ഏ​റ്റ​വും വ​ലി​യ സു​ഖ​മേ​താ​ന്നു എ​ന്നോ​ടു ചോ​ദി​ച്ചാ​ൽ ന​ല്ല ക​ണ്ടീ​ഷ​നി​ലു​ള്ള ഒ​രു വ​ണ്ടി​യോ​ടി​ക്ക​ലാ​ന്നേ ഞാ​ൻ പ​റ​യ​ത്തൊ​ള്ളൂ. അ​തും ന​മ്മ​ളോ​ട​ങ്ങു മെ​രു​ങ്ങി​യ വ​ണ്ടി. എ​ങ്ങ​നെ വ​ഴ​ങ്ങി​ത്ത​രു​മെ​ന്നോ! ഒ​ന്നു തൊ​ട്ടാ​ൽ മ​തി ഗി​യ​റു ചാ​ഞ്ഞു​ല​ഞ്ഞ് ത​നി​യെ മാ​റി​ക്കൊ​ള്ളും, ആ​ക്സി​ലേ​റ്റ​റാ​ണേ കാ​ൽ​പാ​ദ​ത്തി​ലു​മ്മ​വെ​ക്കു​ന്ന മാ​തി​രി ഇ​ക്കി​ളി​യാ​ക്കും. ബ്രേ​ക്കി​ലു ച​വി​ട്ടു​മ്പോ വേ​റൊ​ര​നു​ഭൂ​തി​യാ! ക്ല​ച്ചി​ലു കാ​ലു വെ​ക്കു​മ്പം ഇ​തു ര​ണ്ടു​മ​ല്ലാ​ത്ത വേ​റൊ​രു സു​ഖം! എ​നി​ക്ക​ന്നേ​രം വ​ണ്ടി​യോ​ടു വ​ല്ലോ​മൊ​ക്കെ മി​ണ്ടി​പ്പ​റ​യാ​ൻ തോ​ന്നും. ആ​രു​മ​ക​ത്തി​ല്ലേ​ൽ ഞാ​ൻ വ​ല്ല​തും കൊ​ച്ചു​വ​ർ​ത്താ​ന​മൊ​ക്കെ പ​റ​യു​കേം ചെ​യ്യും.

പ​റ​ഞ്ഞു​വ​ന്ന​ത് ടോ​മി​ച്ച​​ന്റെ ബ​ന്ധം ഒ​രു കൊ​ല്ല​ത്തോ​ളം ഇ​ങ്ങ​ന​ങ്ങു പോ​യി. മാ​സ​ത്തി മാ​സ​ത്തി വ​ണ്ടി​യോ​ടി​ച്ചു പോ​കു​ന്ന​തു ന​ഷ്​​ട​മാ​ന്നു തോ​ന്നി​യി​ട്ടാ​ണോ എ​ന്തോ ആ ​സ​മ​യ​ത്തു ടോ​മി​ച്ച​ൻ ട്രി​ച്ചീ​ലോ​ട്ടു വി​മാ​ന​ത്തി​നു പോ​കാ​ൻ തൊ​ട​ങ്ങി. എ​യ​ർ​പോ​ർ​ട്ടി​ലു വി​ട്ടേ​ച്ചാ​പ്പി​ന്നെ ടോ​മി​ച്ച​​ന്റെ വീ​ട്ടി​ലെ ചി​ല്ല​റ ഓ​ട്ട​ങ്ങ​ളേ കാ​ണൂ. എ​നി​ക്കേ​റ്റ​വും സ​ങ്ക​ട​മൊ​ള്ള കാ​ല​മാ​യി​രു​ന്നു അ​ത്. ത​മി​ഴ്നാ​ട്ടി​ലെ ക​റു​ക​റു​ത്ത റോ​ഡി​ലൂ​ടെ എ​​ന്റെ ക്വാ​ളി​സുംകൊ​ണ്ടൊ​ള്ള ആ ​പോ​ക്ക് ! അ​തൊ​ക്കെ ന​ഷ്​​ട​മാ​യി.

ഇ​വി​ടെ​യാ​ണേ പൊ​ട്ടി​പ്പൊ​ളി​ഞ്ഞ റോ​ഡും ഒ​ടു​ക്ക​ത്തെ തി​ര​ക്കും മു​ക്കി​നു മു​ക്കി​നു സി​ഗ്ന​ലും... എ​ന്നാ മ​ടു​പ്പാ!

ഇ​തി​​െന്റ​ടേ​ല് വീ​ട്ടി​ല് ചെ​ല സം​ശ​യ​ങ്ങ​ളും പ്ര​ശ്ന​ങ്ങ​ളു​മൊ​ക്കെ​യാ​യെ​ന്നു തോ​ന്നു​ന്നു. പ​ള്ളീ​ൽ പോ​യി തി​രി​ച്ചു​വ​രു​മ്പം ഒ​റ്റ​യ്ക്കാ​ണേ റോ​സീ​ന എ​ന്നോ​ടു കു​ത്തി​ക്കു​ത്തി ചോ​ദി​ക്കും, വേ​ളാ​ങ്ക​ണ്ണീ ചെ​ന്നാ​ൽ ടോ​മി​ച്ചാ​യ​ൻ എ​വ് ടാ ​താ​മ​സം, എ​പ്പ​ളും പ​ള്ളീ​ലു പോ​കു​മോ, എ​ല്ലാ കു​ർ​ബാ​നേം കാ​ണു​വോ​ന്നൊ​ക്കെ. അ​ടു​ത്തൊ​ള്ള ലോ​ഡ്ജി​ലാ​ന്നും മു​റി​യെ​ടു​ക്കു​ന്ന​ത് ചു​മ്മാ​താ, എ​പ്പ​ളും പ​ള്ളീ​ത്ത​ന്നാ, പ​ള്ളി വാ​തി​ല​ട​യ്ക്കു​മ്പം ഇ​ച്ചി​രെ ഒ​റ​ങ്ങാ​നും കു​ളി​ക്കാ​നു​വേ റൂ​മി​ലു വ​ര​ത്തൊ​ള്ളൂ എ​ന്നൊ​ക്കെ മ​ന​സ്സാ​ക്ഷി​ക്കു​ത്തി​ല്ലാ​തെ ഞാ​നും ത​ട്ടി​വി​ടും. ആ​ദ്യ​മൊ​ക്കെ റോ​സീ​ന​ക്ക് ഞാ​ൻ പ​റ​യു​ന്ന​തു വി​ശ്വാ​സ​മാ​രു​ന്നു. അ​വ​രു കു​രി​ശു വ​ര​ച്ചേ​ച്ച് മാ​താ​വേ കാ​ത്തോ​ള​ണേ​ന്നു ക​ണ്ണി​ൽ വെ​ള്ളം നെ​റ​ച്ചു പ​റ​യും. പ​ക്ഷേ പി​ന്നെ​പ്പി​ന്നെ നീ ​പ​ച്ച​ക്ക​ള്ള​മാ പ​റ​യു​ന്നേ, അ​ങ്ങേ​ര​ടെ ക​ള്ള​ത്തി​നു കൂ​ട്ടു​നി​ക്കു​വാ, എ​ത്ര​യൊ​ക്കെ നി​ന​ക്ക് വെ​ച്ചുവെ​ള​മ്പി​ത്ത​ന്നി​ട്ടു​ണ്ടെ​ടാ ഞാ​ൻ, എ​ന്നെ​യി​ങ്ങ​നെ ക​ളി​പ്പി​ക്കു​ന്നേ​നു ദൈ​വം ചോ​ദി​ക്കും എ​ന്നെ​ല്ലാം പ്രാ​കാ​ൻ തു​ട​ങ്ങി. എ​നി​ക്ക​ന്നേ​ര​മൊ​ക്കെ ക​ടു​ത്ത കു​റ്റ​ബോ​ധം തോ​ന്നീ​ട്ടൊ​ണ്ട്. പി​ന്നെ എ​​ന്റെ കൂ​റ് ടോ​മി​ച്ച​നോ​ടാ​ണ​ല്ലോ​ന്നോ​ർ​ത്ത് ഞാ​ന​ങ്ങു സ​മാ​ധാ​നി​ക്കും. ബൈ​ബി​ളി​ലും അ​ങ്ങ​നേ​താ​ണ്ടു പ​റ​ഞ്ഞി​ട്ടു​മൊ​ണ്ട്. എ​​ന്റെ ക​ർ​ത്താ​വും മൊ​ത​ലാ​ളീ​മൊ​ക്കെ അ​ങ്ങേ​രാ. അ​ങ്ങേ​രോ​ടു മാ​ത്ര​മേ ഞാ​ൻ വി​ശ്വ​സ്ത​ത കാ​ട്ടേ​ണ്ടൂ.

കു​റ​ച്ചു നാ​ളൂ​ടെ ക​ഴി​ഞ്ഞ​പ്പോ​ൾ ടോ​മി​ച്ച​​ന്റെ പോ​ക്ക് ര​ണ്ടും മൂ​ന്നും മാ​സം കൂ​ടു​മ്പ​ഴാ​യി. ഇ​ട​യ്ക്ക് ഫോ​ൺ വ​രു​ന്ന​തും ആ ​കൊ​ച്ച് ഏ​താ​ണ്ടൊ​ക്കെ സ​ങ്ക​ട​പ്പെ​ട്ട് പ​റ​യു​ന്ന​തും ടോ​മി​ച്ച​ൻ ആ​ശ്വ​സി​പ്പി​ക്കു​ന്ന​തു​മെ​ല്ലാം ഞാ​ൻ വ​ണ്ടീ​ലി​രു​ന്നു കേ​ക്കും. ചി​ല​പ്പോ ടോ​മി​ച്ച​ൻ അ​രി​ശ​പ്പെ​ട്ടു കോ​ളു ക​ട്ടു ചെ​യ്യും. പി​ന്നെ​പ്പി​ന്നെ അ​തി​​ന്റെ കോ​ളു വ​ന്നാ​ൽ ശ​ല്യ​മെ​ന്നും പ​റ​ഞ്ഞ് എ​ടു​ക്കാ​തെ​യു​മാ​യി. നാ​ല​ഞ്ചു പ്രാ​വ​ശ്യം വി​ളി​ച്ചാ​ൽ ഒ​രു ത​വ​ണ​യെ​ടു​ത്ത്, ആ ​വ​രാം, തി​ര​ക്കാ​ന്നേ, മീ​റ്റി​ങ്ങി​ലാ​ന്നേ രാ​ത്രി വി​ളി​ക്കാം എ​ന്നൊ​ക്കെ പ​റ​ഞ്ഞ് വേ​ഗം നി​ർ​ത്തി​ക്ക​ള​യും. എ​നി​ക്ക് ഉ​ള്ളി​ൽ ചി​രി വ​രും. ഈ ​പ്രേ​മോം ക​ല്യാ​ണോം ഒ​ക്കെ ആ​ദ്യ​ത്തെ പു​തു​മ ക​ഴി​ഞ്ഞാ​ൽ ഒ​രേപോ​ലെ​ത്ത​ന്നെ!

