മൊഗാദിശു: ദക്ഷിണ പടിഞ്ഞാറന്‍ സോമാലിയയിലെ ആഫ്രിക്കന്‍ യൂനിയന്‍ സൈനിക കേന്ദ്രത്തില്‍ തീവ്രവാദി ആക്രമണം. അല്‍ഖാഇദ ബന്ധമുള്ള അശ്ശബാബ് തീവ്രവാദികളാണ് ചാവേറാക്രമണം നടത്തി. നിരവധി സൈനികര്‍ കൊല്ലപ്പെടുകയും ഒട്ടേറെ സൈനികര്‍ക്ക് പരിക്കേല്‍ക്കുകയും ചെയ്തിട്ടുണ്ടെന്ന് സോമാലിയന്‍ സൈന്യം അറിയിച്ചു.
കെനിയ, ഇത്യോപ്യ എന്നീ രാജ്യങ്ങളുമായി അതിര്‍ത്തി പങ്കിടുന്ന ഗെദോ പ്രദേശത്താണ് തീവ്രവാദികള്‍ ആക്രമണം നടത്തിയത്. 63 കെനിയന്‍ ക്രിസ്ത്യന്‍ സൈനികരെ കൊലപ്പെടുത്തിയെന്ന് അശ്ശബാബ് വക്താവ് അബ്ദിയാസിസ് അബു മുസാബ് അവകാശപ്പെട്ടു.
എന്നാല്‍, കൊല്ലപ്പെട്ടവരുടെ എണ്ണം ഒൗദ്യോഗികമായി പുറത്തുവിട്ടിട്ടില്ല.
കേന്ദ്രത്തില്‍ തീവ്രവാദികളും സൈന്യവും തമ്മിലുള്ള പോരാട്ടം തുടരുകയാണെന്ന് സൈനിക വൃത്തങ്ങള്‍ അറിയിച്ചു. ഇതേ സംഘടന നേരത്തെയും സോമാലിയയില്‍ നിരവധി ആക്രമണങ്ങള്‍ക്ക് നേതൃത്വം നല്‍കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.