റോ​സീ​ന വി​ളി​ക്കു​മ്പ​ഴും ടോ​മി​ച്ചാ​യ​ൻ ഇ​തേ ന​മ്പ​റി​റ​ക്കു​ന്ന​ത് ഞാ​നെ​ത്ര പ്രാ​വ​ശ്യം കേ​ട്ടി​രി​ക്കു​ന്നു. ആ ​കൊ​ച്ചി​​ന്റെ കൂ​ടെ ഹോ​ട്ട​ലി​നാ​ത്തി​രു​ന്നി​ട്ട് വ​ണ്ടീ​ക്കേ​റു​മ്പം പെ​ണ്ണു​മ്പി​ള്ള​യോ​ട് ഉ​ളു​പ്പി​ല്ലാ​തെ പ​റ​യും, ''എ​​ന്റെ പൊ​ന്നേ, പ​ള്ളീ​ല് കു​ർ​ബ്ബാ​ന​യാ​രു​ന്നെ​ടീ, മ​രു​തം​കു​ഴീ​ല​ച്ച​​ന്റെ മ​ല​യാ​ളം കു​ർ​ബ്ബാ​ന! എ​ന്നാ ഒ​രു ഓ​ജ​സ്സാ​ന്നോ! ക​ർ​ത്താ​വ് ന​മു​ക്കു​ള്ളി​ലൂ​ടെ​യി​ങ്ങ് കേ​റി​യി​റ​ങ്ങു​ന്ന തോ​ന്ന​ല​ല്ലേ, എ​ങ്ങ​നെ ഫോ​ണെ​ടു​ക്കാ​നാ!''

ഇ​തെ​ല്ലാം കേ​ട്ട് റോ​സീ​ന കെ​ട്ടി​യോ​​ന്റെ ദൈ​വ​വി​ചാ​ര​ത്തെ​പ്പ​റ്റി​യോ​ർ​ത്ത് കോ​രി​ത്ത​രി​ക്കു​മാ​യി​രി​ക്കും. പാ​വം! ഇ​ത്തി​രി​യൊ​ന്നു പ​ഴ​കു​മ്പ​ഴേ​ക്കും ആ​ണും പെ​ണ്ണും ത​മ്മി​ലൊ​ള്ള എ​ല്ലാ ബ​ന്ധ​ങ്ങ​ളും കെ​ട്ടു ചീ​യാ​ൻ തു​ട​ങ്ങു​മെ​ന്നു ഞാ​നോ​ർ​ക്കും.

കു​റെ പ്രാ​വ​ശ്യം ആ ​പെ​ങ്കൊ​ച്ചു വി​ളി​ക്കു​കേം ഏ​താ​ണ്ടൊ​ക്കെ ക​ശ​പി​ശ​യാ​വു​കേം ചെ​യ്തേ​പ്പി​ന്നെ​യാ​ണ് മൂ​ന്നാ​ലു മാ​സംകൂ​ടി അ​ത്ത​വ​ണ ടോ​മി​ച്ച​ൻ വേ​ളാ​ങ്ക​ണ്ണി​ക്കു പോ​യ​ത്. പോ​യേ​​ന്റെ പി​റ്റേ​ന്ന് എ​ന്നോ​ട് വ​ണ്ടീ​മെ​ടു​ത്ത് വേ​ഗം ചെ​ല്ലാ​ൻ പ​റ​ഞ്ഞു. അ​തു കേ​ട്ട​പ്പ​ഴേ എ​നി​ക്ക​ങ്ങ് കൈ​യും കാ​ലു​മൊ​ക്കെ മേ​ലാ​ത്ത പോ​ലൊ​ള്ള പ​ര​വേ​ശം! കു​റെ നാ​ളാ​യി ഒ​രു ലോ​ങ് ട്രി​പ്പു പോ​യി​ട്ട്. അ​തും ഒ​റ്റ​യ്ക്കാ​ണേ​ല​ത്തെ സു​ഖം പ​റ​യാ​നൊ​ണ്ടോ! അ​ന്നേ​രം റോ​സീ​ന വ​ണ്ടീ​ലൊ​ണ്ട്. ബ്യൂ​ട്ടി പാ​ർ​ല​റി പോ​യേ​ച്ച് വ​രു​വാ. ര​ണ്ടു മ​ണി​ക്കൂ​റാ​യി​ട്ട് ഞാ​ന​തി​നു പു​റ​ത്ത് കാ​ത്തി​രി​ക്കു​വാ​രു​ന്നു. ഒ​രു ഇ​ടു​ക്കു​പി​ടി​ച്ച റോ​ട്ടി​ലാ ആ ​പാ​ർ​ല​റ്. വേ​ണേ​ല് ഒ​ന്നു ക​റ​ങ്ങി​യ​ടി​ച്ചേ​ച്ചൊ​ക്കെ വ​രാം. സാ​ധാ​ര​ണ എ​​ന്റെ കൂ​ടെ പ​ള്ളീ പോ​കു​മ്പ​ഴും ഷോ​പ്പി​ങ്ങി​നി​റ​ങ്ങു​മ്പോ​ഴു​മൊ​ക്കെ​ വ​ണ്ടീ​ന്നി​റ​ങ്ങു​ന്നേ​നു മു​ന്നേ ഓ​ഡോ​മീ​റ്റ​റി​ല് ഓ​ട്ട​ക്ക​ണ്ണി​ട്ടു നോ​ക്കി​യേ​ച്ചേ റോ​സീ​ന പോ​ക​ത്തൊ​ള്ളൂ. തി​രി​ച്ചു കേ​റു​മ്പ​ഴും നോ​ക്കും. കി​ലോ​മീ​റ്റ​റു നോ​ക്കു​ന്ന​താ. നീ​യെ​ങ്ങും പോ​ക​ണ്ട, ഇ​വി​ടെ​ത്ത​ന്നെ കി​ട​ന്നേ​ച്ചാ മ​തി, എ​വി​ടേ​ലും പോ​ണേ​ൽ വ​ണ്ടി​യി​വി​ടെ സേ​ഫാ​യി വെ​ച്ചി​ട്ടു ന​ട​ന്നു പൊ​ക്കോ എ​ന്നെ​ല്ലാം പ​റ​യു​കേം ചെ​യ്യും. പ​ക്ഷേ പാ​ർ​ല​റി​ലു പോ​കു​മ്പം മാ​ത്രം അ​ത്ത​രം നോ​ട്ടോ​മി​ല്ല, പ​റ​ച്ചി​ലു​മി​ല്ല. വേ​ണേ​ൽ നീ ​വ​ണ്ടി​യെ​ടു​ത്തു ഒ​ന്നു ക​റ​ങ്ങി​യേ​ച്ചു വാ ​എ​ന്ന മ​ട്ട്. പ​ക്ഷേ ഈ ​ഇ​ത്തി​രി​പ്പോ​രം ടൗ​ണി​ലെ ബ്ലോ​ക്കി​ലു വ​ണ്ടി​യു​രു​ട്ടാ​ൻ എ​നി​ക്കൊ​രി​ഷ്​​ട​വു​മി​ല്ല. ഞാ​ൻ ത​ണ​ലു നോ​ക്കി പാ​ർ​ക്കു ചെ​യ്തേ​ച്ച് സീ​റ്റും പു​റ​കോ​ട്ടാ​ക്കി ചാ​ഞ്ഞു കി​ട​ക്കും. ആ​ണു​ങ്ങ​ളു കാ​മു​കി​യേം​കൊ​ണ്ട് ഹോ​ട്ട​ലി​പ്പോ​കു​മ്പ​ഴും പെ​ണ്ണു​ങ്ങ​ള് ഉ​ട​ലു മി​നു​ക്കാ​ൻ പാ​ർ​ല​റി​പ്പോ​കു​മ്പ​ഴും ഒ​രു പോ​ലാ​ണ​ല്ലോ​ന്ന് ഞാ​നോ​ർ​ക്കും. ഭ​യ​ങ്ക​ര ഉ​ദാ​ര​മ​ന​സ്ക​ത. നി​ന​ക്കെ​ന്നാ​ന്നു വെ​ച്ചാ ചെ​യ്തോ എ​ന്ന സൗ​ജ​ന്യം! തി​രി​ച്ചു​വ​രു​മ്പോ ഒ​രു ച​മ്മ​ലും വെ​യ്റ്റ് ചെ​യ്തു മ​ടു​ത്തോ എ​ന്ന ലോ​ഹ്യം പ​റ​ച്ചി​ലും. ചെ​യ്യാ​ൻ പാ​ടി​ല്ലാ​ത്ത​ത് ചെ​യ്യു​ന്നൂ​ന്നു​ള്ള ജാ​ള്യ​തകൊ​ണ്ടാ​യി​രി​ക്കോ ഇ​ത്! അ​തോ വേ​റൊ​രാ​ളും കൂ​ടി ഇ​തൊ​ക്കെ അ​റി​യു​ന്നേ​ലൊ​ള്ള നാ​ണ​ക്കേ​ടോ?

എ​ന്താ​യാ​ലും ഒ​ട​നെ ചെ​ല്ലാ​ൻ പ​റ​ഞ്ഞൂ​ന്നു കേ​ട്ട​പ്പോ റോ​സീ​ന​ക്ക​ങ്ങു വെ​പ്രാ​ളം കേ​റി. ഇ​ച്ചാ​യ​ന് ഏ​താ​ണ്ടു പ​റ്റീ​ട്ടൊ​ണ്ട്, ഞാ​നും കൂ​ടെ വ​രു​ന്നൂ​ന്ന് വാ​ശി​യാ​യി. പി​ന്നെ ഒ​രു ക​ണ​ക്കി​ല് ഞാ​ൻ പ​റ​ഞ്ഞു സ​മാ​ധാ​നി​പ്പി​ച്ചു. പി​റ്റേ​ന്നു പു​ല​ർ​ച്ചെ വേ​ളാ​ങ്ക​ണ്ണി​ക്കു പോ​കാ​ൻ റെ​ഡി​യാ​യി​ട്ടു ചെ​ല്ലു​മ്പം ടോ​മി​ച്ച​​ന്റെ മ​രു​മോ​ൻ സാ​ബൂം കൂ​ടി​യൊ​ണ്ട് കൂ​ടെ. എ​നി​ക്ക​ങ്ങു മ​ന​സ്സി​ടി​ഞ്ഞു. ആ ​ചെ​റു​ക്ക​നെ എ​നി​ക്ക​ല്ലേ​ലും ഇ​ഷ്​​ട​മ​ല്ല. വ​ള​വ​ളാ​ന്നു വ​ർ​ത്ത​മാ​നം പ​റ​ഞ്ഞോ​ണ്ടി​രി​ക്കും. ഒ​റ്റ​യ്ക്കു പോ​കു​ന്നേ​​ന്റെ സു​ഖ​മ​ങ്ങു പോ​യി​ക്കി​ട്ടും. അ​തു​മ​ല്ല, വേ​ളാ​ങ്ക​ണ്ണീ​ലെ അ​വ​സ്ഥ എ​ന്താ​ന്നു വ​ല്ലോം എ​നി​ക്ക​റി​യാ​വോ! ഇ​വ​നേം കൊ​ണ്ടു ചെ​ന്നാ​ൽ ടോ​മി​ച്ച​​ന്റെ വാ​യി​ലി​രി​ക്കു​ന്ന​തു ഞാ​ൻ കേ​ൾ​ക്കേ​ണ്ടി വ​രും. എ​ന്ന​താ​യാ​ലും വ​ണ്ടി തൃ​ശൂ​രു വി​ടു​മ്പ​ത്തേ​ക്കും ചെ​റു​ക്ക​ൻ വേ​റൊ​രു പ്ലാ​നു​ണ്ടാ​ക്കി, അ​വ​​ന്റെ കൂ​ട്ടു​കാ​ര് കോ​യ​മ്പ​ത്തൂ​രൊ​ണ്ട്, അ​വി​ടെ എ​റ​ക്കി​യേ​ച്ചാ മ​തി. തി​രി​ച്ചു വ​രു​മ്പം കൂ​ടെ​ക്കൂ​ട്ട​ണം. റോ​സീ​നാ​ന്റി ഒ​ന്നു​മ​റി​യാ​ണ്ടി​രു​ന്നാ മ​തി. ''എ​നി​ക്കെ​ങ്ങും വ​യ്യ, വേ​ളാ​ങ്ക​ണ്ണി വ​രെ. ആ​ന്റി ശ​ല്യ​പ്പെ​ടു​ത്തീ​തോ​ണ്ടാ ഞാ​നി​റ​ങ്ങി​ത്തി​രി​ച്ചേ.''

അ​വ​ൻ ഹെ​ഡ്ഫോ​ണി​ലു പാ​ട്ടു കേ​ട്ടോ​ണ്ടു പ​റ​ഞ്ഞു.

കോ​യ​മ്പ​ത്തൂ​രു വ​രെ​യേ അ​വ​നു​ണ്ടാ​രു​ന്നു​ള്ളൂ. പ​ക്ഷേ അ​ന്നു ഞ​ങ്ങ​ടെ വ​ഴീ​ക്കൂ​ടെ പോ​യ പെ​ണ്ണു​ങ്ങ​ളു വീ​ട്ടി​ച്ചെ​ന്നാ ഏ​ഴു പ്രാ​വ​ശ്യം കു​ളി​ക്ക​ണം. അ​ത്രേം മെ​ന​കെ​ട്ട ക​മ​ന്റു​ക​ളാ അ​വ​ന​വ​രെ നോ​ക്കി പ​റ​ഞ്ഞോ​ണ്ടി​രു​ന്ന​ത്. വ​ണ്ടി​ക്കു പു​റ​ത്തേ​ക്ക് ഒ​രു ച​വി​ട്ടും കൊ​ടു​ത്ത് തെ​റി​പ്പി​ച്ചാ​ലോ എ​ന്നുപോ​ലും എ​നി​ക്കു തോ​ന്നി. കോ​യ​മ്പ​ത്തൂ​ര് അ​വ​നേം എ​റ​ക്കി​യേ​ച്ച് പി​ന്നൊ​ള്ള യാ​ത്ര, എ​​ന്റെ ജീ​വി​ത​ത്തി​ലെ ഏ​റ്റ​വും മ​ധു​ര​മാ​യ ഓ​ർ​മ​ക​ളി​ലൊ​ന്നാ! ഞാ​നും ഞാ​നെ​ന്നാ പ​റ​ഞ്ഞാ​ലും കേ​ക്കു​ന്ന എ​​ന്റെ വ​ണ്ടീം മാ​ത്രം. കു​റെ​ക്കാ​ലം കൂ​ടി​യാ​യി​രു​ന്നു അ​ത്രേം നീ​ണ്ട യാ​ത്ര!

അ​തു തീ​രാ​തി​രു​ന്നാ​ൽ മ​തി​യാ​രു​ന്നൂ​ന്നുപോ​ലും തോ​ന്നി.

ഞാ​ൻ ചെ​ല്ലു​മ്പം ടോ​മി​ച്ച​ൻ പ​ള്ളീ​ലാ. മൂ​ന്നാ​ലു പ്രാ​വ​ശ്യം വി​ളി​ച്ച​പ്പ​ഴാ ഇ​റ​ങ്ങി​വ​ന്ന​ത്. വ​ന്ന​തും ചോ​ദി​ച്ച​ത് നി​ന​ക്കി​പ്പം ത​ന്നെ തി​രി​ച്ചു വ​ണ്ടി​യോ​ടി​ക്കാ​വോ​ന്നാ​ണ്. ക്ഷീ​ണ​മൊ​ണ്ടേ​ൽ സേ​ല​ത്തെ​ങ്ങാ​നും ചെ​ന്ന് റൂ​മെ​ടു​ക്കാം. എ​ത്രേം പെ​െട്ട​ന്ന് ഇ​വി​ടു​ന്നു പോ​ണം. ടോ​മി​ച്ച​​ന്റെ പെ​ട്ടീം പ്ര​മാ​ണോ​മൊ​ക്കെ ക്ലോ​ക്ക് റൂ​മീ​ന്നെ​ടു​ത്തു. ഞാ​ൻ പ​ള്ളീ​ട​ടു​ത്തൊ​ള്ള കു​ളി​മു​റി​ക്കെ​ട്ടി​ട​ത്തി​ലു ചെ​ന്ന് കാ​ശു കൊ​ടു​ത്ത് കു​ളി​ച്ച് ഉ​ടു​പ്പും മാ​റ്റി ഫ്ര​ഷാ​യി. സ​മ​യം എ​ട്ടു​മ​ണി​യാ​വു​ന്നേ​യൊ​ള്ളൂ. അ​വി​ടു​ന്നു ഭ​ക്ഷ​ണം ക​ഴി​ക്കാ​ൻ പോ​ലും ടോ​മി​ച്ച​ൻ സ​മ്മ​തി​ച്ചി​ല്ല. ട്രി​ച്ചീ​ല് എ​ത്ത​ട്ടേ​ന്നു ബ​ഹ​ള​മു​ണ്ടാ​ക്കി​ക്കൊ​ണ്ടി​രു​ന്നു. ഞ​ങ്ങ​ള് അ​പ്പോ​ത്ത​ന്നെ പു​റ​പ്പെ​ട്ടു.

ആ ​പെ​ങ്കൊ​ച്ചി​നെ ഒ​ന്നു കാ​ണ​ണ​മെ​ന്ന് എ​നി​ക്കൊ​രാ​ശ​യു​ണ്ടാ​രു​ന്നു. ഒ​റ്റ​യ്ക്കു കി​ട്ടി​യാ​ൽ അ​തി​നോ​ടൊ​ന്നു പ​റ​ഞ്ഞു കൊ​ടു​ക്ക​ണം, ടോ​മി​ച്ച​ന് മ​തീം കൊ​തീ​മൊ​ക്കെ തീ​ർ​ന്നെ​ന്ന്. ക​ടി​ച്ചു തൂ​ങ്ങി​ക്കെ​ട​ക്കാ​തെ വേ​ഗം ര​ക്ഷ​പ്പെ​ട്ടോ​ളാ​ൻ. വ​ല്ല കാ​ന​ഡേ​ലോ യു.​കെയി​ലോ ഒ​ക്കെ പോ​യി കു​ടും​ബം ര​ക്ഷ​പ്പെ​ടു​ത്ത​ണ്ട കൊ​ച്ചാ​യി​രി​ക്കും. പാ​വം. ഈ ​വ​ലേ​ൽ കി​ട​ന്ന് അ​തി​​ന്റെ ജീ​വി​തം ന​ശി​ക്കാ​തി​രി​ക്ക​ട്ടെ. പ​ക്ഷേ അ​വ​ളെ ക​ണ്ട​തു​മി​ല്ല, ടോ​മി​ച്ച​നാ​ണേ​ൽ ഒ​ടു​ക്ക​ത്തെ തി​ര​ക്കും.

ഇ​ട​യ്ക്ക് നി​ന​ക്ക് ഉ​റ​ക്കം വ​രു​ന്നു​ണ്ടോ, നി​ർ​ത്ത​ണോ എ​ന്നൊ​ക്കെ ടോ​മി​ച്ച​ൻ ചോ​ദി​ച്ചോ​ണ്ടി​രു​ന്നു. എ​നി​ക്ക് ഡ്രൈ​വി​ങ്ങി​നി​ടേ​ൽ ഉ​റ​ക്കം വ​രാ​നോ!

വേ​ണേ​ൽ ഒ​രാ​ഴ്ച ഞാ​ൻ തു​ട​ർ​ച്ച​യാ​യി​ട്ടു മ​ടു​പ്പി​ല്ലാ​തെ വ​ണ്ടി​യോ​ടി​ക്കും. ഇ​തു​പോ​ല​ത്തെ വ​ണ്ടീം ഇ​തു​പോ​ല​ത്തെ റോ​ഡും മാ​ത്രം മ​തി. ഞാ​ൻ സ്റ്റി​യ​റി​ങ്ങി​ല് അ​രു​മ​യോ​ടെ ത​ലോ​ടി, ഗി​യ​റി​ലു പി​ടി​ച്ചു കൊ​ഞ്ചി​ച്ചു. എ​​ന്റെ കാ​ൽ​പാ​ദ​ങ്ങ​ൾ​ക്കു താ​ഴെ ക്ല​ച്ചും ആ​ക്സി​ലേ​റ്റ​റും മൃ​ദു​വാ​യ​മ​ർ​ന്നു. രാ​ത്രി​യാ​യ​തോ​ണ്ട് ബ്രേ​ക്കി​ല് കാ​ലുവെ​ക്കേ​ണ്ടി​പ്പോ​ലും വ​ന്നി​ല്ല. വ​ണ്ടി​യ​ങ്ങു പ​റ​ക്കു​കാ​രു​ന്നു. ന​ല്ല വ​ണ്ടീം ന​ല്ല റോ​ഡും ആ ​കോ​മ്പി​നേ​ഷ​നെ​പ്പ​റ്റി ന​മ്മ​ടെ നാ​ട്ടു​കാ​ർ​ക്കൊ​ന്നും ഒ​രു ബോ​ധോ​മി​ല്ല. കൊ​റെ വി​ല പി​ടി​ച്ച വ​ണ്ടി വാ​ങ്ങി​ച്ചു പൊ​ങ്ങ​ച്ചം കാ​ണി​ക്ക​ണ​മെ​ന്ന​ല്ലാ​തെ, അ​ത് ഏ​തി​ലേ ഓ​ടി​ക്കു​മെ​ന്ന​തി​നെ​പ്പ​റ്റി ഒ​രു ധാ​ര​ണേ​മി​ല്ല, ഓ​ടി​ക്കു​ന്ന​തി​​ന്റെ ആ ​ഒ​രു സു​ഖ​മ​റി​യ​ണോ​ന്നു​മി​ല്ല. ചെ​ല​പ്പം എ​വി​ടു​ന്നേ​ലു​മൊ​ക്കെ സി​നി​മ​ക​ളു​ടെ മു​ക്കും മൂ​ലേ​മൊ​ക്കെ കാ​ണു​മ്പം ഞാ​ൻ അ​തി​ലെ റോ​ഡാ നോ​ക്കു​ന്നേ. ഇം​ഗ്ലീ​ഷു സി​നി​മേ​ലൊ​ക്കെ എ​ന്നാ ഗം​ഭീ​ര​ൻ റോ​ഡു​ക​ളാ! ഹി​ന്ദീ​ലു​മൊ​ണ്ട്. കാ​ണു​മ്പം ഈ ​റോ​ട്ടി​ലൂ​ടൊ​ക്കെ​യാ ഞാ​ൻ വാ​ങ്ങാ​നി​രി​ക്കു​ന്ന സ്കോ​ർ​പി​യോം​കൊ​ണ്ട് പ​റ​ക്ക​ണ്ട​തെ​ന്നു കൊ​തി​ക്കും. ന​മ്മ​ടെ സി​നി​മേ​ലു കാ​ണി​ക്കു​ന്ന റോ​ഡു​ക​ളു ശ്ര​ദ്ധി​ച്ചി​ട്ടൊ​ണ്ടോ, എ​ല്ലാ​ത്തി​ലും വ​ണ്ടി​ക​ൾ​ടെ തി​ര​ക്കും ബ്ലോ​ക്കും മാ​ത്രം! പൊ​ട്ടി​പ്പൊ​ളി​ഞ്ഞ് വീ​തി കൊ​റ​ഞ്ഞ മെ​ന​കെ​ട്ട റോ​ഡു​ക​ള്! ക​ണ്ടാ​ൽ​ത​ന്നെ വെ​റു​ത്തു പോ​കും. ന​മ്മ​ടെ ചി​ല സി​നി​മാ​ന​ട​ന്മാ​ര് കോ​ടി​ക​ൾ​ടെ വ​ണ്ടി​യെ​റ​ക്കി പോ​ർ​ച്ചി​ല് കാ​ഴ്ച​ക്കു വെ​ച്ചേ​ക്കു​ന്ന​തോ​ർ​ത്താ ചി​രി വ​രും. ഓ​ടി​ക്കാ​നൊ​ള്ള റോ​ഡും കൂ​ടെ അ​വ​ന്മാ​ര് ഇ​റ​ക്കു​മ​തി ചെ​യ്യ​ണ്ടി​വ​രും.

എ​വി​ടെ​യോ ഏ​തോ ത​ട്ടു​ക​ടേ​ന്ന് ഞ​ങ്ങ​ളു ഫു​ഡു ക​ഴി​ച്ചു.

ഡ്രൈ​വു ചെ​യ്യു​മ്പം ഹെ​വി​യാ​യി​ട്ടെ​ന്ന​ല്ല, ഭ​ക്ഷ​ണം ക​ഴി​ക്കാ​ൻ ത​ന്നെ എ​നി​ക്കി​ഷ്​​ട​മ​ല്ല. വ​യ​റു നി​റ​യു​മ്പം ഓ​ടി​ക്കു​ന്നേ​​ന്റെ ആ ​ഫ്ലോ അ​ങ്ങു പോ​വും. ടോ​മി​ച്ച​ൻ നി​ർ​ബ​ന്ധി​ച്ചി​ല്ലാ​രു​ന്നേ​ൽ ഞാ​ൻ നി​ർ​ത്ത​ത്തുത​ന്നെ​യി​ല്ലാ​യി​രു​ന്നു. ക​റു ക​റു​ത്ത ദോ​ശ​ക്ക​ല്ലേ​ല് വെ​ളു​ത്തു​പ​ര​ക്കു​ന്ന മാ​വ് മൊ​രി​ഞ്ഞു​വ​രു​ന്ന​തു ക​ണ്ട​പ്പോ ഒ​രെ​ണ്ണം ക​ഴി​ച്ചേ​ക്കാ​മെ​ന്നു തോ​ന്നി. ഉ​ച്ച​ക്ക് എ​വി​ടു​ന്നോ ര​ണ്ടു തൈ​രു​വ​ട തി​ന്ന​താ​ണ് ഇ​ന്ന​ത്തെ ആ​കെ ഭ​ക്ഷ​ണം. ത​ണു​ത്ത ക​ട്ട​ത്തൈ​രി​ലു മ​ല്ലി​യി​ലേം കാ​ര​റ്റു​മൊ​ക്കെ നു​റു​ക്കി​യി​ട്ടി​രു​ന്നു. അ​തി​ലു കു​തി​ർ​ന്നു മ​ദി​ച്ചു കി​ട​ക്കു​ന്ന വ​ട​ക​ളും. ഉ​ച്ച​വെ​യി​ല​ത്തു വ​ണ്ടി​യോ​ടി​ക്കു​മ്പം ക​ഴി​ക്കാ​ൻ ഏ​റ്റ​വും ന​ല്ല ഫു​ഡ് ഏ​താ​ന്നു ചോ​ദി​ച്ചാ ഇ​താ​ണ്. വി​ശ​ക്ക​ത്തു​മി​ല്ല, വ​യ​റും തൊ​ണ്ടേ​മൊ​ക്കെ ത​ണു​ത്തു കി​ട​ക്കു​കേം ചെ​യ്യും. നാ​വി​ല് ചെ​റി​യൊ​രു സു​ഖ​മു​ള്ള പു​ളി​ര​സോം. ലോ​ങ് റൂ​ട്ടി​ല് വ​ണ്ടി​യോ​ടി​ക്കു​മ്പം ഓ​രോ നേ​ര​ത്തി​നും ചേ​ർ​ന്ന ഓ​രോ​രോ ഭ​ക്ഷ​ണ​മൊ​ണ്ട്. രാ​ത്രി​യാ​ണേ​ൽ മ​ധു​ര​മി​ടാ​തെ ന​ല്ല ക​ടു​പ്പ​ത്തി​ലൊ​ള്ള ക​ട്ട​ൻ കാ​പ്പി, ബ്രൂ​വി​​ന്റെ പൊ​ടി​യി​ടു​ന്ന​താ ന​ല്ല​ത്. ആ ​ക​യ്പ് നാ​വി​ലി​ങ്ങ​നെ ത​ങ്ങി നി​ക്ക​ണം. ഞാ​ൻ റോ​സ്റ്റും കാ​പ്പീം കു​ടി​ച്ചേ​ച്ച് വ​ണ്ടീ​ൽ​ക്കേ​റു​മ്പം ടോ​മി​ച്ച​ൻ പൊ​റോ​ട്ടേം ബീ​ഫും തി​ന്നു​തീ​ർ​ത്തി​ട്ടി​ല്ല.

വ​ണ്ടി നി​ർ​ത്തി​യ​പ്പോ ടോ​മി​ച്ച​ൻ പി​റ​കി​ലോ​ട്ടു പോ​കു​ന്ന​തും ചി​റീം തു​ട​ച്ചോ​ണ്ടു കു​റ​ച്ചു നേ​രം ക​ഴി​ഞ്ഞു വ​രു​ന്ന​തും ക​ണ്ടാ​രു​ന്നു. വ​ണ്ടീ​ലി​രു​ന്നു വെ​ള്ള​മ​ടി​ക്കു​ന്ന​ത് മു​ത​ലാ​ളി​യാ​യാ​ലും എ​നി​ക്കി​ഷ്​​ട​മ​ല്ല. ടോ​മി​ച്ച​ൻ ഡി​ക്കീ​ലാ​ണ് സാ​ധ​നം വെ​ക്കു​ക. നി​ർ​ത്തു​മ്പ​ഴൊ​ക്കെ ചെ​ന്ന് ഒ​ന്നോ ര​ണ്ടോ നി​ൽ​പ​ന​ടി​ക്കും. ഇ​ല മ​ട​ക്കീ​ട്ട് കൈ​ക​ഴു​കാ​ൻ പോ​കു​മ്പോ ഇ​ച്ചി​രെ ബീ​ഫു വേ​ണോ​ടാ, രു​ചി നോ​ക്കാ​നെ​ന്ന് ടോ​മി​ച്ച​ൻ ചോ​ദി​ച്ചി​രു​ന്നു. ത​മി​ഴ​ന്മാ​രു വെ​ക്കു​ന്ന ബീ​ഫൊ​ന്നും എ​നി​ക്കു പി​ടി​ക്കി​ല്ല. അ​തൊ​ക്കെ ന​മ്മ​ടെ നാ​ട്ടി​ലെ പെ​ണ്ണു​ങ്ങ​ളു​വെ​ക്ക​ണം.

അ​തു മാ​ത്ര​മ​ല്ല, വ​ണ്ടി​യോ​ടി​ക്കു​മ്പം എ​റ​ച്ചീം മീ​നും മൊ​ട്ടേ​മൊ​ക്കെ തി​ന്ന കൈ ​കൊ​ണ്ടു സ്റ്റി​യ​റി​ങ്ങേ​ലു തൊ​ടാ​ൻ എ​നി​ക്കി​ച്ചി​രെ മ​ടി​യു​മു​ണ്ട്.

ഭ​ക്ഷ​ണം ക​ഴി​ച്ച് കാ​ശും കൊ​ടു​ത്തേ​ച്ച് മൂ​ത്ര​മൊ​ക്കെ ഒ​ഴി​ച്ച് ടോ​മി​ച്ച​ൻ കേ​റി വ​രു​മ്പം ഒ​രു പ​ന്ത്ര​ണ്ട​ര​യാ​യി​ക്കാ​ണും. സാ​ധാ​ര​ണ രാ​ത്രി​യാ​യാ​ലും പ​ക​ലാ​യാ​ലും വ​ണ്ടീ​ക്കേ​റി​യാ​ൽ ടോ​മി​ച്ച​ൻ അ​പ്പോ ഉ​റ​ങ്ങാ​ൻ തു​ട​ങ്ങും. ആ ​പ​തി​വോ​ർ​ത്ത്, ടോ​മി​ച്ച​ൻ പി​റ​കി​ലോ​ട്ടു കി​ട​ന്നോ, ഒ​റ​ങ്ങി​യെ​ണീ​ക്കു​മ്പ​ഴ​ത്തേ​ക്ക് നാ​ടു പി​ടി​ക്കാം എ​ന്നു ഞാ​ൻ പ​റ​ഞ്ഞു. സ​ത്യം പ​റ​ഞ്ഞാ രാ​ത്രി ഒ​റ്റ​ക്കി​രു​ന്നു വ​ണ്ടി​യോ​ടി​ക്കാ​ൻ വേ​ണ്ടീ​ട്ടാ ഞാ​ന​ങ്ങ​നെ പ​റ​ഞ്ഞ​ത്. അ​ല്ലാ​തെ ടോ​മി​ച്ച​നെ ഒ​റ​ക്കീ​ട്ട് എ​നി​ക്കെ​ന്തു പു​ണ്യം കി​ട്ടാ​നാ! അ​ടു​ത്തി​രു​ന്ന് കൂ​ർ​ക്കം വ​ലി​ച്ച് വാ​യും പൊ​ളി​ച്ചൊ​റ​ങ്ങു​ന്ന​ത് വ​ണ്ടീ​ടെ മു​ത​ലാ​ളി​യാ​ണേ​ലും സ​ഹി​ക്കാ​ൻ കു​റ​ച്ചു പ്ര​യാ​സ​മാ​ണ്. പാ​ട്ടു​പോ​ലും വെ​ക്കാ​തെ രാ​ത്രീ​ടേം വ​ണ്ടീ​ടേം മാ​ത്രം ഒ​ച്ച കേ​ട്ടോ​ണ്ട് ഇ​രു​ട്ടി​ലി​ങ്ങ​നെ ഒ​ഴു​കി​യൊ​ഴു​കി​പ്പോ​കു​ന്ന​തി​​ന്റെ സു​ഖ​മൊ​ന്നും പ​റ​ഞ്ഞാ​ൽ മ​ന​സ്സി​ലാ​വി​ല്ല. അ​നു​ഭ​വി​ച്ചു​ത​ന്നെ അ​റി​യ​ണം.

അ​ന്നു പ​ക്ഷേ ടോ​മി​ച്ച​ൻ ബാ​ക്കി​ൽ കേ​റി​യി​ല്ല. സാ​ധാ​ര​ണ നീ​യൊ​റ​ങ്ങി​പ്പോ​ക​ത്തൊ​ന്നു​മി​ല്ല​ല്ലോ​ന്നും ചോ​ദി​ച്ച് പി​റ​കി​ൽ കേ​റി​ക്കി​ട​ന്ന് ഉ​റ​ങ്ങു​ന്ന ക​ക്ഷി​യാ​ണ്.

കു​റെ ദൂ​രം ഒ​ച്ചേം മി​ണ്ടാ​ട്ട​വു​മൊ​ന്നു​മി​ല്ലാ​രു​ന്നു. ഉ​റ​ങ്ങി​ക്കാ​ണു​മെ​ന്നാ ഞാ​ൻ വി​ചാ​രി​ച്ച​ത്. ഞാ​നാ​ണെ​ങ്കി​ൽ ന​ല്ലൊ​രു മൂ​ഡി​ലേ​ക്ക​ങ്ങു മെ​ല്ലെ മെ​ല്ലെ എ​ത്തു​ക​യാ​യി​രു​ന്നു.

എ​ന്നെ ഞെ​ട്ടി​ച്ചോ​ണ്ട് ഓ​ർ​ക്കാ​പ്പു​റ​ത്താ​ണ് ടോ​മി​ച്ച​ൻ ചോ​ദി​ച്ച​ത്.

''നി​ന​ക്ക​വ​ളെ വേ​ണോ​ടാ?''

എ​ന്ന​താ ടോ​മി​ച്ച​ൻ ചോ​ദി​ക്കു​ന്നേ​ന്ന് എ​നി​ക്കാ​ദ്യം മ​ന​സ്സി​ലാ​യി​ല്ല. ഏ​ത​വ​ൾ? ഏ​ത​വ​ളാ​യാ​ലും എ​നി​ക്കെ​ങ്ങും വേ​ണ്ട. പ​ക​രം നി​ന​ക്കീ ക്വാ​ളി​സു വേ​ണോ​ന്നെ​ങ്ങാ​നും ചോ​ദി​ച്ചി​രു​ന്നേ​ൽ! ഞാ​ൻ ത​മാ​ശ​യോ​ടെ ഓ​ർ​ത്തു. അ​ത്ത​രം ക​ളി​ക്കൊ​ന്നും ഒ​രു മു​ത​ലാ​ളീം റെ​ഡി​യാ​വൂ​ല്ല. പ​ത്തു​പ​തി​ന​ഞ്ചു ല​ക്ഷ​ത്തി​​ന്റെ മൊ​ത​ലു വേ​ണോ​ന്നു ചോ​ദി​ക്കാ​ൻ ആ​ർ​ക്കും തോ​ന്നു​കേ​ല. പ​ക​രം ഇ​തു​പോ​ലെ വെ​ല​യി​ല്ലാ​ത്ത​ത് വേ​ണോ​ന്നു ചോ​ദി​ക്കും, ചു​മ്മാ എ​ടു​ത്തോ​ന്നു​പോ​ലും പ​റ​ഞ്ഞേ​ക്കും.

''ചോ​ദി​ച്ച​തു കേ​ട്ടി​ല്ലേ​ടാ? നി​ന​ക്ക​വ​ളെ വേ​ണോ?''

ആ ​കൊ​ച്ചി​​ന്റെ പേ​രും പ​റ​ഞ്ഞേ​ച്ചാ​ണ് ടോ​മി​ച്ച​​ന്റെ ചോ​ദ്യം. എ​നി​ക്ക​വ​നെ കൊ​ല്ലാ​ൻ തോ​ന്നി. പ​ഞ്ചാ​ര​വാ​ക്കും പ​റ​ഞ്ഞ് കൊ​ണ്ടു​ന​ട​ന്നേ​ച്ച് ഇ​പ്പം കൂ​ട്ടി​ക്കൊ​ടു​ക്കു​ന്നോ! ചെ​റ്റ! എ​നി​ക്ക് അ​ടി​മു​ടി വി​റ​ച്ചു. ചോ​ദി​ക്കു​ന്ന​ത് മു​ത​ലാ​ളി​യാ​യി​പ്പോ​യി. കൈ​യി​ല് അ​വ​​ന്റെ വ​ണ്ടി​യാ​യി​പ്പോ​യി. വ​ല്ലോം പ​റ​യാ​വോ! ഇ​ങ്ങ​ന​ത്തെ ചി​ല നി​സ്സ​ഹാ​യാ​വ​സ്ഥ​ക​ളു ജീ​വി​ത​ത്തി​ലൊ​ണ്ട്. വ​ല്ല​വ​ന്റേം പ​ണി​ക്കാ​ര​നാ​യി​ട്ട് ജീ​വി​ക്കു​ന്നേ​​ന്റെ ഗ​തി​കേ​ട്. അ​രി​ശം ഞാ​ൻ വ​ണ്ടി​യോ​ടു തീ​ർ​ത്തു. ബ്രേ​ക്കി​ല് ആ​ഞ്ഞൊ​രു ച​വി​ട്ടു​വെ​ച്ചു​കൊ​ടു​ത്തു. ടോ​മി​ച്ച​ൻ സീ​റ്റ്ബെ​ൽ​റ്റി​നു​ള്ളി​ലും ക​ന​ത്തി​ൽ മു​ന്നോ​ട്ടാ​ഞ്ഞു.

''എ​ന്നാ പ​റ്റി​യെ​ടാ!''

''എ​ന്തോ പെ​ട്ട​ന്ന് കു​റു​കെ ചാ​ടി.''

കാ​ലു​കൊ​ണ്ട് ബ്രേ​ക്കി​നെ​യൊ​ന്നു​രു​മ്മി അ​തി​നോ​ട് മൗ​ന​മാ​യൊ​രു ക്ഷ​മാ​പ​ണം ന​ട​ത്തി​ക്കൊ​ണ്ട് ഞാ​ൻ പ​ച്ച​ക്ക​ള്ളം പ​റ​ഞ്ഞു.

''ഓ! ​വ​ല്ല മൊ​യ​ലു​മാ​യി​രി​ക്കും. നോ​ക്കി ഓ​ടി​ക്ക്.''

കു​റ​ച്ചു നേ​രം ടോ​മി​ച്ച​ൻ പി​ന്നൊ​ന്നും മി​ണ്ടി​യി​ല്ല. ഈ ​വി​ഷ​യം ഇ​നി പ​റ​യ​ത്തി​ല്ലാ​രി​ക്കും എ​ന്നു ഞാ​നും ക​രു​തി. പ​ക്ഷേ കു​റ​ച്ചു ക​ഴി​ഞ്ഞ​പ്പോ​ൾ വീ​ണ്ടും അ​വ​ൻ അ​തെ​ടു​ത്തി​ട്ടു.

''സ​ത്യം പ​റ, നി​ന​ക്ക് അ​വ​ളെ വേ​ണ​മെ​ന്നു തോ​ന്നീ​ട്ടി​ല്ലേ? കി​ട്ടി​യാ​ക്കൊ​ള്ളാ​രു​ന്നു എ​ന്നു തോ​ന്നീ​ട്ടി​ല്ലേ? എ​ന്ന​താ​യാ​ലും നീ​യും ഒ​രാ​ണ​ല്ലേ? വ​ണ്ടീ​ല് ഇ​ങ്ങ​നൊ​രു ച​ര​ക്കി​രി​ക്കു​മ്പോ നി​ന​ക്ക് വേ​റെ വി​ചാ​രം ഒ​ന്നും തോ​ന്നീ​ട്ടി​ല്ലെ​ന്നു മാ​ത്രം ജോ​യീ നീ ​പ​റ​യ​രു​ത്. അ​ത്രേം പു​ണ്യാ​ള​നൊ​ന്നു​മാ​ക​രു​ത് നീ! ​അ​തെ​നി​ക്കി​ഷ്​​ട​വ​ല്ല. ഒ​ള്ള​ത് ഒ​ള്ള​തു​പോ​ലെ തു​റ​ന്നു പ​റ​യ്‌. ന​മു​ക്കെ​ടേ​ലെ​ന്നാ​ത്തി​നാ​ടാ ഒ​രു മ​റ?''

ടോ​മി​ച്ചാ കു​ടി​ച്ചു ല​ക്കു​കെ​ട്ട് ഇ​മ്മാ​തി​രി ശേ​ലു​കേ​ട് പ​റ​യ​രു​തെ​ന്ന് അ​വ​നെ ശാ​സി​ക്ക​ണ​മെ​ന്ന് എ​നി​ക്കു തോ​ന്നി. അ​വ​​ന്റെ ഭാ​ര്യേ​നേം അ​മ്മേ​നേം പെ​ങ്ങ​ന്മാ​രേം ഒ​ക്കെ ഞാ​ൻ വ​ണ്ടീ​ൽ കേ​റ്റി എ​വി​ടെ​ല്ലാം കൊ​ണ്ടു​പോ​യി​ട്ടു​ണ്ട്. അ​വ​രും ഇ​വ​ൻ പ​റ​യു​ന്ന​പോ​ല​ത്തെ ച​ര​ക്കു​ക​ളു ത​ന്നാ. എ​നി​ക്ക​ന്നേ​രം തോ​ന്നാ​ത്ത വേ​റെ വി​ചാ​ര​മാ​ന്നോ ഇ​നി​യാ കൊ​ച്ചി​​ന്റെ കാ​ര്യ​ത്തി​ല്! അ​തും ക​ണ്ടാ​ത്ത​ന്നെ വെ​ള്ളം ന​ന​ഞ്ഞു​നി​ക്കു​ന്ന ലി​ല്ലി​പ്പൂ​വുമാ​തി​രി​യൊ​ള്ള ഒ​രു കൊ​ച്ച്! അ​വ​ളെ വെ​ച്ചു നോ​ക്കു​മ്പം വെ​ളു​ത്തു കൊ​ഴു​ത്ത റോ​സീ​ന​യൊ​ക്കെ​യാ​ണ് മു​ട്ട​ൻ​ച​ര​ക്ക്. പ​ക്ഷേ അ​വ​​ന്റെ കെ​ട്ടി​യോ​ൾ​ടേം ത​ള്ളേ​ടേം കാ​ര്യം പ​റ​ഞ്ഞാ എ​നി​ക്ക് അ​ടി​പൊ​ട്ടു​മെ​ന്നു​റ​പ്പാ​ണ്. ഞാ​ൻ മ​ല​യാ​റ്റൂ​രു മു​ത്ത​പ്പാ​ന്നു മ​ന​സ്സി​ൽ വി​ളി​ച്ച് പ​ല്ലു​ക​ടി​ച്ച​മ​ർ​ത്തി​യി​രു​ന്നു.

''നി​ന​ക്ക​റി​യാ​വോ ആ​ദ്യ​മൊ​ക്കെ അ​വ​ളെ കാ​ണു​മ്പ​ത്ത​ന്നെ എ​നി​ക്ക് ക​ൺ​ട്രോ​ളു പോ​കു​മാ​രു​ന്നു. അ​വ​ക്ക​ടെ ചി​രി, അ​വ​ടെ ചു​ണ്ട്... എ​ല്ലാം കൂ​ടി കാ​ണു​മ്പോ ക്ഷ​മ​യി​ല്ലാ​ണ്ടാ​വും. അ​ന്നേ​രം ത​ന്നെ വേ​ണ​മെ​ന്നു തോ​ന്നും. ആ​ദ്യ​ത്തെ ത​വ​ണ ചി​ദം​ബ​ര​ത്തു പോ​യ അ​ന്ന് ഞ​ങ്ങ​ള് ഓ​ടു​ന്ന വ​ണ്ടീ​ലി​രു​ന്ന്... നീ ​അ​റി​യാ​ത്ത​തൊ​ന്നു​മ​ല്ല. അ​റി​യാ​ത്ത ഭാ​വം ന​ടി​ച്ച​താ​ന്നെ​നി​ക്ക​റി​യാം. അ​താ ഒ​രു ന​ല്ല ഡ്രൈ​വ​റു​ടെ ഗു​ണം. വ​ണ്ടി​ക്കാ​ത്ത് എ​ന്നാ ന​ട​ന്നാ​ലും ഇ​നീ​പ്പോ ഒ​രു കൊ​ല ന​ട​ന്നാ​ലും തി​രി​ഞ്ഞു നോ​ക്ക​രു​ത്, ഇ​ട​പെ​ടു​കേം അ​രു​ത്. നേ​രെ മു​ന്നോ​ട്ടു നോ​ക്കി സ്റ്റി​യ​റി​ങ് തി​രി​ച്ചോ​ളു​ക! നീ ​ആ ടൈ​പ്പാ. അ​താ നി​ന്നെ ഞാ​ൻ വി​ടാ​ത്ത​ത്‌.''

ടോ​മി​ച്ച​ൻ എ​​ന്റെ തോ​ള​ത്തൊ​രൊ​റ്റ അ​ടി. എ​നി​ക്കു ന​ന്നാ​യി വേ​ദ​നി​ച്ചു. ഇ​വ​ൻ പ​റ​യു​ന്ന കാ​ര്യം സ​ത്യം പ​റ​ഞ്ഞാ ഞാ​ന​റി​ഞ്ഞി​ട്ടി​ല്ല. ചി​ദം​ബ​ര​ത്തു പോ​യ​തോ​ർ​ക്കു​ന്നൊ​ണ്ട്. മാ​ന്തോ​പ്പു​ക​ൾ​ക്കി​ട​യി​ലൂ​ടെ​യു​ള്ള ആ ​വ​ഴി​യും. ടോ​മി​ച്ച​നും അ​വ​ളും കൂ​ടെ വ​ണ്ടി​ക്ക​ക​ത്ത് എ​ന്നാ കാ​ണി​ക്കു​ന്നേ​ന്നൊ​ന്നും ഞാ​ൻ നോ​ക്കി​യി​ട്ടു​മി​ല്ല, എ​നി​ക്ക​ത​റി​യാ​നൊ​ട്ടു താ​ൽ​പ​ര്യ​വു​മി​ല്ല. കി​ണു​ങ്ങ​ലും കൊ​ഞ്ച​ലു​മൊ​ക്കെ കേ​ക്കു​മ്പം​പോ​ലും ഞാ​ൻ വ​ല്ല പാ​ട്ടും ശ​ബ്ദം താ​ഴ്ത്തി​വെ​ക്കു​കാ പ​തി​വ്.

പ​ക്ഷേ എ​ന്ന​താ​യാ​ലും തി​രി​ച്ചു ചെ​ന്നി​ട്ട് വ​ണ്ടി​യൊ​ന്നു വാ​ട്ട​ർ സ​ർ​വീ​സി​നു കൊ​ടു​ക്ക​ണം.

''അ​ന്നെ​ല്ലാം നി​​ന്റെ മ​ന​സ്സി​ല് ആ​ശ കാ​ണു​മെ​ന്നെ​നി​ക്ക​റി​യാം. പ​ക്ഷേ ഞാ​ന​പ്പ​ഴൊ​ക്കെ ഭ​യ​ങ്ക​ര സ്വാ​ർ​ഥ​നാ​യി​പ്പോ​യെ​ടാ ഉ​വ്വേ! കെ​ട്ടു​പോ​ലും ക​ഴി​യാ​തെ മൂ​ത്തു നി​ക്കു​ന്ന നി​ന്നേം മു​ന്നി​ലി​രു​ത്തി ഞാ​നെ​ന്ന​തൊ​ക്ക​യാ ചെ​യ്ത​ത്! എ​നി​ക്കു പ്രാ​യ​ശ്ചി​ത്തം ചെ​യ്യ​ണ​മെ​ടാ! കു​മ്പ​സാ​രി​ക്കു​കേം വേ​ണം. അ​തു ഞാ​ൻ മാ​താ​വി​​ന്റെ പ​ള്ളീ​ന്നു ചെ​യ്തു. പ​ക്ഷേ ആ ​അ​ച്ച​നൊ​രു കൊ​ണ​മി​ല്ലെ​ടാ, ഒ​രു കെ​ള​വ​ൻ ത​മി​ഴ​ന​ച്ച​നാ. അ​യാ​ക്ക് ഒ​ന്നും മ​ന​സ്സി​ലാ​വു​ന്നു​മി​ല്ല. ഞാ​ൻ വ്യ​ഭി​ചാ​രം ചെ​യ്തു, പ​ര​സ്യ​മാ​യി​ട്ടു അ​ന്യ​സ്ത്രീ​യെ ഭോ​ഗി​ച്ചു എ​ന്നൊ​ക്കെ പ​റ​യു​മ്പം ചെ​വീം കേ​ക്കാ​ത്ത ആ ​കെ​ള​വ​ൻ ചോ​ദി​ക്കു​ന്ന​ത് -എ​ന്ന? എ​ന്നാ? അ​വ​സാ​നം മ​ടു​ത്തി​ട്ടു ഞാ​ൻ നി​ർ​ത്തി. പ​ത്തു ന​ന്മ നി​റ​ഞ്ഞ മ​റി​യം ചൊ​ല്ലാ​നാ അ​യാ​ളു പ്രാ​യ​ശ്ചി​ത്തം ത​ന്നേ. അ​ങ്ങ​നെ തീ​രു​ന്ന പാ​പ​മാ​ണോ​ടാ ഞാ​ൻ ചെ​യ്ത​ത്? നീ ​പ​റ, ആ ​പാ​പം ക​ന്യ​ക​യാ​യി​ട്ടൊ​ള്ള മ​റി​യ​ത്തെ സ്തു​തി​ച്ചാ തീ​രു​ന്ന​താ​ണോ? എ​നി​ക്കു നാ​ട്ടി​ച്ചെ​ന്നി​ട്ടു ന​ന്നാ​യി​ട്ടൊ​ന്നു കു​മ്പ​സാ​രി​ക്ക​ണം.''

ഞാ​ൻ ഉ​ള്ളി​ൽ ചി​രി​ച്ചു. ടോ​മി​ച്ച​​ന്റെ എ​ട​വ​കേ​ലെ ആ ​ച​ക്ക​ര​വ​ക്ക​ൻ കൊ​ച്ച​ച്ച​​ന്റെ അ​ടു​ത്തു ത​ന്നെ ചെ​ന്നു കു​മ്പ​സാ​രി​ക്ക​ണം. അ​ങ്ങേ​രു വി​ശ​ദ​മാ​യി​ട്ടോ​രോ​ന്നു ചോ​ദി​ച്ച​റി​യു​കേം ചെ​യ്യും റോ​സീ​ന​ക്കു കൊ​ളു​ത്തി​ക്കൊ​ടു​ക്കു​കേം ചെ​യ്യും. എ​ട​വ​കേ​ലെ പെ​ണ്ണു​ങ്ങ​ൾ​ക്കു മു​ഴു​വ​ൻ ലൈ​ന് വ​ലി​ക്കാ​ൻ പ​ഴു​തും നോ​ക്കി​യി​രി​ക്കു​ന്ന ഒ​രു കോ​ഴി​യാ അ​ങ്ങേ​ര്.

ഇ​ത്ത​രം കാ​ര്യ​ങ്ങ​ളൊ​ന്നും ഒ​രാ​ണും വേ​റൊ​രാ​ണി​നോ​ടു പ​റ​യ​രു​ത്. അ​തി​പ്പം ക​ത്ത​നാ​രോ​ടാ​യാ​ലും സ്വ​ന്തം ഡ്രൈ​വ​റോ​ടാ​യാ​ലും. ടോ​മി​ച്ച​​ന്റെ തൊ​ഴി​ലാ​ളി​യാ​യി​രി​ക്കു​ന്ന കാ​ല​ത്ത് ഞാ​നി​തൊ​ന്നും ആ​രോ​ടും പ​റ​യ​ത്തി​ല്ലാ​യി​രി​ക്കും. പ​ക്ഷേ അ​ങ്ങ​നെ അ​ല്ലാ​താ​വു​മ്പ​ഴോ! എ​നി​ക്കും ഇ​തു പ​റ​ഞ്ഞു ന​ട​ക്കാ​ൻ കൊ​ള്ളാ​വു​ന്ന ഇ​ക്കി​ളി​ക്ക​ഥ​യ​ല്ലേ? ഇ​തൊ​ക്കെ എ​ത്ര പ​ഴ​കി​യാ​ലും ആ​ളു​ക​ൾ​ക്കു കേ​ക്കാ​ൻ കൊ​തി തീ​രു​കേ​ല.

ഇ​ങ്ങ​നൊ​ക്കെ ഓ​ർ​ത്തെ​ങ്കി​ലും ഞാ​നൊ​ന്നും മി​ണ്ടാ​ൻ പോ​യി​ല്ല. ടോ​മി​ച്ച​നൊ​ന്നു ഒ​റ​ങ്ങി​ക്കി​ട്ടി​യാ​ൽ മ​തി​യാ​രു​ന്നൂ​ന്നാ​യി​രു​ന്നു പ്രാ​ർ​ഥ​ന. എ​​ന്റെ രാ​ത്രി​ഡ്രൈ​വി​​ന്റെ സു​ഖോം ര​സോം ക​ള​ഞ്ഞ് ഇ​വ​​ന്റെ ഒ​ടു​ക്ക​ത്തെ കു​റ്റ​ബോ​ധോം കു​മ്പ​സാ​രോം!

''എ​ടാ നീ ​വ​ണ്ടി​യൊ​ന്നൊ​തു​ക്കി​യേ. എ​നി​ക്ക് മൂ​ത്ര​മൊ​ഴി​ക്ക​ണം.''

ടോ​മി​ച്ച​ൻ പെ​െ​ട്ട​ന്നു പ​റ​ഞ്ഞ​പ്പോ​ൾ ഞാ​ൻ വ​ണ്ടി സൈ​ഡി​ലാ​ക്കി നി​ർ​ത്തി. ഡി​ക്കി തു​റ​ക്കാ​ൻ പ​റ​ഞ്ഞ​പ്പ​ഴേ മൂ​ത്ര​മൊ​ഴി​ക്കാ​ന​ല്ല, വെ​ള്ള​മ​ടി​ക്കാ​നാ​ണെ​ന്ന് എ​നി​ക്കു മ​ന​സ്സി​ലാ​യി. വ​ണ്ടീം വെ​ളി​ച്ചോം ഒ​ന്നു​മി​ല്ലാ​ത്ത കാ​ട്ടു​വ​ഴി​യാ​ണ്, ഇ​വി​ടി​ങ്ങ​നെ നി​ർ​ത്തി​യി​ടു​ന്ന​ത് സേ​ഫ​ല്ല. വേ​ഗം വ​ന്നു കേ​റി​യാ​ൽ മ​തി​യാ​രു​ന്നു. ടോ​മി​ച്ച​ൻ അ​ധി​കം സ​മ​യ​മെ​ടു​ത്തി​ല്ല, പെ​​െട്ട​ന്നു തി​രി​ച്ചു​വ​ന്നു. പ​ക്ഷേ എ​ന്നെ ഞെ​ട്ടി​ച്ചു​കൊ​ണ്ട് ടോ​മി​ച്ച​ൻ വ​ല​തു​വ​ശ​ത്തോ​ട്ടാ വ​ന്ന​ത്.

''നീ​യെ​റ​ങ്ങ്, എ​നി​ക്കി​ച്ചി​രെ ഓ​ടി​ക്ക​ണം, നീ​യൊ​ള്ള കാ​ര​ണം ഞാ​നെ​​ന്റെ വ​ണ്ടി ഒ​ന്നു കൊ​തി തീ​രെ ഓ​ടി​ച്ചി​ട്ടു​പോ​ലു​മി​ല്ല. മാ​റ്.''

ഞാ​നേ​തോ വ​ലി​യ പാ​ത​കം​ചെ​യ്ത മ​ട്ടി​ലാ​യി​രു​ന്നു ടോ​മി​ച്ച​​ന്റെ​യാ പ​റ​ച്ചി​ല്. ആ​വും​മ​ട്ടെ​ല്ലാം ഞാ​ൻ പി​ന്തി​രി​പ്പി​ക്കാ​ൻ നോ​ക്കി. നെ​റ​പാ​തി​ര, കൊ​ന്നാ​ലും വ​ണ്ടി​യോ​ടി​ക്കാ​നി​ഷ്​​ട​മി​ല്ലാ​ത്ത ടോ​മി​ച്ച​ൻ, പോ​രാ​ത്തേ​ന് ന​ല്ല വെ​ള്ള​വും. ച​വി​ട്ടി പ​റ​ത്താ​ൻ തോ​ന്നു​ന്ന വ​ഴീം കൂ​ടെ​യാ​യാ​ല് പ​റ​യാ​നൊ​ണ്ടോ! എ​ന്തു പ​റ​ഞ്ഞി​ട്ടും ഒ​രു കാ​ര്യോ​മു​ണ്ടാ​യി​ല്ല. അ​വ​ൻ എ​​ന്റെ കോ​ള​റേ​ലു പി​ടി​ച്ച് വ​ലി​ച്ചി​റ​ക്കി, ആ​രെ​ടാ ഈ ​വ​ണ്ടീ​ടെ ഉ​ട​മ​സ്ഥ​ൻ? ഞാ​നോ നീ​യോ എ​ന്നൊ​ക്കെ ചോ​ദി​ക്കു​ന്നു​മു​ണ്ടാ​യി​രു​ന്നു. അ​വ​ൻ കേ​റി സ്റ്റാ​ർ​ട്ടു ചെ​യ്ത​പ്പോ വ​ണ്ടീ​ക്കേ​റാ​തെ എ​നി​ക്കു വേ​റെ വ​ഴി​യി​ല്ലാ​താ​യി. ഊ​രും കൈ​യി​ലെ​ടു​ത്ത് ഞാ​ൻ അ​പ്പു​റ​ത്തി​രു​ന്നു, കൈ​യ് ഹാ​ൻ​ഡ്ബ്രേ​ക്കി​ന​ടു​ത്തുത​ന്നെ പി​ടി​ച്ചോ​ണ്ട്. ടോ​മി​ച്ച​ൻ ന​ല്ല സ്പീ​ഡി​ലാ​രു​ന്നു. അ​തി​നെ​ടേ​ല് അ​വ​നെ​ന്നോ​ട് സോ​റി​യൊ​ക്കെ പ​റ​ഞ്ഞു. ഞാ​ൻ മി​ണ്ടാ​ൻ പോ​യി​ല്ല. ക​ള്ളും കു​ടി​ച്ച്, ബീ​ഫും തി​ന്നേ​ച്ച് അ​വ​നെ​​ന്റെ ക്വാ​ളി​സി​​ന്റെ സ്റ്റി​യ​റി​ങ്ങേ​ല് തൊ​ട്ട​തു ത​ന്നെ എ​നി​ക്കു സ​ഹി​ക്കാ​ൻ പ​റ്റു​ന്നി​ല്ല. ഇ​ത​വ​ൻ എ​വി​ടെ​ക്കൊ​ണ്ടേ കു​ത്തു​മെ​ന്ന പേ​ടി വേ​റേം.

''നേ​ര​ത്തെ ചോ​ദി​ച്ചേ​നു നീ ​മ​റു​പ​ടി​യൊ​ന്നും പ​റ​ഞ്ഞി​ല്ല. നി​ന​ക്ക​വ​ളെ വേ​ണോ? നീ​യ​വ​ളെ കെ​ട്ടി​ക്കോ​ടാ. ഞാ​ൻ വി​ട്ടുത​ന്നേ​ക്കു​ന്നു. നി​ന​ക്കു പ​റ്റു​മോ​ടാ? അ​വ​ക്കു ക​ല്യാ​ണാ​ലോ​ച​ന​ക​ളാ​ണ​ന്ന്.''

ഇ​നീം പി​ടി​ച്ചു​നി​ക്കാ​ൻ പ​റ്റ​ത്തി​ല്ലാ​ന്ന്.

ഞാ​ന​വ​ളെ കെ​ട്ട​ണ​മെ​ന്ന് വാ​ശി. എ​​ന്റെ കെ​ട്ടു ക​ഴി​ഞ്ഞ​ത​ല്ലേ​ന്നു പ​റ​ഞ്ഞ​പ്പോ ''ര​ഹ​സ്യ​ക്ക​ല്യാ​ണം മ​തി, പ​ക്ഷേ താ​ലി​കെ​ട്ട​ണം , ര​ജി​സ്റ്റ​റു​ചെ​യ്യ​ണം, രേ​ഖ വേ​ണം, അ​വ​ടെ കൂ​ടെ താ​മ​സി​ക്കു​കേം വേ​ണം... ചി​ന്ന​വീ​ടൊ​ക്കെ ത​മി​ഴ​ന്മാ​രു​ടെ സെ​റ്റ​പ്പാ​ടാ. ന​മു​ക്കു കൊ​ണ്ടു​ന​ട​ക്കാ​ൻ പ​റ്റു​കേ​ല. അ​തി​ലും ന​ല്ല​ത് നീ​യ​വ​ളെ കെ​ട്ടി​ക്കോ. കാ​ര്യ​ങ്ങ​ളൊ​ക്കെ ഞാ​ൻ നോ​ക്കി​ക്കൊ​ള്ളാം. നീ​യൊ​ന്നു നി​ന്നു ത​ന്നാ മ​തി.''

എ​നി​ക്ക് അ​രി​ശം കാ​ലീ​ന്നി​ര​ച്ചു​ക​യ​റി. അ​വ​​ന്റെ എ​ച്ചി​ല് ഞാ​നെ​ടു​ക്ക​ണം. എ​ന്നി​ട്ട് എ​​ന്റെ വീ​ടി​​ന്റെ വാ​തി​ല് അ​വ​നു തു​റ​ന്നി​ട്ടു കൊ​ടു​ക്ക​ണം! പ​ട്ടി!

''പ്ര​ശ്നം കു​റ​ച്ചു സീ​രി​യ​സാ. ഞാ​ൻ കെ​ട്ടാ​ൻ ത​യ്യാ​റ​ല്ലേ​ല് എ​ല്ലാം പ​ര​സ്യ​മാ​ക്കു​മ​ത്രേ. വീ​ട്ടി​ക്കേ​റി വ​രു​മ​ത്രേ! അ​വ​ക്കും ചോ​ദി​ക്കാ​നും പ​റ​യാ​നു​മൊ​ക്കെ ആ​ളൊ​ണ്ടെ​ന്ന്! ഭീ​ഷ​ണി​യാ​ടാ! ആ ​ന​രു​ന്തു​പെ​ണ്ണി​​ന്റെ ഭീ​ഷ​ണി! അ​തും ഈ ​ടോ​മി​ച്ച​നോ​ട്! അ​വ​ളെ​ന്താ വി​ചാ​രി​ച്ച​ത്! നി​​ന്റെ കാ​ര്യം ഞാ​ന​വ​ളോ​ടു പ​റ​ഞ്ഞു. എ​ന്നെ​യ​വ​ള് മു​ഖ​ത്ത​ടി​ച്ചു. എ​​ന്റെ ക​ൺ​ട്രോ​ള​ങ്ങു പോ​യെ​ടാ!''

ഒ​രു ഹെ​യ​ർ​പി​ൻ വ​ള​ച്ചെ​ടു​ക്കു​ന്ന​തി​നി​ട​യി​ൽ ടോ​മി​ച്ച​ൻ നി​ർ​ത്താ​തെ പ​റ​ഞ്ഞു​കൊ​ണ്ടി​രു​ന്നു.

''പ​ര​സ്ത്രീ​യു​ടെ അ​ധ​ര​ങ്ങ​ളി​ൽ​നി​ന്നു തേ​ൻ ഇ​റ്റി​റ്റു വീ​ഴു​ന്നു

അ​വ​ളു​ടെ സം​ഭാ​ഷ​ണം എ​ണ്ണ​യെ​ക്കാ​ൾ മാ​ർ​ദ​വ​മു​ള്ള​താ​ണ്.

എ​ന്നാ​ൽ ഒ​ടു​വി​ൽ അ​വ​ൾ കാ​ഞ്ഞി​ര​ത്തെ​ക്കാ​ൾ ക​യ്പു​ള്ള​വ​ളാ​ണ്.

ഇ​രു​ത​ല വാ​ളി​നെ​ക്കാ​ൾ മൂ​ർ​ച്ച​യു​ള്ള​വ​ൾ.

അ​വ​ളു​ടെ പാ​ദ​ങ്ങ​ൾ മ​ര​ണ​ത്തി​ലേ​ക്ക് ഇ​റ​ങ്ങി​പ്പോ​കു​ന്നു'' -ഏ​താ​ണ്ടു ക​വി​ത​യാ​ണ് ടോ​മി​ച്ച​ൻ പ​റ​യു​ന്ന​തെ​ന്ന് എ​നി​ക്കു തോ​ന്നി. അ​തോ ബൈ​ബി​ളോ? അ​വ​സാ​ന​ത്തെ വ​രി​ക​ൾ കേ​ട്ട​പ്പോ എ​​ന്റെ ഉ​ള്ളൊ​ന്നു ത​ണു​ത്തു വി​റ​ച്ചു. മ​ര​ണ​ത്തി​ലേ​ക്ക് ഇ​റ​ങ്ങി​പ്പോ​വു​ന്നു..?

''ഞാ​ന​വ​ളേം ഇ​ങ്ങു കൂ​ട്ടി​യെ​ടാ. ദാ​ണ്ടെ വ​ണ്ടി​ക്കാ​ത്തി​രി​ക്കു​ന്നു​ണ്ട്. എ​ന്നെ ഭീ​ഷ​ണി​പ്പെ​ടു​ത്തി​യേ​ച്ചും മു​ഖ​ത്ത​ടി​ച്ചേ​ച്ചും ഒ​രു​ത്തി​യു​മ​ങ്ങ​നെ ആ​ളു ക​ളി​ക്ക​ണ്ട, ഇ​തു മു​രി​ങ്ങ​ത്താ​ന​ത്തെ ടോ​മി​ച്ച​നാ!''

പി​റ​കി​ൽ ആ​രു​മി​ല്ലെ​ന്ന​റി​ഞ്ഞി​ട്ടും ഞാ​ൻ ഭ​യ​ത്തോ​ടെ തി​രി​ഞ്ഞു​നോ​ക്കി.

ടോ​മി​ച്ച​ൻ ഉ​റ​ക്കെ പൊ​ട്ടി​ച്ചി​രി​ച്ചു.

''ഡി​ക്കീ​ലാ​ടാ! ഒ​ടി​ച്ചു മ​ട​ക്കി​വെ​ച്ചേ​ക്കു​വാ! നി​ന​ക്കു വേ​ണേ​ലെ​ടു​ത്തോ, അ​ല്ല, നീ ​ത​ന്നെ എ​ടു​ക്ക​ണം. നി​ന​ക്കു പെ​ണ്ണും പെ​ട​ക്കോ​ഴീം ഒ​ന്നു​മി​ല്ല​ല്ലോ, നി​ന​ക്കെ​​ന്റെ സ​മ്മാ​ന​മാ, എ​ടു​ത്തോ.''

ഞാ​ൻ വി​റ​യ​ലോ​ടെ ടോ​മി​ച്ച​നെ നോ​ക്കി. എ​​ന്റെ കൈ​ക​ൾ ഹാ​ൻ​ഡ് ബ്രേ​ക്കി​ൽ​നി​ന്നു വ​ഴു​തി. നൂ​റ്റ​ഞ്ചി​നും മു​ക​ളി​ലേ​ക്ക് ഓ​ടി​ക്ക​യ​റു​ന്ന സ്പീ​ഡോ​മീ​റ്റ​റും മു​ന്നി​ലെ കൊ​ടും​വ​ള​വു മാ​ത്രം ഞാ​ൻ അ​വ​സാ​ന​മാ​യി ക​ണ്ടു. അ​വ​ളു​ടെ ചു​വ​ടു​വെ​പ്പു​ക​ൾ പാ​താ​ള​മാ​ർ​ഗ​ത്തി​ലാ​ണെ​ന്നു ടോ​മി​ച്ച​​ന്റെ പി​റു​പി​റു​ക്ക​ലു​ക​ളും.